Ալեքսանդր Լուկաշենկո

Առաջիկա ամիսներին Ռուսաստանը Բելառուսին կհանձնի «Իսկանդեր-Մ» հրթիռային համակարգեր․ Պուտին |tert.am|

tert.am: Առաջիկա ամիսներին Ռուսաստանի Դաշնությունը Բելառուսին կփոխանցի «Իսկանդեր-Մ» համալիրները, որոնք կարող են կիրառել ինչպես բալիստիկ, այնպես էլ թևավոր հրթիռներով։ Այս մասին հայտարարել է ՌԴ նախագահ Վլադիմիր Պուտինը, հայտնում է «ՏԱՍՍ»-ը։ «Ինչպես պայմանավորվել էինք, մենք առաջիկա մի քանի ամիսներին Բելառուսին «Իսկանդեր-Մ» մարտական հրթիռային համակարգեր կփոխանցենք, որոնք, ինչպես գիտեք, կարող են կիրառվել և՛ բալիստիկ, և՛ թևավոր հրթիռներով, ընդ որում՝ սովորական և միջուկային տարբերակով»,- ասել է Պուտինը։

21:26 - 25 հունիսի, 2022

Ռուսաստանը Բելառուսին $1,5 միլիարդ կտրամադրի՝ ներմուծման փոխարինման ծրագրերի համար․ Լուկաշենկո

Ռուսաստանը $1,5 միլիարդ կտրամադրի Բելառուսին՝ ներմուծման փոխարինման ծրագրերին մասնակցելու համար, ինչպես գրում է ԲելՏԱ լրատվական գործակալությունը, հայտնել է Բելառուսի նախագահ Ալեքսանդր Լուկաշենկոն։ «Նախագահ Պուտինի հետ վերջերս ենք այդպիսի որոշում կայացրել։ Մեր կողմից ռուսաստանցիներին առաջարկել ենք հստակ նածագծեր, որոնք շատ են պետք և մոտակա ժամանակներս պահանջարկ կունենան ոչ միայն Բելառուսում, այլև Ռուսաստանի Դաշնությունում։ Ռուսաստանցիները շուրջ մեկ ու կես միլիարդ դոլար են տրամադրում այս ծրագրերի համար միայն Բելառուսի տարածքում։ Մենք հասկանում ենք, որ առանց ներմուծման փոխարինման [․․․] մեզ համար շատ դժվար կլինի զարգանալը», - ընդգծել է Լուկաշենկոն։ Մայիսի վերջին Ռուսաստանի նախագահ Վլադիմիր Պուտինն ասել էր, որ Բելառուսն ու ՌԴ-ն մի շարք ուղղություններով աշխատելու հնարավորություն ունեն։ «Մենք նախագահ Լուկաշենկոյի հետ […] խոսել ենք այս մասին, նույնիսկ պայմանավորվել ենք առանձին ֆինանսավորում տրամադրել Բելառուսի ներսում այնպիսի նախագծերի իրականացմանը, որոնց արտադրանքը պահանջված կլինի Ռուսաստանում», - ասել էր ՌԴ նախագահը։ Նորա Վանյան

15:44 - 09 հունիսի, 2022

Լուկաշենկոյի խոսքով՝ Մինսկը Կիևին կարող է օգնել հացահատիկի արտահանման հարցում, բայց փոխզիջում է ակնկալում

Բելառուսի նախագահ Ալեքսանդր Լուկաշենկոն հայտարարել է, որ Մինսկը կարող է Ուկրաինային օգնել հացահատիկը բելառուսական տարածքով արտահանելու հարցում, սակայն պետք է փոխզիջում լինի, հայտնում է ՌԻԱ Նովոստին։ «Հիմա բոլորը լոգիստիկա են փնտրում․ իսկ որտե՞ղ, իսկ ինչպե՞ս։ Խնդրեմ, մենք կարող ենք խոսել։ Մենք դեմ չենք․ տարեք Բելառուսի տարածքով, բայց փոխզիջումներ են պետք», - ասել է նա։ Ավելի վաղ ՄԱԿ-ում Ռուսաստանի մշտական ներկայացուցիչ Վասիլի Նեբենզյան ասել էր, որ Ռուսաստանը պատրաստ է ուկրաինական հացահատիկով բեռնված նավերին թույլ տալ դուրս գալ նավահանգիստներից, սակայն Կիևը պետք է ականազերծի Սև ծովը։ Եթե նա անի դա, ապա Ռուսաստանը միջանցք ունի, որը ՌԴ ռազմածովային ուժերը պատրաստ են տրամադրել՝ ապահովելու համար նավերի անվտանգ ելքը նավահանգիստներից։ Նորա Վանյան

