Վլադիմիր Պուտին

Ռուսաստանի Դաշնության գործող նախագահ։ Ծնվել է 1952թ. հոկտեմբերի 7-ին։ 1975-1991թթ․ ծառայել է ՊԱԿ-ում (КГБ), զբաղեցրել հետախուզական պաշտոններ։ 1991թ. ըստ պաշտոնական տեղեկատվության սեփական զեկուցագրով զորացրվել է ՊԱԿ-ից։ 1990-1995թթ. զբաղեցրել է Լենինգրադի քաղաքային իշխանության տարբեր պաշտոններ։ 1996-1998թթ․ արագ վերելք է գրանցել Կրեմլի տարբեր պաշտոններում՝ ի վերջո ստանձնելով Նախագահի աշխատակազմի ղեկավարի տեղակալի պաշտոնը։ 1998-ին նշանակվում է ԱԴԾ (ФСБ) տնօրեն։

1999-ի օգոստոսին ընդունելով նախագահ Ելցինի առաջարկը ստանձնել է ՌԴ վարչապետի պաշտոնը։ 1999-ի դեկտեմբերի 31-ին հրաժարական տվեց Ելցինը եւ Պուտինը դարձավ նախագահի պաշտոնակատար։ 2000թ․ մարտին ընտրվեց նախագահ եւ պաշտոնավարեց առավելագույն երկու ժամկետով։ 2008-ին՝ վարչապետ Մեդվեդեւի նախագահ ընտրվելուց հետո Պուտինը ստանձնեց Վարչապետի պաշտոնը։ Այս դրվագը հանրային լայն շրջանակներում ընկալվեց որպես «փոխատեղում»։ 2012-ից ի վեր Պուտինը նորից նախագահի պաշտոնում է։ 

Պուտինը համաձայնել է փոփոխություններ մտցնել մայր օրենքում, որոնք թույլ կտան երկարաձգել պաշտոնավարումը նաև 2024 թվականից հետո |azatutyun.am|

Պուտինը համաձայնել է փոփոխություններ մտցնել մայր օրենքում, որոնք թույլ կտան երկարաձգել պաշտոնավարումը նաև 2024 թվականից հետո |azatutyun.am|

azatutyun.am: Ռուսաստանի նախագահ Վլադիմիր Պուտինը համաձայնել է փոփոխություններ մտցնել մայր օրենքում, որոնք թույլ կտան երկարաձգել պաշտոնավարումը նաև 2024 թվականից հետո: Ավելի վաղ իշխող «Եդինայա Ռոսիայի» պատգամավորներից մեկը՝ Վալենտինա Տերեշկովան առաջարկել էր կա՛մ Սահմանադրությունից հանել նախագահության ժամկետի սահմանափակումները, կա՛մ զրոյացնել նախորդ նախագահական ժամկետները: Առաջարկը քննարկելու համար Վլադիմիր Պուտինը կեսօրն անց ժամանել է Պետդումա, և պնդել՝ նախագահության ժամկետների հաշվարկը զրոյից սկսելու տարբերակը հնարավոր է, եթե դրան հավանություն տա նաև Սահմանադրական դատարանը: Պուտինը միաժամանակ անընդունելի է համարել սահմանադրական հանրաքվեից հետո խորհրդարանական արտահերթ ընտրություններ անցկացնելու՝ պատգամավորների առաջարկը:
17:25 - 10 մարտի, 2020
Վլադիմիր Պուտինը Նուրսուլթան Նազարբաևի հետ քննարկել է սիրիական ճգնաժամի վերաբերյալ հարցեր |tert.am|

