Ինֆոթեգեր Մեր մասին
hy en ru
Նվիրաբերել

Արցախ

Արցախի Հանրապետություն կամ Լեռնային Ղարաբաղ․ 1991թ․ սեպտեմբերի 2-ին անկախացած հանրապետություն։ 2020 թվականի նոյեմբերի 9-ի հայտարարությունից հետո Արցախում տեղակայվել են ՌԴ խաղաղապահ ուժերը։ Ներկայումս  Արցախի  վերահսկողության տակ է նախկին Խորհրդային Միության կազմի մեջ մտնող Լեռնային Ղարաբաղի ինքնավար մարզը՝ բացառությամբ Հադրութի շրջանի և Շուշիի շրջանի Շուշի և Քարին տակ բնակավայրերի։

Մայրաքաղաքը Ստեփանակերտն է։ Գործող նախագահը Արայիկ Հարությունյանն է։

Արցախի Հանրապետության անկախությունը դեռեւս չի ճանաչել ՄԱԿ անդամ որեւէ պետություն։

Ժամանակավոր զբաղվածության ծրագրեր արցախցիների համար

Ժամանակավոր զբաղվածության ծրագրեր արցախցիների համար

Արցախցիների համար ժամանակավոր զբաղվածության ծրագրերի դիմումներն ընդունվում են։ «Աշխատանքային փորձ ձեռք բերելու համար աջակցության տրամադրում» ծրագրով շահառուն ամսական 100,000 դրամ աշխատավարձ կստանա։ «Վարձատրվող հասարակական աշխատանքների կազմակերպում» ծրագրով էլ արցախցիները կընդգրկվեն համայնքային աշխատանքներում և մեկ աշխատանքային օրվա համար կստանան 8,000 դրամ։ Երկու ծրագրի դեպքում էլ անհրաժեշտ է առձեռն դիմում ներկայացնել Զբաղվածության պետական գործակալության տարածքային կենտրոն կամ դիմել առցանց։
16:55 - 31 հունվարի, 2021
Երևանից Ստեփանակերտ ուղևորված 2 ավտոբուս եղանակային վատ պայմանների պատճառով կանգ է առել Սիսիան քաղաքում

Երևանից Ստեփանակերտ ուղևորված 2 ավտոբուս եղանակային վատ պայմանների պատճառով կանգ է առել Սիսիան քաղաքում

Այսօր՝ հունվարի 31-ին, Երևանից Ստեփանակերտ ճանապարհված ուղևորափոխադրող 2 ավտոբուս եղանակային վատ պայմանների պատճառով կանգ են առել Սիսիան քաղաքում: Տեղեկությունը հայտնում է ՀՀ-ում Արցախի կառավարության օպերատիվ շտաբը։ «ՀՀ տարածքային կառավարման և ենթակառուցվածքների նախարարության, ՀՀ ճանապարհային ոստիկանության համապատասխան ստորաբաժանումների և Սիսիանի քաղաքապետարանի կողմից տարվում են համապատասխան աշխատանքներ. ուղևորները՝ թվով 96 անձ, ապահովված են գիշերակացով և տաք ըմպելիքներով։ Խնդրում ենք չանհանգստանալ, վստահեցնում ենք, որ երթուղայինները կշարժվեն ըստ հնարավորության, և ուղևորներին անվտանգ կհասցնեն իրենց ընտանիքներին»,– նշված է հաղորդագրության մեջ։ 
15:56 - 31 հունվարի, 2021
Արցախում կորոնավիրուսի դեպքերի թիվն ավելացել է 6-ով

Արցախում կորոնավիրուսի դեպքերի թիվն ավելացել է 6-ով

Հունվարի 30-ին կատարվել է 51 թեստավորում, որից հաստատվել է կորոնավիրուսային հիվանդության 6 նոր դեպք: Վարակակիրները նախկինում հաստատված տարբեր օջախների կոնտակտավորներ են: Այս մասին հայտնում է Արցախի Հանրապետության  առողջապահության նախարարությունը:   «Արցախում, ընդհանուր առմամբ, հաստատվել է կորոնավիրուսային հիվանդության 3332 դեպք, որոնցից 31-ը` մահվան ելքով: Կորոնավիրուսային հիվանդությամբ այս պահին ստացիոնար բուժում է ստանում 24 վարակակիր, իսկ թեթև ձևերը ամբուլատոր բուժում են ստանում տնային պայմաններում: Կատարվել է 19 291 թեստավորում: Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու համար»,- նշված է գերատեսչության տարածած հաղորդագրության մեջ:
13:27 - 31 հունվարի, 2021
Արցախի ներպետական ճանապարհները բաց են. ԱՀ ԱԻՊԾ

