ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

Թրյուդոն և Մերկելը վերահաստատել են իրենց աջակցությունը Ուկրաինայի ինքնիշխանությանը

Ապրիլի 15-ին տեղի է ունեցել Կանադայի վարչապետ Ջասթին Թրյուդոյի ու Գերմանիայի կանցելր Անգելա Մերկելի հեռախոսազրույցը։ Այս մասին տեղեկանում ենք Կանադայի վարչապետի պաշտոնական կայքից։ Ըստ հաղորդագրության՝ պաշտոնյաները քննարկել են միջազգային օրակարգի մի շարք կարևորագույն հարցեր, այդ թվում՝ ռուսական զորքերի տեղաշարժերը Ղրիմում ու Ուկրաինայի արևելյան սահմանին։ Երկու կողմերն էլ վերահաստատել են իրենց աջակցությունը Ուկրաինայի ինքնիշխանությանը, անվտանգությանն ու տարածքային ամբողջականությանը։ Թարգմանությունը՝ Լիլիթ Հարությունյանի

10:54 - 16 ապրիլի, 2021

Ես և Պուտինը անկեղծ ու հարգալից զրույց ենք ունեցել, երկուսս էլ մեծ պատասխանատվություն ունենք մեր հարաբերությունների և գլոբալ անվտանգության տեսանկյունից. Բայդեն |tert.am|

tert.am: ԱՄՆ նախագահ Ջո Բայդենը ՌԴ նախագահ Վլադիմիր Պուտինի հետ վերջին զրույցը որակել է որպես անկեղծ և հարգալից, հաղորդում է ТАСС-ը: «Պուտինի հետ մեր երկրների և մեր անձնական հարաբերությունների բնույթի մասին ենք խոսել: Ես անկեղծ եմ եղել նրա հետ, հարգալից: Զրույցը անկեղծ ու փոխադարձ հարգալից է անցել: Ռուսաստանն ու ԱՄՆ-ը երկու մեծ տերություններ են, որոնցից վրա էլ գլոբալ անվտանգության համար պատասխանատվությունն է դրված»,- նշել է Բայդենը: Ըստ նրա՝ անձամբ իրենք մեծ պատասխանատվություն ունեն երկկողմ հարաբերությունների տեսանկյունից:

09:07 - 16 ապրիլի, 2021

ՌԴ դեսպանները կանչվել են Մեծ Բրիտանիայի և Լեհաստանի ԱԳՆ-ներ |armenpress.am|

armenpress.am: Մեծ Բրիտանիայի արտաքին գործերի նախարարությունը Լոնդոնում Ռուսաստանի դեսպան Անդրեյ Կելինին «Ռուսաստանի թշնամական վարքագծի» հետ կապված կանչել է ԱԳՆ: Այդ մասին ասված է ՄԲ ԱԳՆ-ի կողմից «Ռիա-նովոստի»-ին տրամադրված հայտարարության մեջ: «Մեծ Բրիտանիայի ԱԳՆ-ն ՌԴ դեսպանին Ռուսաստանի թշնամական վարքագծի հետ կապված, այդ թվում կիբերհարձակումների, ժողովրդավարական գհործընթացներին ներգրավվածության, ուկրաինական սահմանին ռազմական ներկայության ուժեղացման ու Ղրիմի անօրինական բռնազավթման հետ կապված խոր մտահոգությամբ կանչել է ԱԳՆ»,- ասված է հայտարարության մեջ: Գործնականում միաժամանակ հայտնի է դարձել, որ Վարշավայում ՌԴ դեսպան Սերգեյ Անդրեեվին կանչել են Լեհաստանի ԱԳՆ: Դիվանագիտական աղբյուրների տեղեկությունների համաձայն, «կանչը կապված է ԱՄՆ-ի կողմից Ռուսաստանի նկատմամբ պատժամիջոցների կիրառման հետ»: Եվս մեկ պատճառ կարող է լինել Ուկրաինայի հարավային սահմանին իրավիճակը:

22:55 - 15 ապրիլի, 2021

ԱՄՆ նախագահ Ջո Բայդենը ստորագրել է ՌԴ-ի դեմ պատժամիջոցների հրամանագիրը |1lurer.am|

