15:37 - 15 նոյեմբերի, 2024
Բախումներ Աբխազիայի խորհրդարանի մոտ. ոստիկանությունը արցունքաբեր գազ է կիրառել |azatutyun.am|
azatutyun.am: Բախումներ Աբխազիայի ինքնահռչակ հանրապետության խորհրդարանի շենքի մոտ, ոստիկանությունը արցունքաբեր գազ է կիրառել ցուցարարների դեմ, որոնք փորձել են ներխուժել խորհրդարանի շենքի տարածք։
Տեղից ստացվող հաղորդումների և տեսանյութերի համաձայն՝ բողոքի ակցիայի մասնակիցները շշեր և ձվեր են նետել ուժայինների ուղղությամբ։
Աբխազիայի խորհրդարանում այսօր նախատեսված էր քննարկել և հաստատել բողոքի ալիք հարուցած Սուխումիի և Մոսկվայի միջև ներդրումային համաձայնագրի նախագիծը։ Ընդդիմության ցույցերի ֆոնին նիստը հետաձգվել է, ակցիայի մասնակիցները մինչդեռ պահանջում են հրաժարվել փաստաթղթից, պնդելով, որ տնտեսական օգուտներ խոստացող այդ համաձայնագրով Սուխումին Մոսկվային է հանձնում «սեփական շահերը»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)