15:33 - 06 հունվարի, 2024
Ռազմական ոստիկանությունը կոչ է անում զորակոչի ընթացքում զերծ մնալ ապօրինի գործողություններից
Ձմեռային զորակոչին ընդառաջ ռազմական ոստիկանությունը զորակոչիկների ծնողներին, ընկերներին և հարազատներին կոչ է անում զերծ մնալ ապօրինի գործողություններին։ Այս մասին ՀՀ ՊՆ ռազմական ոստիկանությունը հայտարարություն է տարածել։
«2024 թվականի հունվարի 8-ին մեկնարկող շարքային կազմի պարտադիր զինվորական ծառայության ձմեռային զորակոչին ընդառաջ՝ ՀՀ պաշտպանության նախարարության ռազմական ոստիկանությունը զորակոչիկների ծնողներին, հարազատներին և ընկերներին հորդորում է զերծ մնալ ապօրինի գործողություններից, խուսափել ՊՆ հանրապետական հավաքակայանում անհարկի կուտակումներ ստեղծելուց, չթույլատրվող իրեր, այդ թվում՝ սմարթֆոն տիպի բջջային հեռախոսներ, զորակոչիկներին փոխանցելուց, ինչպես նաև զորակոչիկներին տեղափոխող շարասյուներն ուղեկցող իրավապահների աշխատանքը խոչընդոտելուց»,- ասված է հայտարարության մեջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)