Վրաստան

Վրաստանի Հանրապետություն ինքնիշխան պետություն Հարավկովկասյան տարածաշրջանում, որը միջանկյալ դիրք է զբաղեցնում Արևելյան Եվրոպայի և Հարավարևմտյան Ասիայի միջև։ Գտնվում է Առաջավոր Ասիայում՝ Մեծ Կովկասի լեռնային համակարգի արևմտյան և կենտրոնական հատվածներում:

Զբաղեցնում է 69 700 կմ քառ․ տարածք, իսկ բնակչությունը՝ ըստ 2019 թվականի մարդահամարի տվյալների, կազմում է 3 723 500 մարդ։ Բնակչության ճնշող մեծամասնությունը կազմում են վրացիները, գլխավոր ազգային փոքրամասնություններն են ադրբեջանցիներն ու հայերը։ Վրաստանը խորհրդարանական կառավարման համակարգով սահմանադրական, բազմակուսակցական հանրապետություն է։

Նիկոլ Փաշինյանը պաշտոնական այցով ժամանել է Վրաստանի կառավարություն․ Ուղիղ

Նիկոլ Փաշինյանը պաշտոնական այցով ժամանել է Վրաստանի կառավարություն․ Ուղիղ

10:45 - 03 մարտի, 2020

Աշխարհում կորոնավիրուսով վարակվելու դեպքերի վիճակագրություն

Աշխարհում կորոնավիրուսով վարակվելու դեպքերի վիճակագրություն

Ներկայացնում ենք 2019թ․ դեկտեմբերի 31-ից 2020թ․ մարտի 2-ն ընկած ժամանակահատվածում COVID-19 կորոնավիրուսի պաշտոնապես գրանցված դեպքերի վիճակագրությունը։ Մահվան դեպքերը 3 046-ն են Չինաստան- 2 912 Հոնգ Կոնգ- 2, Իրան- 54 Հարավային Կորեա-22 Իտալիա-35 Ճապոնիա-5 Միջազգային փոխադրամիջոցների վրա Ճապոնիա-5 Ֆրանսիա-2 Ավստրալիա-1 Թայվան-1 Թաիլանդ-1 ԱՄՆ-2 Սան Մարինո-1 Ֆիլիպիններ-1 Վարակվածության դեպքեր գանցվել են հետևյալ մայրցամաքներում Աֆրկա Ալժիր-3, Եգիպտոս-2, Նիգերիա-1 Ասիա Չինաստան-80․026, Հոնգ Կոնգ-98, Մակաո-10, Հարավային Կորեա-4 212, Իրան-978, Ճապոնիա-254, Սինգապուր-106, Բահրեյն-47, Քուվեյթ-46, Թաիլանդ-43, Թայվան-40, Մալայզիա-29, Արաբական Միացյալ էմիրություններ-21, Իրաք-19, Վիետնամ-16, Իսրայել-10, Լիբանան-10, Օման-6, Պակիստան-4, Հնդկաստան-3, Ֆիլիպիններ-3, Քաթար-3, Ինդոնեզիա-2, Աֆղանստան-1, Կամբոջիա-1, Նեպալ-1, Շրի Լանկա-1 Ամերիկա ԱՄՆ-89, Կանադա-24, Էքվադոր-6, Մեքսիկա-5, Բրազիլիա-2, Դոմինիկյան Հանրապետություն-1 Եվրոպա Իտալիա-1 689, Ֆրանսիա-130, Գերմանիա-129, Իսպանիա-83, Միացյալ Թագավորություն-36, Շվեյցարիա-24, Նորվեգիա-19, Ավստրիա-14, Շվեդիա-14, Նիդերլանդներ-13, Սան Մարինո-8, Խորվաթիա-7, Հունաստան-7, Ֆինլանդիա-6, Դանիա-4, Ադրբեջան-3, Չեխայի Հանրապետություն-3, Վրաստան-3, Իսլանդիա-3, Ռումինիա-3, Բելգիա-2, Ռուսաստան-2, Հայաստան-1, Բելառուս-1, Էստոնիա-1, Իռլանդիա-1, Լիտվա-1, Լյուքսեմբուրգ-1, Մոնակո-1, Հյուսիասային Մակեդոնիա-1 Օվկեանիա Ավստրալիա-29, Նոր Զելանդիա-1 Միջազգային փոխադրումների ժամանակ Ճապոնիա-705

