Թուրքիա

Էրդողանը Մերկելի հետ քննարկել է Սիրիայի և Լիբիայի հետ կապված հարցեր |armenpress.am|

armenpress.am: Թուրքիայի նախագահ Ռեջեփ Թայիփ Էրդողանը մարտի 5-ին տեսակոնֆերանսի ռեժիմով զրուցել է Գերմանիայի կանցլեր Անգելա Մերկելի հետ։ Ինչպես տեղեկացնում է թուրքական Anadolu գործակալությունը, այս մասին հայտնում է Թուրքիայի նախագահի աշխատակազմի հասարակայնության և տեղեկատվության միջոցների հետ կապերի վարչությունը։ Երկու երկրների ղեկավարները քննարկել են երկկողմ հարաբերություններն ու տարածաշրջանային հարցեր։ Թուրքիայի նախագահը կարեւորել է ԵՄ-ի ֆինանսական եւ տեխնիկական օգնությունը Սիրիա փախստականների կամավոր վերադարձի հարցում, ինչպես նաև առաջնահերթություն է համարել Լիբիայում կառավարության նոր կազմի շուտափույթ հաստատումը: Էրդողանը Մերկելի հետ զրույցում նշել է, որ հատուկ նշանակություն է տալիս Գերմանիայի կանցլերի հետ կանոնավոր շփումներին և երկխոսությանը:

19:35 - 05 մարտի, 2021

Թուրքիայում ռազմական ուղղաթիռ է կործանվել. կա 9 զոհ |factor.am|

factor.am: 9 թուրք զինծառայող է զոհվել, ևս 4-ը վիրավորվել ռազմական ուղղաթիռի կործանման հետևանքով, գրում է «ՌԻԱ Նովոստի»-ն`վկայակոչելով Թուրքիայի ՊՆ հաղորդագրությունը։ «Ուղղաթիռի հետ,որը Բինգյոլից Թաթվան թռիչք է իրականացրել,կապը կտրվել է ժամը 14:25-ին։ Անմիջապես որոնողական աշխատանքներ են սկսվել՝ անօդաչուների, CN235 ինքնաթիռի և ուղղաթիռի ներգրավմամբ։ Արդյունքում պարզվել է, որ ուղղաթիռն ընկել է։ Անկման վայրում հայտնաբերվել են 9 զոհվածներ և 4 վիրավորներ»,-ասվում է ՊՆ հաղորդագրությունում։ Վթարի պատճառների մասին ոչինչ չի հաղորդվում։

20:23 - 04 մարտի, 2021

Թուրքիայում կանցկացվեն թուրք-ադրբեջանական համատեղ զորավարժություններ |hetq.am|

hetq.am: Ադրբեջանի զինված ուժերի զինծառայողները Թուրքիայում կմասնակցեն թուրք-ադրբեջանական համատեղ զորավարժություններին։ Այդ մասին հինգշաբթի՝ մարտի 4-ին հայտարարել է Թուրքիայի ազգային պաշտպանության նախարարությունը։ «Ադրբեջանի հետ շարունակում ենք մեր համագործակցությունը «մեկ ազգ, երկու պետություն» սկզբունքով։ Օդանավակայանում դիմավորել ենք ադրբեջանական բանակի զինծառայողներին, որոնք զորավարժություններին մասնակցելու նպատակով ժամանել են Ըսպարտա։ Դրանք կտևեն 6 շաբաթ»,- նշվում է տարածված հաղորդագրության մեջ։

20:02 - 04 մարտի, 2021

Թուրքիան կողմ է Իրանի նկատմամբ միակողմանի պատժամիջոցների վերացմանը. Էրդողան |tert.am|

tert.am: Թուրքիան հանդես է գալիս Իրանի նկատմամբ միակողմանի պատժամիջոցների վերացման օգտին: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ելույթ ունենալով հինգշաբթի օրը առցանց անցկացված Տնտեսական համագործակցության կազմակերպության պետությունների և կառավարությունների ղեկավարների 14-րդ հանդիպմանը, գրում է «Անադոլու» գործակալությունը:

17:47 - 04 մարտի, 2021

Նախարարությունը հակված է երկարաձգել թուրքական ծագման ապրանքների ներմուծման արգելքի գործողության ժամկետը |armenpress.am|

armenpress.am: ՀՀ էկոնոմիկայի նախարարությունը հակված է գոնե մեկ անգամ ևս երկարաձգել թուրքական ծագման վերջնական սպառման ապրանքների ներմուծման արգելքի գործողության ժամկետը: Այս մասին ԱԺ-ում կառավարության անդամների հետ հարց ու պատասխանին ասաց ՀՀ էկոնոմիկայի նախարար Վահան Քերոբյանը: «Կարծում ենք, որ պետք է արգելքները երկարաձգվեն, եթե քաղաքական և այլ առաջնահերթությունները չխանգարեն: Քանի դեռ մտել ենք այս ջուրը, իմաստ ունի երկարաձգել և մեր տնտեսավարողներին տալ բավարար ժամանակ, որ կարողանան վերադասավորվել, ներդրումներ անել, ստանալ այն ապրանքների արտադրանքի ծավալը, որը թույլ կտա մրցունակ լինել: Այդքան ժամանակ մենք պատրաստ ենք պաշտպանել մեր տեղական արտադրողներին, որ կարողանան ամրապնդվել շուկայում»,-ասաց Քերոբյանը: Նա շեշտեց՝ նախարարությունը հակված է բաց տնտեսությանը, սակայն այս պարագայում ամենալավ լուծումը, որ տեսնում են, գոնե մեկ անգամ ևս երկարաձգելն է: Պետությունը պատրաստվում է տեղական արտադրողներին պաշտպանել ոչ միայն թուրքական ծագման ապրանքների ներմուծման արգելքով, այլ նաև բազմաթիվ այլ գործիքներով:

17:28 - 03 մարտի, 2021

Էրդողանն ու Մակրոնն առցանց բանակցություններ են վարել` քննարկելով տարածաշրջանային հարցեր |tert.am|

tert.am: Թուրքիայի նախագահ Ռեջեփ Թայիփ Էրդողանը և Ֆրանսիայի նախագահ Էմանուել Մակրոնը բանակցություններ են վարել առցանց ձևաչափով, հայտնում է «Անադոլու» գործակալությունը:«Մենք շատ լավ զրույց ունեցանք իմ ֆրանսիացի գործընկեր Մակրոնի հետ, քննարկեցինք երկկողմ հարաբերությունները և տարածաշրջանային և միջազգային խնդիրները», - ասել է նա:Էրդողանը նշել է, որ Թուրքիան և Ֆրանսիան կարող են լուրջ ներդրում ունենալ Եվրոպայից Կովկաս, Մերձավոր Արևելք և Աֆրիկա ձգվող հսկայական տարածքում՝ անվտանգություն, կայունություն և խաղաղություն ապահովելու համար ներդրվող ջանքերում:Թուրքիայի ղեկավարը համոզմունք է հայտնել, որ Անկարան ու Փարիզը «համագործակցության լուրջ ներուժ» ունեն:

10:21 - 03 մարտի, 2021

Թուրքիայի և Ֆրանսիայի նախագահները կես տարվա մեջ առաջին անգամ բանակցություններ են անցկացնում |hetq.am|

hetq.am: Ֆրանսիայի նախագահ Էմանուել Մակրոնը երեքշաբթի՝ մարտի 2-ին, տեսակոնֆերանսի միջոցով, ուղիղ բանակցություններ է անցկացնում Թուրքիայի նախագահ Ռեջեփ Թայիփ Էրդողանի հետ։ Այդ մասին գրում է TACC գործակալությունը՝ հղում անելով AFP-ին։ Այս բանակցությունները վերջին կես տարվա մեջ երկու երկրների առաջնորդների առաջին բանակցություններն են, որոնք այս ընթացքում հանդես են եկել միմյանց նկատմամբ խիստ քննադատությամբ։ Տեսակոնֆերանսը սկսվել է Երևանի ժամանակով 21:00-ին և դեռևս անհայտ է, թե ինչքան այն կտևի։

22:30 - 02 մարտի, 2021

Հայաստանը կասեցրել է ԵԽԶՈւ պայմանագրի եւ Վիեննայի 2011թ. փաստաթղթի շրջանակներում Թուրքիայի տեսչությունները |lragir.am|

