Ֆրանսիա

Արսեն Թորոսյանի, Զարեհ Սինանյանի, ԱՄՆ և Ֆրանսիայի դեսպանների ասուլիսը․ ՈՒՂԻՂ |factor.am|

19:35 - 23 հունիսի, 2020

Ֆրանսիայից բժիշկների երկրորդ խումբը կժամանի Հայաստան

Առողջապահության նախարար Արսեն Թորոսյանն ընդունել է Հայաստանում Ֆրանսիայի արտակարգ և լիազոր դեսպան Ժոնաթան Լաքոտին, Սփյուռքի գործերի գլխավոր հանձնակատարի գրասենյակի ղեկավար Սառա Անջարգոլյանին, Ֆրանսիայից ժամանած բժիշկներին` թիմի ղեկավար Ալեքսանդր Մինյոնի գլխավորությամբ: Ֆրանսիայից ժամանած բժիշկները մեր մասնագետների հետ առաջնագծում օրեր շարունակ պայքարել են պացիենտների առողջության համար, արել հնարավորինը, որպեսզի վերջիններս կարողանան հաղթահարել կորոնավիրուսային հիվանդությունը: «Այս իրավիճակում` Ֆրանսիայի և Հայաստանի առողջապահության ոլորտում հարաբերությունների մի նոր փուլ ենք մտնում»,- իր խոսքում նշել է Ժոնաթան Լաքոտը: Իրենց առաքելությունն ավարտելով այս փուլում` բժիշկների թիմը վերադառնում է հայրենիք: Իսկ Հայաստանը սպասում է Ֆրանսիայից բժիշկների երկրորդ խմբին, ովքեր կժամանեն այսօր երեկոյան: «Մեր գրասենյակի առաքելությունը Հայաստան-սփյուռք կապերի ամրապնդումն է, սակայն այս պայքարում մենք ներդնում ենք մեր ջանքերը նաև նման նախաձեռնությունների կյանքի կոչման համար, և ուրախ ենք, որ Ֆրանսիայից ժամանող հաջորդ խումբը ղեկավարվելու է հենց սփյուռքահայ բժշկի կողմից»,- նշել է Սփյուռքի գործերի գլխավոր հանձնակատարի գրասենյակի ղեկավար Սառա Անջարգոլյանը: Արսեն Թորոսյանը երախտիքի խոսքեր է հայտնել Ժոնաթան Լաքոտին Ֆրանսիայի կողմից ցուցաբերված աջակցության համար, բժիշկներին հանձնել շնորհակալագրեր ու հուշանվերներ: Նշենք, որ հունիսի 14-ին Ֆրանսիայից Հայաստան էր ժամանել բժիշկներից բաղկացած առաջին խումբը, ովքեր 10 օր աշխատել են «Սուրբ Գրիգոր Լուսավորիչ» բժշկական կենտրոնի և Վնասվածքաբանության և օրթոպեդիայի գիտահետազոտական կենտրոնի վերակենդանացման բաժանմունքներում, նաև Սուրբ Աստվածածին բժշկական կենտրոնում։ Բժիշկների այցը կազմակերպվել էր առողջապահության նախարարության, Հայաստանի պետական հետաքրքրությունների ֆոնդի, Սփյուռքի հանձնակատարի գրասենյակի և ԱՄՆ միջազգային զարգացման գործակալության համատեղ ջանքերով:

15:15 - 23 հունիսի, 2020

Ֆրանսիայում բուժաշխատողները ցույց են արել` պահանջելով իշխանություններից կատարել խոստումները |azatutyun.am|

azatutyun.am: Ֆրանսիայում երեկ տասնյակ հազարավոր բուժաշխատողներ ցույցի էին դուրս եկել՝ պահանջելով, որ կառավարությունը կատարի առողջապահական համակարգը և հանրային հիվանդանոցները «փրկելու» իր խոստումները: Նրանք պահանջում էին, որ իշխանությունները քաղաքականության արմատական փոփոխություն կատարեն, մեծ ներդրումներ կատարեն, բարելավեն աշխատանքային պայմանները և բարձրացնեն աշխատավարձերը: Փարիզում, ըստ ոստիկանության, մոտ 18 հազար բուժաշխատող է մասնակցել ցույցին: Ոստիկանության փոխանցմամբ` 250-300 արմատականներ են միացել բժիշկներին, ինչը խաթարել է ցույցի խաղաղ ընթացքը` բախումներ սկսելով իրավապահների հետ: Ոստիկանները արցունքաբեր գազ են կիրառել: Ձերբակալվել է ավելի քան 30 մարդ:

10:28 - 17 հունիսի, 2020

COVID-19. Աշխարհում ապաքինվածների թիվը 4 մլն 253 հազարից ավելի է |armenpress.am|

17:13 - 16 հունիսի, 2020

Ֆրանսիացի բժիշկները COVID-19 ծանր հիվանդների վիճակը քննարկել են հայ գործընկերների հետ |armenpress.am|

armenpress.am: Երևանի «Սուրբ Գրիգոր Լուսավորիչ» բժշկական կենտրոնում վերակենդանացման բաժանմունքի բժիշկները կորոնավիրուսի դեմ պայքարում աջակցելու համար Հայաստանում գտնվող ֆրանսիացի բժիշկների հետ արդեն ակտիվ աշխատանքային փուլում են: Բժշկական կենտրոնի մամուլի խոսնակ Ծովինար Խաչատրյանը նշեց, որ տեղի մասնագետները Ֆրանսիայից ժամանած անեսթեզիոլոգ, ռեանիմատոլոգ գործընկերների հետ համայց են կատարել՝ ծանոթանալով կորոնավիրուսով անձանց բուժման կազմակերպման գործընթացին: Ֆրանսիայից ժամանած բժիշկներն ամբողջ օրը բուժհաստատությունում են եղել: Տեղի մասնագետների հետ անցկացրել են ծանր և ծայրահեղ ծանր հիվանդների վարման ընթացքի վերաբերյալ քննարկումներ: Ֆրանսիայից Հայաստան եկած բժիշկների մեծ մասն առաջին անգամ է Հայաստանում: Սա օտարերկրացի բժիշկների ներգրավման առաջին նմանատիպ նախաձեռնությունն է, որն իրականություն դարձավ Սփյուռքի գլխավոր հանձնակատարի գրասենյակի, USAID-ի և Առողջապահության նախարարության սերտ համագործակցությամբ: Օրերս կորոնավիրուսի դեմ պայքարում Հայաստանին աջակցելու պատրաստակամության մասին հայտնել են Լիտվան, Վրաստանը, Առողջապահության Համաշխարհային կազմակերպությունը։

16:32 - 15 հունիսի, 2020

Ֆրանսիայից ժամանած մեր բժիշկ գործընկերները արդեն իսկ անցել են աշխատանքի կովիդով զբաղվով 3 խոշոր ԲԿ-ների վերակենդանացման բաժանմունքներում․ Արսեն Թորոսյան

ՀՀ Առողջապահության նախարար Արսեն Թորոսյանը ֆեյսբուքյան իր էջում գրում է․ «Երեկ Ֆրանսիայից ժամանած մեր բժիշկ գործընկերները արդեն իսկ անցել են աշխատանքի կովիդով զբաղվով 3 խոշոր ԲԿ-ների վերակենդանացման բաժանմունքներում` Սուրբ Գրիգոր Լուսավորիչ ԲԿ, Սուրբ Աստվածամայր ԲԿ և Վնասվածքաբանության և օրթոպեդիայի կենտրոն: Շնորհակալություն եմ հայտնում մեր բոլոր գործընկերներին նրանց այցը կազմակերպելու համար, այն իրապես օգտակար է լինելու մեր համար»:

10:48 - 15 հունիսի, 2020

Եվրոպական 4 երկրներ կորոնավիրուսի դեմ պատվաստանյութի ստեղծման համաձայնագիր են ստորագրել |azatutyun.am|

azatutyun.am: Գերմանիան, Ֆրանսիան, Իտալիան և Նիդերլանդները համաձայնագիր են ստորագրել, որը նախատեսում է կորոնավիրուսի դեմ պատվաստանյութի ստեղծում: Եթե կլինիկական փորձարկումներն անցնեն բարեհաջող, ապա խոսքը այդ դեղամիջոցի 400 միլիոն չափաբաժին ձեռքբերելու մասին է: Համաձայնագրի կողմ է Astrazeneca դեղագործական ընկերությունը, որը համագործակցում է Օքսֆորդի համալսարանի հետ, որն էլ իր հերթին աշխատում է AZD1222 պատվաստանյութի վրա և շարունակում դրա արդյունավետության հարցով հետազոտությունները: Ավելի վաղ Astrazeneca-ի հետ նմանօրինակ համաձայնագիր են կնքել նաև Մեծ Բրիտանիան ու Միացյալ Նահանգները: Ինչպես Ֆեյսբուքում գրել է Իտալիայի առողջապահության նախարար Ռոբերտո Սպերանցան, COVID-19 համաճարակի միակ լուծումը պատվաստանյութն է։ Սպերանցայի խոսքով` պատվաստանյութի կլինիկական փորձարկումների փուլը պետք է ավարտվի աշնանը, և եթե դրանք հաջող ավարտվեն, ապա պատվաստանյութը հասանելի կդառնա մինչև տարեվերջ:

18:24 - 14 հունիսի, 2020

Հունիսի 15-ից Ֆրանսիան սահմանները կբացի ԵՄ երկրներից ճանապարհորդների համար |news.am|

news.am: Ֆրանսիայի իշխանությունները որոշել են հունիսի 15-ից սահմանները բացել ԵՄ երկրներից եւ եվրոպական մի քանի այլ երկրներից ժամանող ճանապարհորդների համար: Այս մասին նշված է երկրի ԱԳՆ եւ ՆԳՆ համատեղ հայտարարության մեջ, որը հրապարակվել է արտաքին քաղաքականության գերատեսչության կայքում, փոխանցում է ՏԱՍՍ-ը: «Հաշվի առնելով Ֆրանսիայում ու Եվրոպայում բարենպաստ իրավիճակը եւ Եվրահանձնաժողովի հանձնարարականների համաձայն՝ Ֆրանսիան հունիսի 15-ի առավոտյան (տեղական ժամանակով 0:00-ից) հանում է COVID-19-ի դեմ (նոր կորոնավիրուսի առաջացրած հիվանդություն) պայքարի համար մտցված ներքին սահմանների հատման տրանսպորտային սահմանափակումները»,- նշված է հաղորդագրության մեջ: Հստակեցվում է, որ սահմանափակումները չեղարկվում են ԵՄ երկրներից, ինչպես նաեւ Անդորայից, Իսլանդիայից, Լիխտենշտեյնից, Մոնակոյից, Նորվեգիայից, Սան Մարինոյից, Շվեյցարիայից եւ Վատիկանից ժամանող բոլորի համար: Այս երկրների քաղաքացիները կորոնավիրուսի բացակայության հավաստագիր ունենալու, ինչպես նաեւ 14-օրյա կարանտինի մեջ մնալու անհրաժեշտություն չեն ունենա: Սակայն, ինչպես հստակեցրել են գերատեսչություններից, Իսպանիայից եւ Մեծ Բրիտանիայից ժամանողները, ինչպես նախկինում, Ֆրանսիա ժամանելուն պես ուղարկվելու են երկշաբաթյա կարանտինի: Իսպանիայից ճանապարհորդների համար այս սահմանափակումը ուժի մեջ է մնալու մինչեւ հունիսի 21-ը: Ֆրանսիայի իշխանությունները նաեւ հայտնել են հուլիսի 1-ից Շենգենյան համաձայնագրի երկրների արտաքին սահմաններն աստիճանաբար բացելու մասին: Եվրահանձնաժողովը հինգշաբթի Եվրամիության բոլոր երկրներին կոչ էր արել հունիսի 15-ին բացել ներքին սահմանները: Դրանից բացի, ԵՀ-ն հանձնարարել էր հուլիսի 1-ից սկսել արտաքին սահմանների փուլային բացումը:

12:24 - 13 հունիսի, 2020

COVID-19. Չինաստանում վարակի 11 նոր դեպք է գրանցվել |armenpress.am|

10:01 - 11 հունիսի, 2020

COVID-19. Ռուսաստանում վարակվածների թիվը 485 հազարից, մահերինը՝ 6 հազար 100- ից ավելի է |armenpress.am|

17:23 - 09 հունիսի, 2020

COVID-19. Աշխարհում վարակվածների թիվն անցնում է 7 միլիոնից |armenpress.am|

10:21 - 08 հունիսի, 2020

COVID-19. Մահերի թվով Բրազիլիան հայտնվել է 3-րդ տեղում՝ շրջանցելով Իտալիային |armenpress.am|

10:07 - 05 հունիսի, 2020

COVID-19. Աշխարհում վարակվածների թիվը 6 մլն 604 հազարից ավելին է |armenpress.am|

17:16 - 04 հունիսի, 2020

COVID-19. Մահերի թվով Թուրքիան մոտենում է վարակի ծագման երկիր Չինաստանին |armenpress.am|