Վլադիմիր Պուտինը Նուրսուլթան Նազարբաևի հետ քննարկել է սիրիական ճգնաժամի վերաբերյալ հարցեր |tert.am|

tert.am: Ռուսաստանի նախագահ Վլադիմիր Պուտինը և Ղազախստանի Հանրապետության առաջին նախագահ Նուրսուլթան Նազարաբևը հեռախոսային զրույցի ընթացքում քննարկել են սիրիական ճգնաժամը, ինչպես նաև Նազարբաևի` Մոսկվա կատարալիք այցը: Այս մասին հայտնել է Կրեմլի մամուլի ծառայությունը։ Ղազախստանի առաջին նախագահի մամուլի ծառայությունն իր հերթին նշել է, որ զրուցակիցները կարծիքներ են փոխանակել երկկողմ և միջազգային օրակարգի հրատապ հարցերի` այդ թվում սիրիական խնդրի կարգավորման վերաբերյալ վերջերս տեղի ունեցած ռուս-թուրքական բարձր մակարդակի բանակցությունների արդյունքների մասին: «Զրույցի ավարտին կողմերը գոհունակությամբ արձանագրել են, որ ղազախա-ռուսական քաղաքական շփումներն այս տարի մեծ թափով են զարգանում»,- հայտնել է Նազարբաևի մամուլի ծառայությունը:
17:07 - 07 մարտի, 2020
Պուտինն ու Էրդողանը պայմանավորվել են դադարեցնել ռազմական գործողություններն Իդլիբում և մարտի 15-ից համատեղ հերթապահություն սկսել |tert.am|

Պուտինն ու Էրդողանը պայմանավորվել են դադարեցնել ռազմական գործողություններն Իդլիբում և մարտի 15-ից համատեղ հերթապահություն սկսել |tert.am|

tert.am: Ռուսաստանի նախագահ Վլադիմիր Պուտինը թուրք պաշտոնակից Ռեջեփ Թայիփ Էրդողանի հետ բանակցությունների ավարտին հայտնել է, որ կողմերն ընդունելի լուծում են գտել սիրիական Իդլիբ նահանգում իրավիճակի լարվածության կարգավորման համար: «Մենք միշտ չէ, որ համաձայն ենք մեր թուրք գործընկերների հետ Սիրիայում տեղի ունեցող իրադարձությունների իրենց գնահատականի հարցում, սակայն ամեն անգամ դժվարին պահերին, հենվելով երկկողմ հարաբերություններում ձեռք բերված բարձր մակարդակի վրա, մեզ մինչ օրս հաջողվել է շփման եզրեր գտնել ի հայտ եկող վիճահարույց թեմաների շուրջ և հանգել ընդունելի որոշումների: Այդպես տեղի է ունեցել նաև այս անգամ»,- Պուտինին մեջբերում է ТАСС գործակալությունը: ՌԴ ղեկավարը հայտնել է, որ բանակցությունների արդյունքում կողմերը համատեղ փաստաթուղթ են կազմել, որում շարադրված են այն որոշումները, որոնք ընդունվել են ավելի քան 6 ժամ տևած քննարկումների ժամանակ: РИА Новости-ի փոխանցմամբ՝ փաստաթուղթը ներառում է հետևյալ կետերը. բոլոր ռազմական գործողությունների դադարեցումը՝ սկսած մարտի վեցի կեսգիշերից, Ռուսաստանի և Թուրքիայի կողմից 6 կմ երկարությամբ անվտանգության միջանցք ստեղծելը Սիրիայում և մարտի 15-ից համատեղ հերթապահություն իրականացնելը М-4 մայրուղու երկայնքով: Պուտինը վստահություն է հայտնել, որ ձեռք բերված պայմանավորվածությունները հիմք կդառնան Իդլիբում իրավիճակի կարգավորման համար:
22:09 - 05 մարտի, 2020
Պուտինը հուսով է, որ Իդլիբում ստեղծված իրավիճակը չի խարխլի ռուս-թուրքական հարաբերությունները |tert.am|