lragir.am: Թուրքիայի Կարս քաղաքում այս տարվա փետրվարի 1-12-ն անցկացված Թուրքիայի և Ադրբեջանի Զինված ուժերի համատեղ լայնածավալ «Ձմեռ 2021» զորավարժությանը ՀՀ կողմից դիտորդներ չեն հրավիրվել։ Այս մասին հարցմանն ի պատասխան տեղեկացրին ՀՀ պաշտպանության նախարարությունից։ Անդրադառնալով հարցին, թե 2020 թվականի ընթացում ԵՍԶՈւ պայմանագրի և Վիեննայի փաստաթղթի շրջանակներում թուրք տեսուչների կողմից Հայաստանում տեսչական այցեր անցկացվե՞լ են, իր հերթին՝ Հայաստանի տեսուչների կողմից Թուրքիայում տեսչական այցեր անցկացվե՞լ են, ՊՆ-ից տեղեկացնում են․ «Covid-19 համավարակով պայմանավորված՝ 2020 թվականին բոլոր տեսակի տեսչական այցերը ԵՍԶՈւ պայմանագրի կողմերի և ԵԱՀԿ մասնակից պետությունների միջև դադարեցվել են»։ Միաժամանակ, Պաշտպանության նախարարությունից տեղեկացնում են, որ 2020թ. հուլիսի 12-ից հայ-ադրբեջանական սահմանի Տավուշի հատվածում լարվածությանը Թուրքիայի՝ Ադրբեջանին ցուցաբերած աջակցության և հուլիսի 29-ին Ադրբեջանի հետ Հայաստանի սահմանների մոտակայքում թուրք-ադրբեջանական լայնածավալ զորավարժության մեկնարկից հետո ԵԱՀԿ-ում ՀՀ առաքելությունը շրջանառել է հայտագիր՝ տեղեկացնելով, որ Հայաստանն այսուհետ կասեցրել է ԵԽԶՈւ պայմանագրի եւ Վիեննայի 2011թ. փաստաթղթի շրջանակներում Թուրքիայի տեսչությունները կամ հրավիրյալի կարգավիճակով թուրք տեսուչների մասնակցությունը ՀՀ տարածքում անցկացվելիք տեսչական այցերին։ «Հայաստանը նման քայլի դիմել է ԵԽԶՈւ պայմանագրի և Վիեննայի 2011թ. փաստաթղթի սկզբունքների հիման վրա՝ ելնելով Հայաստանի անվտանգային շահերից և մտահոգություններից», նշվում է ՊՆ պատասխանում։

23:05 - 01 մարտի, 2021

ԱԱԾ-ն հերքում է Հայաստան Թուրքիայի զինուժի հատուկ խմբի ներկայացուցիչների մուտքի վերաբերյալ տեղեկությունը

ՀՀ ազգային անվտանգության ծառայությունը հաղորդագրություն է տարածել, որում ասված է. «ՀՀ ազգային անվտանգության ծառայությունը պաշտոնապես տեղեկացնում է, որ տարբեր լրատվամիջոցների կողմից տարածվող և Հայաստանի Հանրապետություն՝ Թուրքիայի Հանրապետության զինված ուժերի հատուկ խմբի ներկայացուցիչների մուտքի վերաբերյալ տեղեկատվությունը չի համապատասխանում իրականությանը: Հերքելով այդ տեղեկությունը՝ մեր հայրենակիցներին կրկին հորդորում ենք տուրք չտալ նմանատիպ ապատեղեկատվություններին, ցուցաբերել զգոնության, իսկ չճշտված լուրեր տարածողներին կոչ ենք անում զերծ մնալ այդօրինակ գործելաոճից»:

23:03 - 28 փետրվարի, 2021

Թուրքիան ԱԳՆ է կանչել Իրանի դեսպանին՝ պաշտոնական բողոք արտահայտելու |azatutyun.am|

azatutyun.am: Թուրքիան Արտգործնախարարություն է կանչել Իրանի դեսպան Մոհամա Ֆերազմենդին՝ Անկարայի պաշտոնական բողոքն արտահայտելու։ Երկու երկրների հարաբերությունները սրվել են, երբ նախօրեին Իրաքում Իրանի դեսպան Իրաջ Մասջեդին դատապարտել է թուրքական բանակի ներխուժումը Իրաքի հյուսիսային շրջաններ և պնդել, թե Անկարան ոտնահարում է Իրաքի տարածքային ամբողջականությունը։ Իրանի դեսպանը նաև ասել էր, որ Թեհրանը կոչ է անում Թուրքիային դուրս բերել իր զորքերն Իրաքից և հարգել միջազգայնորեն ճանաչված սահմանները։ Ի պատասխան, «Անադոլու» գործակալության հաղորդմամբ, թուրք պաշտոնյաները ընդգծել են՝ Անկարան Թեհրանից աջակցություն է ակնկալում ահաբեկչության դեմ պայքարում և ոչ թե դիմակայություն։ Թուրքիայի զինուժը պնդում է, թե Իրաքի հյուսիսում ամրացած քուրդ գրոհայինները սպառնում են Թուրքիայի անվտանգությանն ու կայունությանը։

