Թեհրանը հայտարարել է նոր բալիստիկ հրթիռների ստեղծման մասին |azatutyun.am|
15:31 - 20 օգոստոսի, 2020

Թեհրանը հայտարարել է նոր բալիստիկ հրթիռների ստեղծման մասին |azatutyun.am|

azatutyun.am: Իրանը հայտարարել է նոր բալիստիկ հրթիռների ստեղծման մասին։ Իրանցի գիտնականների ջանքերով ստեղծված երկու հրթիռներից մեկը Իրանի իշխանությունները որոշել են կոչել ի պատիվ այս տարվա հունվարին Բաղդադում ամերիկյան հրթիռակոծության հետևանքով զոհված գեներալ Քասեմ Սոլեյմանիի։

«Նահատակ Քասեմ Սոլեյմանի» կոչվող հրթիռի գործողության շառավիղը 1400 կիլոմետր է», - այսօր հայտարարել է Իրանի պաշտպանության նախարար Ամիր Հաթամին։

Պաշտպանական գերատեսչության ղեկավարի խոսքով՝ Իրանի ռազմաարդյունաբերական համալիրի կողմից ստեղծված երկրորդ հրթիռը նախատեսված է ռազմածովային ուժերի համար և գործողության 1000 կիլոմետր շառավիղ ունի։ Այդ մի հրթիռը, ըստ իրանական աղբյուրների, անվանակոչվել է Քասեմ Սոլեյմանիի հետ զոհված իրաքցի շիա դաշտային հրամանատար Աբու Մահդի Ալ Մուհանդիսի պատվին։


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

comment.count (0)

Մեկնաբանել