21:50- Չինաստանն աջակցում է կորոնավիրուսի բռնկման գլոբալ հետազոտությանն ԱՀԿ կողմից, սակայն «միայն համավարակի ավարտից հետո»։ Պետք է իրականացվի «բաց, թափանցիկ եւ ներառական ձեւով» ԱՀԿ ղեկավար Թեդրոս Ադհանոմ Գեբրեյեսուսի ղեկավարությամբ: Չինաստանը մերժում է հետաքննություն անցկացնելու ԱՄՆ-ի կոչերը` մեղադրելով նրանց «հարցը քաղաքականացնելու» մեջ: [Չինաստանի ԱԳՆ] |news.am|


21:15- Իսլանդիան գրեթե ամբողջությամբ հաղթել է COVID-19-ին։ Վերականգնվել է հիվանդացածների 97%-ը կամ 1,750 մարդ ՝ կորոնավիրուսով ախտորոված 1,799 մարդուց: Ընդհանուր առմամբ վերջին շաբաթվա ընթացքում Իսլանդիայում գրանցվել է կորոնավիրուսով վարակման միայն երկու նոր դեպք: [Reuters] |24news.am|


20:00- ՉԺՀ-ի նախագահ Սի Ցզինպինը և Ռուսաստանի նախագահ Վլադիմիր Պուտինը հեռախոսազրույցի ընթացքում քննարկել են կորոնավիրուսային վարակի դեմ պատվաստանյութի մշակման գործում համագործակցությունը։


19:55- Ռուսաստանի առաջնորդ Վլադիմիր Պուտինը հայտարարել է, որ երկրի վարչապետ Միխայիլ Միշուստինը ապաքինվում է կորոնավիրուսից, բայց դեռ ջերմություն ունի: |shantnews.am|


19:35- Իսրայելում կորոնավիրուսով վարակվածների թիվը հասել է 16 409-ի, օրվա ընթացքում հայտնաբերվել է 28 նոր դեպք, հայտնում են երկրի առողջապահության նախարարությունից: Անցած օրվա ընթացքում 5 մարդ մահացել է: Ընդհանուր առմամբ, վարակի զոհ է դարձել 245 մարդ: |aysor.am|


18:35- «Չինաստանը սարսափելի բան է արել, բայց ես չեմ հավատում, որ միտումնավոր է արել»,- հայտարարել է Թրամփը՝ հավելելով, որ վիրուսը կարող էր «տարածվել Չինաստանի սահմաններից դուրս» ոչ կոմպետենտության պատճառով: [Fox News] |tert.am|


17։27 - Թուրքական «Ֆեներբահչե» ֆուտբոլային ակումբի աշխատողներից մեկի մոտ կորոնավիրուս է հայտնաբերվել, իսկ մեկ ուրիշի մոտ կորոնավիրուսի ախտանիշներ են առկա։ Ֆեներբահչեի բոլոր ֆուտբոլիստները կորոնավիրուսի տեստ են հանձնելու, քանի որ վարակակիր անձնավորությունը շփում է ունեցել բոլոր ֆուտբոլիստների հետ։ Մարզումները ակումբում դադարեցված են։ |ermenihaber.am|

14:40 - Իրանում կորոնավիրուսի մայիսի 8-ի վիճակագրական տվյալները՝ նախորդ օրվա համեմատությամբ.

👉Վարակակիրների թիվն ավելացել է 1.556-ով
Ընդհանուր՝ 104.691
👉Մահացածների թիվն ավելացել է 55-ով
Ընդհանուր՝ 6.541
👉Ծանր վիճակում է գտնվում 2.711 անձ
👉Ապաքինվածների թիվն ավելացել է 1.093-ով
Ընդհանուր՝ 83.837 
[Իրանում ՀՀ դեսպանություն]

13։51 - Չեխիայում մայիսի 11-ից կաշխատեն առևտրի խոշոր կենտրոնները, վարսավիրանոցները և գեղեցկության սրահները: Մայիսի 25-ից կարտոնվի ռեստորանների, հյուրանոցների, թատրոնների և այլ հիմնարկների աշխատանքը:
Սոցիալական հեռավորություն պահպանելու և հանրային վայրերում դիմակներ կրելու պահանջը մնում է ուժի մեջ: |azatutyun.am|

13։49 - Ներքին տուրիզմի համար Վրաստանը կբացվի հունիսի 15-ին, իսկ օտարերկրյա զբոսաշրջիկների համար երկրի մուտքը կբացվի հուլիսին: Արտերկրից ժամանածների համար կորոնավիրուսից ազատ կանաչ գոտիներ կլինեն՝ Ծղալտուբոյում, Բորջոմիում, Աբասթումաիում, Բակուրիանիում, Գուդաուրիում, Բաթումիում ու այ վայրերում: Դրանք այն գոտիներն են, որոնք գործել են նաև կարանտինային ֆորմատում: |aliq.ge|

13։22 - Սպիտակ տան աշխատակցի մոտ վարակի հաստատման մասին տեղեկությունն ունենալուց հետո ես և փոխնախագահ Մայք Փենսը նույնպես ախտորոշման թեստ ենք հանձնել: Թեստի արդյունքները բացասական են եղել: Մենք թեստ էինք հանձնում շաբաթը մեկ անգամ, այժմ դա կանենք ամեն օր։ [Դոնալդ Թրամփ] |armenpress.am|

13։20 - Աֆղանստանի առողջապահության նախարար Ֆիրոզուդդին Ֆերոզը վարակվել է կորոնավիրուսով: Վերջնիս առողջական վիճակը կայուն է, նա գտնվում է ինքնամեկուսացման մեջ։ [Ան  ներկայացուցիչ Վահիդուլա Մայար] |armenpress.am|

