Գեորգի Գախարիա

Գերոգի Գախարիան ծնվել է 1975 թվականի մարտի 19-ին, վրացի քաղաքական գործիչ է, 2019 թվականի սեպտեմբերի 9-ից Վրաստանի կառավարության ղեկավար։

Գեորգի Գախարիան ավարտել է Թբիլիսիի պետական համալսարանի պատմության ֆակուլտետը։ 1994-2000 թվականներին սովորել է Մոսկվայի Լոմոնոսովի անվան պետական համալսարանի քաղաքագիտության ֆակուլտետում՝ ստանալով քաղաքական գիտությունների մագիստրոսի գիտական աստիճան։2002-2004 թվականներին սովորել է Մոսկվայի Լոմոնոսովի անվան պետական համալսարանի բարձրագույն բիզնես դպրոցը։

Մասնավոր բիզնեսում աշխատելուց հետո (SFK Group-ում՝ որպես գլխավոր տնօրեն, Lufthansa Service Holding AG.-ում՝ որպես Արեւելյան Եվրոպայի, ԱՊՀ եւ Ռուսաստանի երկրների գծով բիզնեսի զարգացման տնօրեն)՝ 2013 թվականի մարտին, նշանակվել է Վրաստանի բիզնես-օմբուդսմեն։ 2014 թվականի դեկտեմբերից աշխատանքը համատեղել է Վրաստանի կառավարության էկոնոմիկայի խորհրդի քարտուղարի աշխատանքի հետ։ 2016 թվականի նոյեմբերին դառնալով վարչապետ, Գեորգի Գախարիային նշանակել է իրեն փոխարինող՝ էկոնոմիկայի նախարարի պաշտոնում։ 2017 թվականի նոյեմբերի 13-ին նշանակվել է Վրաստանի ներքին գործերի նախարարի պաշտոնում։ Զբաղեցրել է Վրաստանի փոխվարչապետի պաշտոնը։ 2019 թվականի սեպտեմբերի 3-ին առաջադրվել է Վրաստանի վարչապետի պաշտոնում։ 2019 թվականի սեպտեմբերի 8-ին ընտրվել է վարչապետ՝ ստանձնելով երկրի կառավարության ղեկավարի լիազորությունները։

Վրաստանի նախկին վարչապետ Գիորգի Գախարիան նոր կուսակցություն է ստեղծել |1lurer.am|

Վրաստանի նախկին վարչապետ Գիորգի Գախարիան նոր կուսակցություն է ստեղծել |1lurer.am|

1lurer.am: Վրաստանի նախկին վարչապետ Գիորգի Գախարիան Թբիլիսիում ներկայացրել է «Հանուն Վրաստանի» իր նոր կուսակցությունը: Այս մասին տեղեկացնում է РИА Новости-ն: Գախարիան իր համակիրների հետ նոր քաղաքական դաշինք է ձևավորել: Նրանց խոսքով՝ թիմը ներգրավվելու է բոլոր քաղաքական գործընթացներին: Նախկին մի շարք պաշտոնյաներից բացի, կուսակցությանն անդամակցել է նաև խորհրդարանի վեց պատգամավոր, որոնք ապրիլին դուրս էին եկել իշխող կուսակցությունից:

21:15 - 29 մայիսի, 2021

Վրաստանի վարչապետ Գեորգիի Գախարիան հրաժարական է տվել

Վրաստանի վարչապետ Գեորգիի Գախարիան հրաժարական է տվել

Վրաստանի վարչապետ Գեորգիի Գախարիան հրաժարականի դիմում է ներկայացրել։ Նա դրա մասին հայտնել է այսօր կայացած ճեպազրույցի ժամանակ։ Որոշումը կայացրել է երկրում ստեղծված քաղաքական ճգնաժամի ֆոնին։ Այս մասին հայտնում է Sputnik-georgia-ն։ «Որոշել եմ հեռանալ զբաղեցրածս պաշտոնից։ Իհարկե, ես հավատում եմ և ուզում եմ հավատալ, որ այս քայլով կնպաստեմ մեր երկրում առկա բևեռացման թուլացմանը, քանի որ համոզված եմ՝ բևեռացումն ու մեր միջև առկա հակամարտությունն ամենամեծ վտանգն են մեր երկրի ապագայի, տնտեսական զարգացման համար»,- ասել է Գախարիան։

