ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

Պուտինը Դումային ներկայացրել Է Բաց երկնքի պայմանագրից ՌԴ-ի դուրս գալու մասին օրինագիծը |armenpress.am|

armenpress.am: Նախագահ Վլադիմիր Պուտինը Դումային ներկայացրել Է Ռուսաստանի Դաշնության կողմից Բաց երկնքի պայմանագրի (ԲԵՊ) դենոնսացիայի մասին թիվ 1168313-7 օրինագիծը: Օրինագիծը հայտնվել Է Դումայի բազայում։ Մայիսի 5-ին վարչապետ Միխայիլ Միշուստինը ստորագրել Է կառավարության որոշումը այդ պայմանագրի դենոնսացիայի մասին առաջարկությունը նախագահին ներկայացնելու վերաբերյալ: Առաջարկվել Է, որ այն բանից հետո, երբ կառավարությունը ԲԵՊ-ի դենոնսացիայի մասին օրինագիծը ներկայացնի նախագահին, փաստաթուղթը կհանձնեն Պետական Դումա: Մայիսի 9-ին Պուտինը արտաքին գործերի փոխնախարար Սերգեյ Ռյաբկովին նշանակել Է Դումայում եւ Դաշնության խորհրդում այդ օրինագիծը քննարկելիս նախագահի ներկայացուցիչ: Բաց երկնքի պայմանագիրն ստորագրվել Է (ԲԵՊ, The Treaty on Open Skies) 1992 թվականի մարտի 24-ին Հելսինկիում՝ Եվրոպայի անվտանգության եւ համագործակցության կազմակերպության (ԵԱՀԿ) 23 անդամ-պետությունների ներկայացուցիչների կողմից: Ռուսաստանը պայմանագիրը վավերացրել Է 2001 թվականի մայիսի 26-ին: Մասնակից երկրներն իրավունք են ստանում թռչել միմյանց տարածքների շուրջը՝ ռազմական գործունեությունը վերահսկելու նպատակով: 2020 թվականի նոյեմբերին ԱՄՆ-ը դուրս Է եկել ԲԵՊ-ից: 2021 թվականի հունվարին նմանօրինակ ընթացակարգ սկսելու մասին հայտարարել Է Ռուսաստանի ԱԳ նախարարությունը: Մոսկվան իր վերադարձը համաձայնագրին հնարավոր Է համարել, եթե նույն բանն անի Վաշինգտոնը, սակայն ապրիլի վերջին ԱԳՆ-ում արձանագրել են, որ ամեն բան ընթանում Է դեպի պայմանագրի վերացում, եւ հավելել, որ Ռուսաստանում ԲԵՊ-ի դենոնսացիայի ընթացակարգը կավարտվի մինչեւ մայիսի վերջը, հաղորդել Է «Ինտերֆաքս»-ը:

13:19 - 11 մայիսի, 2021

Նախնական տվյալներով Կազանի դպրոցում տեղի ունեցած հրաձգության զոհ է դարձել ինը մարդ, որոնցից ութը երեխա են |1lurer.am|

1lurer.am: Ռուսաստանի Դաշնության Կազան քաղաքի դպրոցներից մեկում հրաձգություն է տեղի ունեցել, որի հետևանքով, ըստ այս պահի տվյալների, մահացել է ինը մարդ՝ մեկ ուսուցիչ և ութ աշակերտ: Այս մասին հայտնել են շրջանի արտակարգ իրավիճակների ծառայությունից, փոխանցում է РИА Новости-ն: Ավելի վաղ հայտարարվել էր, որ անհայտ անձը կրակ է բացել կրթօջախի հարևանությամբ, այնուհետև պայթյուն է որոտացել: Նախնական տվյալներով՝ կրակել է անչափահասը, որը բերման է ենթարկվել: Դպրոցում տարհանում է իրականացվել: Դեպքի վայր է ժամանել շտապօգնության 21 մեքենա: Այնտեղ են մեկնել նաև Թաթարստանի նախագահը, առողջապահության նախարարն ու շրջանի դատախազը:

12:15 - 11 մայիսի, 2021

Որոշ խմբեր փորձում են մոլորեցնել ՀՀ քաղաքացիներին՝ նրանց առաջարկելով հյուպատոսական «միջնորդական ծառայություններ»․ ՌԴ-ում ում ՀՀ դեսպանություն |tert.am|

tert.am: Ռուսաստանում ՀՀ դեսպանությունը զգուշացնում է, որ որոշ անձինք կամ խմբեր փորձում են մոլորեցնել ՀՀ քաղաքացիներին՝ նրանց առաջարկելով, այսպես կոչված, «միջնորդական ծառայություններ»։ Դեսպանությունը Facebook-ի պաշտոնական էջում տարածած հաղորդագրության մեջ կոչ է անում հյուպատոսական ծառայությունների մատուցման հարցում չվստահել միջնորդներին։ «Դեսպանությունը պարբերաբար տեղեկատվություն է ստանում որոշ անձանց, առանձին խմբերի կողմից քաղաքացիներին մոլորեցնելու փորձերի մասին, որոնք հյուպատոսական ծառայությունների մատուցման հետ կապված առաջարկում են այսպես կոչված «միջնորդական ծառայություններ»։ Խաբեբաների զոհը չդառնալու համար խնդրում ենք քաղաքացիներին չվստահել որպես «միջնորդ» հանդես գալ փորձող մարդկանց: Նշենք, որ հավաքագրված բոլոր տեղեկությունները, քաղաքացիներից ստացված տեղեկությունները դիվանագիտական ներկայացուցչությունը տրամադրում է համապատասխան մարմիններին»,- ասված է դեսպանության գրառման մեջ։ Նշվում է, որ հյուպատոսական ծառայությունների համար պետական տուրքերի դրույքաչափերը սահմանված են ՀՀ կառավարության կողմից և հրապարակված են ՀՀ ԱԳՆ կայքէջում (mfa.am), ՌԴ-ում ՀՀ դեսպանության կայքէջում (russia.mfa.am), ինչպես նաև Մոսկվայում դիվանագիտական ներկայացուցչության հյուպատոսական բաժնի կայքում (armconsul.ru): Նշվում է նաև, որ ծառայությունների համար սահմանված տուրքերը վերջնական են և չեն ենթադրում ծառայության համար որևէ այլ վճար: «Խնդրում և կոչ ենք անում վերոնշյալ դեպքերի վերաբերյալ տեղեկատվություն ունեցող կամ հյուպատոսական տուրքի չարաշահման դեպքերին առերեսված քաղաքացիներին անհապաղ կապվել մեզ հետ»,- հավելում է ՌԴ-ում ՀՀ դեսպանությունը։

17:06 - 10 մայիսի, 2021

Իր իշխանության օրոք Հոկտեմբերի 27 տեղի ունեցավ, այդ կրակը մինչև հիմա խեղդում է ժողովրդին․ Միքայելյանը՝ Քոչարյանի մասին |armtimes.com|

