07:59 - 09 օգոստոսի, 2019
Մեդվեդևը հույս ունի, որ ԵՏՄ երկրները վերջնականապես կպայմանավորվեն մաքսատուրքերի շուրջ |24news.am|
24news.am։ ՌԴ վարչապետ Դմիտրի Մեդվեդեւը հույս է հայտնել, որ ԵՏՄ երկրները միջկառավարական խորհրդի նիստում վերջնականապես կպայմանավորվեն մաքսատուրքերի տեղաբաշխման հարցում, փոխանցում է «ՌԻԱ Նովոստի»-ն:
«Մենք այսօր մեր Միության գործունեության հրատապ հարցեր կքննարկենք, ազգային կարգավորման ձեւավորման հարցերը: Հույս ունեմ, որ վերջնականապես կպայմանավորվենք այն խնդրով, ինչի մասին դուք հենց նոր ասացիք:
Ես նկատի ունեմ մաքսատուրքերի տեղաբաշխման հարցերը»,- ասել է Մեդվեդեւը Եվրասիական միջկառավարական խորհրդի պատվիրակության ղեկավար՝ Ղրղզստանի նախագահ Ժեենբեկովի հետ հանդիպմանը:
«Մենք իսկապես որոշակի հաջողությունների ենք հասել: Նվազում են վարչարարական խոչընդոտները՝ չնայած, հավանաբար, ոչ այնքան արագ, ինչպես բոլորը կցանկանային»,- ասել է Մեդվեդեւը:
Ռուսաստանի վարչապետն ընդգծել է, որ ԵՏՄ երկրները համաշխարհային մրցակցային դաշտում հանդես են գալիս որպես մեկ ամբողջություն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)