17:00 - 15 հուլիսի, 2022
Ծայրահեղ անընդունելի և մտահոգիչ է, որ նախնական կալանքի պայմաններում չի երաշխավորվում առողջության պահպանման իրավունքը․ ՄԻՊ-ը՝ Արմեն Գրիգորյանի մահվան մասին
Մարդու իրավունքների պաշտպանը հաղորդագրություն է տարածել՝ կապված պրոդյուսեր Արմեն Գրիգորյանի մահվան հետ կապված․
«Ծայրահեղ անընդունելի և մտահոգիչ է, որ նախնական կալանքի պայմաններում անձի նկատմամբ պահման վայրում չի երաշխավորվում առողջության պահպանման իրավունքը, պատշաճ չեն բացահայտվում և հասցեագրվում առողջական խնդիրները, ինչը հանգեցնում է նման ողբերգական հետևանքի։
Պարզաբանումներ եմ պահանջել Դատախազությունից և Արդարադատության նախարարությունից Արմեն Գրիգորյանի մոտ ախտորոշված հիվանդությունների, դրանց բուժման նպատակով ձեռնարկված միջոցների և մահվանը հանգեցրած մյուս հնարավոր հանգամանքների վերաբերյալ։ Հետևողական եմ լինելու մեղավորներին պատասխանատվության կանչելու հարցում։
Ցավակցությունս եմ հայտնում պարոն Գրիգորյանի ընտանիքին և ընկերներին»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Կարդալ նաև
Բժշկական կենտրոն են տեղափոխվել նաև Կիրանցում հավաքին մասնակցող երեխաներ. ՄԻՊ
14:21 - 27 ապրիլի, 2024
comment.count (0)