ՊԵԿ - infocom.am

Երեւան-Արմավիր-Երեւան երթուղում ապօրինի ուղեւորափոխադրումների հարցով հաղորդում են ներկայացրել ՊԵԿ–ին |news.am|

news.am։ Շուրջ 20 տրանսպորտային միջոց Երեւան-Արմավիր-Երեւան երթուղում կանոնավոր ապօրինի ուղեւորափոխադրումներ է իրականացնում՝ չնայած այն հանգամանքին, որ երթուղու սպասարկումը հանձնվել է «Գալակտիկա Տրանս Սերվիս» ՍՊԸ-ին։ Այս մասին հայտնեցին «Ղազարյան ընդ Փարթնըրս» փաստաբանական գրասենյակից:«Գալակտիկա Տրանս Սերվիս» ՍՊԸ-ի տնօրեն Շուշանիկ Խաչատրյանը մտահոգություն ունի՝ պատկան մարմինները անգործություն են դրսեւորում:«Արդյունքում խոշոր վնաս է հասցվում մեր ընկերությանը, որի պայմաններում մենք դժվարանում ենք կատարել մեզ վրա պայմանագրերով դրված պարտականությունները: Բացի այդ՝ հիշյալ տրանսպորտային միջոցները, չունենալով համապատասխան լիցենզիա, փաստացիորեն չեն վճարում նաեւ հարկեր եւ տուրքեր, միեւնույն ժամանակ կատարում են ապօրինի ձեռնարկատիրություն»,-ասաց Շուշանիկ Խաչատրյանը:«Գալակտիկա Տրանս Սերվիս» ՍՊԸ-ի ներկայացուցիչ, փաստաբան Տիգրան Ղազարյանը նշեց, որ դեպքի առթիվ հաղորդում են տվել ՀՀ Պետական եկամուտների կոմիտեի քննչական վարչությանը, քանի որ գտնում են՝ առկա է ՀՀ քրեական օրենսգրքով նախատեսված հանցագործությունների հատկանիշներ. «Ներկայացված հաղորդմամբ բարձրաձայնել ենք այն հարցը, որ առերեւույթ առկա են ՀՀ քրեական օրենսգրքի 205-րդ եւ 188-րդ հոդվածներով նախատեսված հանցագործությունների հատկանիշներ, որոնք ուղղակիորեն գույքային վնաս են հասցնում նախ Հայաստանի Հանրապետությանը, ապա նաեւ «Գալակտիկա Տրանս Սերվիս» ՍՊԸ-ին, միաժամանակ նաեւ ուղեւորափոխադրումներից օգտվող անձանց»,-ասաց Տիգրան Ղազարյանը:

12:39 - 23 օգոստոսի, 2019

ՊԵԿ-ը հորդորում է ժամանակավորապես սահմանափակել կցորդով և կիսակցորդով բեռնատարների հոսքը Գուգուտի-Գոգավան անցակետով

Պետական եկամուտների կոմիտեն հորդորում է Գուգուտի-Գոգավան անցակետով ժամանակավորապես սահմանափակել կցորդով և կիսակցորդով բեռնատարների հոսքը՝ Պոնիչալա-Մառնեուլի-Գուգուտի ճանապարահատվածի վերանորոգման աշխատանքներով պայմանավորված: Հաշվի առնելով ամառային շրջանում զբոսաշրջային սեզոնի աշխուժացումը և ապրանքների ծավալների աճը, Վրաստանի Ֆինանսների նախարարության պետական եկամուտների ծառայության տեղեկացնում է, որ հետագայում սահմանահատումն անխոչընդոտ կազմակերպելու նպատակով նախատեսում է վերանորոգել Պոնիչալա-Մառնեուլի-Գուգուտի ճանապարհահատվածը: Վերանորոգման աշխատանքները կմեկնարկեն օգոստոսի 19-ից և կավարտվեն աշնանը: Այդ ընթացքում նախատեսվում է վերանորոգել ճանապարհի 85-98-րդ կիլոմետր հատվածը: ՊԵԿ