15:16 - 03 հունիսի, 2022

Լուկաշենկոյի ռեժիմը Ուկրաինայի դեմ Ռուսաստանի լայնամասշտաբ պատերազմի մասնակից է․ Բլինքեն |lragir.am|

lragir.am: ԱՄՆ պետքարտուղար Էնթոնի Բլինքենը հայտարարել է, որ Լուկաշենկոյի ռեժիմը Ուկրաինայի դեմ Ռուսաստանի լայնամասշտաբ պատերազմի մասնակից է։ Այս մասին Բլինքենը գրել է Twitter-ի իր միկրոբլոգում։ «Բելառուսի հետ համերաշխության օրը մենք հիշում ենք Լուկաշենկոյի վարչակարգի կողմից մարդու իրավունքների ճնշման, միջազգային նորմերի անտեսման և Ուկրաինայի դեմ Ռուսաստանի պատերազմին մեղսակցության պատճառած տառապանքները»,- ասվում է ուղերձում։

09:57 - 30 մայիսի, 2022

Պուտինը հայտարարել է ազգային արժույթներով հաշվարկների անցնելու դրական արդյունքի մասին

Գործընկերների հետ ազգային արժույթներով հաշվարկների անցնելն իր արդյունքն է տալիս, դա նպաստում է ռուբլու ամրապնդմանը, հայտնել է Ռուսաստանի նախագահ Վլադիմիր Պուտինն այսօր Սոչիում Բելառուսի նախագահ Ալեքսանդր Լուկաշենկոյի հետ հանդիպման ժամանակ, գրում է ՌԻԱ Նովոստին։ «Մեր գործընկերների հետ առևտրում ազգային արժույթին՝ ռուբլուն, անցնելը նույնպես իրենն ասում է։ [...] Իրավիճակն օբյեկտիվորեն այնպես դասավորվեց, որ մենք դա արեցինք։ Ոչ ի վնաս մեր գործընկերների, ուզում եմ սա ընդգծել։ Ոչ ի վնաս մեր գործընկերների։ Կատարելով մեր բոլոր պարտավորությունները», - ասել է նա։ Պուտինը նաև նշել է, որ ռուսական տնտեսությունը դիմանում է պատժամիջոցներին․ «Ցանկանում եմ նշել, որ, չնայած բոլոր բարդություններին, ռուսական տնտեսությունը դիմանում է պատժամիջոցային հարվածին, բավականին արժանապատիվ ձևով է դիմանում։ Այս մասին են վկայում բոլոր հիմնական մակրոտնտեսական ցուցանիշները»։ Նորա Վանյան

16:39 - 23 մայիսի, 2022

Բելառուսը ագրեսոր պետություն չէ․ Լուկաշենկո |azatutyun.am|

azatutyun.am: Բելառուսը կոչ է անում միջազգային հանրությանը թույլ չտալ, որպեսզի Եվրոպայում ծագած տարածաշրջանային հակամարտությունը վերածվի համաշխարհային պատերազմի: Բելառուսի նախագահն այս մասին նշել է ՄԱԿ-ի Գլխավոր քարտուղար Անտոնիո Գուտերեշին ուղղված նամակում, որի ամբողջական տեքստը այսօր հրապարակել է պաշտոնական Belta գործակալությունը։ «Մենք ագրեսոր չենք, ինչպես մեզ փորձում են ներկայացնել որոշ պետություններ։ Բելառուսը երբեք որևէ պատերազմի կամ հակամարտության նախաձեռնող չի եղել։ Բայց մենք նաև դավաճաններ չենք։ Մեզ համար կարևոր են հարաբերություններում ցուցաբերվող հավատարմությունն ու ազնվությունը», - նշված է Լուկաշենկոյի նամակում։ «Մեր տեսակետը հետևյալն է՝ ցանկացած պետության մտահոգությունները, լինի դա աշխարհի մեկ ութերորդը զբաղեցնող երկիր, թե կղզի, պետք է հաշվի առնվեն բոլորի կողմից։ Այդ իսկ պատճառով Բելառուսը անկեղծորեն և մշտապես հանդես է գալիս շուտափույթ հաշտեցման օգտին», - ասված է Լուկաշենկոյի նամակում։

