Ինֆոթեգեր Մեր մասին
hy en ru
Նվիրաբերել

ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

Մանե Թանդիլյանը ՌԴ խաղաղապահ զորախմբի հրամանատարի տեղակալի հետ քննարկվել է սոցիալական ապահովության խնդիրների լուծմանն ուղղված աշխատանքները

Մանե Թանդիլյանը ՌԴ խաղաղապահ զորախմբի հրամանատարի տեղակալի հետ քննարկվել է սոցիալական ապահովության խնդիրների լուծմանն ուղղված աշխատանքները

Արցախի աշխատանքի, սոցիալական և միգրացիայի հարցերի նախարար Մանե Թանդիլյանն այսօր հանդիպել է  Արցախում տեղակայված ռուսական խաղաղապահ զորախմբի հրամանատարի տեղակալ Անդրեյ Զիմբատովի հետ, տեղեկացնում է նախարարության մամուլի ծառայությունը։ Հանդիպման ընթացքում քննարկվել են Արցախի քաղաքացիների անվտանգությանն առնչվող հարցեր, անդրադարձել է եղել հետպատերազմյան շրջանում սոցիալական ապահովության պահպանման խնդիրների լուծմանն ուղղված աշխատանքներին։ Երկուստեք կարևորվել է ոլորտում հետագա հաջողությունների գրանցման համար խաղաղության և անվտանգության պահպանման երաշխիքների անվերապահ կիրառումն ու անառարկելիությունը։
22:10 - 24 դեկտեմբերի, 2020
ՌԴ աջակցությամբ Արցախի ԱԻՊԾ պարկը համալրվել է ժամանակակից տեխնիկայով

ՌԴ աջակցությամբ Արցախի ԱԻՊԾ պարկը համալրվել է ժամանակակից տեխնիկայով

Արցախի Հանրապետության և Ռուսաստանի Դաշնության գործընկեր կառույցների միջև վերջին ամիսներին ձեռք բերված համագործակցությունն օր օրի ավելի է ամրապնդվում:   Արցախում փրկարարական առաքելությունն ավելի դյուրին դարձնելու համար արտակարգ իրավիճակների պետական ծառայայության նյութատեխնիկական բազան այսօր Ռուսաստանի Դաշնության աջակցությամբ համալրվեց նոր ու ժամանակակից տեխնիկայով:   ԱԻ պետական ծառայության տնօրեն գեներալ-մայոր Կարեն Սարգսյանը՝ Արցախում ՌԴ ԱԻՆ համահավաք խմբավորման ավագ, գնդապետ Վադիմ Գարշենի ուղեկցությամբ ծանոթացել է ստացված ավտոտեխնիկայի հնարավորություններին:   Ծառայության տնօրենը վստահություն է հայտնել, որ այս հատուկ մեքենաներով ծառայության աշխատանքը կդարձնեն ավելի անվտանգ ու արագ:   Ռազմագործողությունների ընթացքում բազմիցս թիրախավորվել և վնասվել էր նաև ԱԻՊԾ վարչական տարածքը, միաժամանակ տեխնիկան: Այդ հարցով Կարեն Սարգսյանը դիմել էր Ռուսաստանի Դաշնությանը, և պատասխանը չի ուշացել:   Այսօր ծառայության տեխնիկական պարկը համալրվել է արդի չափանիշներին համապատասխան «ԿամԱԶ» և «Ուրալ» մակնիշի բազայի հիմքի վրա ստեղծված հրշեջ փրկարարական 6 ավտոցիստեռնով, բարձր անցանելիությամբ (ամենագնաց) 4 հատ «ՈՒԱԶ ՀԱՆՏԵՐ» մակնիշի ավտոմեքենաներով, մեկ «ԿամԱԶ» ավտոկռունկով:   Բացի այդ, համագործակցության շրջանակներում ՌԴ-ը հետպատերազմյան Արցախում հումանիտար աջակցության տարբեր ծրագրեր է իրականացնում, որի շրջանակում պատերազմից ավերված ենթակառուցվածքների վերականգնման համար տրամադրվել են անհրաժեշտ քանակի շինանյութ, կահույք, կապի որակի բարձրացման համար էլեկտրալարեր, ինչպես նաև 100 կվտ հզորությամբ գեներատորներ ու դաշտային խոհանոց:   Ռուս սակրավորական ջոկատները ևս ընդգրկված են Արցախում ականազերծման ու այլ փրկարարական աշխատանքներում:   Կարեն Սարգսյանը Արցախի Հանրապետության իշխանությունների, ժողովրդի, ինչպես նաև արտակարգ իրավիճակների պետական ծառայության ամբողջ անձնակազմի և անձամբ իր անունից խորին երախտագիտություն է հայտնել ՌԴ նախագահ Վլադիմիր Վլադիմիրովիչ Պուտինին, ՌԴ արտակարգ իրավիճակների նախարար Եվգենի Զինիչևին, փրկարարական կազմավորումների դեպարտամենտի տնօրեն գեներալ-լեյտենանտ Իգոր Կուտրովսկուն և, իհարկե, որոնողափրկարարական աշխատանքներին միջամտելու և կազմակերպելու համար առանձնապես շնորհակալություն է հայտնել Արցախում խաղաղապահ առաքելության զորակազմի հրամանատար գեներալ-լեյտենանտ Ռուստամ Մուրադովին:          
20:54 - 24 դեկտեմբերի, 2020
Չավուշօղլուն աշխատանքային այց է կատարելու ՌԴ. օրակարգում նաեւ Ղարաբաղի խնդրի քննարկումն է |armtimes.com|