06:11 - 15 օգոստոսի, 2019

Գյումրիում ավտոմաքսատան կառուցման աշխատանքը կիրականացնի «Պոդմոսկովյե» ընկերությունը |armenpress.am|

armenpress.am: Շիրակի մարզի Գյումրի քաղաքում ավտոմաքսատան կառուցման աշխատանքները կիրականացնի «Պոդմոսկովյե» ընկերությունը: Այս մասին տեղեկությունը օգոստոսի 13-ին հրավիրված մամուլի ասուլիսի ընթացքում հաստատեց ՀՀ պետական եկամուտների կոմիտեի նախագահի տեղակալ Էդվարդ Հովհաննիսյանը:Հովհաննիսյանը նշեց, որ ընկերության մասին մանրամասն տեղեկությունների չի տիրապետում, իսկ ինչ վերաբերում է կառավարության կողմից տրամադրված գումարին, ՊԵԿ նախագահի տեղակալը հայտնեց, որ այս պահի դրությամբ աշխատանքների կազմակերպման համար փոխանցվել է 966 մլն դրամ:

13:06 - 13 օգոստոսի, 2019

Դավիթ Անանյանն անդրադարձել է իր հասեցին հնչող քննադատություններին

ՊԵԿ նախագահ Դվիթ Անանյանը ֆեյսբուքյան իր էջում գրել է․«Ընդհանրապես ձեռնպահ եմ մնում ֆեյսբուքյան տիրույթում իմ հասցեին պատվիրված գրառումներ կատարողներին պատասխան գրելուց, քանի որ գիտեմ, որ այդ խեղճերն էլ իրենց աշխատանքն են կատարում՝ ինչ որ բանի դիմաց։ Բացարձակ չի հետաքրքրում, թե որոշ հայտնի և անհայտ վայ գրչակներ կամ մունետիկներ ինչեր են գրում (քանի որ դրանց բանի տեղ դնելով առկա է ոչ արդյունավետ պետական ծառայող դառնալու իրական ռիսկ)։ Սակայն հաճախ թույլ են տրվում որոշ արտահայտություններ ու պիտակավորումներ, որոնց, այնուամենայնիվ, գտնում եմ, որ անդրադառնալ պետք է։ Վերջերս, հրաժարականս պահանջող հերթական գրչակներից մեկը, որպես իր պահանջի հիմնավորում նշել էր, որ ․․․ "ՊԵԿ-ը ղեկավարում է նախկին իշխանության կադրերից մեկը"։ Ավելի քան 26 տարի է այս մասնագիտության մեջ եմ, որից 16-ը՝ ոչ պետական ոլորտում։ Երկարատև (16 տարվա) ընդմիջումից հետո պետական ծառայության եմ վերադարձել 2016 թվականի հոկտեմբերի 25-ին, իմ ընկերոջ՝ Վարդան Արամյանի հրավերով և պատիվ եմ ունեցել լինել ֆինանսների նախարարի՝ հարկային և մաքսային քաղաքականության, հաշվապահական հաշվառման և աուդիտի ոլորտները կանոնակարգող տեղակալը։ Այժմ, պատիվ ունեմ զբաղեցնելու ՊԵԿ նախագահի պաշտոնը։ Հետևությունները թողնում եմ հանրությանը»։