14:55 - 23 մայիսի, 2022

Բելառուսում կարող են մահապատժի ենթարկել ահաբեկչական գործողությունների կատարման փորձի համար

Բելառուսի Քրեական օրենսգրքում փոփոխություններ կատարելու մասին օրենքը, որը մահապատիժ է նախատեսում ահաբեկչական գործողությունների կատարման փորձի համար, ստորագրել է երկրի նախագահ Ալեքսանդր Լուկաշենկոն, հայտնում է ՏԱՍՍ-ը։ Ավելի վաղ օրինագիծն ընդունել էր Բելառուսի Ազգային ժողովի Ներկայացուցիչների պալատը (ներքին պալատ) և հաստատել էր Հանրապետության խորհուրդը (վերին պալատ)։ Քրեական օրենսգրքում ներառված փոփոխությունների համաձայն՝ մահապատիժ է նախատեսվում միջազգային բարդություններ կամ պատերազմ սադրելու նպատակով օտարերկրյա պետության կամ միջազգային կազմակերպության ներկայացուցչի նկատմամբ մահափորձի նախապատրաստման, ինչպես նաև միջազգային ահաբեկչական գործողության կամ ատոմային էներգիայի կիրառմամբ, ռադիոակտիվ նյութերի կամ միջուկային նյութերի, քիմիական կամ կենսաբանական նյութերի կիրառմամբ ահաբեկաչական գործողությունների կատարման փորձի նախապատրաստման համար։ Մահապատիժ կարող է կիրառվել նաև պետական կամ հասարակական գործչի նկատմամբ մահափորձի նախապատրաստման համար՝ նրա պետական կամ հասարակական գործունեության առնչությամբ՝ իշխանական մարմինների որոշումների կայացման վրա ազդելու կամ բնաչությանն ահաբեկելու նպատակով։ Օրենքն ուժի մեջ կմտնի պաշտոնական հրապարակման պահից 10 օր անց։ Նորա Վանյան

14:46 - 18 մայիսի, 2022

Ղազախական ճգնաժամի ընթացքում ՀԱՊԿ-ը շատ ավելի միասնական էր․ Լուկաշենկո |azatutyun.am|

azatutyun.am: Բելառուսի նախագահ Ալեքսանդր Լուկաշենկոն կոչ է անում Հավաքական անվտանգության պայմանագրի կազմակերպության (ՀԱՊԿ) անդամներին միասնաբար դիմակայել Արևմուտքի ճնշումներին և Ռուսաստանը թուլացնելու փորձերին։ «Միասնական ճակատի բացակայության պայմաններում հավաքական Արևմուտքը կուժեղացնի ճնշումը հետխորհրդային տարածքի վրա», - դիմելով Մոսկվայում մեկնարկած ՀԱՊԿ հավաքի անդամներին՝ հայտարարել է Լուկաշենկոն։ «Վերջին իրադարձությունների համատեքստում ՀԱՊԿ-ը չի ցուցաբերում այն միասնականությունը, որն առկա էր Ղազախստանում հունվարին ծագած անկարգությունների ժամանակ», - ասել է Բելառուսի նախագահը։