Չավուշօղլուն աշխատանքային այց է կատարելու ՌԴ. օրակարգում նաեւ Ղարաբաղի խնդրի քննարկումն է |armtimes.com|

armtimes.com: Թուրքիայի արտգործնախարար Մեվլութ Չավուշօղլուն դեկտեմբերի 29-ին աշխատանքային այցով կմեկնի Սոչի, որտեղ կհանդիպի իր ռուս գործընկեր Սերգեյ Լավրովի հետ: Այս մասին հինգշաբթի օրը ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: «Դեկտեմբերի 29-ին Թուրքիայի արտգործնախարարը Ռուսաստանի դիվանագիտական ծառայության ղեկավար Սերգեյ Լավրովի հրավերով աշխատանքային այցով կլինի ՌԴ-ում: Նա այցելելու է՝ մասնակցելու Ռազմավարական պլանավորման համատեղ խմբի ութերորդ հանդիպմանը, որը գործում է բարձր մակարդակի համագործակցության ռուս-թուրքական խորհրդի շրջանակներում»,-հայտնել է Զախարովան: Նա նաեւ շեշտել է, որ մանրամասն քննարկվելու է  Ռուսաստանի, Ադրբեջանի և Հայաստանի ղեկավարների `Լեռնային Ղարաբաղի վերաբերյալ նոյեմբերի 9-ի եռակողմ հայտարարության իրականացման հետ կապված հարցերը: «Շեշտը դրվելու է հնարավոր բախումների ռիսկերը նվազեցնելու, երկրներին մարդասիրական օգնություն տրամադրելու վրա: Կենտրոնացումը լինելու է Լեռնային Ղարաբաղի հակամարտության գոտում հրադադարի ռեժիմի և բոլոր ռազմական գործողությունների վերահսկման համար ռուս-թուրքական համատեղ դիտորդական կենտրոնի գործունեության ստեղծման վրա», - ասել է Զախարովան:
20:06 - 24 դեկտեմբերի, 2020
Ռուս ռազմական բժիշկներն օգնություն են ցուցաբերել Արցախի 863 բնակչի, այդ թվում՝ 110 երեխայի |1lurer.am|

Ռուս ռազմական բժիշկներն օգնություն են ցուցաբերել Արցախի 863 բնակչի, այդ թվում՝ 110 երեխայի |1lurer.am|