10:59 - 18 փետրվարի, 2021

Վարչապետ Փաշինյանը շնորհավորել է Գիորգի Գախարիային՝ Վրաստանի վարչապետի պաշտոնում վերանշանակվելու կապակցությամբ

Վարչապետ Փաշինյանը շնորհավորել է Գիորգի Գախարիային՝ Վրաստանի վարչապետի պաշտոնում վերանշանակվելու կապակցությամբ

Վարչապետ Նիկոլ Փաշինյանը շնորհավորական ուղերձ է հղել Վրաստանի վարչապետ Գիորգի Գախարիային՝ պատասխանատու պաշտոնում վերանշանակվելու կապակցությամբ: Ուղերձում, մասնավորապես, ասված է. «Ընդունեք իմ ջերմ շնորհավորանքները Վրաստանի վարչապետի պաշտոնին վերանշանակվելու կապակցությամբ։ Մաղթում եմ Ձեզ նորանոր հաջողություններ Ձեր բոլոր նախաձեռնություններում՝ ի շահ եղբայրական Վրաստանի: Անցած մեկուկես տարվա ընթացքում մեր կառավարությունների և անձամբ մեր միջև ձևավորվել է արդյունավետ և փոխշահավետ համագործակցության մթնոլորտ՝ հիմնված մեր ժողովուրդներին միավորող բազմադարյա պատմական կապերի և մշակութային ու քաղաքակրթական ընդհանրությունների վրա։ Համոզված եմ, որ մեր համատեղ ջանքերի շնորհիվ առաջիկայում ևս Հայաստանի ու Վրաստանի միջև հարաբերությունները կշարունակեն զարգանալ երկկողմ հետաքրքրություն ներկայացնող բոլոր ուղղություններով՝ ի շահ մեր երկրների ու ժողովուրդների»։

18:58 - 25 դեկտեմբերի, 2020

Ըստ Գախարիայի՝ Վրաստանը մտադիր է «բարիդրացիական հարաբերություններ պահպանել Հայաստանի և Ադրբեջանի հետ» |azatutyun.am|

Ըստ Գախարիայի՝ Վրաստանը մտադիր է «բարիդրացիական հարաբերություններ պահպանել Հայաստանի և Ադրբեջանի հետ» |azatutyun.am|

azatutyun.am: «Վրաստանը շարունակելու է բարիդրացիական հարաբերություններ պահպանել թե՛ Հայաստանի և թե՛ Ադրբեջանի հետ», - դիմելով վրաց խորհրդարանականներին՝ այսօր հայտարարել է Վրաստանի վարչապետի պաշտոնակատար Գիորգի Գախարիան։ Իշխող «Վրացական երազանք» խմբակցության անդամների հետ հանդիպման ժամանակ վրացական կառավարության ղեկավարը կոչ է արել զգուշավոր մոտեցում ցուցաբերել Հարավային Կովկասում վերջին ամիսներին ծավալված իրադարձություններին՝ զերծ մնալով հապշտապ գնահատականներից։ «Տարածաշրջանում ստեղծված կացությունը պետք է շատ զգուշորեն քննարկել և գնահատել, քանի որ տեղի ունեցած գործընթացների վերջնական արդյունքները առայժմ որևէ մեկի համար հստակ չեն», - հայտարարել է Վրաստանի վարչապետի պաշտոնակատարը։ Գախարիայի խոսքով՝ «չնայած [ղարաբաղյան] հակամարտության հետևանքով ի հայտ եկած մարտահրավերներին, Վրաստանը կարողացավ չեզոքություն պահպանել»։

16:35 - 23 դեկտեմբերի, 2020

«Վրացական երազանքի» վարչապետի թեկնածուն Գիորգի Գախարիան է
|shantnews.am| |shantnews.am|