armenpress.am: Աշխարհում նոր տիպի կորոնավիրուսային վարակի՝ COVID-19-ի հաստատված դեպքերի թիվն անցել է 6 միլիոն 573 հազարից: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 388 հազարից: Ապաքինվել է ավելի քան 3 միլիոն 171 հազար մարդ: Վիրուսով վարակվածների թվով առաջին տեղում գտնվող ԱՄՆ-ում 1 միլիոն 901 հազար 783 հաստատված դեպք կա: Այստեղ մահացածների թիվը 109 հազար 142 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում հայտնված Բրազիլիայում հաստատված դեպքերի թիվը հասել է 584 հազար 562-ի, մահերինը՝ 32 հազար 568-ի: Հաջորդ տեղում Ռուսաստանն է, որտեղ ընդհանուր առմամբ կորոնավիրուսով վարակվել է 432 հազար 277 մարդ: Երկրում վարակի հետևանքով մահացել է՝ 5 հազար 215-ը: Իսպանիայում հաստատված դեպքերի թիվը 287 հազար 406 է: Մահացության ցուցանիշը կազմում է 27 հազար 128: Վարակվածների թվով հաջորդ տեղում Մեծ Բրիտանիան է՝ 279 հազար 856 ընդհանուր դեպքով: Մահացածների թիվը կազմում է 39 հազար 728: Մահացության ցուցանիշով Մեծ Բրիտանիան Եվրոպայում առաջինն է, աշխարհում՝ երկրորդը՝ ԱՄՆ-ից հետո: Մեծ Բրիտանիային հաջորդում է Իտալիան, որտեղ կորոնավիրուսով վարակվածների ընդհանուր թիվը կազմում է 233 հազար 836, մահերինը՝ 33 հազար 601: Իտալիային հաջորդում է Հնդկաստանը: Այստեղ առկա է 216 հազար 919 հաստատված դեպք: Վարակի հետևանքով մահացել է 6 հազար 088 մարդ: Հնդկաստանին հաջորդում է Գերմանիան 184 հազար 425 ընդհանուր, 8 հազար 699 մահվան դեպքով: Հաջորդ տեղում Պերուն է, որտեղ վարակվածների ընդհանուր թիվը 178 հազար 914 է, մահերինը՝ 4 հազար 894: Տասնյակը եզրափակում է Թուրքիան, որտեղ վարակակիրների թիվը հասել է 166 հազար 422-ի, մահացածներինը՝ 4 հազար 609-ի: Իրանում հաստատված դեպքերի ընդհանուր թիվը 160 հազար 696 է: Վարակի հետևանքով այստեղ մահացել է 8 հազար 012 մարդ: Վարակի ծագման երկիր Չինաստանը հայտվել է 18-րդ տեղում: Այստեղ վարակի 1 նոր դեպք է ավելացել: Հաստատված ընդհանուր դեպքերի թիվը 83 հազար 022 է, որից ապաքինվել է 78 հազար 319-ը: Մահերի թիվը կազմում է 4 հազար 634: Վերջին օրերին այստեղ վարակի հետևանքով մահվան նոր դեպք չի գրանցվում: Վրաստանում հաստատված դեպքերի թիվը հասել է 800-ի, վարակի բռնկումից ի վեր այստեղ մահացել է 13 մարդ: Արաբական երկրներից վարակվածների թվով աաջատար է Սաուդյան Արաբիան, որտեղ 91 հազար 182 հաստատված դեպք կա: Կատարում հաստատված դեպքերի թիվը կազմում է 62 հազար 160, մահերինը՝ 45: ԱՄԷ-ում վարակվածների ընդհանուր թիվը 36 հազար 359 է, մահացածներինը՝ 270: Քուվեյթում վարակվածների թիվը հասել է 29 հազար 359 -ի, մահացածներինը՝ 230 -ի: Եգիպտոսում 28 հազար 615 հաստատված դեպք կա, մահացել է 1088 մարդ: Իրաքում գրանցվել է 8 հազար 168 վարակվածության, 256՝ մահվան դեպք: Լիբանանում կա 1256 վարակի հաստատված դեպք: Մահացության ցուցանիշը կազմում է 27: Սիրիայում վարակվածների թիվը հասել է 123-ի: Մահացել է 6 մարդ: Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 212-ը:

10:17 - 04 հունիսի, 2020

COVID-19. Պերուն մահերի թվով հավասարվել է վարակի ծագման երկիր Չինաստանին |armenpress.am|

10:22 - 02 հունիսի, 2020

Փարիզի Աստվածամոր տաճարին կից հրապարակը մասամբ վերաբացվել է |azatutyun.am|

azatutyun.am: Ֆրանսիական մայրաքաղաքի իշխանությունները մասամբ բացել են Փարիզի Աստվածամոր տաճարին կից հրապարակը, որն ավելի վաղ փակվել էր օդի աղտոտվածությունից թունավորման վտանգի պատճառով: 2019 թվականի ապրիլին տաճարում տեղի ունեցած խոշոր հրդեհի հետևանքով եկեղեցու տանիքում պահվող 300 տոննա կապարը հալվել և տարածվել էր տարածքում՝ խոչընդոտելով անգամ վերականգնողական աշխատանքները: Փարիզի իշխանությունները հայտնում են, որ «մաքրման աշխատանքների շնորհիվ տարածքում զգալիորեն նվազեցվել է կապարի պարունակությունն օդում»: Աստվածամոր տաճարի վերականգնողական աշխատանքները, ըստ երկրի պաշտոնական աղբյուրների, ավարտին կհասցվեն մինչև 2024 թվականը՝ Փարիզում նախատեսված Օլիմպիական խաղերին ընդառաջ:

14:55 - 01 հունիսի, 2020