1lurer.am: Վաշինգտոնը նոր պատժամիջոցներ է սահմանել Մոսկվայի դեմ, ըստ РИА Новости-ի՝ տեղեկացնում է Սպիտակ տունը: Հունիսի 14-ից ԱՄՆ ֆինանսական հաստատություններին կարգելվի ՌԴ Կենտրոնական բանկից ու Ֆինանսների նախարարությունից պարտատոմսերի ուղիղ գնում իրականացնել: Բացի դրանից՝ Վաշինգտոնը սահմանափակումներ է մտցրել ռուսական վեց տեխնոլոգիական ընկերությունների դեմ, որոնք, ինչպես հայտարարված է, «աջակցություն են ցուցաբերում ռուսական հատուկ ծառայությունների կիբեռծրագրին»: Պատժամիջոցների ցուցակում ընդգրկվել են Ռուսաստանի 32 ընկերություններ ու քաղաքացիներ՝ «ԱՄՆ ընտրություններին միջամտելու համար»: Հակառուսական պատժամիջոցների սահմանումից հետո Մոսկվայում ԱՄՆ դեսպան Ջոն Սալիվանը կանչվել է ՌԴ արտգործնախարարություն: Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

20:17 - 15 ապրիլի, 2021

Կրեմլը հայտարարել Է, որ առաջիկայում հնարավոր չԷ կազմակերպել Պուտինի եւ Բայդենի հանդիպումը |armenpress.am|

armenpress.am: Նախագահներ Վլադիմիր Պուտինի եւ Ջոզեֆ Բայդենի հանդիպումը հնարավոր չԷ կազմակերպել կարճ ժամկետներում, հարցը գտնվում Է ուսումնասիրման փուլում: Այդ մասին հայտնել Է Ռուսաստանի ղեկավարի մամուլի քարտուղար Դմիտրի Պեսկովը:Լրագրողների հետ հանդիպման ընթացքում Պեսկովին հարցրել են ԱՄՆ-ի պետքարտուղար Էնթոնի Բլինքենի հայտարարության մասին, որը նախօրյակին ասել Էր, թե Բայդենը Պուտինին առաջարկել Է հանդիպել «առաջիկա շաբաթներին»:Պատասխանելով այն հարցին, թե խոսք կա արդյոք երկկողմ հանդիպման կամ Կլիմայական գագաթնաժողովի մասին, որն անցկացվելու Է ԱՄՆ-ի նախաձեռնությամբ, Պեսկովն ասել Է. «Ոչ, երկկողմ հանդիպումն, անշուշտ, չի ստացվի այդքան արագ կազմակերպել, հարցն առաջվա պես գտնվում Է վերլուծության փուլում: Սա առաջին: Եվ երկրորդ՝ դե իհարկե, խոսքը, հավանաբար, հաջորդ շաբաթ պլանավորված Կլիմայական գագաթնաժողովի մասին Է»:Նախագահի մամուլի քարտուղարը նշել Է, որ Կլիմայական գագաթնաժողովին ռուսական կողմի մասնակցության հարցը նույնպես գտնվում Է քննարկման փուլում:«Ոչ, առայժմ քննարկվում Է, գտնվում Է քննարկման փուլում»,-ասել Է Պեսկովը, պատասխանելով այն հարցին, թե ընդունվել Է արդյոք համապատասխան որոշում, հաղորդել Է «Ինտերֆաքս»-ը:

17:53 - 15 ապրիլի, 2021

Սպիտակ տունը հայտնել է ԱՄՆ-ից 10 ռուս դիվանագետի արտաքսման մասին |tert.am|

tert.am: ԱՄՆ-ն արտաքսում է Վաշինգտոնում Ռուսաստանի դիվանագիտական առաքելության 10 աշխատակցի: Այս մասին տեղեկացնում է «ՌԻԱ Նովոստի» գործակալությունը` հղում տալով Սպիտակ տանը:«ԱՄՆ-ն արտաքսում է Վաշինգտոնում Ռուսաստանի դիվանագիտական առաքելության 10 աշխատակցի: Աշխատակիցների թվում կան Ռուսաստանի հատուկ ծառայությունների ներկայացուցիչներ», - Սպիտակ տան ասված է հայտարարության մեջ:Ավելի վաղ ՌԴ Դաշնային խորհրդի միջազգային հարցերով հանձնաժողովի նախագահի առաջին տեղակալ Վլադիմիր Ջաբարովը հայտնել էր, որ եթե ԱՄՆ-ն Ռուսաստանի դեմ նոր պատժամիջոցներ կիրառի, Մոսկվան դրանք անպատասխան չի թողնի. եթե դիվանագետները արտաքսվեն, հայելային պատասխանը կհաջորդի համապատասխան դիրքերով:Հիշեցնենք, որ ԱՄՆ-ն նոր պատժամիջոցներ է սահմանել Ռուսաստանի դեմ: Այս մասին տեղեկացնում է «ՌԻԱ Նովոստի» գործակալությունը` հղում տալով Սպիտակ տանը:«Այսօր Բայդենի վարչակազմը գործողություններ է ձեռնարկում ... Ռուսաստանի նկատմամբ` ԱՄՆ ինքնիշխանության և շահերի դեմ նրա կառավարության և հետախուզական ծառայությունների գործողությունների պատճառով», - ասվում է Սպիտակ տան հայտարարության մեջ:

17:01 - 15 ապրիլի, 2021

Թուրքիայում հայտարարել են Ռուսաստանի եւ Ուկրաինայի միջեւ հակամարտության հարցում իրենց չեզոքության մասին |armenpress.am|

armenpress.am: Թուրքիան կողմերից ոչ մեկին չի պաշտպանում ՌԴ-ի եւ Ուկրաինայի միջեւ ստեղծված ճգնաժամում, բայց պատրաստ Է աջակցություն ցուցաբերել դրա կարգավորման ուղղությամբ դիվանագիտական ջանքերին: Այդ մասին հայտարարել Է Թուրքիայի ԱԳ նախարար Մեւլյութ Չավուշօղլուն: «Այժմ խնդիրներ կան Դոնբասում, սակայն առկա են Մինսկի պայմանավորվածությունները: Մենք կողմերին առաջարկում ենք այդ խնդիրը լուծել խաղաղ եւ դիվանագիտական ճանապարհով: Թուրքիան պաշտպանում Է բոլոր երկրների տարածքային ամբողջականությունը՝ Ուկրաինայի, Ռուսաստանի եւ մյուսների: Եվ մենք հարաբերությունները կառուցում ենք ե՛ւ Ռուսաստանի, ե՛ւ Ուկրաինայի հետ: Յուրաքանչյուրի երկրի հետ մեր հարաբերությունները չպետք Է ազդեն մյուս երկրների հետ հարաբերությունների վրա: Ռուսաստանի եւ Ուկրաինայի միջեւ թերիմացության հարցում մենք կողմերից ոչ մեկին չենք պաշտպանում»,-ասել Է Չավուշօղլուն՝ հանդես գալով NTV հեռուստաալիքի եթերում: Նա հավելել Է, որ Թուրքիայի քաղաքականությունը «հստակ Է բոլոր խնդիրների հարցում, այդ թվում՝ Ղրիմի»: «Մենք անկեղծորեն եւ բացեիբաց մեր կարծիքները կիսում ենք երկու կողմերի հետ, մեր քաղաքականությունը կառուցողական Է: Այժմ իրադրության լարվածությունն սկսել Է մեղմանել, ինչը մեզ ուրախացնում Է: Թուրքիան պատրաստ Է ավանդ ներդնել այդ գործընթացում»,-ասել Է թուրք նախարարը: Ուկրաինացի ուժայինները մարտի վերջին հայտարարել են, որ Դոնեցկի մարզի Շումի ավանի մոտ զոհվել Է չորս զինվորական, եւս երկուսը վիրավորվել են: Ուկրաինայի նախագահ Վլադիմիր Զելենսկին հայտարարել Է, որ մոտ ժամանակներս իրադրությունը կքննարկի «նորմանդական քառյակի» (Ուկրաինա, Գերմանիա, Ռուսաստան եւ Ֆրանսիա) ղեկավարների հետ: ՌԴ նախագահի մամուլի քարտուղար Դմիտրի Պեսկովը հայտարարել Է, որ Ռուսաստանը, չհանդիսանալով հակամարտության կողմ, չի կարող ապահովել համապարփակ զինադադարը Դոնբասում, բայց իր ազդեցությունը կօգտագործի համաձայնությունների կատարման համար, հաղորդել Է ՌԻԱ Նովոստին:

16:48 - 15 ապրիլի, 2021

Ադրբեջանը պարտավոր է հայրենիք վերադարձնել բոլոր հայ ռազմագերիներին և այլ պահվող անձանց․ Վալենտինա Մատվիենկոն ասել է Արարատ Միրզոյանին

ԱՊՀ միջխորհրդարանական վեհաժողովի աշխատանքների շրջանակում ՀՀ ԱԺ նախագահ Արարատ Միրզոյանը Սանկտ Պետերբուրգում հանդիպել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյին, տեղեկացնում է ԱԺ մամուլի ծառայությունը: Ողջունելով Արարատ Միրզոյանին՝ Վալենտինա Մատվիենկոն կարեւորել է երկկողմ հանդիպումների վերականգնումը՝ չնայած նոր կորոնավիրուսային համավարակին: ԴԽ խոսնակը գոհունակություն է հայտնել երկու խորհրդարանների միջեւ առկա երկխոսության վերաբերյալ եւ վստահություն է հայտնել, որ տարբեր ձեւաչափերով փոխգործակցությունը համավարակի հաղթահարմանը զուգահեռ էլ ավելի կակտիվանա: Վալենտինա Մատվիենկոն կարեւորել է Լեռնային Ղարաբաղում ռազմական գործողությունների դադարեցման մասին եռակողմ հայտարարության ընդունումը եւ հակամարտության գոտում ռուս խաղաղապահների ներկայությունը, ինչը կրակի դադարեցման ռեժիմի ապահովման կարեւորագույն գրավական է: Նա վերահաստատել է ռուսական կողմի տեսակետը, որ ադրբեջանական կողմը պարտավոր է հայրենիք վերադարձնել բոլոր ռազմագերիներին եւ այլ պահվող անձանց: Անդրադարձ կատարելով ԱՊՀ ՄԽՎ գործունեությանը՝ Մատվիենկոն բարձր է գնահատել կազմակերպությունում հայ պատգամավորների աշխատանքի արդյունավետությունը: Շնորհակալություն հայտնելով ընդունելության համար՝ Արարատ Միրզոյանն իր հերթին նշեց, որ Հայաստանի եւ Ռուսաստանի ռազմավարական բնույթ կրող հարաբերությունները շարունակում են կայուն զարգացում ապրել տարբեր ոլորտներում:Նա իր ռուս գործընկերոջը ներկայացրել է նոյեմբերի 9-ի եռակողմ հայտարարության ստորագրումից հետո արցախյան հակամարտության շուրջ առկա իրավիճակը՝ բարձրացնելով Ադրբեջանի կողմից հայ ռազմագերիներին եւ այլ պահվող անձանց անհապաղ հայրենիք վերադարձնելու հարցի կարեւորությունը: ԱԺ նախագահը հավելել է, որ ադրբեջանական կողմի նման քայլերն անբարենպաստ մթնոլորտ են ստեղծում տարածաշրջանային ենթակառուցվածքների վերաբացման ուղղությամբ տարվող աշխատանքների համար: Կողմերը քննարկման ընթացքում համաձայնություն են ձեռք բերել Հայաստանում սպասվող արտահերթ խորհրդարանական ընտրություններում ԱՊՀ ՄԽՎ դիտորդական առաքելության իրականացման վերաբերյալ:Հանդիպման ավարտին Արարատ Միրզոյանը Վալենտինա Մատվիենկոյին շնորհել է Ազգային ժողովի ոսկե մեդալ՝ երկու երկրների միջխորհրդարանական կապերի ամրապնդման եւ Մարալ Նաջարյանին ադրբեջանական գերությունից ազատման գործում ունեցած կարեւորագույն ներդրման համար:

16:01 - 15 ապրիլի, 2021

Կրեմլը մեկնաբանել է ՌԴ-ի պետական պարտքի դեմ ԱՄՆ-ի հնարավոր պատժամիջոցները |tert.am|

tert.am: Կրեմլը դատապարտում և անօրինական է համարում ցանկացած պատժամիջոցների ձգտումը: Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է «ՌԻԱ Նովոստի» գործակալությունը:Այսպես նա արձագանքել է ամերիկյան ԶԼՄ-ների հաղորդագրություններին ԱՄՆ-ի կողմից հնարավոր նոր հակառուսական սահմանափակումների մասին, ներառյալ սուվերեն պարտքի դեմ սահմանափակումները:«Հասկանալի է, որ առանց կրակ ծուխ չկա: Եվ, ամենայն հավանականությամբ, խոսքն ինչ-որ «արտահոսքերի» մասին է, այժմ, իհարկե, մենք ոչինչ չենք մեկնաբանի թերթերի հաղորդագրություններով, մենք դեռ կսպասենք, եթե ինչ-որ հստակ որոշումներ հայտարարվեն»,- ասել է Պեսկովը լրագրողներին:Նա նաև նշել է, որ Մոսկվան չի ցանկանա, որ Վաշինգտոնի հետ հարաբերությունները կառուցվեն լենինյան «մեկ քայլ առաջ, երկու քայլ հետ» բանաձևի սկզբունքով:«Ամեն դեպքում, այս հարցում գործում է փոխադարձության սկզբունքը ՝ որպեսզի մենք ավելի լավ ապահովենք մեր սեփական շահերը», - եզրափակել է Կրեմլի խոսնակը:Չորեքշաբթի Bloomberg-ը հայտնել էր, որ Վաշինգտոնը մտադիր է 12 ռուսաստանցու և 20 ռուսական կազմակերպություն ներառել սև ցուցակում և 10 ռուսաստանցի դիվանագետի վտարել: Որպես պատճառ նշվել են կիբերհարձակումներն ու ընտրությունների ժամանակ Մոսկվային վերագրվող միջամտությունները: Ռուսաստանը բազմիցս հերքել է այս մեղադրանքները:

15:50 - 15 ապրիլի, 2021

Մատվիենկոն ԼՂ հակամարտության կողմերին կոչ է արել զերծ մնալ կոշտ հայտարարություններից և պահպանել փխրուն խաղաղությունը |tert.am|

tert.am: ՌԴ Դաշնային խորհրդի նախագահ Վալենտինա Մատվիենկոն Լեռնային Ղարաբաղի հակամարտության կողմերին կոչ է արել զերծ մնալ կոշտ հայտարարություններից և աջակցել հաստատված փխրուն խաղաղությանը՝ շարժվելով դեպի տարածաշրջանում իրավիճակի վերջնական կարգավորում: Այս մասին գրում է ՏԱՍՍ գործակալությունը:«Հիմա գլխավորը` զերծ մնալ ցանկացած կոշտ հայտարարություններից, աջակցել ձևավորված փխրուն, բայց և այնպես խաղաղությանը և շարժվել դեպի վերջնական կարգավորում ու լարվածության վերացում տարածաշրջանում»,-ասել է Մատվիենկոն Հայաստանի Ազգային ժողովի նախագահ Արարատ Միրզոյանի հետ հանդիպման ժամանակ, որը տեղի է ունեցել Սանկտ Պետերբուրգում` ԱՊՀ միջխորհրդարանական վեհաժողովի շրջանակում:«Դա անհրաժեշտ է ոչ միայն Հայաստանին, Ադրբեջանին, անհրաժեշտ է Ռուսաստանին, անհրաժեշտ է բոլոր տարածաշրջանային պետություններին», - ավելացրել է նա:Դաշնային խորհրդի նախագահը նշել է այն կարևոր դերակատարությունը, որն այժմ խաղում են ռուս խաղաղապահները:«Մեր խաղաղապահները ոչ միայն իրականացնում են իրենց առաքելությունը, այլ նաև աջակցություն են ցուցաբերում, ապահովում փախստականների վերադարձի անվտանգությունը երկու կողմերից, աջակցում են ենթակառուցվածքների, ավերված տների վերականգնմանը և արձագանքում բոլոր խնդրանքներին», -ասել է նա:«Գլխավորն այն է, որ արյունահեղությունը դադարեցված է, երկխոսությունը տեղափոխվել է խաղաղ քաղաքական դաշտ: Սա առողջ բանականության հաղթանակ է: Հիմա շատ կարևոր է շարունակել նույն երկխոսությունը` մնացած սուր խնդիրները քայլ առ քայլ հանելու համար: Դրանք իհարկե գոյություն ունեն», -ասել է նա:

14:25 - 15 ապրիլի, 2021

ԱՄՆ-ը մտադիր է ՌԴ-ի դեմ պատժամիջոցներ կիրառել կիբեռհարձակումների պատճառով. Ռուսաստանն արձագանքել է |1lurer.am|

1lurer.am: Միացյալ Նահանգների կառավարությունը մտադիր է պատժամիջոցներ կիրառել Ռուսաստանի նկատմամբ՝ տեղեկացնում է BBC-ն: ԱՄՆ իշխանությունների որոշումը պայմանավորված է Միացյալ Նահանգների դեմ ուղղված կիբեռհարձակումներով՝ ներառյալ 2020-ին անցկացված նախագահի ընտրություններին ենթադրյալ միջամտությունը: Հինգշաբթի ակնկալվող պատժամիջոցները թիրախավորում են Ռուսաստանի ավելի քան 30 իրավաբանական անձանց և ներառում են առնվազն 10 անձի վտարումն ԱՄՆ-ից: Ակնկալվում է նաև, որ ԱՄՆ նախագահը հրամանագիր կստորագրի, որով ամերիկյան ֆինանսական հաստատություններին հունիսից կարգելվի ռուբլով տրվող պարտատոմսերի գնումը: Ռուսաստանի նախագահի հետ հեռախոսազրույցի ժամանակ ԱՄՆ նախագահ Ջո Բայդենը նշել էր, որ երկրի ազգային շահերի պաշտպանության հարցում ԱՄՆ-ը խիստ է գործելու: Մոսկվան բազմիցս հերքել է Ռուսաստանի դեմ ԱՄՆ-ի հնչեցրած կիբեռհարձակումների մեղադրանքը: ՌԴ արտգործնախարարության պաշտոնական ներկայացուցիչ Մարիա Զախարովան նշել է, որ դրա համար ապացույցներ չկան, իսկ ՌԴ նախագահի մամուլի քարտուղար Դմիտրի Պեսկովն ընդգծել է, որ Ռուսաստանը երբեք առնչություն չի ունեցել կիբեռհանցագործության հետ:

12:34 - 15 ապրիլի, 2021

ԵԱՀԿ-ն հայտարարել է Դոնբասի շփման գծում գնդակոծությունների ակտիվացման մասին |armenpress.am|

armenpress.am: Ուկրաինայում ԵԱՀԿ-ի Հատուկ մոնիթորինգային ներկայացուցչությունը (ՀՄՆ) վերջին շաբաթներին կրակային ակտիվության սրում է գրանցում Դոնբասի շփման գծի երկայնքով: Այդ մասին, ինչպես տեղեկացնում է ՌԻԱ Նովոստիին հաղորդել են ներկայացուցչությունում: «Այս վերջին շաբաթներին կրակային ակտիվության սրում է դիտվում շփման գծի երկայնքով: Մարտի 22-ից մինչեւ ապրիլի 4-ը ՀՄՆ-ն հրադադարի ռեժիմի 3922 խախտում է գրանցվել նախորդ երկշաբաթյա ժամանակաշրջանում գրանցված 1260 խախտման համեմատությամբ: Բռնության մակարդակը հատկապես բարձր է եղել ապրիլի 2-ին եւ 3-ին, երբ Ներկայացուցչությունը գրանցել է հրադադարի ռեժիմի՝ համապատասխանաբար 1170 եւ 1355 խախտում»,-հայտնել են ներկայացուցչությունում: ԶԼՄ-ների տվյալներով՝ բռնության այդ սաստկացումն ընդհանուր առմամբ հակադրվում է 2020 թվականի հուլիսի 27-ին ուժի մեջ մտած հրադադարի ռեժիմի խստացման միջոցառումների համաձայնեցումից հետո ընկած ժամանակաշրջանին: «Օրինակ, 2020 թվականի հունվարի 1-ից մինչեւ հուլիսի 26-ն ընկած ժամանակաշրջանում ՀՄՆ-ն մեկ ամսում գրանցել է հրադադարի ռեժիմի 411-ից մինչեւ 752 խախտում: Իսկ ահա 2020 թվականի հուլիսի 27-ից մինչեւ 2021 թվականի մարտի 31-ը, Ներկայացուցչության դիտարկումներով, ամսական ցուցանիշը տատանվել է 20-ից մինչեւ 107 խախտման սահմաններում»,-ճշտել են դիտորդական ներկայացուցչությունում: ԵԱՀԿ-ի մշտական խորհուրդը երկարացրել է Ուկրաինայում կազմակերպության Հատուկ մոնիթորինգային ներկայացուցչության մանդատը մինչեւ 2022 թվականի մարտի 31-ը:

12:23 - 15 ապրիլի, 2021

Հայաստանը Ռուսաստանի առանցքային դաշնակիցն է Անդրկովկասում. ՌԴ ԶՈՒ ԳՇ պետ |1lurer.am|

1lurer.am: ՌԴ զինված ուժերի գլխավոր շտաբի պետ, բանակի գեներալ Վալերի Գերասիմովը բանակցություններ է վարել Հայաստանի ԶՈՒ գլխավոր շտաբի պետ Արտակ Դավթյանի հետ՝ փոխանցում է РИА Новости-ն: «Ուրախ եմ ողջունել Ձեզ Մոսկվայում: Հայաստանը Ռուսաստանի առանցքային գործընկերն է Անդրկովկասում»,- բանակցությունների մեկնարկին հայտարարել է ՌԴ զինված ուժերի գլխավոր շտաբի պետը: Վալերի Գերասիմովն ընդգծել է, որ երկրների համագործակցությունն ամրապնդվում է թե՛ երկկողմ հիմքով և թե՛ միջազգային կառույցների, նախևառաջ ՀԱՊԿ-ի շրջանակում: Նրա խոսքով՝ բարձր մակարդակի երկկողմ հարաբերությունների ցուցիչը Հայաստանի տարածքում գործող ռուսական 102-րդ ռազմաբազան է: «Մենք շարունակում ենք որակյալ կադրեր պատրաստել Ռուսաստանի պաշտպանության նախարարության բուհերում»,- նշել է Վալերի Գերասիմովը: Նա նաև հավելել է, որ Հայաստանում կորոնավիրուսի համավարակի ժամանակ օգնություն է ցուցաբերվել հայ զինծառայողների ախտորոշման հարցում: Ընդհանուր առմամբ՝ անցկացվել է ավելի քան 22 հազար հետազոտություն: ՀՀ ՊՆ ներկայացուցիչներն ամեն տարի մասնակցում են Ռուսաստանի պաշտպանության նախարարության լայնածավալ միջոցառումներին, և պատվիրակությունները մշտապես ներկայացվում են բարձր մակարդակով»,- ասել է Գերասիմովը: ՌԴ զինված ուժերի գլխավոր շտաբի պետը նշել է, որ այս տարի անցկացվում են միջազգային անվտանգության թեմայով մոսկովյան 9-րդ համաժողով, միջազգային բանակային խաղեր և «Բանակ-2021» միջազգային ռազմատեխնիկական ֆորում: «Այս միջոցառումներում ակնկալում ենք ՀՀ զինված ուժերի պատվիրակությունների և թիմերի, ինչպես նաև ստորաբաժանման մասնակցությունը «Արևմուտք-2021» ռազմավարական հրամանատարաշտաբային զորավարժություններին»,- հայտարարել է ՌԴ ԶՈՒ ԳՇ պետը: «Այսօր մենք հնարավորություն ունենք քննարկելու պաշտպանական ոլորտում երկկողմ համագործակցության արդիական հարցերը»,- ամփոփել է Վալերի Գերասիմովը:

11:34 - 15 ապրիլի, 2021

Խաղաղապահները Լեռնային Ղարաբաղում ապահովում են գյուղատնտեսական աշխատանքների անվտանգ իրականացումը |armenpress.am|

armenpress.am: Լեռնային Ղարաբաղում ռուսաստանյան խաղաղապահներն ապահովում են գյուղատնտեսական աշխատանքների անվտանգ իրականացումը: Այս մասին հաղորդում է ՌԴ ՊՆ պաշտոնական կայքը: Պաշտպանության նախարարությունը նշում է, որ Լեռնային Ղարաբաղի բնակիչները շարունակում են գյուղատնտեսական աշխատանքներ իրականացնել ռուս խաղաղապահների կողմից պայթյունավտանգ առարկաներից մաքրված դաշտերում: «Գործնականում ցանքի շրջանն արդեն ավարտվում է: Այս տարի խաղաղապահների շնորհիվ այն կազմակերպվեց առանց խափանումների: Մենք կարողացանք կարգավորել երկու կողմերի հարաբերությունները, պայմանավորվել, որ ցանքի շրջանը շփման գոտու հարակից տարածքում կանցնի առանց խափանումների: Բոլոր խնդիրները, որոնք դրված էին, կատարվել են, հուսով ենք, որ աշնանը, մեր օգնությամբ, տեղի բնակչությունը կստանա արժանի և լավ բերք»,- նշել է Ռուսաստանյան խաղաղապահ առաքելության զորախմբի ղեկավարի տեղակալ գեներալ-մայր Սերգեյ Ժմուրինը:

10:28 - 15 ապրիլի, 2021

Բայդենի և Պուտինի հեռախոսազրույցը կառուցողական է ստացվել. Սպիտակ տուն |armenpress.am|

armenpress.am: Սպիտակ տունը հայտարարել է, որ ԱՄՆ նախագահ Ջո Բայդենի և Ռուսաստանի Դաշնության նախագահ Վլադիմիր Պուտինի միջև տեղի ունեցած հեռախոսազրույցը կառուցողական է ստացվել: Ինչպես հայտնում է ՌԻԱ Նովոստին, այս մասին ճեպազրույցում նշել է Սպիտակ տան մամուլի խոսնակ Ջեն Փսակին: «Նախագահ Բայդենի մոտ երեկ կառուցողական հեռախոսազրույց է ստացվել Վլադիմիր Պուտինի հետ»,- նշել է Սպիտակ տան մամուլի խոսնակը: Նա ևս մեկ անգամ ընդգծել է, որ Վաշինգտոնը ձգտում է Մոսկվայի հետ կայուն և կանխատեսելի հարաբերություններ հաստատել:

22:07 - 14 ապրիլի, 2021

Խաղաղապահներն Արցախում ականազերծել են շուրջ 1979 հա տարածք |armenpress.am|

armenpress.am: Ռուսաստանի Դաշնության պաշտպանության նախարարության միջազգային ականազերծման կենտրոնի մասնագետները շարունակում են Լեռնային Ղարաբաղում ականազերծման և պայթյունավտանգ իրերի հայտնաբերման ու վնասազերծման աշխատանքները: Այս մասին հայտնում է ՌԴ պաշտպանության նախարարության պաշտոնական կայքը: Ռուս խաղաղապահները մեկ օրվա ընթացքում ականազերծել են 10 հա տարածք, 4 կմ ճանապարհ, 7 շինություն, հայտնաբերել և վնասազերծել՝ 7 պայթյունավտանգ առարկա: «Ընդհանուր առմամբ, 2020 թ. նոյեմբերի 23-ից չպայթած զինամթերքից մաքրվել է 1 979 հա տարածք, 612 կմ ճանապարհ, 1 707 շենք-շինություն, այդ թվում՝ 30 սոցիալական նշանակության օբյեկտ, հայտնաբերվել և վնասազերծվել է 25 556 պայթունավտանգ առարկա»,- ասված է հաղորդագրությունում:

21:04 - 14 ապրիլի, 2021