12։42 - Կորոնավիրուսից 78 տարեկան հասակում մահացել է Հունաստանի նախկին առողջապահության նախարար Դիմիտրիս Կրեմաստինոսը։ |greece.greekreporter.com|

12։39 - Սոցիալական հեռավորությունը, երբ խոսում ենք կորոնավիրուսից, մեզ դեռ երկար է պետք լինելու, ու ոչ միայն ամռանը: Հավատացեք՝ աշնանը ևս: Օրինակ՝ «Իսպանկան» (խմբ.՝ Իսպանական գրիպ, 1918-ի համաշխարհային համաճարակ) 2 տարի է տևել։ Իսկ  պատվաստանյութի փորձարկման համար երկար ժամանակ է անհրաժեշտ: [Վրաստանի հիվանդությունների վերահսկման և հանրային առողջապահության ազգային կենտրոնի տնօրեն Ամիրան Գամկրելիձե] |aliq.ge|

11։54 - Կորոնավիրուսի համար կարևոր չէ, թե մենք ովքեր ենք, որտեղ ենք ապրում կամ ինչ կրոն ենք դավանում։ Բայց համավարակը շարունակ ծնում է ատելության և քսենոֆոբիայի, մեղավոր փնտրելու ու ահաբեկելու ցունամի։ Ու դա է պատճառը, որ ես կոչ եմ անում, որպեսզի մենք բոլորս ջանքեր գործադրենք ու վերջ տանք ատելության խոսքին։ [ՄԱԿ Գլխավոր քարտուղար Անտոնիո Գուտիերեշ]

11։ 50 - Ըստ Եվրոպական հանձնաժողովի կանխատեսումների այս տարի Եվրոպական տնտեսությունը 7․4 տոկոս «պատմական» անկում կգրանցի, որը պայմանավորված է կոնորավիրուսի համավարակով ու դրա դեմ պայքարի շրջանակներում իրականացվող միջոցառումներով։ 
Տնտեսության հարցերով եվրոպական հանձնակատար Պաոլո Ջենթիլոնեն զգուշացրել է, որ վտանգված են եվրոն ու միասնական շուկան և որ խորը անկումը  տարբեր հետևանքներ կունենա ԵՄ տարբեր անդամ պետությունների համար։ |euronews.com|

11։ 44 - Եվրոպայում այսօր նշվում է 2-րդ համաշխարհային պատերազմի ավարտի 75-րդ ամյակը։ Մեծ Բրիտանիայում համապետական լռության 2 րոպեից հետո թագուհի Եղիսաբեթ 2-րդը հանդես կգա ուղերձով։ Ֆրանսիայի ու Գերմանիայի առաջնորդներ Էմանուիլ Մակրոնն ու Անգելա Մերկելը կանցկացնեն փակ պաշտոնական արարողություններ։ Այլ միջոցառումներ ևս կլինեն, սակայն կորոնավիրուսի համավարկով պայմանավորված զանգվածային հավաքույթներ չեն անցկացվի։ |bbc.com|

11։ 32 - Ռուսաստանում  կորոնավիրուսի վարակի վիճակագրությունը ՝
 Հաստատված դեպքեր - 187 859
Նոր դեպքեր- 10 699
Առողջացածներ - 26 608
Մահվան ելքեր - 1723
|стопкоронавирус.рф|

10։ 44 - Թուրքիայում մինչ օրս գրանցված վարակման դեպքերի թիվը կազմում է 133.721, որից  82․984-ն արդեն առողջացել է։ 24 ժամում նոր դեպքերի թիվն ավելացել է 1․977-ով։ Մահացությունների թիվն ավելացել է 57-ով՝ կազմելով 3․641: Ապաքինվածների թիվն ավելացել է 4․782 -ով։ |ermenihaber.am|

10։ 32 -COVID-19-ով վարակվածների թվով երկրորդ տեղում գտնվող Իսպանիայում հաստատված դեպքերի թիվը 256 հազար 855 է: Մահացության ցուցանիշը կազմում է 26 հազար 070:
Իտալիան վարակվածների թվով երրորդն է: Այստեղ հաստատված դեպքերի ընդհանուր թիվը 215 հազար 858 է: Վարակից մահացել է 29 հազար 958 մարդ։
Հաջորդը Մեծ Բրիտանիան է, որտեղ հաստատված դեպքերի թիվը կազմում է 206 հազար 715: |armenpress.am|

10։ 27 - ԱՄՆ-ում COVID-19-ով վարակվածների թիվը 1 մլն 292 հազար 850 է, մահացածների թիվը՝ 76 հազար 938: Վարակվածության և մահացածների թվի ցուցանիշով ԱՄՆ-ն առաջինն է աշխարհում: |armenpress.am|

10: 20 - Աշխարհում COVID-19-ով վարակվածների թիվն անցել է 3 միլիոն 917 հազար 944-ը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 270 հազարը: Ապաքինվել է 1 միլիոն 344 հազար 260 մարդ: 
|armenpress.am|

10։ 10 -Վրաստանում կորոնավիրուսի հաստատված դեպքերն՝ ըստ վերջին տվյալների՝

Հաստատված դեպքեր- 623 (+7)
Առողջացածներ - 288
Մահեր - 9 |stopcov.ge|

9: 05 - Լոս Անջելեսի քաղաքային մետրոյի ղեկավարությունը հայտարարել է, որ երկուշաբթի օրվանից սկսած մետրոյի կայաններում ու գնացքներում դիմակները կրելը դառնալու է պարտադիր բոլորի համար։ |cnn.com|