10:22 - 03 մարտի, 2020

Վրաստանի կառավարությունը 1 մլն լարի է հատկացրել կորոնավիրուսի դեմ պայքարելու համար |aliq.ge|

Վրաստանի կառավարությունը 1 մլն լարի է հատկացրել կորոնավիրուսի դեմ պայքարելու համար |aliq.ge|

aliq.ge: Նոր Կորոնավիրուսի դեմ պայքարելու համար Վրաստանի կառավարությունը պահուստային ֆոնդից առողջապահության նախարարությանն է հատկացրել է 1 մլն լարի (ավելի քան 357 հազար դոլար): «Վրաստանում նոր կորոնավիրուսի հնարավոր տարածումը կանխելու և նոր կորոնավիրուսով պայմանավորված հիվանդությունների դեպքերին օպերատիվ արձագանքելու գործողությունների ծրագիրը» հաստատվել է հունվարի 28-ին: Ըստ փաստաթղթի, համապատասխան պետական գերատեսչություններն իրենց բյուջեից պետք է ֆինանսավորեն ծրագրով սահմանված միջոցառումները: Միևնույն ժամանակ, ֆինանսների նախարարությանը հանձնարարվել է անհրաժեշտության դեպքում լրացուցիչ ֆինանսական ռեսուրսներ հատկացնել առողջապահության նախարարությանը: Այս պահի դրությամբ Վրաստանում կորոնավիրուսի 3 հաստատված դեպք է գրանցվել: Հարյուրից ավել մարդ գտնվում է տարբեր կարանտինային գոտիներում:

10:03 - 03 մարտի, 2020

Վրաստանը բժշկական դիմակներ կարտադրի |aliq.ge|

Վրաստանը բժշկական դիմակներ կարտադրի |aliq.ge|

aliq.ge: Վրաստանում բժշկական դիմակներ արտադրելու ցանկություն է հայտնել երկու կազմակերպություն: Այս մասին տեղեկացնում է Վրաստանի առողջապահության նախարարությունը: Նախարարությունը կոմերցիոն գաղտնիություն պահպանելու նպատակով չի բարձրաձայնել կազմակերպությունների տվյալները, միայն նշվում է, որ տվյալ կազմակերպություններն արդեն ստացել են համաձայնություն ու սկսել են արտադրական աշխատանքով զբաղվել: Առողջապահության նախարարությունը կոչ է արել կազմակերպություններին հնարավորինս արագ իրականացնել արտադրման գործընթացը: Ինտերպրեսնյուս լրատվամիջոցը կապվել է դեղորայքային խոշոր կազմակերպությունների՝ PSP-ի, Aversi-ի և JPC-ի հետ, որոնք նշել են, որ տեղում բժշկական դիմակներ արտադրելու հնարավորություն չունեն:

