civilnet.am: Կառավարությունը 1,3 միլիարդ դրամի բյուջետային վարկ կտրամադրի Կարեն Դեմիրճյանի անվան մարզահամերգային համալիրին՝ օդափոխության, հակահրդեհային համակարգերի ստեղծման ու վերազինման համար։ Համապատասխան որոշման նախագիծը կառավարության նոյեմբերի 15-ի նիստի օրակարգում է։

662 միլիոն դրամը կուղղվի հակահրդեհային համակարգի կներդրման համար, 561 միլիոնը՝ օդափոխությանն համակարգի։ Եվս 120 միլիոն դրամ կհատկացվի էլեկտրական համակարգերի արդիականացման համար։

Ըստ կառավարության հիմնավորումների՝ համալիրիում ​​չկա հակահրդեհային համակարգ, ինչը 20 000 մարդու անվտանգության ապահովման և նորմերի պահպանման տեսանկյունից առաջնային լուծում պահանջող հարց է։ Կառավարությունը գնահատել է, որ մարզահամերգային համալիրում որոշ համակարգերի և շենքի առանձին հատվածների կապիտալ նորոգման նպատակով առաջիկա տարիներին անհրաժեշտ է ավելի քան 3,2 միլիարդ դրամի ներդրումներ։