Պուտինը հուսով է, որ Իդլիբում ստեղծված իրավիճակը չի խարխլի ռուս-թուրքական հարաբերությունները |tert.am|

tert.am: Ռուսաստանի Դաշնության նախագահ Վլադիմիր Պուտինը հուսով է, որ Իդլիբում ստեղծված իրավիճակը չի խարխլի ռուս-թուրքական հարաբերությունները, որոնք կողմերը շատ բարձր են գնահատում: Այս մասին գրում է ТАСС գործակալությունը: Թուրք գործընկեր Ռեջեփ Թայիփ Էրդողանի հետ հանդիպման սկզբում ՌԴ նախագահը շեշտել է սիրիական նահանգում իրավիճակի սրման ֆոնին Թուրքիայի նախագահի հետ դեմառդեմ զրուցելու անհրաժեշտությունը: «Մենք միշտ էլ խոսելու թեմա ունենք, բայց հիմա հայտնի գոտում` Իդլիբում, իրավիճակն այնքան է սրվել, որ այն պահանջում է մեր ուղիղ շփումը»,-ասել է Պուտինը` բացելով ռուս-թուրքական բանակցությունները: Ռուսաստանի առաջնորդն իր ցավակցություններն է հայտնել Էրդողանին Իդլիբում թուրք զինծառայողների մահվան կապակցությամբ և վստահեցրել է, որ սիրիացի զինվորականները տեղյակ չեն եղել նրանց գտնվելու վայրի մասին: «Ես ցանկանում եմ ևս մեկ անգամ իմ ցավակցություննեը հղել Սիրիայում ձեր զինծառայողների մահվան կապակցությամբ»,-դիմել է Ռուսաստանի նախագահն իր թուրք գործընկերոջը: Պուտինը նշել է, որ «մարդկանց մահը միշտ մեծ ողբերգություն է»: «Ցավոք, ինչպես ես արդեն ասել եմ հեռախոսազրույցի ժամանակ, ոչ ոք, այդ թվում սիրիացի զինծառայողները, տեղյակ չեն եղել նրանց գտնվելու վայրի մասին»,-նշել է Պուտինը: Նրա խոսքով` «այս ընթացքում տուժել են նաև սիրիացի զինծառայողները, սիրիական բանակը լուրջ կորուստներ ունի»:
16:06 - 05 մարտի, 2020
Էրդողան. «Ակնկալում ենք անհապաղ հրադադար հաստատել Սիրիայում» |ermenihaber.am|

Էրդողան. «Ակնկալում ենք անհապաղ հրադադար հաստատել Սիրիայում» |ermenihaber.am|

ermenihaber.am: Թուրքիայի նախագահ Ռեջեփ Թայիփ Էրդողանը պատասխանել է լրագրողների հարցերին:  Անդրադառնալով մարտի 5-ին Ռուսաստանի նախագահ Վլադիմիր Պուտինի հետ կայանալիք հանդիպմանը՝ Էրդողանը նշել է, որ ակնկալում են անհապաղ հրադադար հաստատել Սիրիայում: Լրագրողի հարցին, թե այցից առաջ Ռուսաստանը Թուրքիային նոր առաջարկ արե՞լ է, նախագահը նշել է, որ այժմ որևէ առաջարկ չի լինի: Նրա խոսքով՝ Պուտինի հետ հանդիպումից հետո մամուլի ասուլիսին մի շարք թեմաների են անդրադառնալու և որևէ բան գաղտնի չի մնալու:   Սիրիայի հարցով ԱՄՆ-ի հատուկ ներկայացուցիչ Ջեյմս Ջեֆրիի հայտարարել էր, որ ԱՄՆ-ն պատրաստ է զինամթերքով աջակցել Թուրքիային։ Լրագրողները Էրդողանից հետաքրքրվել են, թե արդյոք նման պահանջ Թուրքիան ԱՄՆ-ին ներկայացրել է: Թուրքիայի նախագահն կարճ մեկնաբանություն է տվել. «Ես ԱՄՆ նախագահ Դոնալդ Թրամփին ներկայացրել եմ այդ ամենի վերաբերյալ մեր պահանջները»: Հիշեցնենք, որ Ջեյմս Ջեֆրին Թուրքիայի պաշտպանության նախարարի հետ հանդիպմանը հայտնել էր, որ Վաշինգտոնը կարող է զինամթերքով աջակցել Թուրքիային՝ Սիրիայի Իդլիբ նահանգում թուրքական բանակի կողմից իրականացվող «Գարնանային վահան» ռազմական օպերացիայի համար:
18:50 - 04 մարտի, 2020
Թրամփն աջակցում է ՄԱԿ-ի ԱԽ գագաթնաժողով անցկացնելու Պուտինի առաջարկը |azatutyun.am|