15:13 - 02 մարտի, 2020

Կորոնավիրուսը Վրաստանում. 19 պացիենտից 8-ի մոտ վիրուսը չի հաստատվել |aliq.ge|

Կորոնավիրուսը Վրաստանում. 19 պացիենտից 8-ի մոտ վիրուսը չի հաստատվել |aliq.ge|

aliq.ge: Մարտի 2-ի դրությամբ Թբիլիսիի ինֆեկցիոն հիվանդանոցի կարանտինային գոտում 19 պացիենտ է, որոնցից 3-ի մոտ օրեր առաջ կորոնավիրուս հաստատվեց: Հիվանդանոցից հայտնել են՝ նրանց վիճակը կայուն է: Թբիլիսիի Լուգարի լաբորատորիայից ստացված պատասխանի համաձայն՝ 8 հիվանդի դեպքում կորոնավիրուս չի հաստատվել: Միևնույն ժամանակ` նրանք չունեն «ա» կամ «բ» տիպի վիրուս: Ինֆեկցիոն հիվանդանոցի հայտարարության համաձայն, այս 8 պացիենտները կտեղափոխվեն սովորական պալատ: Ինչ վերաբերում է մնացած 8 հիվանդին, որոնք մեկուսացված պալատներում են, նրանց պատասխանները պարզ կդառնան երեկոյան: Բոլոր պացիենտնետը Վրաստանի քաղաքացիներ են, վերադարձած են եղել Իտալիայից կամ Իրանից:

10:58 - 02 մարտի, 2020

Հայ-վրացական սահմանին վրաց սահմանապահների կողմից խիստ ստուգումներ են: |aliq.ge|

Հայ-վրացական սահմանին վրաց սահմանապահների կողմից խիստ ստուգումներ են: |aliq.ge|

aliq.ge: Հայ-վրացական սահմանին վրաց սահմանապահների կողմից խիստ ստուգումներ են: Հայաստանից Վրաստան անցնող քաղաքացիներին երկար պահում են սահմանակետում, ստուգում են ինչպես առողջական վիճակը, այնպես էլ ուղեբեռի պարունակությունը, ուղևորները պարտադիր պետք է դիմակներով լինեն: Բոլոր պայուսակները բացվում ու հատ-հատ ստուգվում են: Պարտադիր ստուգվում է՝ քաղաքացին եղել է Իրանում, թե ոչ: Սահմանում պարբերաբար մեծ հերթեր են գոյանում: Շարունակությունը՝ aliq.ge-ում։

16:26 - 29 փետրվարի, 2020

Թբիլիսի–Երևան չվերթների չեղարկումը կապված է բացառապես ավիաընկերությունների չվացուցակներում տեղի ունեցած փոփոխությունների հետ. դեսպանատուն |aysor.am|

Թբիլիսի–Երևան չվերթների չեղարկումը կապված է բացառապես ավիաընկերությունների չվացուցակներում տեղի ունեցած փոփոխությունների հետ. դեսպանատուն |aysor.am|

aysor.am: Վրաստանում ՀՀ դեսպանատունը տեղեկացնում է, որ Թբիլիսիից դեպի Երևան Georgian Airways և Armenia Aircompany ավիաընկերությունների այսօր նախատեսված չվերթների չեղարկումը կապված է այդ ավիաընկերությունների չվացուցակներում տեղի ունեցած փոփոխությունների հետ։ Հայտնում են նաև, որ վաղվանից ավիաչվերթները կշարունակվեն ըստ ժամանակացույցի:

15:36 - 29 փետրվարի, 2020

Թբիլիսին չեղարկել է դեպի Երևան թռիչքները |aliq.ge|

Թբիլիսին չեղարկել է դեպի Երևան թռիչքները |aliq.ge|

aliq.ge: Թբիլիսին չեղարկել է դեպի Երևան թռիչքները: Ինչպես հայտնի է, այսօր երեկոյան 18:50-ին Թբիլիսիից Երևան չվերթ պետք է կատարեին ինչպես Georgian Airways, այնպես էլ Armenia Aircompany-ի ինքնաթիռները, սակայն Թբիլիսին չեղարկել է թռիչքները: Թռիչքների չեղարկման պատճառը դեռևս հայտնի չէ:

13:31 - 29 փետրվարի, 2020

Զոհրաբ Մնացականյանը հանդիպել է Վրաստանի պաշտպանության նախարարի հետ

Զոհրաբ Մնացականյանը հանդիպել է Վրաստանի պաշտպանության նախարարի հետ

Հայաստանի Հանրապետության արտաքին գործերի նախարար Զոհրաբ Մնացականյանը փետրվարի 28-ին հանդիպեl է Վրաստանի պաշտպանության նախարար Իրակլի Ղարիբաշվիլիի գլխավորած պատվիրակությանը: Կողմերը գոհունակությամբ ընդգծել են պատմական բարեկամության և բարիդրացիական հարաբերությունների բարձր մակարդակը՝ վերահաստատելով երկկողմ պատրատասկամությունը՝ քայլեր ձեռնարկելու հայ-վրացական համապարփակ օրակարգի ընդլայնման և հարստացման ուղղությամբ: ԱԳ նախարարը գոհունակությամբ արձանագրել է, որ Հայաստանի և Վրաստանի միջև տարբեր մակարդակներում առկա է երկխոսության և համագործակցության հագեցած օրակարգ, որը պայմանավորված է նաև երկու երկրների ռազմավարական փոխկապակցվածությամբ: Անդրադարձ է կատարվել տարածաշրջանային մի շարք հարցերի: Նախարար Մնացականյանը վրացական կողմին ներկայացրել է Լեռնային Ղարաբաղի խաղաղ կարգավորման գործընթացում Հայաստանի սկզբունքային դիրքորոշումը և մոտեցումները: Երկուստեք ընդգծվել է, որ հակամարտությունների խաղաղ կարգավորումն այլընտրանք չունի:

16:48 - 28 փետրվարի, 2020

Ձնահոսքի վտանգի պատճառով Լարսը փակ է |aliq.ge|

Ձնահոսքի վտանգի պատճառով Լարսը փակ է |aliq.ge|

aliq.ge: Վրաց-ռուսական սահման տանող` Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում արգելվել է բոլոր մեքենաների տեղաշարժը։ Վրաստանի ավտոճանապարհների դեպարտամենտը տեղեկացնում է, որ ճանապարհն ամբողջովին փակելու որոշումը կայացվել է `օդի ջերմաստիճանի կտրուկ բարձրացման ու ձնահոսքի վտանգի հետ կապված։ Միջպետական ավտոճանապարհի մնացած հատվածներում սահմանափակումներ չկան։

14:47 - 28 փետրվարի, 2020

Արմեն Գրիգորյանը Վրաստանի հետ սահմանը փակելու անհրաժեշտություն չի տեսնում |armenpress.am|

Արմեն Գրիգորյանը Վրաստանի հետ սահմանը փակելու անհրաժեշտություն չի տեսնում |armenpress.am|

armenpress.am: Հայաստանի Հանրապետության անվտանգության խորհրդի քարտուղար Արմեն Գրիգորյանը կորոնավիրուսի տարածումը կանխարգելելու աշխատանքների շրջանակներում Վրաստանի հետ սահմանը փակելու անհրաժեշտություն այս պահին չի տեսնում: Անդրադառնալով հարցին, կորոնավիրուսի տարածումը կանխարգելելու աշխատանքների շրջանակներում կարո՞ղ է քննարկվել Վրաստանի հետ սահմանը փակելու հարցը, Արմեն Գրիգորյանը պատասխանեց. «Եթե դրա անհրաժեշտությունը լինի, կքննարկվի. այս պահին դրա անհրաժեշտությունը դեռ չկա»: Հարցին՝ ազգային անվտանգության լուրջ խնդիր չի՞ լինի, եթե փակ լինեն թե Իրանի, թե Վրաստանի հետ սահմանները, անվտանգության խորհրդի քարտուղարը պատասխանեց. «Մենք դեռ այդ իրավիճակին չենք հասել։ Անվտանգության տեսանկյունից կքննարկենք, Եթե անհրաժեշտություն լինի, կփակենք, եթե չէ, չենք փակի»։

11:08 - 28 փետրվարի, 2020

Փաշինյանը կարևորել է պաշտպանության ոլորտում Վրաստանի հետ համագործակցության 2020թ․ ծրագրի ստորագրումը