armtimes.com: «Իր իշխանության օրոք կրակ տեղի ունեցավ Հայաստանում, եղավ Հոկտեմբերի 27-ը, կրակը կյանքեր տարավ, ու այդ կրակի ծխից մինչև հիմա մեր ժողովուրդը խեղդվում է»։ Այսօր ԱԺ-ում լրագրողների հետ զրույցում նշեց «Իմ քայլ»-ի պատգամավոր Սասուն Միքայելյանը՝ անդրադառնալով Ռոբերտ Քոչարյանի՝ քաղաքականություն վերադառնալու և ընտրություններին մասնակցելու մասին հարցին։ Միքայելյանը նշեց՝ Քոչարյանի կառավարման օրոք զրկանքներ է կրել․ «Բանտում եմ եղել իր օրոք։ Ինքը պետք է հիշի իր արածը ժողովրդի նկատմամբ։ Հետո նոր նման հայտարարություններ անի»,- նշեց պատգամավորը՝ խոսելով Ռոբերտ Քոչարյանի այն հայտարարության մասին, թե այս իշխանություններին քիչ օրեր են մնացել։ Լրագրողների այն դիտարկմանը, որ Քոչարյանը նշում է՝ այս իշխանությունների օրոք եղել է պատերազմը, Սասուն Միքայելյանն ասաց՝ պատերազմը մեկ օրվա բան չէ․«Պատերազմը տարիների հարց է։ Սպարապետից հետո անպատրաստ ենք եղել պատերազմին՝ մինչև այս իշխանությունները։ Եթե խոսում են Հադրութից ու Շուշիից, կարող էին իրենց լափած գումարներով Հադրութից մինչև Շուշի թունել անցկացնեին»։ Սասուն Միքայելյանը՝ շեշտեց, որ ինքը չի ասել, թե Նիկոլ Փաշինյանը կամ հենց ինքը մեղավոր չէ․ «Բայց չի կարելի բարդել անցած տարիների չարած գործն այս տարիների վրա։ Նախորդ բոլոր նախագահները, եթե պատկերացնում ու հասկանում էին, որ բանակցային փուլով ոչ մի հարց չի լուծվելու, ապա պետք է գնային այլ ճանապարհով կամ պատրաստվեին պատերազմի»,- ասաց պատգամավորը։ Հարցին՝ ընտրությունները հաղթելու գործընթացում ինչպե՞ս է գնահատում Ռոբերտ Քոչարյանի շանսերը, Միքայելյանը պատասխանեց․ «Եթե ժողովուրդը պետք է հետ բերի Քոչարյանին, չգիտեմ։ Այս ազգը պետք է արհավիրքներից հեռու մնա։ Մենք պատերազմ ենք տեսել, հող ենք տվել, բայց ես չեմ հուսահատվում։ Հողերը մեկ օր կրկին մերը կլինեն։ Դժբախտությունը մեր այն է, որ ժողովրդին տարբեր սխալ տեղեկություններ են տալիս, ժողովուրդն էլ անորոշության մեջ է։ Դրա համար մեզ պետք է սառը դատել ու առաջ գնալ։ Ես չեմ ընդունում պարտությունը, պատրաստ եմ նորից հաղթելու»,- եզրափակեց պատգամավորը։

15:22 - 10 մայիսի, 2021

Լավրովը Բաքվում կհանդիպի Ալիևի և Բայրամովի հետ. կքննարկվի Լեռնային Ղարաբաղում տիրող իրավիճակը |tert.am|

tert.am: Ռուսաստանի արտգործնախարար Սերգեյ Լավրովը մայիսի 10-11-ն Ադրբեջան կատարելիք աշխատանքային այցի շրջանակում հանդիպումներ կունենա երկրի նախագահ Իլհամ Ալիևի և ԱԳ նախարար Ջեյհուն Բարամովի հետ: Այս մասին հայտնում է ՏԱՍՍ գործակալությունը` հղում անելով ՌԴ ԱԳՆ հայտարարությանը:«Հատուկ ուշադրություն կդարձվի Ռուսաստանի, Ադրբեջանի և Հայաստանի առաջնորդների` 2020 թվականի նոյեմբերի 9-ի և 2021 թվականի հունվարի 11-ի համատեղ հայտարարությունների իրագործմանը: Նախատեսվում է քննարկել Լեռնային Ղարաբաղում տիրող իրավիճակը, ղարաբաղյան հակամարտության կարգավորման հումանիտար հայեցակետերը, հետպատերազմական վերականգնմանը և խաղաղ կյանքի հաստատմանն առնչվող հարցերը»,- ասվում է գերատեսչության հաղորդագրության մեջ:

13:05 - 10 մայիսի, 2021

Մոսկվայում տեղի է ունեցել Հայրենական մեծ պատերազմում հաղթանակի 76-ամյակին նվիրված ռազմական շքերթ |1lurer.am|

1lurer.am: Մոսկվայում տեղի է ունեցել Հայրենական մեծ պատերազմի հաղթանակի 76-ամյակին նվիրված ռազմական շքերթ: Մոտ 2 ժամ տևած տոնական շքերթին ներկա է եղել ավելի քան 12,5 հազար մարդ: Կարմիր հրապարակով անցել են 190 միավոր տեխնիկա, 76 ինքնաթիռ և ուղղաթիռ: Կարմիր հրապարակում ելույթ է ունեցել ՌԴ նախագահ Վլադիմիր Պուտինը:

15:00 - 09 մայիսի, 2021

Ռուսաստանը, ԱՄՆ-ն, ՄԱԿ-ը և ԵՄ-ն մտահոգություն են հայտնել Իսրայելում տիրող իրավիճակի կապակցությամբ |tert.am|

tert.am: Մերձավոր Արևելքի կարգավորման քառյակի (Ռուսաստան, ԱՄՆ, ՄԱԿ, Եվրամիություն) անդամները խորապես մտահոգված են Արևելյան Երուսաղեմում տեղի ունեցող ամենօրյա բռնությունների առնչությամբ: Այս մասին ասվում է Ռուսաստանի Դաշնության արտաքին գործերի նախարարության կայքում մայիսի 9-ին հրապարակված հաղորդագրության մեջ, գրում է EADaily լրատվականը:«Քառյակի անդամները խորապես մտահոգված են Արևելյան Երուսաղեմում ամենօրյա բռնություններով, մասնավորապես՝ Պաղեստինցիների և Իսրայելի անվտանգության ուժերի միջև անցյալ գիշեր Տաճարի լեռան վրա տեղի ունեցած բախումներով»,- ասված է հայտարարության մեջ:«Մերձավոր Արևելքի քառյակի» անդամները Իսրայելի իշխանություններին կոչ են արել ցուցաբերել զսպվածություն և հրաժարվել քայլերից, որոնք սպառնում են էլ ավելի սրվել: Քառյակի անդամները նաև մտահոգություն են հայտնել Արևելյան Երուսաղեմից պաղեստինյան ընտանիքների հնարավոր վտարման կապակցությամբ: Նրանք կոչ են արել պահպանել և հարգել Երուսաղեմի սրբավայրերի ստատուս քվոն:

14:26 - 09 մայիսի, 2021

Խաղաղապահները Լեռնային Ղարաբաղում ականազերծել են շուրջ 2 087 հա տարածք |armenpress.am|

armenpress.am: Ռուսաստանի Դաշնության պաշտպանության նախարարության միջազգային ականազերծման կենտրոնի մասնագետները շարունակում են Լեռնային Ղարաբաղում ականազերծման և պայթյունավտանգ իրերի հայտնաբերման ու վնասազերծման աշխատանքները: Այս մասին հայտնում է ՌԴ պաշտպանության նախարարության պաշտոնական կայքը: Ռուս խաղաղապահները մեկ օրվա ընթացքում ականազերծել են 5 հա տարածք, 3 կմ ճանապարհ, 11 շինություն, հայտնաբերել` 2 պայթյունավտանգ առարկա: «Ընդհանուր առմամբ, 2020 թ. նոյեմբերի 23-ից չպայթած զինամթերքից մաքրվել է 2 087 հա տարածք, 643 կմ ճանապարհ, 1 775 շենք-շինություն, այդ թվում՝ 30 սոցիալական նշանակության օբյեկտ, հայտնաբերվել և վնասազերծվել է 25 608 պայթունավտանգ առարկա»,- ասված է հաղորդագրությունում:

11:40 - 08 մայիսի, 2021

ԼՂ-ում ավարտվել է ՌԴ խաղաղապահների համար նախատեսված 30 բլոկ-մոդուլային քաղաքի շինարարությունը |tert.am|