«Վրացական երազանքի» վարչապետի թեկնածուն Գիորգի Գախարիան է |shantnews.am| |shantnews.am|

shantnews.am: shantnews.am: «Վրացական երազանքը» երկրի վարչապետի պաշտոնի համար ներկայացրել է Գիորգի Գախարիայի թեկնածությունը: Համապատասխան նամակը ստորագրել է կուսակցության ղեկավար Բիձինա Իվանիշվիլին: Նոր խորհրդարանի լիազորություններն ընդունելուց հետո նախարարների կաբինետը հրաժարական է տվել, բոլոր նախարարները համարվում են ժամանակավոր պաշտոնակատարներ: Գախարիան մինչև կիրակի ժամանակ ունի՝ կառավարության կազմը հայտնելու համար: Վստահություն ստանալու համար կառավարությանն անհրաժեշտ է նվազագույնը 76 պատգամավորի աջակցություն: Գախարիան համարվում է «Վրացական երազանքի» հիմնադիր, միլիարդատեր Բիձինա Իվանիշվիլիի ֆավորիտը, նախարարների կաբինետի ամենաազդեցիկ անձը: Նա Վրաստանի վարչապետի պաշտոնում է 2019-ի սեպտեմբերից:

20:01 - 14 դեկտեմբերի, 2020

Գախարիան կրկին առաջադրվելու է Վրաստանի վարչապետի պաշտոնում |azatutyun.am|

Գախարիան կրկին առաջադրվելու է Վրաստանի վարչապետի պաշտոնում |azatutyun.am|

azatutyun.am: Վրաստանի իշխող «Վրացական երազանք» կուսակցությունը երկրի վարչապետի պաշտոնում կրկին առաջադրելու է Գեորգի Գախարիայի թեկնածությունը։ Այս մասին այսօր հայտարարել է կուսակցության գործադիր քարտուղար Իրակլի Կոբախիձեն։ Նրա խոսքով՝ Գախարիայի առաջադրման մասին պաշտոնապես կհայտարարվի վաղը՝ Վրաստանի նորընտիր խորհրդարանի առաջին նիստի ընթացքում։ Նոր գումարման խորհրդարանի անդրանիկ նիստից առաջ, սակայն, ներքաղաքական անկայունությունը Վրաստանում պահպանվում է։ Խորհրդարան անցած ընդդիմադիր բոլոր կուսակցությունները հայտարարել են, որ բողոքելով հոկտեմբերի 31-ի ընտրություններում թույլ տրված խախտումների դեմ, հրաժարվում են պատգամավորական մանդատներից և չեն մասնակցի օրենսդիր մարմնի աշխատանքներին։

17:13 - 10 դեկտեմբերի, 2020

Պոմպեոն հանդիպել է Վրաստանի վարչապետին |aliq.ge|

Պոմպեոն հանդիպել է Վրաստանի վարչապետին |aliq.ge|

aliq.ge: Վրաստանի վարչապետ Գիորգի Գախարիան ընդունել է ԱՄՆ պետքարտուղար Մայք Պոմպեոյին: Հանդիպումը տեղի է ունեցել Վրաստանի կառավարության շենքում: Վրաստանի կառավարության մամլո ծառայության տեղեկության համաձայն՝ Վրաստանի վարչապետն ընդգծել է ԱՄՆ- Վրաստանի ռազմավարական հարաբերություններն ու շնորհակալություն հայտնել պետքարտուղարին պանդեմիայի պայմաններում Վրաստան այցելելու համար: Այս համատեքստում վարչապետը նաև շնորհակալություն է հայտնել Վրաստանի` կորոնավիրուսի դեմ պայքարում ԱՄՆ աջակցության համար, ինչպես նաև ընդգծել, որ Լուգարի լաբորատորիայի տեսքով համագործակցությունն անկյունաքարային է քովիդ19-ի դեմ պայքարում: Գախարիան նաև շնորհակալություն է հայտնել Վրաստանի տարածքային ամբողջականությանն աջակցություն հայտնելու համար: «Ուզում եմ վստահեցնել, որ իսկապես զգում ենք` մեր համագործակցության ու տարածաշրջանում ԱՄՆ ուժեղացված ներկայացվածության պահն է եկել»,- նշել է Գախարիան: Իր հերթին Պոմպեոն ընդգծել է, որ ողջ աշխարհը` այդ թվում Վրաստանը գտնվում են Չինաստանից տարածված վիրուսի մարտահրավերի առջև: Այն միասին կհաղթահարենք, հոգ կտանենք տնտեսության ու մեր ժողովրդի մասին: Արդեն 30 տարի է՝ հրաշալի բարեկամներ ենք: Ամեն ինչ կանենք ձեր երկրի ժողովրդավարացման գործընթացն աջակցելու, ինստիտուտների հզորացման համար»,- հայտարարել է Պոմպեոն: Կողմերն անդրադարձել են նաև Վրաստանում ու տարածաշրջանում գոյություն ունեցող անվտանգության միջավայրին ու տարածաշրջանային ու միջազգային անվտանգության հաստատման նպատակով Վրաստանի ու ԱՄՆ համագործակցությանը:

14:06 - 18 նոյեմբերի, 2020

Նիկոլ Փաշինյանը հեռախոսազրույց է ունեցել Գիորգի Գախարիայի հետ

Նիկոլ Փաշինյանը հեռախոսազրույց է ունեցել Գիորգի Գախարիայի հետ

Հայաստանի Հանրապետության վարչապետ Նիկոլ Փաշինյանն այսօր հեռախոսազրույց է ունեցել Վրաստանի վարչապետ Գիորգի Գախարիայի հետ: Վարչապետները քննարկել են իրավիճակը տարածաշրջանում: ՀՀ վարչապետը գործընկերոջը տեղեկատվություն է ներկայացրել տեղի ունեցող վերջին զարգացումների մասին: Վրացական կողմը ողջունել է Լեռնային Ղարաբաղում հրադադարի հաստատումը:

21:44 - 10 նոյեմբերի, 2020

Վրաստանը պատրաստ է հակամարտող կողմերին ընդունել Թբիլիսիում. Գախարիա |aliq.ge|

Վրաստանը պատրաստ է հակամարտող կողմերին ընդունել Թբիլիսիում. Գախարիա |aliq.ge|

aliq.ge: Վրաստանի վարչապետ Գիորգի Գախարիան հայտարարություն է տարածել Հայաստանի և Ադրբեջանի միջև շարունակվող ռազմական հակամարտության վերաբերյալ: Գախարիան նշում է, որ Վրաստանը պատրաստ է ցանկացած ձևաչափով օգնել դուրս գալ ստեղծված իրավիճակից, այդ թվում պատրաստ է հակամարտող կողմերի ներկայացուցիչներին երկխոսության նպատակով ընդունել Թբիլիսիում: «Ադրբեջանի և Հայաստանի միջև հերթական ռազմական առճակատման արդյունքում ստեղծվել է բարդ իրավիճակ, կան շատ զոհեր և, ցավոք, մինչ այժմ չի հաջողվել դադարեցնել ռազմական գործողությունները և վերսկսել երկխոսությունը: Բոլորս էլ լավ հասկանում ենք, որ իրավիճակի հետագա սրումը խիստ բացասական ազդեցություն կունենա տարածաշրջանի անվտանգության վրա: ԵԱՀԿ Մինսկի խմբի համանախագահներն ու միջազգային դերակատարները պետք է առավելագույնը օգտագործեն իրենց հնարավորությունները էսկալացիայի դադարեցման և երկխոսության վերականգնման համար: Ինչպես գիտեք, մեր երկիրը բարիդրացիական հարաբերություններ ունի երկու երկրների՝ Ադրբեջանի և Հայաստանի հետ: Պատմականորեն, Վրաստանում ապրող մեր ադրբեջանցի և հայ քաղաքացիները միշտ մեծ դեր են խաղացել մեր երկրի, ինչպես նաև ընդհանուր առմամբ տարածաշրջանի զարգացման գործում: Միևնույն ժամանակ, նրանց համակեցությունը լավ օրինակ է, որ վրացիները, հայերն ու ադրբեջանցիները ունեն ներուժ ամբողջ Հարավային Կովկասը դարձնել խաղաղության և զարգացման տարածք: Մեր ընդհանուր շահն է՝ հնարավորինս արագ տարածաշրջանում խաղաղություն հաստատել: Վրաստանը պատրաստ է ցանկացած ձևաչափով նպաստել այդ գործընթացին, այդ թվում երկխոսություն վարելու նպատակով հյուրընկալել հակամարտող կողմերին Թբիլիսիում», — ասվում է Գիորգի Գախարիայի հայտարարության մեջ:

16:20 - 30 սեպտեմբերի, 2020

Վրաստանում կորոնավիրուսի երկրորդ ալիք է սկսվել, հայտարարել է վարչապետ Գախարիան |civilnet.am|