Արցախի ներպետական ճանապարհները բաց են. ԱՀ ԱԻՊԾ

ԱԻ պետական ծառայությունն իրազեկում է, որ Արցախի Հանրապետության տարածքում ներպետական  ավտոճանապարհները բաց են ձմեռային անվադողերով տրանսպորտային միջոցների համար: Արցախը Հայաստանին կապող միակ միջպետական մայրուղու Լիսագոր գյուղի հատվածում տեղ-տեղ դժվարանցանելի է: Սյունիքի մարզի «Զանգեր»-Սարավան հատվածում մերկասառույց է: Բքի պատճառով փակ է Գորիս-Սիսիան ավտոճանապարհը:   Բոլոր ուղղություններում կատարվում են աղցանման և ձնամաքրման աշխատանքներ: Վարորդներին խորհուրդ է տրվում երթևեկել բացառապես ձմեռային անվադողերով:    
11:44 - 31 հունվարի, 2021
Արցախում ռուս ականազերծողներն ավելի քան 15 հազար պայթյունավտանգ զինամթերք են հայտնաբերել |armenpress.am|

Արցախում ռուս ականազերծողներն ավելի քան 15 հազար պայթյունավտանգ զինամթերք են հայտնաբերել |armenpress.am|

armenpress.am: Ռուսաստանի արտակարգ իրավիճակների նախարարության մասնագետները Լեռնային Ղարաբաղում ականազերծման աշխատանքներ են իրականացրել ավելի քան 123 հեկտար  տարածքի վրա՝  հայտնաբերելով մոտ 15,5 հազար պայթյունավտանգ առարկա: Այս մասին տեղեկացնում են Ռուսաստանի Դաշնության արտակարգ իրավիճակների պետական ծառայությունից: «Լեռնային Ղարաբաղում «Առաջնորդ» կենտրոնի ականազերծող խումբը ներկայում աշխատանքները շարունակում է Մարտունու շրջանում (ավելի վաղ՝ Ասկերանում): Ամբողջ ժամանակահատվածում այս տարածքներում հետազոտվել է ավելի քան 110 հա տարածք, որտեղ հայտնաբերվել է շուրջ 15 հազար զինամթերք:    Ընդ որում՝ հայտնաբերվել է ավելի քան 6,8 հազար հրետանային արկ և 3,4 հազար տարբեր տրամաչափի փամփուշտներ, ինչպես նաև՝  ավելի քան 730 ականանետային արկ ու ավելի քան 1100 նռնակ: Միայն հունվարի 29-ի օրվա ընթացքում ականազերծողները հայտնաբերել են 115 պայթյունավտանգ առարկա, որոնց մասին տեղեկատվությունը ստացվել է տեղի բնակչությունից»,- հայտնում են ՌԴ արտակարգ իրավիճակների նախարարությունից՝ նշելով, որ տեղի բնակիչներն աջակցություն են ցուցաբերում  գերատեսչության աշխատակիցներին՝ տեղեկատվություն հաղորդելով  պայթյունավտանգ առարկաների գտնվելու հնարավոր վայրերի մասին:
18:09 - 30 հունվարի, 2021
Ալիևն ու Էրդողանը քննարկել են ԼՂ -ում ռուս-թուրքական մոնիտորինգային կենտրոնի գործունեությանը վերաբերող հարցեր |shantnews.am|

Ալիևն ու Էրդողանը քննարկել են ԼՂ -ում ռուս-թուրքական մոնիտորինգային կենտրոնի գործունեությանը վերաբերող հարցեր |shantnews.am|