Փաշինյանը կարևորել է պաշտպանության ոլորտում Վրաստանի հետ համագործակցության 2020թ․ ծրագրի ստորագրումը

Վարչապետ Նիկոլ Փաշինյանը փետրվարի 27-ին ընդունել է պաշտոնական այցով Հայաստան ժամանած Վրաստանի պաշտպանության նախարար Իրակլի Ղարիբաշվիլիին: Ինչպես տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, ողջունելով Վրաստանի պաշտպանության նախարարի և նրա գլխավորած պատվիրակության այցը Հայաստան՝ վարչապետն ընդգծել է հայ-վրացական ռազմավարական հարաբերությունների շարունակական զարգացման կարևորությունը: Նիկոլ Փաշինյանը նշել է, որ պաշտպանական բնագավառում փոխգործակցությունը Հայաստան-Վրաստան գործընկերության կարևորագույն բաղադրիչներից է և կարևոր համարել փետրվարի 27-ինր երկու երկրների պաշտպանության նախարարությունների միջև պաշտպանության ոլորտում երկկողմ համագործակցության 2020թ․ ծրագրի ստորագրումը: Իրակլի Ղարիբաշվիլին նշել է, որ ուրախ է կրկին այցելել բարեկամ Հայաստան, որի հետ Վրաստանը սերտ բարեկամական հարաբերություններ և ամուր գործընկերություն ունի: Նա գոհունակություն է հայտնել ՀՀ պաշտպանության նախարարի հետ համագործակցության, նաև փետրվարի 27-ին կայացած հանդիպման կապակցությամբ և կարևորել պաշտպանության ոլորտում երկկողմ համագործակցության 2020թ․ ծրագրի ստորագրումը: Զրուցակիցները քննարկել են երկկողմ հարաբերություններին, այդ թվում՝ հայ-վրացական պաշտպանական փոխգործակցության օրակարգին վերաբերող հարցեր: Զրուցակիցներն ընդգծել են, որ երկու երկրներին և ժողովուրդներին միավորում են պատմամշակութային դարավոր կապերը և քրիստոնեական արժեհամակարգը, որոնք ամուր հենք են բարեկամական համագործակցության խորացման և սերտացման համար: Անդրադառնալով տարածաշրջանային անվտանգության մարտահրավերներին՝ Նիկոլ Փաշինյանը և Իրակլի Ղարիբաշվիլին մտքեր են փոխանակել հակամարտությունների խաղաղ կարգավորման, այդ ուղղությամբ փոխադարձ ջանքերի կարևորության շուրջ:

18:40 - 27 փետրվարի, 2020

Հայաստանը Վրաստանում կմասնակցի ՆԱՏՕ-ի Noble Partner բազմազգ զորավարժություններին |tert.am|

Հայաստանը Վրաստանում կմասնակցի ՆԱՏՕ-ի Noble Partner բազմազգ զորավարժություններին |tert.am|

tert.am: Հայաստանի և Վրաստանի պաշտպանության նախարարությունների միջև ստորագրվել է 2020 թվականի ռազմական համագործակցության ծրագիր: Այս մասին Վրաստանի պաշտպանության նախարար Իրակլի Ղարիբաշվիլի հետ համատեղ ասուլիսի ընթացքում հայտարարեց ՀՀ պաշտպանության նախարար Դավիթ Տոնոյանը: «Ծրագրում ներառված են պաշտպանության բնագավառում միջոցառումներ, վերջիններս ընդգրկում են ռազմական կրթություն, զինծառայողների սոցիալական պաշտպանության, խաղաղապահության և լեռնային պատրաստության ոլորտները: Ինչպես նաև պայմանավորվածություն ձեռք բերվեց ընդլայնել մի շարք այլ ոլորտներում համագործակցությունը՝ դեռևս չներառելով երկկողմանի ծրագրում»,-մանրամասնեց նախարարը: Դավիթ Տոնոյանը հավաստիացրեց, որ ՀՀ-ն և Վրաստանը ձգտում են իրենց ուրույն ներդրումն ունենալ առավել անվտանգ և բարեկեցիկ Հարավային Կովկասի կերտման գործում: Վրաստանի պաշտպանության նախարար Իրակլի Ղարիբաշվիլին էլ տեղեկացրեց, որ ՀՀ զինծառայողները մասնակցելու են Վրաստանում նախատեսված ՆԱՏՕ-ի Noble Partner բազմազգ զորավարժություններին:

17:39 - 27 փետրվարի, 2020

Վրաստանում կորոնավիրուսով ախտորոշված պացիենտի հետ շփված 4 անձինք հետազոտվել են և նրանց մոտ չի հայտնաբերվել վարակը

Վրաստանում կորոնավիրուսով ախտորոշված պացիենտի հետ շփված 4 անձինք հետազոտվել են և նրանց մոտ չի հայտնաբերվել վարակը

ՀՀ Առողջապահության նախարար Արսեն Թորոսյանը ֆեյսբուքյան իր էջում գրում է․ «Քիչ առաջ խոսեցի Վրաստանի առողջապահության նախարար Եկատերինե Տիկարաձեի հետ, որպեսզի հասկանամ կորոնավիրուսով պայմանավորված իրավիճակը մեր հարևան երկրում: Նախարարի հավաստմամբ` կորոնավիրուսով ախտորոշված պացիենտի հետ շփված 4 անձինք հետազոտվել են և նրանց մոտ չի հայտնաբերվել վարակը: Նրանք 14 օր կմնան մեկուսացման մեջ»։

10:22 - 27 փետրվարի, 2020

Վրաստանում արձանագրվեց կորոնավիրուսի առաջին դեպքը |aliq.ge|

Վրաստանում արձանագրվեց կորոնավիրուսի առաջին դեպքը |aliq.ge|

aliq.ge: Վրաստանի առողջապահության նախարար Էկատերինա Տիկարաձեն քիչ առաջ անցկացրած արտակարգ մամուլի ասուլիսի ժամանակ հայտարարեց, որ Վրաստանում արձանագրվել է Կորոնավիրուսի առաջին դեպքը: Վարակը հաստատվել է Վրաստանի քաղաքացու մոտ, ով երեկ Ադրբեջանից է մուտք գործել Վրաստան: Պացիենտն այժմ գտնվում է ինֆեկցիոն հիվանդանոցում: Առողջապահության նախարարը Վրաստանի բնակչությանը կոչ է անում չմատնվել խուճապի ու վստահեցրել է, որ տարվում են անհրաժեշտ կանխարգելիչ աշխատանքներ:

09:43 - 27 փետրվարի, 2020

Վրաստանում կհարգեն Սումգայիթի ջարդերի զոհերի հիշատակը |aliq.ge|

Վրաստանում կհարգեն Սումգայիթի ջարդերի զոհերի հիշատակը |aliq.ge|

aliq.ge: «Վրաստանի Հայ Համայնք» հասարակական կազմակերպության նախաձեռնությամբ փետրվարի 29-ին կհիշատակվի 1988 թվականի Սումգայիթի հայ բնակչության ջարդերի տարելիցը։ «Լինելու է նաև ուսանողների կողմից պատրաստված քննարկում՝ Խոջալուի դեպքերի մասին, որտեղ ներկայացվելու են անհերքելի փաստեր, նկարներ և այլ նյութեր», — ասվում է ֆեյսբուք սոցիալական ցանցում ՀԿ-ի կողմից բացված միջոցառման գրառման մեջ: Միջոցառումը կմեկնարկի 16։00-ին, ՀԿ-ի գրասենյակում (Ածկղուրի 4ա)։

21:22 - 26 փետրվարի, 2020