tert.am։ Ճապոնիայի մայրաքաղաք Տոկիոյում կայանալիք 32-րդ ամառային Օլիմպիական խաղերի մեդալակիրների համար նախատեսված պատվո հարթակներն առաջին անգամ կպատրաստվեն Ճապոնիայից և Խաղաղ օվկիանոսի ափերից հավաքված պլաստմասից ու պլաստիկե շշերից: Այս մասին տեղեկացնում է ՀԱՕԿ պաշտոնական կայքը:

Տոկիո-2020-ի կազմակերպիչների խոսքով` 100 պատվո հարթակ պատրաստելու համար անհրաժեշտ կլինի 45 տոննա հումք: Առաջիկայում Ճապոնիայի մթերային խանութներում կտեղադրվեն անհրաժեշտ աղբի հավաքման համար նախատեսված 2000 կետեր: Տոկիո-2020-ի Գործկոմն արդեն հավանություն է տվել այդ նախագծին: