Վարդան Մելիքյան

Շրջակա միջավայրի նախարարի նախկին տեղակալ:

Ծնվել է 1982թ. հունվարի 9-ին, Երեւանում։

Կրթություն ՝ 1998 – 2002թթ. - Մ. Լոմոնոսովի անվան Մոսկվայի պետական համալսարան, տնտեսագիտության ֆակուլտետ, բակալավր Աշխատանքային գործունեություն

2018թ․ – հուլիս, 2019թ․, տեխնիկական առաջադրանքի ղեկավար, «Կլիմայի փոփոխության ազդեցության մեղմում Հայաստանում անտառային եւ դաշտային հրդեհների կառավարման կարողությունների զարգացման միջոցով» ծրագիր, ՄԱԶԾ հայաստանյան գրասենյակ

Փետրվար, 2017թ․ – մարտ 2018թ․, Կովկասի եւ Կենտրոնական Ասիայի գծով տարածաշրջանային փորձագետ, «Հաշվետվողականության համակարգեր Կովկասում եւ Կենտրոնական Ասիայում անտառների կայուն կառավարման համար» ծրագիր, ՄԱԿ-ի ԵՏՀ / ՊԳԿ ,փետրվար, 2014թ․ – նոյեմբեր, 2017թ․, կլիմայական ռիսկերի մեղմման փորձնական ծրագրերի գծով ազգային փորձագետ, ՄԱԶԾ հայաստանյան գրասենյակ։ Հուլիս, 2015թ․ – հունվար, 2017թ․, կլիմայի փոփոխության տեխնոլոգիական կարիքների գնահատման հարմարվողականության գծով փորձագետ, ՄԱԿ-ի ՇՄԾ / Դանիայի տեխնիկական համալսարան համագործակցություն, «Բնապահպանական ծրագրերի իրականացման գրասենյակ» ՊՀ։

2013թ․, Երեւան, Հայաստան, Հայալաստանի ամերիկյան համալսարանի Հակոբյան բնապահպանական կենտրոն, բնապահպանության եւ կոնսերվացիայի հավատարմագրային ծրագիր Ապրիլ – մայիս, 2013թ․, Արիզոնա, ԱՄՆ, Գետավազանների կառավարման միջազգային սեմինար։ Օգոստոսի 8-ին սեփական դիմումի համաձայն ազատվել է ազատվել է շրջակա միջավայրի նախարարի տեղակալի պաշտոնից։

Հանրապետությունում մինչև տարվա վերջ տնկված կլինի շուրջ 3 մլն ծառ |armenpress.am|

armenpress.am: Կառավարության հակաճգնաժամային 15-րդ միջոցառման շրջանակում իրականացվող ափապաշտպան անտառաշերտի տնկման աշխատանքների զգալի մասն արդեն կատարված է: Ասուլիսի ժամանակ ներկայացնելով ծառատունկի մանրամասները, ՀՀ շրջակա միջավայրի նախարարի տեղակալ Վարդան Մելիքյանը, նշեց, որ 1 մլն 950 հազար ուռենու կտրոն ՀՀ-ի 7 մարզում արդեն տնկված է: Աշխատանքներում ներգրավված է մոտ 1 000 քաղաքացի: «Աշխատանքներն իրականացվել են նախապես նշված 6 մարզում՝ Սյունիքում, Վայոց ձորում, Գեղարքունիքում, Տավուշում, Լոռիում և Շիրակում, որոշ աշխատանքներ են իրականացվել նաև Կոտայքի բարձրադիր գոտիներում: Ինչո՞ւ են այս տարածքներն ընտրվել: Քանի որ տնկումների սեզոնի ավարտն էր, և այս առումով եղան քննադատություններ, բայց մենք հաշվի էինք առել այս հանգամանքը, դրա համար ընտրել ենք բարձրադիր գոտիները, որտեղ ծառերի վեգետացիա դեռ չէր սկսվել, որպեսզի ունենանք նորմալ արդյունք»,-ասաց նա: Ծառատունկի աշխատանքներում հիմնականում ընդգրկված են տեղի համայնքների բնակիչները, սակայն Վարդան Մելիքյանը նշեց, որ եղել են դեպքեր, երբ մարդիկ հեռավոր համայնքից իրենց ավտոմեքենայով եկել են մասնակցել ծառատնկմանը՝ վաստակելով գումար: Նախարարի տեղակալի խոսքով՝ բնակիչները հնարավորություն են ունեցել օրվա կտրվածքով մինչև 10 հազար դրամ վաստակել: «Մարդկանց ներգրավելու առումով, ընդհանուր առմամբ, խնդիր չենք ունեցել, մենք արդեն ունենք 1 000 ներգրավված աշխատակից, բայց կունենանք ավելին, որովհետև ծառերը տնկելուց հետո առջևում ցանկապատման աշխատանքներ են»,-ասաց նախարարի տեղակալը: Մինչև հունիսի 5-ը ծրագրի ծառատնկման հատվածը կավարտվի, և 2 մլն կտրոնը տնկված կլինի, իսկ մինչև հուլիսի վերջը կավարտվեն ցանկապատման աշխատանքները: Հանրապետությունում ծառատունկն այս տարի այսքանով չի ավարտվում: Աշնանը նույնպես իրականացվելու է ծառատունկ, բյուջեով նախատեսված է 400 մլն դրամից ավելի գումար է հատկացվելու «Հայանտառ»-ին: Նախարարի տեղակալը նշեց, որ նախորդ տարի աշնանը ծառատունկին մասնակցեց մոտ 1 000 մարդ: Այս տարի նույնպես նույնքան մարդ է նախատեսվում ներգրավել: Աշնանը նախատեսված ծառատունկն իրականացվելու է անտառային հողերում, կտնկվեն կաղնի, հաճար, թեղի և այլն: Նախարարի տեղակալը նշեց, որ մինչև տարվա վերջ շուրջ 3 մլն ծառ տնկված կլինի:

14:12 - 01 հունիսի, 2020