Թրամփն աջակցում է ՄԱԿ-ի ԱԽ գագաթնաժողով անցկացնելու Պուտինի առաջարկը |azatutyun.am|

azatutyun.am: ԱՄՆ նախագահ Դոնալդ Թրամփն աջակցում է ՄԱԿ-ի Անվտանգության խորհրդի հինգ մշտական անդամ երկրների գագաթնաժողով գումարելու Ռուսաստանի նախագահ Վլադիմիր Պուտինի առաջարկը: Այդ մասին այսօր Ֆինլանդիայի մայրաքաղաք Հելսինկիում այդ երկրի ԱԳ նախարար Պեկկա Հաավիստոյի հետ համատեղ ասուլիսում ասել է Ռուսաստանի արտաքին գործերի նախարար Սերգեյ Լավրովը: «ՄԱԿ-ի Անվտանգության խորհրդի հնգյակի գագաթնաժովովի նախաձեռնությամբ Պուտինը հանդես է եկել հունվարի 23-ին Երուսաղեմում՝ Հոլոքոստի զոհերի հիշատակին նվիրված հավաքում, նախաձեռնությանը դրական են արձագանքել Ֆրանսիայի և Չինաստանի նախագահներ Էմանյուել Մակրոնը և Սի Ծինպինը, վերջերս իր աջակցության մասին է հայտնել նաև նախագահ Թրամփը»,- ասել է Սերգեյ Լավրովը: ԱՄՆ վարչակազմի մի բարձրաստիճան ներկայացուցիչ ասել է, որ Թրամփը ցանկանում է Ռուսաստանի, Ֆրանսիայի, Բրիտանիայի և Չինաստանի ղեկավարների հետ քննարկել սպառազինությունների կրճատման հարցը:
19:45 - 03 մարտի, 2020
Էրդողանն ու Պուտինը կհանդիպեն մարտի սկզբին. Իդլիբում արդեն 16 թուրք զինվոր է զոհվել |azatutyun.am|

Էրդողանն ու Պուտինը կհանդիպեն մարտի սկզբին. Իդլիբում արդեն 16 թուրք զինվոր է զոհվել |azatutyun.am|

azatutyun.am: Թուրքիայի նախագահը երեկ հայտարարել է, թե մարտի 5-ին հանդիպելու է Ռուսաստանի առաջնորդ Վլադիմիր Պուտինին` քննարկելու Իդլիբում ստեղծված իրավիճակը, ուր այժմ երկու երկրների զինված ուժերը փաստացի միմյանց դեմ են դուրս եկել` պաշտպանելով հակադիր ճամբարների: Սիրիայի կառավարական բանակը` ռուսների աջակցությամբ, տարեսկզբից պայքարում է Իդլիբը գրավելու համար, որը ընդդիմության վերահսկողության տակ մնացած վերջին խոշոր բնակավայրն է: Թուրքիան, իր հերթին, աջակցում է Ասադի ընդդիմադիրներին: Երեկ, երբ Ասադի զորքերը` ռուսների օգնությամբ, փորձել են առաջ տանել դիրքերը, թուրքական բանակը ևս մեկ զինվոր է կորցրել: Ընդհանուր առմամբ, տարեսկզբից Իդլիբի շուրջ շարունակվող մարտերում թուրքական բանակի 16 զինվոր է զոհվել, ավելի քան մեկ տասնյակը` վիրավորվել: Էրդողանն ավելի վաղ պնդել էր, թե վրեժխնդիր են լինելու կորուստների համար, երեկ էլ պնդել է` Պուտինի հետ հեռախոսազրույցում կրկնել է իր դիրքորոշումը: Մարտին նախատեսված հանդիպմանը ներկա կլինեն նաև Ֆրանսիայի ու Գերմանիայի առաջնորդները:
16:13 - 23 փետրվարի, 2020
Պուտինն ու Էրդողանը համաձայնության չեն եկել |azatutyun.am|

