ՀՀ առողջապահության նախարարություն

Գործադիր իշխանության հանրապետական մարմին է, որը մշակում եւ իրականացնում է առողջապահության բնագավառում ՀՀ կառավարության քաղաքականությունը։ Նախարարության ենթակայության տակ են գտնվում Առողջապահության ազգային ինստիտուտը, Դեղերի եւ բժշկական տեխնոլոգիաների փորձագիտական կենտրոնը, Հանրապետական գիտաբժշկական գրադարանը, Ստացիոնար բուժօգնություն իրականացնող կազմակերպությունները, Առաջնային բուժօգնություն իրականացնող կազմակերպությունները, այլ կազմակերպություններ։

ՀՀ առողջապահության նախարարն է Անահիտ Ավանեսյան, տեղակալներն են՝ Լենա Նանուշյանը, Գեւորգ Սիմոնյանը, Արտյոմ Սմբատյանը։

11։00-ի դրությամբ Հայաստանում հաստատվել է կորոնավիրուսի ընդհանուր 1039 դեպք, 24 ժամում գրանցվել է 26 դեպք

ՀՀ Առողջապահության նախարարությունից հայտնում են, որ ապրիլի 13-ին 11։00-ի դրությամբ Հայաստանում հաստատվել է կորոնավիրուսի ընդհանուր 1039 դեպք, 24 ժամում գրանցվել է 26 դեպք։ Ունենք ընդհանուր 211 առողջացած քաղաքացի և 14 մահվան դեպք։ Այս պահին բուժում ստանում են 814 վարակակիրներ։ Կատարվել է 7631 բացասական թեսատվորում։

11:00 - 13 ապրիլի, 2020

Կանխիր տարածումը՝ պահպանելով սոցիալական հեռավորություն. Առողջապահության նախարարության կոչը (տեսանյութ)

ՀՀ առողջապահության նախարարությունը մեկուսացման օրերին կոչ է անում մնալ տանը: «Կանխի՛ր տարածումը՝ պահպանելով սոցիալական հեռավորություն»,-նշված է ԱՆ ֆեյսբուքյան էջի գրառման մեջ:

13:41 - 12 ապրիլի, 2020

Այս առողջապահական համակարգը կարող է «չօգտագործված» մնալ, եթե մնանք տանը․ Արսեն Թորոսյան (տեսանյութ)

ՀՀ առողջապահության նախարար Արսեն Թորոսյանը ֆեյսբուքյան իր էջում գրում է. «Վերջին մեկ ամսում «կայծակնային» արագությամբ ձևավորված Կորոնավիրուսի դեմ պայքարի այս առողջապահական համակարգը կարող է «չօգտագործված» մնալ, եթե մենք մնանք տանը»։ Նա գրառմանը կից տեսանյութ է հրապարակել, որում ցուցադրվում են այն բժշկական կենտրոնները, որոնք սպասարկելու են կորոնավիրուսով վարակված պացիենտներին:

12:05 - 12 ապրիլի, 2020

ՀՀ-ում կորոնավիրուսով վարակվածների ընդհանուր թիվը հասել է 1013-ի. ԱՆ

ՀՀ-ում հաստատվել է կորոնավիրուսով վարակման ընդհանուր առմամբ 1013 դեպք։ Վարակվածների թիվը մեկ օրում ավելացել է 36-ով: Առողջացածների թիվը 197 է, փաստացի բուժվողներինը՝ 803: Ընդհանուր առմամբ թեստավորվել է 7164 քաղաքացի: Այս մասին հայտնում է ՀՀ առողջապահության նախարարությունը։

11:05 - 12 ապրիլի, 2020

«Սուրբ Աստվածամայր» ԲԿ-ի ծննդատունը կարող է ընդունել կորոնավիրուսով հիվանդ շուրջ 150 պացիենտի |armenpress.am|

armenpress.am: Նոր տիպի կորոնավիրուսով պացիենտների համար վերապրոֆիլավորված «Սուրբ Աստվածամայր» ԲԿ-ի ծննդատունը կարող է ընդունել մոտ 150 պացիենտի։ Մամուլի ասուլիսին այս մասին ասաց Վարակի կանխարգելման գործողությունները համակարգող Երևանի օպերատիվ շտաբի ղեկավար, քաղաքապետի տեղակալ Սերգեյ Հարությունյանը։ «Երևանի քաղաքապետարանի ենթակայության տակ գործող նոր տիպի կորոնավիրուսի համար առանձնացված մեկուսարան չկա։ Մեր կողմից առանձնացվել է միայն «Սուրբ Աստվածամայր» բժշկական կենտրոնի ծննդատան հատվածը, որը վերապրոֆիլավորվել է և դարձել է ինֆեկցիոն կենտրոն, որը պայքարելու է նոր տիպի կորոնավիրուսով հաստատված ծանր և միջին ծանրության հիվանդների բուժմամբ»,- նշեց Հարությունյանը։ Հայաստանում կորոնավիրուսով վարակվածների բուժմամբ զբաղվող բժշկական հաստատություններն են՝ «Նորքի» ինֆեկցիոն հիվանդանոցը, Օրթոպեդիայի ինստիտուտը, Ոստիկանության հոսպիտալը, «Սուրբ Աստվածամայր» բժշկական կենտրոնի ծննդատան մասնաշենքը, «Սբ. Գրիգոր Լուսավորիչ» բժշկական կենտրոնը, ինչպես նաև Արտաշատի բժշկական կենտրոնը, Վանաձորի ինֆեկցիոն հիվանդանոցը, Կապանի բժշկական կենտրոնի առանձին մասնաշենքը։

