11:53 - 13 դեկտեմբերի, 2019
Պետական համակարգում կադրային ջարդի նախանշաններ չկան. Վլադիմիր Կարապետյան |armenpress.am|
armenpress.am: ՀՀ վարչապետ Նիկոլ Փաշինյանը բազմիցս ասել է, որ հանրային ծառայողների 95 տոկոսից ավելին մնացել են նախկինից, այդ առումով կադրային որևէ ջարդ չի եղել, և ջարդի նախանշաններ չկան:
Դեկտեմբերի 13-ին այս կարծիքը հայտնեց ՀՀ վարչապետի մամուլի քարտուղար Վլադիմիր Կարապետյանը՝ անդրադառնալով Վարչապետի հայտարարությանը, թե ամբողջ պետական համակարգը դիմադրում է հեղափոխությանը, և ինքը ջարդելու է այդ դիմադրությունը:
«Կառավարության ղեկավարը բազմիցս ասել է, որ պետական ծառայողների կամ, ինչպես օրենքն է ասում, հանրային ծառայողների 95 տոկոսից ավելին մնացել են նախկինից, կադրային որևէ ջարդ չի եղել, և չեմ կարծում, որ ջարդի նախանշաններ կան: Վարչապետը շատ հստակ իր վերաբերմունքն է հայտնել տեղի ունեցող գործընթացների վերաբերյալ, և, կարծում եմ, բոլորս հետևություններ կանենք նրա վերաբերմունքի վերաբերյալ»,- նշեց Կարապետյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)