1lurer.am: ՌԴ ՊՆ ականազերծման միջազգային կենտրոնի մասնագետները շարունակում են տարածքի ականազերծման աշխատանքները: Այս մասին տեղեկանում ենք ՌԴ ՊՆ կայքից: Վերջին օրվա ընթացքում պայթյունավտանգ առարկաներից մաքրվել են 9.5 հա տեղանք և 1 կմ ճանապարհ: Հայտնաբերվել և ոչնչացման համար դուրս է բերվել 344 պայթյունավտանգ առարկա: Ընդհանուր առմամբ, ռուսական խաղաղապահ ուժերի ինժեներական ստորաբաժանումներն Արցախում մաքրել են ավելի քան 280 հա տարածք, մոտ 107 կմ ճանապարհ, 452 բնակելի շինություն: Հայտնաբերվել և վնասազերծվել է ավելի քան 9000 պայթյունավտանգ առարկա: Ռուս խաղաղապահները շարունակում են տեղեկություններ հավաքել Արցախում հակամարտության ընթացքում անհետ կորածների մասին: Ռուսաստանի խաղաղապահ ուժերի սպաներն ուսումնասիրել են թեժ գծով ստացված 537 հեռախոսազանգ: ՌԴ ՊՆ բժշկական ջոկատների մասնագետները Կարմիրգյուղ համայնքում բժշկական օգնություն են ցուցաբերել 34 բնակչի: Ընդհանուր առմամբ, ռուս ռազմական բժիշկներն օգնություն են ցուցաբերել Արցախի 863 բնակչի, այդ թվում՝ 110 երեխայի:
19:53 - 24 դեկտեմբերի, 2020
Մարիա Զախարովան նոյեմբերի 9-ի հայտարարությունը համարել է 2020 թ. ամենակարևոր համաշխարհային իրադարձություններից մեկը |1lurer.am|

Մարիա Զախարովան նոյեմբերի 9-ի հայտարարությունը համարել է 2020 թ. ամենակարևոր համաշխարհային իրադարձություններից մեկը |1lurer.am|

1lurer.am: ՌԴ արտգործնախարարության պաշտոնական ներկայացուցիչ Մարիա Զախարովան անդրադարձել է Լեռնային Ղարաբաղի հակամարտության կարգավորմանն ու այդ հարցում Ռուսաստանի դերակատարմանը: «Դա ամենակարևոր իրադարձություններից մեկն է ոչ միայն տարածաշրջանային ենթատեքստում, այլև՝ համաշխարհային: Ընդհանուր առմամբ, տեղի ունեցածը (խմբ. - հրադադարի հայտարարության ստորագրումը) համարում եմ կարևորագույն ձեռքբերումներից մեկը: Ռուսաստանի Դաշնության դերակատարումն ակնհայտ է: Ցանկանան թե՝ ոչ, աշխարհում ճանաչում են Ռուսաստանի ներդրումն ու դերակատարումը: Հրաշքների և իրականության մեջ կա շատ կարևոր հատված՝ դա աշխատանքն է: Եվ հենց աշխատանքը, համբերությունը, պատասխանատվությունը, բարությունն ու սերն են այն բանի երաշխիքը, որ հրաշքները մինչև վերջ կյանքի են կոչվելու: Եռակողմ հայտարարության հետևում հսկա աշխատանքն է, և դրա իրականացումն էլ կապված է այն հսկա աշխատանքի հետ, որն այժմ իրականացնում են մեր խաղաղապահները՝ ցամաքում, դիվանագիտական հարթակում՝ մեր դիվանագետները և միջազգային կազմակերպությունները: Դեռևս համալիր հսկա աշխատանք կա իրականացնելու»: ՌԴ արտգործնախարարության պաշտոնական ներկայացուցիչը մաղթանքներ է հղել Հայաստանին ու Ադրբեջանին: «Առաջին հերթին, իհարկե՝ խաղաղություն: Ես գիտեմ, որ երբ խաղաղություն կա, ապա շատ բաների կարելի է հասնել, ոչ ամեն ինչի, սակայն, շատ բաների: Հետևաբար, առաջին հերթին երկու երկրներին սրտանց խաղաղություն եմ մաղթում»,- հայտարարել է Մարիա Զախարովան:
18:31 - 24 դեկտեմբերի, 2020
ԼՂ կարգավիճակի որոշումը պահանջում է լրացուցիչ բանակցություններ. Վալենտինա Մատվիենկո |1lurer.am|

ԼՂ կարգավիճակի որոշումը պահանջում է լրացուցիչ բանակցություններ. Վալենտինա Մատվիենկո |1lurer.am|