16:49 - 16 մայիսի, 2022

Միջուկային զենքի կիրառումն անընդունելի է․ Լուկաշենկո

Ուկրաինայում միջուկային զենքի կիրառումն «անընդունելի է, որովհետև դա հենց մեր հարևանությամբ է», ասել է Բելառուսի նախագահ Ալեքսանդր Լուկաշենկոն Associated Press ամերիկյան պարբերականին տված հարցազրույցում։ «Մենք օվկիանոսից այն կողմ չենք, ինչպես Միացյալ Նահանգները, - հավելել է նա։ - Դա անընդունելի է նաև այն պատճառով, որ կարող է թռցնել մեր երկրագունդն ուղեծրից՝ չգիտեմ, թե ուր»։ «Կարող է, արդյոք, Ռուսաստանը նման բան անել, թե՝ ոչ, պետք է հարցնել Ռուսաստանի ղեկավարությանը», - ասել է Լուկաշենկոն՝ նշելով, որ ՌԴ նախագահ Վլադիմիր Պուտինն ուղիղ առճակատում չի փնտրում ՆԱՏՕ-ի հետ, և Արևմուտքը պետք է այնպես անի, որ նման բան տեղի չունենա։ «Ըստ ամենայնի, նա չի ցանկանում գլոբալ առճակատում ՆԱՏՕ-ի հետ», - ասել է նա։ Գլխավոր լուսանկարը՝ Associated Press-ի Նորա Վանյան

17:33 - 05 մայիսի, 2022

«Ուկրաինան հետաքրքրված չէ Ռուսաստանի հետ բանակցություններով»․ Լուկաշենկո |azatutyun.am|

azatutyun.am: Բելառուսի նախագահ Ալեքսանդր Լուկաշենկոյի փոխանցմամբ, Ուկրաինան հետաքրքրված չէ Ռուսաստանի հետ բանակցություններով: Այդ մասին Լուկաշենկոն ասել է Associated Press ամերիկյան լրատվական գործակալությանը տված հարցազրույցում: «Ես գիտեմ Ռուսաստանի դիրքորոշումը, գիտեմ, թե ինչ է առաջարկում Ռուսաստանը: Բայց ինչու Ուկրաինան, որի տարածքում փաստացի պատերազմ է ընթանում, ռազմական գործողություններ են, մարդիկ են զոհվում, հետաքրքրված չէ այդ բանակցություններով, դա էլ հարց է, և այդ հարցի պատասխանը կարելի է գտնել Վաշինգտոնում», - ասել է Լուկաշենկոն: Նա ընդգծել է, թե իր երկիրը կտրականապես դեմ է որևէ պատերազմի և արել ու անում է ամեն բան, որ այս պատերազմն էլ չլինի: Լուկաշենկոն ենթադրում է, որ Ուկրաինայի ղեկավարությունը ցանկանում է հարցը լուծել դիվանագիտական եղանակով, սակայն չի կարող դա անել, քանի որ նախագահ Վլադիմիր Զելենսկին գործնականում այսօր չի կառավարում երկիրը: «Թող Զելենսկին չնեղանա ինձնից, ես իմ անձնական տեսակետն եմ հայտնում: Դուք եք {Արևումտքը} այնտեղ իշխում: Հերիք է Ջո Բայդենն ասի՝ «բա՛վ է, տղերք, կռվեցիք, իրար մռութ ջարդեցիք, հիմա ավարտե՛ք, այս պատերազմը ոչ մեկին պետք չէ, ոչ մեկին ձեռնտու չէ», և մեկ շաբաթում պատերազմը կավարտվի», - ասել է Բելառուսի նախագահը: Գլխավոր լուսանկարը՝ Associated Press-ի

15:59 - 05 մայիսի, 2022

Վստահ եմ՝ նախկին ԽՍՀՄ մյուս երկրները նույնպես կմիանան Միութենական պետությանը. Լուկաշենկո |tert.am|

tert.am: Բելառուսի նախագահ Ալեքսանդր Լուկաշենկոն հայտարարել է, որ նախկին ԽՍՀՄ մյուս հանրապետությունները կցանկանան ապագայում միանալ Ռուսաստանի և Բելառուսի միասնական Միութենական պետությանը, հայտնում է ԲելՏԱ գործակալությունը։Հանրապետության նախագահը խոսել է նոր սկզբունքներով միասնական Միութենական պետություն կառուցելու ցանկության մասին, որպեսզի «ոչ ոք չնեղանա», և զարգանան անկախ ու ինքնիշխան պետությունները։«Վստահ եմ, որ նախկին Խորհրդային Միության մյուս հանրապետությունները նույնպես կմիանան նման դաշինքին»,- ասել է Լուկաշենկոն Վորոնեժի նահանգապետ Ալեքսանդր Գուսևի հետ հանդիպմանը։