shantnews.am: Ադրբեջանի նախագահ Իլհամ Ալիևը Թուրքիայի նախագահ Էրդողանի հետ քննարկել է Լեռնային Ղարաբաղում  ռուս-թուրքական համատեղ մոնիտորինգային կենտրոնի գործունեությանն առնչվող հարցերը : Այս մասին հայտնում է ՏԱՍՍ գործակալությունը՝ հղում անելով Ադրբեջանի նախագահի մամուլի ծառայությանը: «Իլհամ Ալիևը թուրք գործընկերոջը շնորհավորել է Աղդամի շրջանում ռուս-թուրքական համատեղ մոնիտորինգային կենտրոնի բացման կապակցությամբ: Երկու երկրների ղեկավարները համոզմունք են հայտնել, որ կենտրոնի գործունեությունը տարածաշրջանում խաղաղության ապահովմանը կծառայի»,- ասվում է հաղորդագրության մեջ: Զրուցակիցները  գոհունակություն  են հայտնել ՀՀ վարչապետի, ՌԴ նախագահի և Ադրբեջանի նախագահի ստորագրած եռակողմ հայտարարության պահանջների   կատարումից:  Նրանք քննարկել են նաև թուրքական ընկերությունների, Ադրբեջանի վերահսկողության տակ անցած տարածքներում, վերականգնողական աշխատանքներին մասնակցության հարցը: «Ինչպես նաև կողմերը զրույցի ընթացքում նշել են համավարակի դեմ պայքարում երկուստեք աջակցության կարևորությունը»,- ասված է Ադրբեջանի նախագահի մամուլի ծառայության հաղորդագրությունում:
17:55 - 30 հունվարի, 2021
ԼՂ հարցում ԱՄՆ-ը և Ռուսաստանը գործակցում են և ցանկանում են շարունակել գործակցությունը. ՌԴ-ում ԱՄՆ դեսպան |1lurer.am|

ԼՂ հարցում ԱՄՆ-ը և Ռուսաստանը գործակցում են և ցանկանում են շարունակել գործակցությունը. ՌԴ-ում ԱՄՆ դեսպան |1lurer.am|

1lurer.am: Լեռնային Ղարաբաղի, Ուկրաինայի, Լիբիայի և Հյուսիսային Կորեայի ապամիջուկայնացման հարցում ԱՄՆ-ն և Ռուսաստանը գործակցում են և ցանկանում են շարունակել երկխոսությունը: Այս մասին հայտարարել է  ՌԴ-ում ԱՄՆ դեսպան Ջոն Սալիվանը: «ԱՄՆ-ն, Ֆրանսիան և Ռուսաստանը Մինսկի խմբի համանախագահներ են, ՌԴ արտգործնախարարի ճեպազրույցի ժամանակ մեզ  տեղեկացրել են Լեռնային Ղարաբաղում ընթացող իրադարձությունների մասին: Դա գործակցության ևս մի օրինակ է»,- ընդգծել է դեսպանը:
16:46 - 30 հունվարի, 2021
Կձևավորվի Արցախի առողջապահության նախարարին կից հասարակական խորհուրդ

Կձևավորվի Արցախի առողջապահության նախարարին կից հասարակական խորհուրդ

ԱՀ առողջապահության նախարար Միքայել Հայրիյանը ստորագրել է նախարարին կից հասարակական խորհուրդ ձևավորելու մասին թիվ 19 հրամանը: Այս մասին տեղեկացնում է Արցախի ԱՆ նախարարությունը։ Խորհրդի կազմում ընդգրկվելու են հասարակական կազմակերպությունների, տարբեր մասնագիտական միավորումների ներկայացուցիչներ, փորձառու և առաջատար մասնագետներ, որոնց գործունեությունը հետապնդելու է առողջապահության նախարարության գործունեության արդյունավետությունը բարձրացնելու, առողջապահական համակարգի առջև ծառացած խնդիրների լուծման համակարգային ուղիները որոնելու և զարգացման ռազմավարական ուղղությունները մշակելու գործում խորհրդատվական աջակցություն ցուցաբերելու նպատակ: Նույն հրամանով Նախարարը հաստատել է նաև Խորհրդի աշխատակարգը: Խորհուրդը նախագահելու է ԱՀ առողջապահության նախարարը, խորհրդի կազմը չի կարող պակաս լինել 15 անդամից և գերազանցել 50-ը: Խորհրդում անդամակցությունը կրելու է հասարակական, իսկ գործունեությունը՝ խորհրդատվական բնույթ: Առաջիկա օրերին Նախարարությունը հայտարարություն կտարածի խորհրդի կազմում ընդգրկվելու հավակնորդների դիմումների ընդունելության կարգի ու ժամկետի վերաբերյալ:
15:07 - 30 հունվարի, 2021
Արցախում բացվել է ռուս-թուրքական մոնիթորինգային կենտրոնը

