Վրաստան

ՀՀ-ն տարածաշրջանում 1 մլն բնակչության հաշվով կորոնավիրուսի դեպքերով 2-րդն է, մահերի թվով՝ 3-րդը. ամփոփ տվյալներ |tert.am|

tert.am: Հայաստանում այսօրվա դրությամբ դեպքերի ընդհանուր թիվը 4472 է, մահվան դեպքերը՝ 60: Առողջացել է 1925 հոգի: Տարածաշրջանում մեկ միլիոն բնակչության հաշվարկով Հայաստանում դեպքերի թիվը երկրորդն է՝ զիջելով Թուրքիային: 1 միլիոն բնակչության հաշվարկով՝ մահերի թվով Հայաստանը երրոդն է՝ զիջելով Իրանին ու Թուրքիային: Այսպիսով՝ ՀՀ-ում թեստավորվել է 40,230 հոգի: Մեկ միլիոն բնակչության հաշվարկով դեպքերի թիվը 1509 է, մահերի թիվը՝ 20: Վրաստանում դեպքերի ընդհանուր թիվը 695 է, մահացել է 12, առողջացել՝ 425 հոգի: Թեստավորվել է 36,248 հոգի: Մեկ միլիոն բնակչության հաշվարկով դեպքերի թիվը 174 է, մահերի թիվը՝ 3: Իրանում դեպքերի ընդհանուր թիվը 118 392 է, մահացել է 6937, առողջացել՝ 93 147 հոգի: Թեստավորվել է 672,679 հոգի: Մեկ միլիոն բնակչության հաշվարկով դեպքերի թիվը 1,412, մահերի թիվը՝ 83: Ադրբեջանում դեպքերի ընդհանուր թիվը 3138 է, մահվան դեպքերինը՝ 36: Առողջացել է 1944 հոգի: Թեստավորվել է 226,005 հոգի: Մեկ միլիոն բնակչության հաշվարկով դեպքերի թիվը 310 է, մահերի թիվը՝ 4:

17:59 - 17 մայիսի, 2020

Ինչո՞ւ են Վրաստանում վարակման դեպքերն ավելի քիչ․ Փաշինյանը պարզաբանեց |shantnews.am|

shantnews.am: Կորոնավիրուսի վարակման դեպքերը Հայաստանում մի քանի անգամ շատ են, քան հարևան Վրաստանում։ Վարչապետ Նիկոլ Փաշինյանին ասուլիսի ժամանակ ուղղված հարցերից մեկը սրա պատճառների մասին էր։ Հարցը նաև այն մասին էր, թե հնարավո՞ր է, որ հարևան երկրները կեղծում են տվյալները։ Վարչապետը նախ ասաց, որ ինքը չի ասել, թե հարևանները կեղծում են, ու նշեց, որ հարևանների մասին վատ բան երբեք չի ասի։ Ինչ վերաբերում է կասկածների մասին խոսքերին, վարչապետն ասաց, որ օրինակ՝ եվրոպական որոշ երկրներում ախտանշաններ չունեցողներին ուղարկում են տուն և չեն հաշվում որպես վարակակիր։ Ինչ վերաբերում է կոնկրետ Վրաստանի հետ համեմատությանը, վարչապետն ասաց, որ Հայաստանում այս թվի մեծ աճը պայմանավորված է նաև անկանխատեսելի դեպքերի հետ։ Նա օրինակով ասաց, որ երբ իշխանության ներկայացուցիչները գնացել են հնարավոր վարակակիրներից մեկի տուն, նա դուռը չի բացել ու ասել է, որ իրենց մոտ ամեն ինչ լավ է, քանի որ չի ցանկացել չեղարկել ընտանեկան միջոցառումը։ Վարչապետը նաև հավելեց, որ կորոնավիրուսային համաճարակը դեռ չի ավարտվել, ու հնարավոր է, որ այդ թվերը փոխվեն։ Այլ երկրներ, ըստ Փաշինյանի, դիտարկում են նաև տնտեսական շահերի հետ հավասարակշռությունը, որի պատճառով էլ տարբեր երկրներում մոտեցումները պարբերաբար փոփոխվում են, որպեսզի տնտեսությունը դիմանա։