tert.am: Ռուսաստանի Դաշնության զինված ուժերի նյութատեխնիկական մասնագետներն ավարտել են Լեռնային Ղարաբաղում ռուսական խաղաղապահ զորախմբի ռազմական անձնակազմի 30 մոդուլային ճամբարի կառուցումը: Այս մասին տեղեկանում ենք ՌԴ պաշտպանության նախարարության պաշտոնական կայքից: «Շուշի, Կարիկախա, Ջրաբերդ բնակավայրերում ավարտվել է վերջին փուլի բլոկ-մոդուլային քաղաքների կառուցումը»,- ասել է Լեռնային Ղարաբաղի տարածքում շինարարության շտաբի պետ, գեներալ-մայոր Յուրի Խորտը և հավելել՝ ներկայում Լեռնային Ղարաբաղի տարածքում գտնվող ռուսական խաղաղապահ զորախմբի զինծառայողները ունեն բոլոր անհրաժեշտ պայմանները հարմարավետ կյանքի համար, ինչը, անկասկած, կարևոր տարր է հատուկ առաջադրանքներ կատարելու համար: Ընդհանուր առմամբ, ռուս խաղաղապահների՝ Լեռնային Ղարաբաղ տեղափոխվելուց ի վեր, ՌԴ պաշտպանության նախարարության մասնագետները կառուցել են 30 բլոկ-մոդուլային քաղաք, որոնք տեղավորում են 250, 60, 40, 30 և 15 մարդ, ինչպես նաև հրամանատարական կետ և տնակ հրամանատարական անձնակազմի համար:

11:24 - 08 մայիսի, 2021

Արմեն Սարգսյանն աշխատանքային այց կկատարի Մոսկվա

Հայաստանի Հանրապետության նախագահ Արմեն Սարգսյանը մայիսի 8-ից կգտնվի կարճատև արձակուրդում, որը կանցկացնի Մոսկվայում`անձնական միջոցների հաշվին: Ինչպես հայտնեցին ՀՀ նախագահի աշխատակազմի հասարակայնության հետ կապերի վարչությունից, մայիսի 10-ին կմեկնարկի նախագահ Արմեն Սարգսյանի աշխատանքային այցը Մոսկվա, որի շրջանակում նախատեսված են մի շարք հանդիպումներ:

17:50 - 07 մայիսի, 2021

Պուտինն ու Նեթանյահուն քննարկել են Իսրայելի հյուսիսային սահմաններին տեղի ունեցող իրադարձությունները |tert.am|

tert.am: Իսրայելի վարչապետ Բենյամին Նեթանյահուն Ռուսաստանի նախագահ Վլադիմիր Պուտինի հետ քննարկել է երկրի հյուսիսային սահմաններին տեղի ունեցող իրադարձությունները, ինչպես նաև տարածաշրջանային խնդիրներ: Այս մասին տեղեկացնում է «Իզվեստիան»` հղում տալով Նեթանյահուի աշխատակազմին: «Վարչապետ Բենյամին Նեթանյահուն հեռախոսազրույց է ունեցել Ռուսաստանի նախագահ Վլադիմիր Պուտինի հետ: Ղեկավարները քննարկել են հյուսիսային ուղղությամբ վերջին իրադարձությունները և տարածաշրջանային այլ հարցեր»,-ասված է հայտարարության մեջ: Կրեմլի մամուլի ծառայությունը նշել է, որ բանակցությունների ընթացքում պայմանավորվածություններ են ձեռք բերվել շարունակել երկխոսությունն անվտանգության խորհուրդների, ինչպես նաև ռազմական, արտաքին քաղաքական և տնտեսական գերատեսչությունների միջև: Միևնույն ժամանակ, քաղաքական գործիչները քննարկել են երկկողմ համագործակցության արդիական խնդիրները, ինչպես նաև պատրաստակամություն են հայտնել ամրապնդել առևտրատնտեսական փոխգործակցությունը երկրների միջև:

16:58 - 07 մայիսի, 2021

Պետդումայում մեկնաբանել են Փսակիի հնարավոր հրաժարականը |tert.am|

tert.am: Ռուսաստանի Դաշնության Պետդումայի միջազգային հարաբերությունների հանձնաժողովի անդամ Ելենա Պանինան ասել է, որ Սպիտակ տան մամուլի քարտուղարի պաշտոնից Ջեն Փսակիի հնարավոր հեռանալուց հետո ամերիկյան արտաքին քաղաքական հռետորաբանության բովանդակությունը դժվար թե փոխվի, հայտնում է «ՌԻԱ Նովոստի» լրատվական գոչծակալությունը։Պանինայի մեկնաբանման համաձայն՝ Փսակին ամերիկյան դիվանագիտության «անքակտելի մասն» է և Բայդենի նոր վարչակազմի օրոք Պետդեպարտամենտի «ֆիրմային ոճի» անձնավորումը:«Լավ կլինի, որ Փսակիի հեռանալով փոխվի ոչ միայն ամերիկյան արտաքին քաղաքական հռետորաբանության ձևը, այլև բովանդակությունը», - նշել է Պանինան և հավելել, որ այդ հարցում շատ քիչ հույս կա:

13:46 - 07 մայիսի, 2021

ՉԺՀ-ի եւ ՌԴ-ի միջեւ առեւտուրը 19,8 տոկոսով աճել է 2021 թվականի առաջին չորս ամսվա ընթացքում |armenpress.am|

armenpress.am: Չինաստանի մաքսային վիճակագրության տվյալներով՝ Չինաստանի եւ Ռուսաստանի միջեւ ապրանքաշրջանառությունը 2021 թվականի առաջին չորս ամսվա ընթացքում 19,8 տոկոսով աճել Է անցյալ տարվա համապատասխան ժամանակաշրջանի համեմատությամբ՝ կազմելով 40,2 միլիարդ դոլար: Ինչպես մայիսի 7-ին հաղորդել Է ՉԺՀ-ի Գլխավոր մաքսային վարչությունը, ռուսաստանյան արտահանումը Չինաստան այդ ժամանակաշրջանում ավելացել Է 7,7 տոկսով՝ հասնելով 22,1 մլրդ դոլարի, ներմուծումը կազմել Է 18,9 մլրդ դոլար, աճը՝ 38,7 տոկոս: Ապրիլ ամսին Ռուսաստանը Չինաստանից ներկրել Է 5,13 մլրդ դոլար գումարի ապրանք, Չինաստան Է արտահանել 5,67 մլրդ դոլար գումարի ապրանք: Ամսական ապրանքաշրջանառությունը կազմել Է 10,8 մլրդ դոլար: Չին-ամերիկյան առեւտուրը տարվա չորս ամսվա ընթացքում տարեկան հաշվարկով ավելացել Է 61,8 տոկոսով եւ հասել 221,65 մլրդ դոլարի: Չինաստանի արտաքին առեւտրի ընդհանուր ծավալը չորս ամսվա ընթացքում կազմել Է 1,79 տրիլիոն դոլար, աճը 2020 թվականի առաջին չորս ամսվա համեմատությամբ՝ 38,2 տոկոս: Չինաստանի արտահանությունն ավելացել Է 44 տոկոսով՝ կազմելով 973,7 մլրդ դոլար, ներմուծումը՝ 815,79 մլրդ դոլար, աճը՝ 31,9 տոկոսով, հաղորդել Է «Ինտերֆաքս»-ը:

13:40 - 07 մայիսի, 2021

Մեր քաղաքացիների նկատմամբ Ադրբեջանն արդյունավետ հետախուզում չի կարողանում իրականացնել․ մեր ձեռնարկած հակաքայլերը արդյունք են տվել. Արթուր Դավթյան |tert.am|