Արցախում բացվել է ռուս-թուրքական մոնիթորինգային կենտրոնը

Այսօր Աղդամում բացվել է ռուս-թուրքական համատեղ մոնիթորինգային կենտրոնը, որը հետևելու է Լեռնային Ղարաբաղում հրադադարի ռեժիմի պահպանմանը։ Այս մասին հայտնում է TACC-ը։ Բացման արարողությանը մասնակցել են Ադրբեջանի պաշտպանության նախարար Զաքիր Հասանովը, Ռուսաստանի պաշտպանության փոխնախարար Ալեքսանդր Ֆոմինը, ինչպես նաև Թուրքիայի պաշտպանության փոխնախարար Յունուս Էմրե Կարաօսմանօղլուն։ Հիշեցնենք, որ նոյեմբերի 11-ին հուշագիր է ստորագրվել ՌԴ և Թուրքիայի պաշտպանության նախարարների մակարդակով, որ կենտրոնը աշխատելու է բացառապես հեռավար ռեժիմով՝ օբյեկտիվ վերահսկման տեխնիկական միջոցների՝ ԱԹՍ-ների և այլ տեխնոլոգիաների կիրառմամբ, որ թույլ են տալիս որոշել ԼՂ-ում և առաջին հերթին՝ շփման գծում իրավիճակը: Ավելի վաղ ՌԴ ԱԳ փոխնախարար Սերգեյ Լավրովը հայտնել էր, որ կենտրոնը տեղակայվելու է Ադրբեջանի տարածքում՝ այն հատվածում, որը Լեռնային Ղարաբաղի մոտ չէ, որի շուրջ լրացուցիչ համաձայնեցում կլինի, սակայն այն նախկին հակամարտության տարածքում չի լինելու:    Թարգմանությունը՝ Լիլիթ Հարությունյանի
13:16 - 30 հունվարի, 2021
Հայաստան-Արցախ ավտոճանապարհին կան փակ և դժվարանցանելի հատվածներ

Հայաստան-Արցախ ավտոճանապարհին կան փակ և դժվարանցանելի հատվածներ

Տեղացած ձյան պատճառով ներկայում դժվարանցանելի են Արցախից դեպի Հայաստան՝ Սարավան-«Զանգեր» ճանապարհահատվածը, Արարատի մարզի Տիգրանաշենի ոլորանները: Այս մասին տեղեկացրին Արցախի Ներքին գործերի նախարարության արտակարգ իրավիճակների պետական ծառայության տեղեկատվության և հասարակայնության հետ կապերի բաժնից: «Կցորդիչով բեռնատարների համար փակ է Վայոց ձորի մարզի Չիվա-Ելփին ավտոճանապարհը։ Արցախի տարածքում ներպետական ավտոճանապարհները բաց են ՝ ձմեռային անվադողերով երթևեկող տրանսպորտային միջոցների համար: Շինարարական մի քանի կազմակերպություններ այս պահին իրականացնում են ձնամաքրման և աղացանման աշխատանքներ»,- հայտնում են Արտակարգ իրավիճակների ծառայությունից՝ վարորդներին հորդորելով երթևեկել բացառապես ձմեռային անվադողերով:
12:48 - 30 հունվարի, 2021
Ռուս խաղաղապահները մեկնում են ռուս-թուրքական դիտարկման կենտրոն |1lurer.am|

Ռուս խաղաղապահները մեկնում են ռուս-թուրքական դիտարկման կենտրոն |1lurer.am|

1lurer.am:  Ռուս խաղաղապահները մեկնել են ադրբեջանական Կիյամադդինլի բնակավայր, որտեղ տեղակայվելու է ռուս-թուրքական համատեղ վերահսկման կենտրոնը՝ ղարաբաղյան հակամարտության գոտում հրադադարի ռեժիմի դիտարկման համար: Այդ մասին հայտնում են ՌԴ պաշտպանության նախարարությունից: Մի քանի օր շարունակ Ստեփանակերտում գտնվող ռուսական խաղաղապահ զորախմբի տեղակայման վայրում զինծառայողները ուսումնասիրել են կենտրոնի կառուցվածքը, նպատակը, խնդիրները և գործառույթները, ինչպես նաև աշխատանքի կազմակերպման կարգը:   Միասնական կենտրոնի անձնակազմը, որում ներկայացված են լինելու ռուսական և թուրքական կողմերի հավասար թվով զինծառայողներ, անօդաչու թռչող սարքերի միջոցով վերահսկելու է հրադադարի  պահպանումը:   Հրադադարի վերահսկման ռուս-թուրքական համատեղ կենտրոնը կտեղակայվի Ադրբեջանի տարածքում՝ համաձայն Ռուսաստանի և Թուրքիայի պաշտպանության նախարարությունների ղեկավարների կողմից նոյեմբերի 11-ին ստորագրված  հուշագրի, որով կողմերը պայմանավորվել են միասնական կենտրոնի շտաբը կազմավորել հավասարության սկզբունքով:  
12:36 - 30 հունվարի, 2021
Հայտնաբերվել է ռազմական գործողությունների ընթացքում զոհված 14 զինվորի աճյուն, 1 աճյուն փոխանցել է ադրբեջանական կողմը․ ԱՀ ԱԻՊԾ