15:36 - 28 ապրիլի, 2022

Լուկաշենկոն հերքել է հավանականությունը, որ Բելառուսը Ռուսաստանի կազմ կմտի

Բելառուսի նախագահ Ալեքսանդր Լուկաշենկոն հերքել է հավանականությունը, որ իր երկիրը կարող է Ռուսաստանի կազմ մտնել։ «Ինտերֆաքսի» փոխանցմամբ՝ նա այս մասին լրագրողներին հայտարարել է Վլադիվոստոկում։ «Ասում են՝ ահա, Բելառուսը մտցնելու են Ռուսաստանի կազմ։ Ես ու Պուտինն այնքան հիմար չենք, որ հին մեթոդներով գործենք, - հայտարարել է նա։ - Մեր ընդհանուր հայրենիքը, որն ունի երկու անկախ պետություն և ցուցադրում է այդ միասնության կառուցման հնարավորությունը․․․ Մենք կկառուցենք երկու անկախ պետությունների այնպիսի միասնություն, որ մեզնից օրինակ կվերցնեն։ Կվերցնեն, և թե ինչպես պատժամիջոցները հաղթահարել և այլն»։ Նա նշել է, որ երկու երկրները պատժամիջոցների ուժեղացման պայմաններում սկսել են սերտորեն համագործակցել, և սա նոր խթան է։ «Պատժամիջոցների փուլը հնարավորությունների ժամանակահատված է։ Գուցե ես այնքան էլ խորը չեմ գիտակցում այս փուլը, շատ հնարավոր է, բայց ես ուրախ եմ, որ պատժամիջոցները սահմանել են։ Վերջապես, մենք Ռուսաստանի հետ սկսել ենք համագործակցել այնպես, ինչպես պետք է վաղուց համագործակցեինք», - ասել է Լուկաշենկոն։ Նորա Վանյան

15:02 - 13 ապրիլի, 2022

Լուկաշենկոն Բուչայի դեպքերի համար մեղադրել է «անգլիացիներին»

Բելառուսի նախագահ Ալեքսանդր Լուկաշենկոն հայտարարել է ուկրաինական Բուչա քաղաքում տեղի ունեցած դեպքերին Մեծ Բրիտանիայի մասնակցության մասին, գրում է «Ինտերֆաքսը»։ «Մենք այսօր մանրամասն քննարկել ենք նրանց այդ հոգեբանական հատուկ գործողությունը, որն իրականացրել են անգլիացիները», - ասել է Լուկաշենկոն ՌԴ նախագահ Վլադիմիր Պուտինի հետ համատեղ ասուլիսի ժամանակ։ «Եթե ձեզնից որևէ մեկին պետք են հասցեներ, ծածկագրեր, մասնակցություն, ավտոմեքենաների համարանիշներ, ավտոմեքենաների մակնիշներ, որոնցով Բուչա են ժամանել, և թե ինչպես են դա արել, Ռուսաստանի ԱԴԾ-ն կարող է տրամադրել այդ նյութերը։ Եթե ոչ՝ մենք կարող ենք այդ հարցում օգնել։ Մեր ռուս ընկերների հետ միասին մենք ամբողջությամբ՝ առաջինից մինչև վերջին ժամը, բացահայտել ենք Արևմուտքի այդ զազրելի, զզվելի դիրքորոշումը», - հայտարարել է Բելառուսի նախագահը։ Պուտինն էլ, իր հերթին, «ֆեյք» է անվանել Բուչայում ռուսաստանցի զինվորականների կողմից քաղաքացիական անձանց սպանության մասին տեղեկությունները։ Պուտինի խոսքով՝ բելառուս գործընկերն իրեն փոխանցել է փաստաթղթերը։ «Այդ փաստաթղթերը փոխանցվել են ԱԴԾ-ին՝ թե ինչպես, ովքեր - նրանք համապատասխան տեղեկություններն ունեն - ինչ տրանսպորտով են ժամանել այդ բնակավայր և այդ սադրանքի կազմակերպման համար պայմաններ ստեղծել», - ասել է ՌԴ նախագահը։ Հիշեցնենք՝ ուկրաինական Բուչա քաղաքում ապրիլի սկզբին, ուկրաինական տվյալներով, հարյուրավոր քաղաքացիական անձանց դիեր են հայտնաբերվել այն բանից հետո, երբ ռուսական զորքերը դուրս են եկել քաղաքից, և այն վերադարձել է Ուկրաինայի վերահսկողության տակ։ Ուկրաինան Բուչայի բնակիչների սպանության համար մեղադրում է Ռուսաստանին, վերջինս հերքում է իր մասնակցությունը։ Նորա Վանյան

