17:09 - 20 հոկտեմբերի, 2024
Հակոբ Արշակյանը հանդիպել է ԱՍԵԱՆ միջխորհրդարանական վեհաժողովի գլխավոր քարտուղարին
ՀՀ ԱԺ նախագահի տեղակալ Հակոբ Արշակյանը եւ պատգամավոր Լիլիթ Ստեփանյանը հանդիպել են ԱՍԵԱՆ միջխորհրդարանական վեհաժողովի գլխավոր քարտուղար Սիթի Ռոզամարիենտի Դաթո Հաջի Աբդուլ Ռահմանի հետ: Այս մասին տեղեկանում են ՀՀ ԱԺ-ի մամուլի ծառայությունից։
ԱԺ փոխնախագահը շնորհակալություն է հայտնել գլխավոր քարտուղարին՝ Հայաստանին դիտորդի կարգավիճակ տրամադրելու հարցում աջակցելու համար:
Հանդիպմանը քննարկվել են ՀՀ ԱԺ եւ ԱՍԵԱՆ խորհրդարանական վեհաժողովի հետ համագործակցության հնարավոր հեռանկարները:
Յանթի Ռահմանն իր հերթին կարեւորել է Հայաստանի մասնակցությունն AIPA-ի աշխատանքներին՝ այն համարելով կարեւոր հարթակ ԱՍԵԱՆ ԽՎ-ի հետ կապեր հաստատելու թե՛ բազմակողմ, թե՛ երկկողմ մակարդակներում:
Կողմերը համագործակցությունը շարունակելու պատրաստակամություն են հայտնել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)