Հայտնաբերվել է ռազմական գործողությունների ընթացքում զոհված 14 զինվորի աճյուն, 1 աճյուն փոխանցել է ադրբեջանական կողմը․ ԱՀ ԱԻՊԾ

Հունվարի 29-ին ԱՀ ներքին գործերի նախարարության արտակարգ իրավիճակների պետական ծառայության փրկարարական ջոկատները որոնողական աշխատանքների արդյունքում հայտնաբերել և վերադարձրել են 15 աճյուն: Այս մասին տեղեկացնում են Արցախի Արտակարգ իրավիճակների պետական ծառայությունից։ «Ռազմագործողությունների ընթացքում զոհված մեկ զինծառայողի աճյուն հայտնաբերվել է Մարտունու շրջանից, 13-ը՝ Ջրականի (Ջաբրաիլ) ուղղությունից: Մեկ զինծառայողի աճյուն Եղնիկներից (Արեգա սար) ադրբեջանական կողմն է փոխանցել հայկական կողմին: Վերջիններիս ինքնությունը պարզելու նպատակով նշանակվել է դատաբժշկական փորձաքննություն: Հունվարի 29-ի տվյալներով որոնողական աշխատանքների արդյունքում հայտնաբերվել է 1344 աճյուն: Այսօր փրկարարական ջոկատները կաշխատեն Հադրութի շրջանում և ՀՀ Սյունիքի մարզի տարածքում»,- նշված է ԱՀ ԱԻՊԾ հաղորդագրության մեջ։
10:26 - 30 հունվարի, 2021
Ստեղծվել է ԱՀ առողջապահության նախարարին կից հասարակական խորհուրդ

Ստեղծվել է ԱՀ առողջապահության նախարարին կից հասարակական խորհուրդ

ԱՀ առողջապահության նախարարն ստորագրել է նախարարին կից հասարակական խորհուրդ ձևավորելու մասին թիվ 19 հրամանը:Խորհրդի կազմում ընդգրկվելու են հասարակական կազմակերպությունների, տարբեր մասնագիտական միավորումների ներկայացուցիչներ, փորձառու և առաջատար մասնագետներ, որոնց գործունեությունը հետապնդելու է առողջապահության նախարարության գործունեության արդյունավետությունը բարձրացնելու, առողջապահական համակարգի առջև ծառացած խնդիրների լուծման համակարգային ուղիները որոնելու և զարգացման ռազմավարական ուղղությունները մշակելու գործում խորհրդատվական աջակցություն ցուցաբերելու նպատակ:Նույն հրամանով նախարարը հաստատել է նաև խորհրդի աշխատակարգը: Խորհուրդը նախագահելու է ԱՀ առողջապահության նախարարը, խորհրդի կազմը չի կարող պակաս լինել 15 անդամից և գերազանցել 50-ը: Խորհրդում անդամակցությունը կրելու է հասարակական, իսկ գործունեությունը՝ խորհրդատվական բնույթ:Առաջիկա օրերին նախարարությունը հայտարարություն կտարածի խորհրդի կազմում ընդգրկվելու հավակնորդների դիմումների ընդունելության կարգի ու ժամկետի վերաբերյալ:    
21:39 - 29 հունվարի, 2021
Լատվիայի ԱԳՆ տարեկան հաշվետվությունն անդրադարձել է Լեռնային Ղարաբաղի կարգավիճակի հարցի լուծմանը |armenpress.am|