08:16 - 13 օգոստոսի, 2019

ՀԴՄ կտրոն տրամադրելու քանակն ավելացել է. ՊԵԿ |shantnews.am|

shantnews.am։ Պետական եկամուտների կոմիտեի նախագահի տեղակալ Էդվարդ Հովհաննիսյանը ներկայացրել է 2019թ. առաջին 7 ամիսների ընթացքում ՀՀ հարկային օրենսգրքի մի շարք հոդվածների խախտումներով դեպքերի առկայության և ձեռնարկված օպերատիվ-հետախուզական միջոցառումների արդյունքների մասին: ՀԴՄ կտրոններ տրամադրելու առումով ՀՀ ՊԵԿ-ը պարզել է, որ դրանք նախորդ տարվա համեմատ ավելի շատ են տրամադրվել, սակայն, այնուամենայնիվ, կան խախտումներ, որոնց իրական ծավալները, սակայն, հնարավոր չէ պարզել:ՊԵԿ պաշտոնյան ասել է, որ իրենք շարունակում են հետևողականորեն աշխատել ՀԴՄ կտրոնների տրամադրման առումով, սակայն գործնականում անհնար է կոնկրետ իմանալ, թե ինչքան կտրոն չի տպվում:

07:54 - 13 օգոստոսի, 2019

2019 թ. ապրանքների մատակարարման կամ տեղափոխության գործարքները խախտելու 458 դեպք է արձանագրվել, կազմվել է 361 վարչական ակտ՝ շուրջ 306 մլն ՀՀ դրամի չափով |tert.am|

tert.am։ Պետական եկամուտների կոմիտեի նախագահի տեղակալ Էդվարդ Հովհաննիսյանն այսօր մամուլի ասուլիսին ներկայացրեց 2019 թ. առաջին յոթ ամիսներում ՀՀ հարկային օրենսգրքի մի շարք հոդվածների խախտումներով դեպքերի առկայության և ձեռնարկված օպերատիվ-հետախուզական միջոցառումների արդյունքները: Այսպիսով` նա հայտնեց ապօրինի գործունեությամբ զբաղվելու 126 դեպք է արձանագրվել, ինչի հիման վրա կազմվել է պարտավորությունների առաջադրման 89 վարչական ակտ՝ ընդհանուր 47.9 մլն դրամի չափով, լիցենզավորման կամ ծանուցման ենթակա գործունեությունն առանց լիցենզիայի կամ առանց ծանուցման իրականացնելը կամ բնական պաշարներն օգտագործելու հոդվածով արձանագրվել է 35 դեպք, ինչի հիման վրա կազմվել է պարտավորությունների առաջադրման 20 վարչական ակտ՝ ավելի քան 21.5 մլն ՀՀ դրամի չափով, իսկ ապրանքների մատակարարման կամ տեղափոխության գործարքների փաստաթղթավորման պարտադիր պահանջները խախտելու 458 դեպք է արձանագրվել, ինչի հիման վրա կազմվել է պարտավորությունների առաջադրման 361 վարչական ակտ՝ շուրջ 306 մլն ՀՀ դրամի չափով: Անդրադառնալով ԵԱՏՄ անդամ պետություններից իրականացվող ներմուծումների մասով առկա չարաշահումներին՝ ՊԵԿ նախագահի տեղակալը նշեց. «Մեր ներկրողները, ԵԱՏՄ անդամ պետություններից ներմուծելով տարբեր ապրանքներ, հարկային մարմին ներկայացնում են որոշ տնտեսվարող սուբյեկտներից ստացված կեղծ հաշիվ-ապրանքագրեր, որոնցում էականորեն ցածր են ձևակերպված լինում ապրանքների ձեռքբերման արժեքները, ինչն էլ հնարավորություն է ընձեռում ավելի քիչ հարկեր վճարել և ներքին շուկայում փոխել ապրանքի գինը: Արդյունքում մրցակցային դաշտը խաթարվում է»,-ասաց նա և նշեց, որ կան այդպիսի բացահայտված դեպքեր: Էդվարդ Հովհաննիսյանը նշեց նաև, որ հաճախ ընկերություններն արհեստականորեն տրոհում են իրենց բիզնեսը՝ մանր բիզնեսների միջոցով փորձելով զերծ մնալ ԱԱՀ շեմի գերազանցումից: Իրական շահառուներին գտնելու նպատակով իրականացվում են օպերատիվ-հետախուզական միջոցառումներ: Շարունակությունը՝ tert.am-ում

07:45 - 13 օգոստոսի, 2019