16:19 - 11 ապրիլի, 2020

86-ամյա և 81 ամյա պացիենտներն ունեցել են կորոնավիրուսային հիվանդություն, հաստատված երկկողմանի թոքաբորբ

ՀՀ ԱՆ խոսնակ Ալինա Նիկողոսյանը ֆեյսբուքյան իր էջում գրում է․ «Ապրիլի 10-ի դրությամբ արձանագրվել է մահվան 2 դեպք, որոնցից մեկի մասին նախարարը երեկ հայտարարել էր։ 86-ամյա և 81 ամյա պացիենտներն ունեցել են կորոնավիրուսային հիվանդություն, հաստատված երկկողմանի թոքաբորբ։ Բացի այդ, ունեցել են ուղեկցող խրոնիկ հիվանդություններ, այդ թվում զարկերակային գերճնշում, շաքարային դիաբետ, սրտի իշեմիկ հիվանդություն։ Ոււնենք կորոնավիրուսային հիվանդության 29 նոր դեպք և 24 առողջացածներ»։

11:12 - 11 ապրիլի, 2020

Այս պահի դրությամբ ՀՀ-ում գրանցվել է կորոնավիրուսի ընդհանուր 966 դեպք, մեկ օրում դեպքերն ավելացել են 29-ով

ՀՀ առողջապահության նախարարությունը հայտնում է, որ ապրիլի 11-ին ժամը 11։00-ի դրությամբ ՀՀ-ում գրանցվել է կորոնավիրուսի հաստստված ընդհանուր 966 դեպք, մեկ օրում դեպքերն ավելացել են 29-ով։ Այս պահին բուժում ստանում են 780-ը։ Ունենք 173 առողջացած քաղաքացի։ Մահվան դեպքերը 13-ն են։ Կատարվել է 6464-բացասական թեստ։

11:03 - 11 ապրիլի, 2020

Վրաստանյան ԶԼՄ-ներում Հայաստանի առողջապահության նախարարի խոսքն աղավաղված է ներկայացվել․ ՀՀ ԱՆ խոսնակ |aliq.ge|

aliq.ge: Ապրիլի տասի առավոտյան ՀՀ առողջապահության նախարար Արսեն Թորոսյանի մամուլի ասուլիսից հետո Վրաստանի մի քանի լրատվամիջոցներ «Մենք այլևս չենք կարող վերահսկել վիրուսի դեպքերի տարածումը. ՀՀ ԱՆ» վերնագրով հոդվածներ հրապարակեցին: Հոդվածում նշված է Արսեն Թորոսյանի ելույթի այս մասը․ «Մենք չենք կարող համարել, որ կորոնավիրուսի տարածումը կանգնում է և 100 տոկոսով մարում է: Առաջ, երբ ունենում էինք 50 դեպք մի աղբյուրից, օրինակ՝ մի արտադրամաս, հիմա ունենում ենք 16, 20, 30 դեպք, բայց 10 կամ 20 տարբեր աղբյուրներից: Հետևաբար, վիրուսի շրջանառությունը որպես այդպիսին դուրս է եկել վերահսկողությունից, բայց մեր խնդիրն է ամեն հնարավոր դեպքը գտնել և անել նույն գործողությունները, որոնք արել ենք մինչև հիմա՝ թեստավորել, հաստատել, մեկուսացնել և բուժել»: Ու թեև վրացական ԶԼՄ-ներում հրապարակված հոդվածների բուն բովանդակությունը համապատասխանում է նախարարի խոսքին, սակայն շփոթմունք առաջացնող վերնագրի հետևանքով նշված հոդվածները լայն քննարկման առիթ դարձան սոցիալական ցանցերի վրացական տիրույթում՝ հիմնականում առաջացնելով խուճապային տրամադրություններ։ «Ալիք մեդիային» ՀՀ ԱՆ մամուլի խոսնակ Ալինա Նիկողոսյանն ասում է. «Նախարարի խոսքը, մասնավորապես այն, որտեղ ասում է, որ «վիրուսի շրջանառությունը որպես այդպիսին դուրս է եկել վերահսկողությունից», կապված է ոչ թե դեպքերի ու աղբյուրների հետ, այլ նրա, որ եթե նախկինում ունեինք առանձնակի օջախներ, ապա այժմ գրանցվում են առանձին այլ դեպքեր։ Ուստի, նշել, թե «Մենք այլևս չենք կարող վերահսկել վիրուսի դեպքերի տարածումը» չի համապատասխանում իրականությանը»: Հիշեցնենք, որ ապրիլի 9-ի դրւթյամբ Հայաստանում հաստատվել է կորոնավիրուսային հիվանդության ընդհանուր 937 դեպք, որոնցից առողջացել է 149 մարդ, մահացել է՝ 12-ը։

