hetq.am: Հաշվի առնելով Հայաստանի Հանրապետությունում արտակարգ դրության հայտարարման վերաբերյալ կառավարության 2020 թվականի մարտի 16-ի որոշումամբ պայմանավորված ուսումնական հաստատություններում դասերի երկարաժամկետ ընդհատումը` «Հայաստանի ազգային պոլիտեխնիկական համալսարան»-ի, ղեկավարությունը, իդեմս ռեկտոր, պրոֆեսոր Ոստանիկ Մարուխյանի, որոշում է կայացրել արագացնել առցանց ուսուցման գործիքների ստեղծման և ներդրման աշխատանքները։
ԻՆչպես տեղեկացնում է բուհը, այդ նպատակով ՀԱՊՀ պրոռեկտոր, աշխատակազմի ղեկավար Գոռ Վարդանյանի ղեկավարությամբ ձևավորվել է աշխատանքային խումբ, որը կարճ ժամանակում պետք է ապահովեր հեռավար կրթության համար անհրաժեշտ նյութերի թվայնացման և առցանց ուսուցման հարթակի ծրագրային աշխատանքի համակարգումը։ Այդ ընթացքում նկարահանվել է ավելի քան 100 դասախոսություն, հավաքագրվել ավելի քան 1000 ուսումնական նյութ և միասնական ձևաչափով համալսարանի բոլոր ստորաբաժանումների ուսանողական համակազմերը, առցանց ուսուցման անցնելու համար։ Այս պահին առցանց ուսուցման համար պատրաստ է ավելի քան 6500 ուսանողի և աշակերտի տվյալներ։
Մեկ շաբաթում, աշխատանքային թիմը կարողացավ ապահովել կրթական բոլոր ծրագրերով ողջ նյութերի թվայնացման գործընթացը։
Այս ողջ նյութերի, այդ թվում՝ դասախոսների, ուսանողների, ուսուցիչների, աշակերտների և ղեկավարության կապի, որպես նոր ծրագրային հարթակի բուն աշխատանքները մեկնարկել էր դեռևս մինչև ՀՀ-ում արտակարգ դրություն հայտարարելը «Սևունի» աշխատանքային թիմի կողմից։ Վերջինս բռենդավորել է այն iUniversity անվամբ, ձևավորել և ավարտին հասցրել աշխատանքները։
Պոլիտեխնիկի առցանց ուսուցման հարթակի աշխատանքները նախաձեռնելիս և կազմակերպելիս չէր ակնկալվում, որ վերջնարդյունքում, «Սևունի» աշխատանքային թիմի կողմից, կտրամադրվի ընդարձակ և ճկուն գործիքների հնարավորությամբ, օգտագործման պարզությամբ, ինչպես նաև ըստ կրթական աստիճանների, որպես առանձին առցանց կրթական միջավայրերի օգտագործման հնարավորությամբ՝ համալսարան, դպրոց, քոլեջ (միջին մասնագիտական ուս․ հաստատություն) հարթակներ։
Հարթակը հնարավորություն է տալիս գրանցել ուս․ հաստատության դասախոսներին, ուսանողներին, ուսուցիչներին, աշակերտներին և ղեկավարությանը, յուրաքանչյուր խմբի, դասարանի համար ստեղծել առարկաների ցանկ, ստեղծել տնային աշխատանքներ, առցանց քննություն, ուսումնական նյութեր, գրադարան, ներբեռնել տեսա-դասախոսություններ, ուսանողների, աշակերտների կողմից հարցեր ուղղել իրենց դասախոսներին, ուսուցիչներին, ունենալ առարկայի քննարկման միջավայր և գնահատվել իրենց կատարած առցանց աշխատանքի համար։
iUniversity անվամբ բռենդավորված Հայկական առաջին համալսարանական առցանց կրթական հարթակը կարող է դառնալ էլեկտրոնային միասնական կրթական ցանց և հաշվի առնելով առցանց ուսուցման համակարգի լայն օգտագործման հնարավորությունները, աշխատանքները համակարգող խորհուրդը, որոշում է կայացրել հրավիրել մամուլի ասուլիս, որի ժամանակ ՀԱՊՀ պրոռեկտոր, աշխատակազմի ղեկավար Գոռ Վարդանյանի կողմից կներկայցվի համակարգի հնարավորությունները։
«Յուքոմ» ընկերության հետ ձեռք բերված պայմանավորվածության համաձայն, առցանց ուսուցման համակարգի շահառուները (բուհի, քոլեջի ուսանողները և ավագ դպրոցի աշակերտները) ովքեր հանդիսանում են «Յուքոմ» ընկերության բաժանորդ հնարավորություն կունենա անվճար օգտվել այդ համակարգի հետ կապված տրաֆիկից։
comment.count (0)