tert.am: Մեր ամենօրյա աշխատանքի լրջագույն մասն են համարվում գերիների վերադարձի ուղղությամբ աշխատանքները, այդ առումով Ռուսաստանի գլխավոր դատախազն ամբողջությամբ ներգրավված է այս գործընթացում, այսօր լրագրողների հետ հանդիպման ժամանակ ասաց գլխավոր դատախազ Արթուր Դավթյանը: «Այդ խողովակը օգտագործելով՝ հնարավորություն է ընձեռվում և՛ ցուցակների ճշգրտումներ իրականացնել, և՛ հակառակորդի կողմից իրականացված խոշտանգումների, սպանությունների վերաբերյալ հիմնավոր տեղեկություններ փոխանցել, և՛ հստակ իրավական պահանջ դնել, որ դրան պետք է հետևեն իրավական գործընթացներ: Այդ բոլոր փաստական հանգամանքները քրեական գործերով են արձանագրվում: Ապացուցողական բազայի համապատասխան տեղեկատվությունը կիսվում ենք մեր ռուս գործընկերների հետ և նրանց միջնորդությամբ հնարավոր է դառնում նաև ապահովվել նրանց հետևողականությունը, ձևակերպել, արձանագրել, որպեսզի Ադրբեջանը գիտակցի դրա բարձր պատասխանատվությունը»,– ասաց նա: Հարցին, թե թշնամու քանի հրամանատարների նկատմամբ ենք հետախուզում հայտարարել, Դավթյանը պատասխանեց, որ ունենք բազում հետապնդումներ, սակայն այդ մասին այս պահին հրապարակային խոսելն արդարացված չէ: Դիտարկմանը, թե Սեյրան Օհանյանի նկատմամբ, հակառակորդը հետախուզում հայտարարել էր, գլխավոր դատախազը պատասխանեց, որ եթե իրենք խոսում են, մենք չպետք է նույն կերպ վարվենք: «Խնդրին վերաբերվում ենք իրավական հարթության մեջ և մենք մեր աշխատանքի արդյունավետությունը գնահատելով՝ գալիս ենք հետևության, որ դրա մասին հրապարակայնորեն խոսելը չի օգնի, ընդհակառակը՝ կվնասի: Իսկ այն, ինչի մասին իրենք խոսել են կամ այլ եղանակով մեզ հայտնի է դարձել, մենք միշտ հակաքայլերը ձեռնարկել ենք, և այդ հակաքայլերը արդյունք են տվել և նրանք որևէ արդյունավետ հետախուզում մեր քաղաքացիների նկատմամբ չեն կարողանում իրականացնել»: Անդրադառնալով հարցին, թե դավաճանության և լրտեսության մեղադրանքով արդյո՞ք կան գործող կամ նախկին պաշտոնատար անձինք, Դավթյանը նշեց, որ գործով նախկին զինծառայող է անցնում:

12:40 - 07 մայիսի, 2021

ԱՄՆ և ՌԴ հարաբերությունների ձևաչափի մասին որոշումը մնում է Պուտինին. Բլինքեն |armenpress.am|

armenpress.am: Մոսկվայի և Վաշինգտոնի ապագա հարաբերությունների ձևաչափի հետ կապված որոշումը մնում է ՌԴ նախագահ Վլադիմիր Պուտինին: Այդ մասին հայտարարել է ԱՄՆ պետքարտուղար Էնթոնի Բլինքենը՝ ուկրաինական ICTV հեռուստաընկերությանը տված հարցազրույցում: «Մենք կնախընտրեինք առավել կայուն, կանխատեսելի հարաբերություններ Ռուսաստանի հետ: Փաստացի որոշումը մնում է նախագահ Պուտինին: Նա և Ռուսաստանը կարող են իրենց գործողություններով որոշել փորձել ունենալ առավել կանխատեսելի և կայուն հարաբերություններ ԱՄՆ-ի հետ»,- ասել է Բլինքենը:

21:34 - 06 մայիսի, 2021

Վստահ ենք, որ Ադրբեջանից գերիների վերադարձի հարցը առաջիկայում կլուծվի. Լավրով |tert.am|

tert.am: Ռուսաստանը վստահ է, որ առաջիկայում կհաջողվի լուծել Լեռնային Ղարաբաղում հակամարտության ժամանակ գերեվարված անձնաց վերադարձի հարցը: «ՌԻԱ Նովոստի»-ի փոխանցմամբ՝ այս մասին հայտարարել է ՌԴ ԱԳ նախարար Սերգեյ Լավրովը Նիկոլ Փաշինյանի հետ հանդիպմանը:Լավրովն ընդգծել է, որ Ռուսաստանը ԵԱՀԿ Մինսկի խմբի այլ համանախագահների՝ Ֆրանսիայի և ԱՄՆ-ի հետ, շարունակում է կողմ հանդես գալ բոլոր հումանիտար խնդիրների լուծմանը, այդ թվում՝ պահվող անձանց վերադարձի գործընթացն ավարտին հասցնելուն: Շարունակությունը՝ tert.am-ում։

20:10 - 06 մայիսի, 2021