1lurer.am: «Լեռնային Ղարաբաղի կարգավիճակը պահանջում է լրացուցիչ բանակցություններ: Մենք իհարկե ակնկալում ենք ԵԱՀԿ-ի, Ֆրանսիայի, Միացյալ Նահանգների և Լեռնային Ղարաբաղի հակամարտության կարգավորման գործընթացում ներգրավված մյուս պետությունների ջանքերի ավելացում»,- հայտարարել է ՌԴ Դաշնության խորհրդի նախագահ Վալենտինա Մատվիենկոն լրագրողների հետ զրույցում:   Մատվիենկոն հավելել է, որ ռուսական կողմը թույլ չի տվել հակամարտության հետագա էսկալացիա և մարդկային նոր կորուստներ: «Դա շատ դժվար համաձայնություն էր, դրան հասնելը հեշտ չի եղել: Այսօր հակամարտության գոտում հենց ռուս խաղաղապահներն են ապահովում այդ հայտարարության կատարումը, թույլ չեն տալիս խախտել դրա պայմանները, վերադառնալ զինված հակամարտությանը, նպաստում են խաղաղ կյանքի վերականգնմանը»,- հայտարարել է Մատվիենկոն:
15:33 - 24 դեկտեմբերի, 2020
Պուտինն ու Ալիևը հեռախոսազրույց են ունեցել |azatutyun.am|

Պուտինն ու Ալիևը հեռախոսազրույց են ունեցել |azatutyun.am|

azatutyun.am: Ռուսաստանի և Ադրբեջանի նախագահներն այսօր հեռախոսազրույց են ունեցել և հետագա համագործակցությունը ամրապնդելու վստահություն հայտնել, հաղորդում է պաշտոնական Բաքուն։ «Զրույցի ընթացքում կողմերը նշել են բոլոր ոլորտներում ռազմավարական հարաբերությունների վրա հիմնված բարեկամական հարաբերությունների զարգացումը և վստահություն են հայտնել համագործակցությունը հետագայում ընդարձակելու և ամրապնդելու վերաբերյալ»,- հայտարարել է Ալիևի նախագահական աշխատակազմը։ Կրեմլի հաղորդագրության մեջ միայն նշվում է, որ նախագահ Պուտինը շնորհավորել է Իլհամ Ալիևին ծննդյան օրվա կապակցությամբ։
14:40 - 24 դեկտեմբերի, 2020
Հայաստանի տարածքից Արցախ մեկ օրում վերադարձել է 378 տեղահանված |1lurer.am|

Հայաստանի տարածքից Արցախ մեկ օրում վերադարձել է 378 տեղահանված |1lurer.am|

1lurer.am: Ռուսական խաղաղապահ զորակազմը շարունակում է առաջադրանքներ իրականացնել Արցախում: Այդ մասին հայտնում է ՌԴ ՊՆ կայքը: Դիտարկման 23 կետում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը: Հրադադարը պահպանվում է շփման գծի ողջ երկայնքով: Ռուսաստանի խաղաղապահ զորակազմն ապահովում է քաղաքացիների անվտանգ վերադարձը իրենց մշտական ​​բնակության վայրեր, տրամադրում է մարդասիրական օգնություն և վերականգնում քաղաքացիական ենթակառուցվածքները: Օրվա ընթացքում ռուս խաղաղապահները ապահովել են Հայաստանի տարածքից 378 տեղահանվածի անվտանգ վերադարձն Արցախ: Ընդհանուր առմամբ, 2020 թ. նոյեմբերի 14-ից մինչ օրս 43,096 մարդ է վերադարձել: Ռուսական խաղաղապահ զորախմբի մասնագետները շարունակում են աշխատել Լեռնային Ղարաբաղի տարածքի ականազերծման ուղղությամբ: Օրվա ընթացքում բնակավայրերի տարածքներում իրականացվել են ինժեներական հետախուզություն, տեղանքի և Ստեփանակերտ, Մարտունի երթևեկության ուղիների ականազերծում: Մաքրվել է 12 հա տարածք, 6 կմ ճանապարհ, ստուգվել է 17 շենք, հայտնաբերվել և ոչնչացվել է 86 պայթուցիկ: Ընդհանուր առմամբ, Արցախում ականազերծման ընթացքում  նոյեմբերի 23-ից չպայթած զինամթերքից մաքրվել է 274,5 հա տարածք, 105,9 կմ ճանապարհ, 451 բնակելի շենք, հայտնաբերվել և վնասազերծվել է 8704 պայթուցիկ օբյեկտ: Ռուսաստանի խաղաղապահ զորակազմը, համագործակցելով Կարմիր խաչի միջազգային կոմիտեի և Լեռնային Ղարաբաղի արտակարգ իրավիճակների նախարարության ներկայացուցիչների հետ, շարունակում է որոնել և տեղափոխել ռազմական գործողությունների ընթացքում զոհվածների աճյունները: Կազմակերպվել է թեժ գիծ՝ Արցախում հակամարտության ժամանակ անհայտ կորածների վերաբերյալ տեղեկատվություն հավաքելու համար: Արդեն ստացվել է 533 դիմում: Բոլոր դիմումները փոխանցվել են Կողմերի հաշտեցման կենտրոնի որոնողական խմբերին:    
21:05 - 23 դեկտեմբերի, 2020
Նիկոլ Փաշինյանն ընդունել է ՌԴ արտակարգ իրավիճակների նախարար Եվգենի Զինիչևին