18:06 - 12 ապրիլի, 2022

Լուկաշենկոն հայտարարել է, որ առանց Բելառուսի մասնակցության Ուկրաինայի հարցով բանակցություններ չեն կարող լինել |lragir.am|

lragir.am: Ուկրաինայի հարցով բանակցություններ չեն կարող լինել առանց Բելառուսի մասնակցության, հայտարարել է Բելառուսի նախագահ Ալեքսանդր Լուկաշենկոն։ Այս մասին հայտնում է rbc.ru-ն «Առանց Բելառուսի մասնակցության բանակցություններ չեն կարող լինել։ Քանի որ դուք մեզ ներքաշեցիք դրա մեջ, առաջին հերթին՝ արևմտյան երկրները, այնտեղ, այդ բանակցություններում, բնականաբար, պետք է հնչեցվի Բելառուսի դիրքորոշումը»,- ասել է Լուկաշենկոն։

15:04 - 07 ապրիլի, 2022

Լուկաշենկոն եւ Պուտինը քննարկել են Ուկրաինայի շուրջ իրադրությունը եւ բելառուսա-ռուսական հարաբերությունները |armenpress.am|

armenpress.am: Բելառուսի եւ Ռուսաստանի նախագահներ Ալեքսանդր Լուկաշենկոն եւ Վլադիմիր Պուտինն ապրիլի 1-ին հեռախոսով քննարկել են Ուկրաինայի շուրջ իրադրությունը, ինչպես նաեւ Մինսկի եւ Մոսկվայի միջեւ հարաբերությունների զարգացման հարցերը: «Ալեքսանդր Լուկաշենկոն եւ Վլադիմիր Պուտինը քննարկել են երկկողմ հարաբերություների վիճակը եւ զարգացման հեռանկարները: Զրույցի առանձին թեմա Է դարձել Ուկրաինայի շուրջ իրադրությունը»,- հայտնել Է ԲելՏԱ գործակալությունը: Գործակալության տվյալներով՝ զրույցի ընթացքում ղեկավարները արծարածել են նաեւ փոխգործակցության այլ հարցեր: Նախագահները նաեւ միմյանց շնորհավորել են գալիք տոնի՝ Բելառուսի եւ Ռուսաստանի ժողովուրդների միավորման օրվա առթիվ, հաղորդել Է ՏԱՍՍ-ը:

15:40 - 01 ապրիլի, 2022

Ավստրալիան պատժամիջոցներ է սահմանել Բելառուսի նախագահի դեմ

Ավստրալիան ուրբաթ օրը պատժամիջոցներ է սահմանել Բելառուսի նախագահ Ալեքսանդր Լուկաշենկոյի և նրա ընտանիքի անդամների, ինչպես նաև 22 ռուսաստանցիների նկատմամբ, որոնց անվանել է «քարոզիչ և կեղծ տեղեկություններ տարածողներ»։ Այս մասին հայտնում է «Reuters»-ը։ Վերջին պատժամիջոցները կտարածվեն նաև «Russia Today»-ի, Ռազմավարական մշակույթի հիմնադրամի և այլ կազմակերպությունների խմբագիրների վրա։

10:36 - 25 մարտի, 2022