Սոցիալական ապահովության ծառայություն

Սոցիալական ապահովության պետական ծառայությունը ՀՀ աշխատանքի եւ սոցիալական հարցերի նախարարության կառավարման ոլորտում գործող պետական մարմին է, որը Հայաստանի Հանրապետության օրենսդրությամբ նախատեսված դեպքերում եւ կարգով մատուցում է ծառայություններ սոցիալական ապահովության բնագավառում՝ նշանակում, վերահաշվարկում եւ վճարման ծառայություններ մատուցող կազմակերպությունների միջոցով վճարում է կենսաթոշակները: Ծառայությունը նաեւ իրականացնում է ծերության նպաստի, հաշմանդամության նպաստի, կերակրողին կորցնելու դեպքում նպաստի, կենսաթոշակառուի մահվան դեպքում տրվող թաղման նպաստի, ժամանակավոր անաշխատունակության նպաստների, մայրության նպաստի, երեխայի ծննդյան միանվագ նպաստի, պատվովճարի, պարգեւավճարի նշանակումը եւ վճարումը:

Ծառայության պետն է Անի Ամիրշադյանը։

Սոցիալական ապահովության ծառայության հենքի վրա ստեղծվում է միասնական ծառայություն |1lurer.am|

1lurer.am: Սոցիալական ապահովության ծառայության հենքի վրա ստեղծվում է միասնական սոցիալական ծառայություն, որը ներառում է 4 գործող կառույցները: Կառավարությունն այսօրվա նիստին ընդունեց «Սոցիալական աջակցության մասին» օրենքում փոփոխություններ կատարելու մասին» օրենքում փոփոխություններ կատարելու մասին», «Պետական կառավարման համակարգի մարմինների մասին» օրենքում փոփոխություն կատարելու մասին» և «Պետական կենսաթոշակների մասին» օրենքում փոփոխություն կատարելու մասին» Հայաստանի Հանրապետության օրենքների նախագծերին հավանություն տալու և անհետաձգելի համարելու մասին որոշման նախագիծը: Աշխատանքի և սոցիալական հարցերի նախարար Մեսրոպ Առաքելյանը նշեց, որ նախագծի նպատակը սոցիալական պաշտպանության բնագավառում ՀՀ կառավարութան որդեգրած քաղաքականության իրականացման արդյունավետ մեխանիզմների ներդրումն է: Մասնավորապես, Կառավարությունը սոցիալական պաշտպանության բնագավառում որդեգրել է ինտեգրված սոցիալական ծառայությունների համակարգի ներդրման քաղաքականությունը, որը պետք է հիմնված լինի սոցիալական կարիքի գնահատման միասնական համակարգի վրա: «Գործող կարգավորումներով նախատեսված է եղել ստեղծել Ինտեգրված սոցիալական ծառայությունների պետական գրասենյակ, ինչը ենթադրում է այսօր սոցիալական ոլորտում գործող 4 կառույցների՝ սոցիալական ապահովության ծառայության, ընտանեկան նպաստների համակարի, հաշմանդամության և զբաղվածության ոլորտի միավորում: Բացառությամբ Սոցիալական ապահովության ծառայության կենսաթոշակային հատվածի՝ վերջին երեք ոլորտները մաիավորել Ինտեգրված սոցիալական ծառայությունում և նոր պետական գրասենյակի միջոցով իրականացնել գործառույթներ. ուսումնասիրությունների և քննարկումների արդյունքում առավել արդյունավետ մեխանիզմ է առաջարկվում: Համաձայն դրա՝ նոր կառույցի ստեղծման փոխարեն գործող Սոցիալական ապահովության ծառայության հենքի վրա ստեղծվում է միասնական սոցիալական ծառայություն, որը ներառում է արդեն 3-ի փոխարեն՝ 4 գործող կառույցները, որը հնարավորությւոն է տալիս «մեկ պատուհանի» սկզբունքով քաղաքացիներին մատուցել միասնական սոցիալական ծառայություններ»,- նշեց Առաքելյանը՝ հավելելով, որ համակարգը ներդրվելու է ապրիլի 1-ից: Վարչապետ Նիկոլ Փաշինյանը հավելեց, որ որդեգրած քաղաքականությունը ոչ միայն սոցիալական, այլև քաղաքացիական ծառայությունների մատուցման ոլորտին է առնչվում, որպեսզի մարդիկ ինչ-որ ծառայությունից օգտվելու համար բազմաթիվ գրասենյակներով անցնելու անհրաժեշտություն չունենան: Հեռանկարում նման գործառույթների թվայնացումն է, իսկ մինչև դա բոլոր գրասենյակները կենտրոնացվում են մեկ վայրում:

12:19 - 27 հունվարի, 2021