19:20 - 28 փետրվարի, 2021

Թուրքիան և Ադրբեջանը օտարերկրյա վարձկաններին պետք է անհապաղ դուրս բերեն տարածաշրջանից. Այվազյան |armenpress.am|

armenpress.am: Թուրքիայի և Ադրբեջանի կողմից Լեռնային Ղարաբաղի հակամարտության գոտի բերված բոլոր օտարերկրյա վարձկանները պետք է անհապաղ և ամբողջությամբ դուրս բերվեն տարածաշրջանից: Այս մասին «ՌԻԱ Նովոստի»-ին տված հարցազրույցում ասել է Հայաստանի արտաքին գործերի նախարար Արա Այվազյանը: «Ադրբեջանի ղեկավարության որոշումը՝ սեփական երկիրը վերածել թուրքական արբանյակի և ահաբեկչության օջախի, լուրջ սպառնալիք է ոչ միայն տարածաշրջանային, այլև միջազգային անվտանգության համար»,- ասել է ՀՀ արտգործնախարարը: Նա հիշեցրել է, որ Ադրբեջանի կողմում օտարերկրյա զինյալների առկայությունը ճանաչվել է տարբեր երկրների և հեղինակավոր միջազգային կազմակերպությունների կողմից: Միաժամանակ, հստակորեն ընդգծվել է Թուրքիայի դերակատարումը վարձկանների՝ Ադրբեջան տեղափոխելու գործում: Արա Այվազյանը հայտնել է նաև, որ Արցախի տարածքում ձերբակալվել են մի քանի օտարերկրյա զինյալներ, որոնք խոստովանական ցուցմունք են տվել: «Քրեական գործերը փոխանցվել են համապատասխան դատական ատյաններ»,- նշել է նա:

15:14 - 27 փետրվարի, 2021

Արա Այվազյանը Թուրքիան բացասական գործոն է համարում ԼՂ հակամարտությունում |armenpress.am|

armenpress.am: Թուրքիան ակնհայտ բացասական դերակատարում ունի Լեռնային Ղարաբաղի հակամարտությունում, մասնավորապես վերջին ագրեսիայի հարցում: Այս մասին «ՌԻԱ Նովոստի»-ին տված հարցազրույցում ասել է Հայաստանի արտաքին գործերի նախարար Արա Այվազյանը: Նա նշել է, որ դա ակնհայտորեն երևաց, երբ Թուրքիան պատերազմի ժամանակ Մերձավոր Արևելքի իր վերահսկողության տակ գտնվող հատվածներից Արցախի դեմ ուղարկեց ահաբեկիչների և զինյալների, ինչպես նաև ակտիվորեն ռազմատեխնիկական աջակցություն ցուցաբերեց Ադրբեջանին: «Ակնկալում ենք միջազգային հանրության ավելի հասցեական ազդեցությունը, որպեսզի Թուրքիան վերանայի իր բացահայտ ագրեսիվ վերաբերմունքը Հայաստանի և հայ ժողովրդի նկատմամբ»,- ասել է Այվազյանը: Պատասխանելով հարցին, թե արդյոք Երևանի համար կարող է ընդունելի լինել Թուրքիայի ներգրավվածությունը ԼՂ հարցով բանակցային գործընթացին՝ նա հայտարարել է, որ բանակցային գործընթացում կարող են մասնակցել միայն ԵԱՀԿ Մինսկի խմբի համանախագահները: «Թուրքիան, որն առանց թաքցնելու հովանավորեց մերձավորարևելյան ահաբեկիչների գործունեությունն Արցախում, իր զինվորական անձնակազմն ու ռազմական անօդաչուները գործադրեց ընդդեմ Արցախի խաղաղ բնակչության, արդեն ապացուցել է ոչ միայն հակամարտությունում իր ներգրավվածության մակարդակը, այլև այն, թե որքան հետու է բանակցային գործընթացից»,- հայտարարել է Հայաստանի արտգործնախարարը:

14:49 - 27 փետրվարի, 2021

Թուրքիայի նախագահն անդրադարձել է Հայաստանում տեղի ունեցող իրադարձություններին |armenpress.am|

armenpress.am: Թուրքիայի նախագահ Ռեջեփ Թայիփ Էրդողանն անդրադարձել է Հայաստանում տեղի ունեցող իրադարձություններին` կատարվածը որակելով որպես «հեղաշրջման փորձ»: Ինչպես տեղեկացնում են թուրքական լրատվամիջոցները, Էրդողանը հայտարարել է, թե Թուրքիան դեմ է հեղաշրջման ցանկացած փորձի և անթույլատրելի է համարում զինվորականների կողմից Հայաստանում իշխանափոխության կոչեր անելը: «Երբ խոսքը հեղաշրջման մասին է, ապա մեր դիրքորոշումը պարզ է՝ մենք դեմ ենք նման քայլի», - ընդգծել է Թուրքիայի նախագահը:

18:04 - 26 փետրվարի, 2021

Դատապարտում ենք հեղաշրջման փորձը Հայաստանում․ Թուրքիայի նախագահի խոսնակ |tert.am|

tert.am: Թուրքիայի նախագահի խոսնակ Իբրահիմ Քալընը գրառում է արել՝ անդրադառնալով Հայաստանում ստեղծված իրավիճակին:«Դատապարտում ենք հեղաշրջման փորձը Հայաստանում: Հեղաշրջումները միշտ խախտել են ժողովրդավարական գործընթացները և քաոս ստեղծել: Կոչ ենք անում արագ կարգավորել Հայաստանում տիրող իրավիճակը»,- գրել է Քալընը Twitter-ում:Հիշեցնենք, որ այսօր ավելի վաղ նման կոչով և հայտարարությամբ հանդես էր եկել Թուրքիայի ԱԳ նախարար Մևլյութ Չավուշօղլուն:

22:12 - 25 փետրվարի, 2021

Թուրքիան դեմ է իշխանության բռնի զավթմանը ցանկացած երկրում․ Չավուշօղլուն մեկնաբանել է Հայաստանում տեղի ունեցող դեպքերը

Թուրքիան դեմ է իշխանության բռնի զավթմանը ցանկացած երկրում։ Դա նաև վերաբերում է Հայաստանում տեղի ունեցող իրադարձություններին։ Այս մասին ասել է Թուրքիայի ԱԳ նախարար Մևլութ Չավուշօղլուն Հունգարիայի ԱԳ նախարարի հետ համատեղ ասուլիսի ընթացքում, փոխանցում է TACC-ը։ Չավուշօղլուի խոսքով ՝ Թուրքիան «Հայաստանի իշխանությունների հետ շփում չի ունեցել», բայց Անկարան «հեղաշրջումների հարցում սկզբունքային դիրքորոշում ունի»: Նա նաև նշել է, որ «տարածաշրջանում հնարավորությունների պատուհան է բացվել, որը պետք է բոլորն օգտագործեն»։ Նշենք, որ ԶՈՒ Գլխավոր շտաբը հայտարարություն է տարածել, որով պահանջում է Նիկոլ Փաշինյանի հրաժարականը։ Վերջինս այս հայտարարությունը որակել է որպես ռազմական հեղաշրջման փորձ։

15:33 - 25 փետրվարի, 2021

Թուրքիայի նախագահականը կոշտ է արձագանքել քրդամետ կուսակցության մասին ԵՄ-ի հայտարարությանը |ermenihaber.am|

ermenihaber.am: Եվրամիության արտաքին քաղաքականության հարցերով խոսնակ Փիթեր Ստանոն հայտարարություն էր տարածել, մտահոգություն հայտնելով Թուրքիայի քրդամետ «Ժողովուրդների դեմոկրատական» կուսակցության (HDP-ԺԴԿ) նկատմամբ վերջին ժամանակահատվածում գնալով ահագնացող քաղաքական ու իրավական հետապնդումների կապակցությամբ: Ստանոն նաև նշել էր, որ Թուրքիան պետք է հարգի մարդու իրավունքներն ու օրենքի գերակայությունը, պահպանի ժողովրդավարական համակարգը, այդ թվում՝ քաղաքական գործունեության ազատությունը: Ստանոյի այս հայտարարությանը կոշտ է արձագանքել Թուրքիայի նախագահականի մամուլի խոսնակ Իբրահիմ Քալընը: Քալընը Twitter-ում մասնավորապես գրել է. «Միգուցե մի անգամ էլ կարող է անհանգստանաք ԵՄ-ի ցանկում ընդգրկված ահաբեկչական կառույցի՝ PKK-ի համար, որը Գարայում (Իրաքի հյուսիսում գտնվող շրջան-խմբ.) դաժանորեն 13 մարդու էր մահապատժի ենթարկել: Թե՞ դա ձեզ PKK-ի լոբբիի հետ փորձանքի մեջ կգցեր»:

15:51 - 24 փետրվարի, 2021