Էդվարդ Հովհաննիսյան

ՀՀ ՊԵԿ նախագահ։ Ծնվել է 1983 թվականի հունվարի 10-ին։

1990-2000թթ. սովորել է Հրաչյա Քոչարի անվան միջնակարգ դպրոցում, Արմավիրի վարժարանում։ 2000-2004թթ. սովորել է ԵՊՀ իրավագիտության ֆակուլտետում, ունի մագիստրոսի աստիճան։

07.2009-10.2010թթ. աշխատել է ՀՀ Կառավարությանն առընթեր պետական եկամուտների կոմիտեի Արմավիրի տարածքային հարկային տեսչությունում՝ որպես առաջատար մասնագետ-իրավաբան, իրավաբանական և հարկադիր գանձումների խմբի առաջատար մասնագետ։ 10.2010-12.2013թթ. աշխատել է ՀՀ Կառավարությանն առընթեր պետական եկամուտների կոմիտեի հետաքննության վարչությում՝ որպես 1-ին բաժնի հետաքննիչ։

12.2013-05.2014թթ. եղել է ՀՀ Կառավարությանն առընթեր պետական եկամուտների կոմիտեի իրավախախտումների հայտնաբերման և վարչական վարույթների իրականացման վարչության հատուկ հանձնարարությունների բաժնի ավագ հարկային տեսուչ։

05.2014-09.2014թթ. եղել է ՀՀ Ֆինանսների նախարարության իրավախախտումների հայտնաբերման և վարչական վարույթների իրականացման վարչության հատուկ հանձնարարությունների բաժնի ավագ հարկային տեսուչ, 09.2014-03.2016թթ.՝ ՀՀ Ֆինանսների նախարարության քննչական վարչության թիվ 1 բաժնի քննիչ։

03.2016-06.2017թթ. եղել է ՀՀ Կառավարությանն առընթեր պետական եկամուտների կոմիտեի քննչական վարչության թիվ 1 բաժնի քննիչ, 06.2017-08.2017թթ.՝ ՀՀ Կառավարությանն առընթեր պետական եկամուտների կոմիտեի քննչական վարչության թիվ 1 բաժնի հատկապես կարևորագույն գործերով քննիչ։

08.2017-06.2018թթ. եղել է ՀՀ Կառավարությանն առընթեր պետական եկամուտների կոմիտեի քննչական վարչության թիվ 2 բաժնի հատկապես կարևորագույն գործերով քննիչ-բաժնի պետի տեղակալ, 06.2018-02.2019թթ.՝ ՀՀ պետական եկամուտների կոմիտեի քննչական վարչության պետ, 02.2019- 07.2019թթ․՝ ՀՀ պետական եկամուտների կոմիտեի հետաքննության և օպերատիվ-հետախուզության վարչության պետ։

07.2019-06.2020 աշխատել է ՀՀ պետական եկամուտների կոմիտեի նախագահի տեղակալ, 2020թ․ հունիսից՝ ՀՀ պետական եկամուտների կոմիտեի նախագահն է։