18:20 - 16 մայիսի, 2020

Թբիլիսիի նախկին քաղաքապետը և Վրաստանի ՊՆ նախկին նախարարը համաներմամբ ազատ են արձակվել |azatutyun.am|

azatutyun.am: Վրաց ընդդիմադիր գործիչներ՝ Թբիլիսիի նախկին քաղաքապետ Գիգի Ուգուլավան, պաշտպանության նախկին նախարար Իրակլի Օքրուաշվիլին համաներմամբ ազատ արձակվեցին: Եվս մեկ ընդդիմադիր քաղաքական գործիչ` «Մթավարի արխի» հեռուստաընկերության բաժնետեր Գիորգի Ռուրուան շարունակում է մնալ ճաղերի ետևում: Բանտարկված քաղաքական գործիչների ազատ արձակումը Վրաստանի իշխող և ընդդիմադիր կուսակցությունների միջև մարտ ամսին ձեռք բերված համաձայնությունների կետերից մեկն է: Թբիլիսիում հավատարմագրված արևմտյան դեսպանների միջնորդությամբ ամիսներ առաջ ձեռք բերված պայմանավորվածությունների համաձայն, ընդդիմությունը հրաժարվում էր 100-տոկոսանոց համամասնական ընտրակարգի անցման պահանջից` համաձայնելով, որ հոկտեմբերին նախատեսված խորհրդարանական ընտրություններն անցկացվեն թե՛ կուսակցական ցուցակներով և թե՛ մեծամասնական ընտրակարգով: Փոխարենը, Վրաստանի իշխանությունները խոստանում էին ազատ արձակել բոլոր քաղբանտարկյալներին:

14:31 - 16 մայիսի, 2020

COVID-19. Վարակի հետևանքով աշխարհում 304 հազարից ավելի մարդ մահացել է |armenpress.am|

armenpress.am: Աշխարհում նոր տիպի կորոնավիրուսային վարակով՝ COVID-19-ով վարակվածների թիվն անցել է 4 միլիոն 555 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 304 հազարը: Ապաքինվել է 1 միլիոն 722 հազար 232 մարդ: Վիրուսով վարակվածների թվով առաջին տեղում գտնվող ԱՄՆ-ում 1 միլիոն 458 հազար 243 հաստատված դեպք կա: Այստեղ մահացածների թիվը 86 հազար 942 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 274 հազար 367 է: Մահացության ցուցանիշը կազմում է 27 հազար 459: Վարակվածների թվով հաջորդում է Ռուսաստանը՝ 262 հազար 843 ընդհանուր թվով: Մեկ օրում 10 հազարից ավելի վարակի նոր դեպք է գրանցվել: Վարակի հետևանքով մահացել է 2 հազար 418 մարդ: Մեծ Բրիտանիայում հաստատված դեպքերի թիվը 233 հազար 151 է, մահացածներինը՝ 33 հազար 614: Մահացության ցուցանիշով Մեծ Բրիտանիան Եվրոպայում առաջինն է, աշխարհում՝ երկրորդը, ԱՄՆ-ից հետո: Վարակվածների թվով հաջորդ տեղում Իտալիան, որտեղ հաստատված դեպքերի ընդհանուր թիվը 223 հազար 096 է: Վարակից մահացել է 31 հազար 368 մարդ։ Իտալիային հաջորդում է Ֆրանսիային ևս շրջանցած Բրազիլիան, որտեղ վարակվածների թիվը կազմում է 204 հազար 795, մահացածներինը՝ 14 հազար 058: Բրազիլիային հաջորդում է Ֆրանսիան, որտեղ գրանցվել է 178 հազար 870 հաստատված դեպք, մահացել է 27 հազար 425 մարդ: Վարակվածների թվով հաջորդ տեղում Գերմանիան է 174 հազար 975 հաստատված դեպքով: Այստեղ վարակի հետևանքով մահացել է 7 հազար 928 մարդ: Թուրքիայում վարակակիրների թիվը հասել է 144 հազար 749-ի, մահացածներինը՝ 4 հազար 007-ի: Իրանում վարակվածների թիվը հասել է 116 հազար 635-ի: Վերջին մեկ օրում վարակի 2 հազարից ավելի նոր դեպք է գրանցվել: Երկրում վարակի բռնկումից ի վեր կորոնավիրուսի հետևանքով մահացել է 6 հազար 902 մարդ: Վարակվածության ընդհանուր ցուցանիշով վարակի ծագման երկիր Չինաստանն առանձնանում է 82 հազար 933 ընդհանուր, 4 նոր դեպքով։ Չինաստանում մահացել է 4 հազար 633 մարդ։ Վերջին օրերին այստեղ վարակի հետևանքով մահ չի գրանցվել: Վրաստանում հաստատված դեպքերի թիվը հասել է 671-ի, վարակի բռնկումից ի վեր այստեղ մահացել է 12 մարդ: Արաբական երկրներից վարակվածների թվով ԱՄԷ-ին շրջանցած Կատարում հաստատված դեպքերի թիվը կազմում է 28 հազար 272, մահերինը՝ 14: ԱՄԷ-ում վարակվածների ընդհանուր թիվը 21 հազար 084 է, մահացածներինը՝ 208: Քուվեյթում վարակվածների թիվը հասել է 12 հազար 860 -ի, մահացածներինը՝ 96-ի: Եգիպտոսում 10 հազար 829 հաստատված դեպք կա, մահացել է 571 մարդ: Իրաքում գրանցվել է 3 հազար 143 վարակվածության, 115 մահվան դեպքով: Լիբանանում կա 891 վարակի հաստատված դեպք: Մահացության ցուցանիշը կազմում է 26: Սիրիայում վարակվածների թիվը հասել է 48-ի: Մահացել է 3 մարդ: Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 212-ը:

17:24 - 15 մայիսի, 2020

COVID-19. Չինաստանում գրանցվել վարակի 4 նոր դեպք |armenpress.am|

10:09 - 15 մայիսի, 2020

խնդրում ենք ՀՀ քաղաքացիներին, չգալ Վերին Լարսի անցակետ․ սահմանի բացման դեպքում դեսպանությունը հանդես կգա հայտարարությամբ․ Վրաստանում Հայաստանի դեսպանություն

Վրաստանում Հայաստանի դեսպանությունը տեղեկացնում է, որ ՀՀ 15 քաղաքացիներ մի քանի օր է գտնվում էին ռուս-վրացական սահմանի չեզոք գոտում։Պարետատունը, ՀՀ ԱԳՆ-ն և Վրաստանում ՀՀ դեսպանությունը բազմիցս հորդորել էին ՀՀ քաղաքացիներին չգալ Վերին Լարսի անցակետ, քանի որ օտարերկրացիների համար Վրաստան մուտքն արգելված է։Դեսպանատան դիվանագետները մայիսի 12-ին եղել են Վերին Լարսի անցակետում և հանդիպել են ՀՀ քաղաքացիների հետ՝ նրանց տանելով սնունդ և առաջին անհրաժեշտության պարագաներ։Դեսպանությունը մշտապես հեռախոսային կապի մեջ է եղել ՀՀ քաղաքացիների հետ, ներկայացրել Վրաստանում արտակարգ ռեժիմով սահմանված արգելքները, հորդորել վերադառնալ Ռուսաստան և սպասել սահմանի բացմանը, սակայն վերջիններս ականջալուր չեն եղել հորդորներին։Վրացական կողմի՝ տարածքը լքելու բազմաթիվ խնդրանք-հորդորներից հետո ՀՀ քաղաքացիները լքել են այն, քանի որ չեզոք գոտում մարդկանց կուտակումը խաթարում էր անցակետի բնականոն գործունեությունը։Քաղաքացիներն արդեն գտնվում են Ռուսաստանի տարածքում։Կրկին խնդրում ենք ՀՀ քաղաքացիներին, չգալ Վերին Լարսի անցակետ, այլ հետևել դեսպանության հայտարարություններին։Սահմանի բացման դեպքում դեսպանությունը հանդես կգա համապատասխան հայտարարությամբ։

15:29 - 14 մայիսի, 2020