14:03 - 28 սեպտեմբերի, 2019
Ուկրաինան Ղարաբաղ, Աբխազիա և Հվ․ Օսիա այցելող իր քաղաքացիներին զգուշացնում է քրեական և վարչական պատասխանատվության մասին |civilnet.am|
civilnet.am: Ուկրաինայի արտաքին գործերի նախարարությունը հայտարարություն է տարածել Ղարաբաղ, Աբխազիա և Հարավային Օսիա այցելող իր քաղաքացիներին զգուշացնելով է քրեական և վարչական պատասխանատվության մասին։
Ուկրաինայի ԱԳՆ տարածած հաղորդագրությունում մասնավորապես ասվում է․
«Մեր գործընկերների բազմաթիվ դիմումների կապակցությամբ կցանկանայինք հիշեցնել, որ ԱԳՆ կայքում տեղադրված է տեղեկատվություն Ուկրաինայի քաղաքացիների այլ երկրների տարածք մտնելու/դուրս գալու մասին։
Դա մասնավորապես վերաբերում է Լեռնային Ղարաբաղի (Ադրբեջանի Հանրապետություն) օկուպացված տարածքին և նրան հարակից շրջաններին, ինչպես նաև օկուպացված Աբխազիայի տարածք և Ցխինվալիի շրջան/Հարավային Օսիա (Վրաստան) մտնելուն։
Ուկրաինան անվերապահորեն աջակցում է Ադրբեջանի Հանրապետության և Վրաստանի տարածքային ամբողջականությանը նրանց միջազգայնորեն ճանաչված սահմաններում։
Ուկրաինայի արտաքին գործերի նախարարությունը հաստատակամորեն իր քաղաքացիներին խորհուրդ է տալիս Լեռնային Ղարաբաղ, Աբխազիա, Ցխինվալիի շրջան/Հարավային Օսիա և դրանց հարակից շրջաններ այցելելու որոշումն ընդունելիս առաջնորդվել Ադրբեջանի Հանրապետության և Վրաստանի օրենսդրություններով։
Այդ օրենսդրության խախտումն առաջացնում է վարչական և քրեական պատասխանատվություն»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)