Նիկոլ Փաշինյանն ընդունել է ՌԴ արտակարգ իրավիճակների նախարար Եվգենի Զինիչևին

Վարչապետ Նիկոլ Փաշինյանն ընդունել է Ռուսաստանի Դաշնության արտակարգ իրավիճակների նախարար Եվգենի Զինիչևին: Վարչապետը բարձր է գնահատել ՌԴ ԱԻ նախարարության գործունեությունը՝ Լեռնային Ղարաբաղում բնականոն կյանքի վերականգնման, քաղաքացիներին ցուցաբերվող հումանիտար օժանդակության գործում և շնորհակալություն հայտնել հայկական կողմի հետ արդյունավետ համագործակցության համար: Նիկոլ Փաշինյանը նշել է, որ ՀՀ կառավարությունը կարևորում է Ռուսաստանի հետ ռազմավարական համագործակցության շարունակական զարգացումը՝ ընդգծելով ՌԴ առանցքային դերը տարածաշրջանում խաղաղության և կայունության ամրապնդման գործում: «Մենք շահագրգռված ենք ՌԴ-ի հետ համագործակցության հետագա զարգացմամբ բոլոր, այդ թվում՝ անվտանգության, տնտեսության եւ հումանիտար ոլորտներում»,- ասել է վարչապետը՝ անհրաժեշտ համարելով  տարբեր բնագավառներում համատեղ նոր ծրագրերի մշակումն ու իրականացումը:  Եվգենի Զինիչեւը մանրամասներ է ներկայացրել ՌԴ ԱԻՆ-ի կողմից Արցախում իրականացվող հումանիտար գործունեության վերաբերյալ եւ նշել, որ հումանիտար բեռների տեղափոխման ու մնացած աշխատանքներն իրականացվում են առանց խնդիրների, հայ գործընկերների հետ սերտ համագործակցությամբ:  Զրուցակիցները քննարկել են Հայ-ռուսական հումանիտար կենտրոնի ներուժի լիարժեք իրացմանը, արտակարգ իրավիճակների եւ արագ արձագանքման ոլորտում հետագա գործակցությանը վերաբերող հարցեր:     
19:45 - 23 դեկտեմբերի, 2020
Այվազյանն ու Լավրովը քննարկել են եռակողմ հայտարարության հետ կապված հարցեր

Այվազյանն ու Լավրովը քննարկել են եռակողմ հայտարարության հետ կապված հարցեր

Հայաստանի արտաքին գործերի նախարար Արա Այվազյանն ու Ռուսաստանի Դաշնության ԱԳ նախարար Սերգեյ Լավրովը քննարկել են մի շարք հարցեր՝ կապված Հայաստանի, Ադրբեջանի և Ռուսաստանի ղեկավարների ստորագրած համատեղ հայտարարության հետ: Այս մասին հայտնում է ՌԴ ԱԳՆ պաշտոնական կայքը: «Արտաքին քաղաքական գերատեսչությունների ղեկավարները քննարկել են հարցեր՝ կապված Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Ռուսաստանի Դաշնության նախագահ Վլադիմիր Պուտինի միջև նոյեմբերի 9-ին ստորագրված՝ Լեռնային Ղարաբաղի հակամարտության գոտում կրակի դադարեցման հայտարարության, ինչպես նաև երկկողմ և միջազգային օրակարգի արդիական թեմաների հետ»,- ասված է հաղորդագրությունում:
19:18 - 23 դեկտեմբերի, 2020
ՔԿ-ում կայացած հանդիպմանը կարևորվել է միջգերատեսչական համագործակցության արդյունավետության բարձրացումը

