14:37 - 23 ապրիլի, 2021
Դատարանը ոչ իրավաչափ ճանաչեց Մենուա Հովսեփյանի ձերբակալման որոշումը |hetq.am|
hetq.am: Երևան քաղաքի ընդհանուր իրավասության դատարանը՝ նախագահությամբ դատավոր Դավիթ Բալայանի, քիչ առաջ ոչ իրավաչափ ճանաչեց Գորիսի փոխքաղաքապետ Մենուա Հովսեփյանին ձերբակալելու վերաբերյալ Քննչական կոմիտեի քննիչի որոշումը։ Այս մասին ասաց Հովսեփյանի պաշտպան Դավիթ Կարապետյանը։
Հովսեփյանը ձերբակալվել էր Քրեական օրենսգրքի 38-258-րդ հոդվածի 1-ին մասով նախատեսված արարք կատարելու կասկածանքով, այսինքն՝ խուլիգանություն կազմակերպելը։
Հովսեփյանը բերման ենթարկվելուց հետո հաղորդում է ներկայացրել հանցագործության մասին՝ հայտնելով, որ իր նկատմամբ ոստիկանությունում, մինչև Քննչական կոմիտե ներկայացնելը, նվաստացուցիչ վերաբերմունք են ցուցաբերել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)