14:08 - 05 հուլիսի, 2021
Մյանմարում ռազմական ուժերի և բնակչության միջև բախումների հետևանքով սպանվել է առնվազն 25 քաղաքացի |tert.am|
tert.am: Մյանմարում ռազմական ուժերի և բնակչության միջև բախումների հետևանքով սպանվել է առնվազն 25 մարդ, հայտնում է Al Jazeera լրատվականը։
Հայտնի է, որ որոշ շրջաններում քաղաքացիական անձինք ստեղծել են «պաշտպանական ուժեր»՝ պետական կառավարման դեմ զենք վերցնելու նպատակով։ Վերջին բռնությունները տեղի են ունեցել մայրաքաղաք Նայպիդոյից 300 կիլոմետր հյուսիս՝ Սագաինգ շրջանի Դիփային քաղաքում։ Բախումներից հետո հավաքվել է զոհերի 25 մարմին։
Բնակիչները նշել են, որ ռազմական բեռնատարները մտել քաղաք և կրակ բացել՝ հույս ունենալով բացահայտել տեղի պաշտպանական ուժերի անդամներին։ Նրանք նշել են, որ պաշտպանական ուժերի անդամները փորձել են պատասխան կրակ բացել, սակայն զինվորականները կրակել են ճանապարհին հայտնված ցանկացած մարդու՝ առանց հստակ թիրախ ունենալու։
ՄԱԿ-ի տվյալների համաձայն՝ Մյանմարի հեղաշրջումից հետո շուրջ 23 հազար քաղաքացի բռնության հետևանքով լքել է իր տունը։ Քաղբանտարկյալների աջակցության ասոցիացիան, իր հերթին, հայտնում է, որ փետրվարից ի վեր առնվազն 888 մարդ է սպանվել անվտանգության ուժերի կողմից, իսկ մոտ 5200-ը կալանքի տակ է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)