ՔԿ-ում կայացած հանդիպմանը կարևորվել է միջգերատեսչական համագործակցության արդյունավետության բարձրացումը

2020 թ. դեկտեմբերի 22-ին ՀՀ քննչական կոմիտեի նախագահ Հայկ Գրիգորյանը և ՀՀ քննչական կոմիտեի նախագահի տեղակալ, զինվորական քննչական գլխավոր վարչության պետ Արտակ Կրկյաշարյանն ընդունել են աշխատանքային այցով Հայաստանի Հանրապետություն և Արցախ ժամանած Ռուսաստանի Դաշնության քննչական կոմիտեի հարավային ռազմական օկրուգի զինվորական քննչական վարչության ղեկավար Սերգեյ Արեֆևին և ՌԴ հարավային ռազմական օկրուգի զինվորական դատախազ Սերգեյ Կոլոմիեցին: Հանդիպման ընթացքում քննարկվել են երկուստեք հետաքրքրություն ներկայացնող հարցեր: Կողմերը կարևորել են միջգերատեսչական համագործակցության արդյունավետության բարձրացումը, քրեական գործերով, ըստ անհրաժեշտության, միմյանց իրավական օգնության ցուցաբերումը,  ինչպես նաև սեղմ ժամկետներում միջազգային հարցումների կատարումը և օպերատիվ տեղեկատվության փոխանակումը։ Ձեռք են բերվել կոնկրետ պայմանավորվածություններ՝ միտված համագործակցության առավել ամրապնդմանը՝ նախանշելով կոնկրետ ուղղություններ։  
19:02 - 23 դեկտեմբերի, 2020
Հայաստանի և Ռուսաստանի ԱԻ նախարարները քննարկել են Արցախում իրականացվող մարդասիրական ծրագրերի ընթացքը

Հայաստանի և Ռուսաստանի ԱԻ նախարարները քննարկել են Արցախում իրականացվող մարդասիրական ծրագրերի ընթացքը

 ՀՀ արտակարգ իրավիճակների նախարար Անդրանիկ Փիլոյանը դեկտեմբերի 23-ին ընդունել է պաշտոնական այցով Երևան ժամանած Ռուսաստանի քաղաքացիական պաշտպանության, արտակարգ իրավիճակների և աղետների հետևանքների վերացման հարցերով նախարար Եվգենի Զինիչևի գլխավորած պատվիրակությանը: Այս  մասին հայտնում են ՀՀ ԱԻՆ տեղեկատվության և հասարակայնության հետ կապերի վարչությունից, քննարկվել են երկու երկրների գործընկեր կառույցների միջև համագործակցության վերաբերյալ մի շարք հարցեր՝ կապված Արցախում իրականացվող մարդասիրական ծրագրերի հետ: ՌԴ-ն արդեն 290 տոննա հումանիտար բեռ է ուղարկել Արցախ, ևս 90 տոննա բեռ տեղ կհասնի առաջիկայում: Եվգենի Զինիչևը նշել է, որ մեծ աշխատանք է իրականացվելու ծանր պայմաններում հայտնված մարդկանց աջակցելու համար:   ՀՀ ԱԻ նախարար Անդրանիկ Փիլոյանը շնորհակալություն է հայտնել ռուսական կողմին՝ ևս մեկ անգամ ընդգծելով տարվող աշխատանքի մասշտաբայնությունն ու կարևորությունը:   
18:47 - 23 դեկտեմբերի, 2020
Արաբական պետությունների հաշտեցումը կնպաստի Պարսից ծոցում կայունացմանը. Լավրով |tert.am|

Արաբական պետությունների հաշտեցումը կնպաստի Պարսից ծոցում կայունացմանը. Լավրով |tert.am|

tert.am: Ռուսաստանը լիահույս է, որ Արաբական պետությունների հաշտեցումը կնպաստի Պարսից ծոցում կայունացմանը: Այս մասին հայտարարել է ՌԴ ԱԳ նախարար Սերգեյ Լավրովը՝ ամփոփելով Կատարի ԱԳ նախարար Մուհամեդ բեն Աբդել Ռահման Ալ Թանիի հետ բանակցությունների արդյունքները, գրում է ՏԱՍՍ-ը։ «Ռուսաստանը լիահույս է, որ հունվարի 5-ին նախատեսված Պարսից ծոցի արաբական պետությունների գագաթնաժողովը ծոցի երկրների համագործակցության խորհրդում վերջ կդնի պառակտմանը և թույլ կտա վերսկսել նրա բնականոն գործունեությունը»,- ասել է ՌԴ ԱԳ նախարարը։ Նրա խոսքով՝ Մոսկվան շահագրգռված է արաբական երկրների միջև հակասությունների կարգավորմամբ, որոնք նրա գործընկերներն ու բարեկամներն են:
17:09 - 23 դեկտեմբերի, 2020
Կորոնավիրուսով ավելի քան 1 մլն վարակվածներով երկրների թիվը հասել Է 16-ի |armenpress.am|

Կորոնավիրուսով ավելի քան 1 մլն վարակվածներով երկրների թիվը հասել Է 16-ի |armenpress.am|

armenpress.am: Այն երկրների թիվը, որտեղ արձանագրվել են կորոնավիրուսով 1 միլիոնից ավելի վարակվածներ, ավելացել Է մինչեւ 16. Պերուում հայտնաբերել են 1 000 153 ախտահարված: Միաժամանակ աճում Է վարակվածների թիվը նաեւ Եվրոպայում, որտեղ Մեծ Բրիտանիայում հայտնաբերվել Է կորոնավիրուսի նոր ծագումնաբանական տարբերակ: Թագավորության իշխանությոնները ենթադրում են, որ այն կարող Է զգալիորեն ավելի վարակելի լինել, քան վարակի սկզբնական տարբերակը: ՏԱՍՍ-ի հաշվարկների համաձայն, որոնք կատարվել են իշխանությունների, փորձագետների եւ զանգվածային լրատվամիջոցների տվյալների հիման վրա, աշխարհում ախտահարվածների քանակը մոտեցել Է 78 միլիոնին: Այսպիսով, մոլորակի մասշտաբներով վարակվածների բաժինը կազմում Է բնակչության ավելի քան 1 տոկոսը: Վարակվածների թվով աշխարհի առաջատարներն են մնում ԱՄՆ-ը (18,21 միլիոն), Հնդկաստանը (10,1 միլիոն), Բրազիլիան (7,32 միլիոն): Ռուսաստանն այս ցուցանիշով գտնվում Է աշխարհում չորրորդ տեղում 2,93 միլիոն վարակվածներով: ՏԱՍՍ-ի հաշվարկներով, որոնք կատարվել են պաշտոնական տվյալների հիման վրա, վարակվել Է յուրաքանչյուր 50-րդ ռուսաստանցին կամ բնակչության 2 տոկոսը: Պերուն դարձել Է 16-րդ երկիրը, որտեղ COVID-19-ի դեպքերի թիվը գերազանցել Է 1 միլիոնը: Մոտ ժամանակներս 1 միլիոն վարակվածների նշագիծը կանցնեն Ուկրաինան (989,6 հազար) եւ Հարավաֆրիկյան Հանրապետությունը (940,2 հազար): Գերմանիայում արձանագրել են վարակի պատճառով մահացության օրական հակառեկորդը. մեկ օրում այնտեղ մահացել Է 962 վարակված, ինչը եռապատիկ մեծ Է գարանային առավելագույններից: 1 միլիոն բնակչի հաշվով ամենից շատ մահացածները Բելգիայում են (1,62 հազար), Իտալիայում (1,15 հազար), Պերուում (1,12 հազար), Իսպանիայում (1,05 հազար) եւ Մեծ Բրիտանիայում (հազար): ԱՄՆ-ում 1 միլիոն բնակչին բաժին Է ընկնում 997 մահ, Ռուսաստանում՝ 356: Կորոնավիրուսի պաճառով մահացածների ամենամեծ թիվն ամբողջությամբ վերցված ԱՄՆ-ում Է (332,6 հազար), Բրազիլիայում (188,2 հազար), Հնդկաստանում (146,4 հազար): ՌԴ-ում մահացել Է 52,5 հազար վարակված: Մեծ Բրիտանիայում, որտեղ կորոնավիրուսի նոր հիմնամանրԷ են արձանագրել, գրանցվել Է վարակումների թվի ռեկորդային օրական աճ՝ 36,8 հազար: Նախորդ ռեկորդը սահմանվել Էր դեկտեմբերի 20-ին: Հիսունից ավելի երկրներ դադարեցրել են Բրիտանիայի հետ ուղեւորային հաղորդակցությունը: ԵՄ-ը Մեծ Բրիտանիայի հետ սահմանները կփակի հունվարի 1-ին Եվրամիությունից երկրի վերջնականապես դուրս գալուց հետո:
15:45 - 23 դեկտեմբերի, 2020
Արցախը փաստականների համար ապաստարանների հարցով դիմել է Ռուսաստանին |1lurer.am|

