08:27 - 21 մարտի, 2019
Դատախազությունն ուսումնասիրում է փակված մանկապարտեզների մասին «Հետքի» հրապարակումը
Գլխավոր դատախազությունն ուսումնասիրում է «Կենտրոնում 15 մանկապարտեզ է փակվել, տարածքը վաճառվել» վերտառությամբ «Հետքի» հրապարակման մեջ տեղ գտած փաստերը: Այս մասին մեզ հայտնեցին գլխավոր դատախազությունից:
Փաստերի ուսումնասիրմամբ զբաղվում է դատախազության պետական շահերի պաշտպանության վարչությունը: Դատախազությունից փոխանցեցին, որ մի շարք հարցումներ են ուղղել Անշարժ գույքի կադաստրի պետական կոմիտեին և Երևանի քաղաքապետարանին:
Հիշեցնենք, որ հետաքննությամբ պարզել էինք, որ համայնքային նշանակության տարածքները մեծամասամբ սեփականաշնորհվել են նախկին պաշտոնյաներին և նրանց հետ փոխկապակցված անձանց:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)