Լատվիայի ԱԳՆ տարեկան հաշվետվությունն անդրադարձել է Լեռնային Ղարաբաղի կարգավիճակի հարցի լուծմանը |armenpress.am|

armenpress.am: Լատվիայի արտաքին քաղաքական գլխավոր փաստաթուղթը՝ Լատվիայի ԱԳՆ տարեկան հաշվետվությունն անդրադարձել է Լեռնային Ղարաբաղի հակամարտությանը՝ ընդգծելով, որ Հայաստանն ու Ադրբեջանը, համագործակցելով միջազգային հանրության հետ, պետք է շարունակեն փնտրել Լեռնային Ղարաբաղի կարգավիճակի հարցի լուծում։ Փաստաթղթում նշված է. «Հայաստանն ու Ադրբեջանը, համագործակցելով միջազգային հանրության հետ, պետք է շարունակեն լուծում փնտրել Լեռնային Ղարաբաղի կարգավիճակի հարցի շուրջ: Ըստ հաշվետվության՝ Եվրամիությունն ընդգծում է, որ հակամարտության կողմերը պետք է ԵԱՀԿ Մինսկի խմբի շրջանակներում լուծում փնտրեն Լեռնային Ղարաբաղի կարգավիճակի վերաբերյալ։
19:46 - 29 հունվարի, 2021
Ժոզեպ Բորելն ու Սերգեյ Լավրովը Մոսկվայում կքննարկեն նաև ԼՂ-ում իրադրության հետագա կայունացման հարցը |tert.am|

Ժոզեպ Բորելն ու Սերգեյ Լավրովը Մոսկվայում կքննարկեն նաև ԼՂ-ում իրադրության հետագա կայունացման հարցը |tert.am|

tert.am: ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը փետրվարի 4-6-ը կայցելի Մոսկվա, որի ընթացքում պլանավորում է ՌԴ ԱԳ նախարար Սերգեյ Լավրովի հետ քննարկել երկկողմ հարաբերությունները, համավարակի դեմ պայքարը, Լեռնային Ղարաբաղում իրադրության հետագա կայունացումը, իրանական միջուկային գործարքը, Ուկրաինայի հետ հակամարտությունը, Ալեքսեյ Նավալնիի ձերբակալությունը: ԵՄ արտաքին քաղաքական ծառայության տարածած հայտարարությանը հղումով գրում է ՏԱՍՍ-ը։Հայտարարությունում, մասնավորապես, նշվում է, որ «Բորելը կքննարկի Ուկրաինայում և հարևան երկրներում Ռուսաստանի գործողությունները, իրանական միջուկային գործարքի իրականացման կարևորությունը, կորոնավիրուսի համաճարակի դեմ պայքարը, կլիմայի փոփոխությունը և այլ հարցեր»։
19:37 - 29 հունվարի, 2021
FAO-ն Հայաստանում հրատապ օգնություն է տրամադրում հակամարտությունից տուժած մարդկանց

FAO-ն Հայաստանում հրատապ օգնություն է տրամադրում հակամարտությունից տուժած մարդկանց

ՄԱԿ-ի Պարենի և գյուղատնտեսության կազմակերպությունը (ՊԳԿ) Հայաստանին հրատապ օգնության ծրագիր է սկսել`օգնելու համար Լեռնային Ղարաբաղի հակամարտությունից տուժած խոցելի խմբերին: Այս մասին տեղեկացրին ՀՀ կառավարությանը ենթակա սննդամթերքի անվտանգության տեսչական մարմնի տեղեկատվության և հասարակայնության հետ կապերի բաժնից։ «Ծրագիրը իրականացվելու է ՀՀ սննդամթերքի անվտանգության տեսչական մարմնի և ՀՀ էկոնոմիկայի նախարարության հետ համատեղ՝ նպատակ ունենալով արագ արձագանքել ՀՀ կառավարության կողմից իրականացվող միջամտություններին, դրանցում կարևոր բացերը լրացնելուն: Աջակցությունը տրամադրվելու է գյուղատնտեսական նշանակության ներդրանքների միջոցով, ինչպիսիք են՝ անասնակերը, սարքավորումները և տեղահանված գյուղատնտեսական կենդանիների համար ժամանակավոր կացարաններ կառուցելու նյութերը: «Ծրագիրը կարևոր է, քանզի ընձեռում է արագ արձագանքման հնարավորություն, սակայն առաջիկա գյուղատնտեսական սեզոնի համար ավելի մեծ աջակցություն է անհրաժեշտ», — նշեց ՊԳԿ Հայաստանյան ներկայացուցիչ Ռայմունդ Յելեն: Նշենք, որ Ղարաբաղյան հակամարտությունից հետո տեղահանված ընտանիքների կողմից Հայաստան են տեղափոխվել, ըստ տարբեր հաշվարկների, մոտ 12 000-ից մինչև 55 000 կով և 60 000-ից մինչև 90 000 մանր եղջերավոր կենդանիներ»,- ասվում է հաղորդագրության մեջ:
19:30 - 29 հունվարի, 2021