Արցախը փաստականների համար ապաստարանների հարցով դիմել է Ռուսաստանին |1lurer.am|

1lurer.am: Հետպատերազմական շրջանում արցախցի փաստականների համար ապաստարաններ գտնելու հարցում օգնության խնդրանքով Լեռնային Ղարաբաղի հանրապետության իշխանությունները դիմել են Ռուսաստանին: Սրա մասին Ռիա Նովոստի գործակալությանը տված հարցազրույցում հայտարարել է Արցախի պետնախարար Գրիգորի Մարտիրոսյանը: Ըստ նրա՝ պատերազմի հետևանքով 35-45 հազար մարդ դարձել է անօթևան: Նրանց մի մասի տները ոչնչացվել են հրետանային կրակի հետևանքով, իսկ մի մասը զրկվել է ունեցվածքից, քանի որ հայկական տարածքների մի մասը հայտնվել է Ադրբեջանի վերահսկողության տակ: Գրիգորի Մարտիրոսյանի պնդմամբ՝ այս պահին փախստականների մեծ մասը գտնվում են Հայաստանում, և նրանց վերադարձն Արցախ ապահովելու համար անհրաժեշտ են գոյության գոնե նվազագույն պայմաններ: Վերադարձող փախստականներին կացարանով ապահովելու համար Արցախի իշխանությունները տրամադրում են ժամանակավոր կացարաններ՝ դրա համար ներգրավելով բնակարանային երկրորդային ֆոնդը, հյուրանոցներն ու հասարակական նշանակության շենքերը: Սրա հետ մեկտեղ, ըստ Մարտիրոսյանի, Արցախը դիմել է Ռուսաստանի իշխանություններին՝ օգնության խնդրանքով: Ընդ որում՝ որոշակի օգնություն արդեն ստացվել է: Խոսքը վերաբերում է շինանյութերին և առաջին անհրաժեշտության պարագաներին, որոնք ՌԴ-ն արդեն իսկ տրամադրել է:
14:43 - 23 դեկտեմբերի, 2020
Ռուս խաղաղապահները ավարտում են Ստեփանակերտի հյուսիսային հատվածի ականազերծումը |armenpress.am|

Ռուս խաղաղապահները ավարտում են Ստեփանակերտի հյուսիսային հատվածի ականազերծումը |armenpress.am|

armenpress.am: Ռուսաստանի Պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։ Ինչպես հայտնում են ՌԴ ՊՆ-ից, ռուսական խաղաղապահ ուժերի ինժեներական ստորաբաժանումներն ավարտում են Ստեփանակերտի հյուսիսային հատվածի ականազերծումը: Գործողության ընթացքում Լեռնային Ղարաբաղում ռուսական խաղաղապահ ուժերի ինժեներական ստորաբաժանումների կողմից ականազերծվել է 260 հեկտար տեղանք, մոտ 100 կմ ճանապարհ, 434 շենք-շինություն: Հայտնաբերվել և վնասազերծվել է ավելի քան 8,6 հազար պայթուցիկ։ Լեռնային Ղարաբաղում պայթունավտանգ առարկաներից տարածքի ականազերծման և մաքրման ընթացքում ռուս խաղաղապահները կիրառում են ժամանակակից ռոբոտատեխնիկական համալիրներ: Հայտնաբերված պայթյունավտանգ առարկաները և չպայթած զինամթերքը դուրս է բերվում և ոչնչացվում հատուկ սարքավորված զորավարժարանում:
12:56 - 23 դեկտեմբերի, 2020