azatutyun.am: Ռուսաստանն ու Ուկրաինան գիշերը անօդաչու թռչող սարքերով հարձակումներ են իրականացրել միմյանց մայրաքաղաքների վրա:

Ռուսական հարվածների հետևանքով Կիևում հրդեհներ են բռնկվել, կա առնվազն 6 վիրավոր: Ուկրաինական անօդաչուների հարձակումից հետո Մոսկվայում վնասներ կամ տուժածներ չեն գրանցվել։

Մոսկվայի քաղաքապետ Սերգեյ Սոբյանինը հայտարարել է, որ մայիսի 6-ին՝ տեղական ժամանակով ժամը 22:00-ից հետո, Ռուսաստանի հակաօդային պաշտպանության ստորաբաժանումները խոցել են առնվազն 14 ուկրաինական անօդաչու։

Ռուս պաշտոնյաների փոխանցմամբ՝ անօդաչուները խոցվել են Մոսկվային մոտենալիս։ Քաղաքի հիմնական օդանավակայանները գիշերը երկար ժամանակ փակ են եղել։ Սա վերջին երեք գիշերում Ուկրաինայի երրորդ հարձակումն է Մոսկվայի ուղղությամբ:

Մայիսի 6-ին ռուսական ուժերն առնվազն 13 հարված են հասցրել Զապորոժիե քաղաքին, կա 3 տուժած:

Լուսանկարը՝ Ուկրաինայի նախագահի տելեգրամյան ալիքից, 3 մայիսի, 2025