Պուտինն ու Էրդողանը համաձայնության չեն եկել |azatutyun.am|

azatutyun.am: Ռուսաստանի և Թուրքիայի նախագահները երեկվա հեռախոսազրույցում համաձայնության չեն եկել սիրիական Իդլիբի շուրջ, որտեղ նախօրեին փաստացի միմյանց դեմ էին դուրս եկել՝ պաշտպանելով հակադիր ճամբարների: Անկարան աջակցում է ընդդիմադիրներին, Մոսկվան՝ Սիրիայի նախագահ Ասադին, ով մի քանի շաբաթ է՝ կատաղի մարտեր է մղում ընդդիմության վերահսկողության տակ մնացած վերջին խոշոր բնակավայրը՝ Իդլիբը գրավելու համար: Ըստ պաշտոնական հաղորդագրությունների, Ռեջեփ Էրդողանը երեկ կրկին հորդորել է Պուտինին «զսպել Ասադի առաջխաղացումը», Պուտինն իր հերթին պնդել է՝ թիրախում ահաբեկչական խմբավորումներն են, ինչպես նաև ընդգծել «Սիրիայի տարածքային ամբողջականությունն ու ինքնիշխանությունը հարգելու անհրաժեշտությունը»: Երեկվա մարտերում թուրքական բանակը երկու զինվոր է կորցրել, ևս հինգը վիրավոր են: Ավելի վաղ նախագահ Էրդողանը սպառնացել էր վրեժխնդիր լինել սեփական զինվորների ու դաշնակիցների համար, անկախ այն հանգամանքից՝ ով կլինի հարձակման հեղինակը:
15:51 - 22 փետրվարի, 2020
«Մենք շատ մտերմիկ հարաբերություններ ունենք». Պուտինը պատմել է, որ Մեդվեդևի հետ նախապես քննարկել է կառավարության հրաժարականը |tert.am|

«Մենք շատ մտերմիկ հարաբերություններ ունենք». Պուտինը պատմել է, որ Մեդվեդևի հետ նախապես քննարկել է կառավարության հրաժարականը |tert.am|

tert.am: Ռուսաստանի նախագահ Վլադիմիր Պուտինը պատմել է, որ ՌԴ վարչապետ Դմիտրի Մեդվեդևի հետ նախապես քննարկել է իր կառավարության հրաժարականը: «Մենք Դմիտրի Անատոլևիչի հետ շատ մտերմիկ ու ընկերական հարաբերություններ ունենք. միմյանցից գաղտնիքներ չունենք: Այդ է պատճառը, որ այդ հարցը քննարկեցինք նրա հետ»,- հայտարարել է ՌԴ նախագահը՝ «20 հարց Վլադիմիր Պուտինին» նախագծի համար «ՏԱՍՍ»-ին տված հարցազրույցում:  «Նախապես քննարկել ենք, և Մեդվեդևը տեղյակ էր՝ ինչ է կատարվում»,- ընդգծել է Պուտինը: Նախագահը չի համաձայնել այն ձևակերպման հետ, որ կառավարության հրաժարականը աննախադեպ գործողություն էր, հրաժարվել է նաև հստակեցնել, թե բացի իրենից և Մեդվեդևից, ով է տեղյակ եղել իրենց ծրագրերի մասին և երբ է ընդունվել համապատասխան որոշումը: Մեկնաբանելով իր զրուցակից, ՏԱՍՍ-ի լրագրողի խոսքերն առ այն, որ հունվարյան փոփոխությունները կառավարությունում շտապողականության զգացողություն են առաջացնում, Պուտինը հարցրել է. «Ի՞նչ իմաստ կա նման հարցեր տալու, դրանից ի՞նչ կփոխվի»: «Լավ կլինե՞ր, եթե կառավարությունը հրաժարական տար, իսկ հետո կես տարի ձևավորվեր: Պատկերացնո՞ւմ եք, ինչ կկատարվեր երկրում»,- հավելել է նախագահը: Նրա խոսքով՝ «Ռուսաստանը Բելգիան չէ, որ կարողանա մի ամբողջ տարի առանց կառավարության մնալ»:
09:53 - 20 փետրվարի, 2020