Վրաստանում կորոնավիրուսի երկրորդ ալիք է սկսվել, հայտարարել է վարչապետ Գախարիան |civilnet.am|

civilnet.am: Վրաստանի վարչապետ Գիորգի Գախարիան հայտարարել է, որ երկրում սկսվել է կորոնավիրուսի երկրորդ ալիքը․ նա հայտնել է կանխարգելիչ միջոցառումների խստացման մասին։ Նոր սահմանափակումների մասին խոսելով՝ Գախարիան հիշատակել է փաստը, որ Թբիլիսիում մեծ հարսանիքի անցկացումից հետո առաջացել է վարակի 5 նոր մեծ օջախ տարբեր քաղաքներում։ Վրաստանի վարչապետի խոսքով՝ սեպտեմբերի 10-ից արգելվելու են մշակութային և մարզական միջոցառումները՝ ավելի քան 200 հոգու մասնակցությամբ։ Արգելվելու են նաև զանգվածային այլ միջոցառումներ։ Ինչ վերաբերում է Վրաստանում ընտրական և նախընտրական միջոցառումներին՝ Գախարիայի խոսքով՝ սահմանափակումները չեն տարածվում քարոզչական միջոցառումների և քարոզարշավների վրա։ Գախարիան շեշտել է, որ իրավիճակը վերահսկողության տակ է, և խուճապի պատճառ չկա։ Սեպտեմբերի 10-ի դրությամբ՝ Վրաստանում հաստատվել է կորոնավիրուսի 57 նոր դեպք։ Ընդհանուր դեպքերի թիվը 1 830 է։ Մահացել է 19 մարդ։

14:51 - 10 սեպտեմբերի, 2020

Թող գա․ Գախարիան՝ Սաակաշվիլիի ծրագրերի մասին
|shantnews.am|

Թող գա․ Գախարիան՝ Սաակաշվիլիի ծրագրերի մասին |shantnews.am|

shantnews.am: Սաակաշվիլին այսօր պաշտոնապես ամենամեծ ընդդիմադիր «Միացյալ ազգային շարժում» կուսակցությունից և «Ուժը միասնության մեջ» ընդդիմադիր ասոցիացիայի կողմից հայտարարվեց երկրի վարչապետի թեկնածու: ԱԳՆ ղեկավար Դավիթ Զալկալիանին ցինիզմ է համարել ընդդիմության որոշումը: «Հասարակություն, որը շատ լավ հիշում է համակարգային հանցագործությունները, որոնք այս մարդը գործեց սեփական ժողովրդի նկատմամբ: Այս հանցագործությունների պատճառով է, որ նա դատապարտվել է վրացական դատական իշխանության կողմից, և այդ պատճառով նա ներողություն է խնդրել»,- ասել է նա: Վրաստանի վարչապետ Գիորգի Գախարիան ևս անդրադարձել է Սաակաշվիլիի անվան հետ կապված վերջին իրադարձություններին: «Նրա վերադարձը Վրաստան, չի կարող խանգարել երկրում հանգիստ նախընտրական գործընթացներին․ խորհրդարանական ընտրությունները տեղի կունենան ժամանակին և ժողովրդավարական սկզբունքների լիակատար հարգանքով: «Նորից կասեմ. թող գա: Ոչ ոք և ոչինչ չի կարող կասկածի տակ դնել երկրի կայունությունը: Ոչ ոք և ոչինչ կասկածի տակ չի դնի նախընտրական գործընթացի նորմալ, հանդարտ միջավայրում անցկացնելը… Քաղաքական գործընթացը, հատկապես քվեարկության գործընթացը, որևէ խնդիր կամ խոչընդոտ չի ունենա: Ամեն ինչ տեղի կունենա նախանշված ամսաթվերին և լիովին հարգելով ժողովրդավարության բարձր որակը», – ասել է Գախարիան:

22:52 - 07 սեպտեմբերի, 2020

Վրաստանում պարտադիր կարանտինի ժամկետը կրճատվում է մինչև 8 օր. Գախարիա |aliq.ge|

Վրաստանում պարտադիր կարանտինի ժամկետը կրճատվում է մինչև 8 օր. Գախարիա |aliq.ge|

aliq.ge: Վրաստանի վարչապետ Գիորգի Գախարիայի հայտարարությամբ՝ երկիր մուտք գործելու պայմաններում կարանտինային պահանջը 14 օրվա փոխարեն այսուհետ 8 օր կլինի: Գախարիայի խոսքով՝ 9-րդ օրը PCR թեստի բացասական արդյունքի դեպքում քաղաքացիները կլքեն կարանտինային գոտին, սակայն 12-րդ օրը ևս մեկ PCR թեստ հանձնելու պարտավորություն կունենան: «Կարանտինի օրերը կրճատում ենք, որպեսզի թեթևացնենք մեր քաղաքացիների, ինչպես նաև հյուրերի լրացուցիչ անհարմարությունը: Այս որոշմամբ մենք կրճատում ենք կարանտինի օրերի քանակը և ավելի շատ ազատություն ենք տալիս մեր քաղաքացիներին, որպեսզի ինչքան հնարավոր է շուտ և առողջ վերադառնան իրենց ընտանիքներ»,- հայտարարել է Գախարիան:

16:00 - 07 սեպտեմբերի, 2020

Գախարիան հանձնարարել է խստացնել դիմակ կրելու և սոցիալական հեռավորության վերահսկումը |aliq.ge|

Գախարիան հանձնարարել է խստացնել դիմակ կրելու և սոցիալական հեռավորության վերահսկումը |aliq.ge|

aliq.ge: Վրաստանի վարչապետ Գիորգի Գախարիան ՆԳ նախարարությանը, Առողջապահության նախարարությանը և տեղական ինքնակառավարման մարմիններին հանձնարարել է խստացնել դիմակներ կրելու և սոցիալական հեռավորություն պահպանելու կանոնակարգերի վերահսկումը: «Այս ամենը մեզ անհրաժեշտ է, որպեսզի մեր քաղաքացիների հետ պահենք այն, ինչին հասանք համաճարակը կառավարելու ճիշտ քայլեր ձեռնարկելու և տնտեսական ճգնաժամը մեղմելու արդյունքում: Սա շատ կարևոր է մեր վաղվա օրվա և աշխատատեղերի պահպանման համար», — հայտարարել է Գախարիան: Վրաստանում գործող կանոնակարգի համաձայն՝ դիմակ կրելու կանոնները խախտելու համար քաղաքացին տուգանվում է 20 լարիով, իսկ ընկերությունը՝ 500 լարիով: Վերջին երկու օրվա ընթացքում Վրաստանում հաստատվել է կորոնավիրուսով վարակի 58 նոր դեպք: Վարակաբանները բնակչությանը կոչ են անում պահպանել հակահամաճարակային կանոնները և զերծ մնալ մարդաշատ հավաքույթներ կազմակերպելուց:

12:02 - 03 սեպտեմբերի, 2020

Համաճարակը չի խանգարի Վրաստանում անցկացվող ընտրություններին. Գախարիա
|shantnews.am|

Համաճարակը չի խանգարի Վրաստանում անցկացվող ընտրություններին. Գախարիա |shantnews.am|

shantnews.am: Վրաստանում խորհրդարանական ընտրությունները տեղի կունենան հոկտեմբերի 31-ին: Մինչ օրս նրանց մասնակցելու համար արդեն գրանցվել են 50-ից ավելի կուսակցություններ: Այժմ երկրի ԿԸՀ-ն աշխատում է կորոնավիրուսի համատեքստում ընտրություններ անցկացնելու կանոնների վրա: «Համաշխարհային համաճարակը, ինչպես նաև տնտեսական ճգնաժամը շարունակվում են, բայց մենք պետք է հասկանանք, որ Վրաստանի դեպքում զուգահեռ անցկացվելու են ընտրություններ: Մենք պետք է ընտրություններ անցկացնենք բարձր չափանիշների համաձայն, և դա կառավարության պատասխանատվությունն է»,- ասել է Գախարիան`ընդգծելով, որ համաճարակը չի խանգարի Վրաստանում անցկացվող ընտրություններին: Մինչդեռ ընդդիմությունն արդեն մեղադրել է իշխանություններին համաճարակի և տնտեսական ճգնաժամի հետևանքով տուժած բնակչությանը օգնություն ցուցաբերելու մեջ՝ այն դիտարկելով որպես ընտրակաշառք: Վրաստանում օրենքով արգելված է ընտրակաշառքը: Այս ամառ վրացական խորհրդարանն արգելեց պետական ծրագրերի ցանկացած գովազդը պաշտոնական նախընտրական քարոզչության ընթացքում, որը կսկսվի ընտրություններից 60 օր առաջ: Այս անգամ խորհրդարանական ընտրությունները Վրաստանում անցկացվելու են նոր` խառը համակարգի համաձայն. 120 պատգամավոր ընտրվելու է համամասնական ընտրակարգով, իսկ 30-ը՝ մեծամասնական համակարգի համաձայն:

23:14 - 20 օգոստոսի, 2020

ԱՄՆ պետքարտուղար. «Կարևոր է, որ Վրաստանի 2020 թվականի ընտրությունները լինեն ազատ, արդար և թափանցիկ» |aliq.ge|

ԱՄՆ պետքարտուղար. «Կարևոր է, որ Վրաստանի 2020 թվականի ընտրությունները լինեն ազատ, արդար և թափանցիկ» |aliq.ge|

aliq.ge: Վրաստանի վարչապետ Գիորգի Գախարիայի և ԱՄՆ պետքարտուղար Մայք Պոմպեոյի միջև հեռախոսազրույց է տեղի ունեցել: Պաշտոնական տեղեկության համաձայն՝ Գիորգի Գախարիան պետքարտուղարի հետ քննարկել է Վրաստան-ԱՄՆ-ի ռազմավարական գործընկերության խարտիայի՝ Վաշինգտոնում ծրագրված լիագումար նիստը, որը հետաձգվել է քովիդ-19-ի պատճառով: Կառավարության հաղորդմամբ՝ վարչապետը և ԱՄՆ-ի պետքարտուղարը խոսել են երկրի գլխավոր մարտահրավերների՝ օկուպացիայի և օկուպացված տարածքներում գոյություն ունեցող ծանր իրավիճակի, տարածաշրջանի և ընդհանրապես, Եվրաատլանտյան անվտանգության մեջ Սև ծովի անվտանգության դերի մասին, ինչպես նաև անդրադարձել Աֆղանստանում ՆԱՏՕ-ի առաքելության շրջանակներում Վրաստանի մասնակցությանն ու հոկտեմբերին անցկացվելիք ընտրություններին: Պոմպեոյի խոսքով՝ կարևոր է, որ 2020 թվականի ընտրությունները լինեն ազատ, արդար և թափանցիկ: Հեռախոսազրույցի ընթացքում Պոմպեոն ևս մեկ անգամ նշել է, որ աջակցում է Վրաստանի ինքնիշխանությանն ու տարածքային ամբողջականության և որ Ռուաստանը պետք է կատարի 2008 թվականի՝ կրակի դադարեցման մասին ստանձնած պարտավորությունները:

13:55 - 28 հուլիսի, 2020

Վրաստանում կորոնավիրուսով վարակվածների թվի կտրուկ աճ է նկատվում |azatutyun.am|

Վրաստանում կորոնավիրուսով վարակվածների թվի կտրուկ աճ է նկատվում |azatutyun.am|

azatutyun.am: Վրաստանի վարչապետ Գիորգի Գախարիան այսօր Թբիլիսիում կայացած կառավարության նիստի ընթացքում նշել է, որ երկրում կորոնավիրուսով վարակվածների թվի կտրուկ աճ է նկատվում։ «Երեկ Վրաստանի տարածքում 24 նոր դեպք էր արձանագրվել, այսօր՝ 12։ Թեև մենք վերահսկում ենք իրավիճակը, և վարակի տարածման տեմպերը կառավարելի են, այնուհանդերձ, զգոնությունը կորցնել պետք չէ», - հայտարարել է Վրաստանի վարչապետը։ Վերջին օրերին հայտնաբերված դեպքերի մեծ մասը կենտրոնացած է ադրբեջանցիներով բնակեցված Գարդաբանիի շրջանի երեք գյուղերում, որտեղ բնակչության ընդհանուր թիվը գերազանցում է 7 հազարը։ Գախարիայի խոսքով՝ այս պահին Գարդաբանիի գյուղերում ակտիվ թեստավորում է իրականացվում։ Վրաստանի վարչապետը, սակայն, չի բացառում, որ վարակակիրների թվի աճի դեպքում Գարդաբանիի շրջանում կարող է լիարժեք կարանտին սահմանվել։

16:07 - 23 հուլիսի, 2020