00:07 - 11 ապրիլի, 2020

Առողջապահության նախարար Արսեն Թորոսյանի մամուլի ասուլիսը․ Ուղիղ

16:01 - 10 ապրիլի, 2020

72-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ

ՀՀ ԱՆ խոսնակ Ալինա Նիկողոսյանը ֆեյսբուքյան իր էջում գրում է․ ««Սուրբ Գրիգոր Լուսավորիչ» բժշկական կենտրոնում արձանագրվել է մահվան դեպք։ 72-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։ Բացի այդ, տղամարդն ունեցել է ուղեկցող խրոնիկ հիվանդություններ՝զարկերակային գերճնշում, շագանակագեղձի ադենոմա։ Ապրիլի 9-ի դրւթյամբ ունենք կորոնավիրուսային հիվանդության 16 նոր դեպք և 11 առողջացածներ»։

11:07 - 10 ապրիլի, 2020

ՀՀ-ում կորոնավիրուսի հաստատված դեպքերի ընդհանուր քանակը 937 է, ունենք ևս մեկ մահվան դեպք

ՀՀ առողջապահության նախարարությունից հայտնում են, որ ապրիլի 10-ին ժամը 11։00-ի դրությամբ ՀՀ-ում կորոնավիրուսի հաստատված դեպքերի ընդհանուր քանակը 937 է, բուժվել է 149 քաղաքացի։ Փաստացի այս պահին բուժվում է 777-ը, կատարվել է 5160 բացասական թեստ։ Ունենք ևս մեկ մահվան դեպք, ընդհանուր դեպքերի քանակը՝ 11։

11:01 - 10 ապրիլի, 2020

Հայաստան են վերադառնում FLEX ծրագրով ԱՄՆ-ի տարբեր նահանգներում գտնվող 34 և ամերիկյան ACES ծրագրի շրջանակներում ԱՄՆ-ում ուսանող մեկ աշակերտ

ԱՆ խոսնակ Ալինա Նիկողոսյանը ֆեյսբուքյան իր էջում գրում է․ «Հայաստան են վերադառնում FLEX ծրագրով ԱՄՆ-ի տարբեր նահանգներում գտնվող ավագ դպրոցի 34 աշակերտ և ամերիկյան ACES ծրագրի շրջանակներում ԱՄՆ-ում ուսանող մեկ աշակերտ: Վերջիններս Հայաստան վերադառնալուն պես ենթարկվելու են 14-օրյա պարտադիր կարանտինային ռեժիմի (https://www.mfa.am/hy/COVID-19/2020/04/10/flex/10206) ԱՄՆ-ում ՀՀ դեսպանության համակարգմամբ Ամերիկայի խորհուրդների կողմից ապահովվել է աշակերտների անվտանգ տեղափոխումն ԱՄՆ 19 նահանգներից դեպի Չիկագո քաղաք, այնուհետև Հայաստան՝ Դոհա-Թբիլիսի-Երևան չվերթով։ Սա Հայաստանի և Վրաստանի՝ նոր տիպի կորոնավիրուսի տարածմամբ պայմանավորված իրադրությունում տարբեր երկրներում գտնվող քաղաքացիներին համագործակցաբար հայրենիք վերադարձնելու հերթական լավ օրինակն է: Շնորհակալություն ենք հայտնում Ամերիկայի խորհուրդներին՝ հայ աշակերտների տեղափոխումն արագ ու հարթ կազմակերպելու, ինչպես նաև մեր վրաց գործընկերներին՝ աջակցության և արդյունավետ համագործակցության համար: Մեր աշակերտներին մաղթում ենք անվտանգ թռիչք և բարի վերադարձ Հայրենիք, միշտ լինեն այդպես կենսախինդ ու ժպիտով»:

10:40 - 10 ապրիլի, 2020

80-ամյա պացիենտն ունեցել է կորոնավիրուսային հիվանդություն, ծանր աստիճանի թոքաբորբ՝ բարդացած թոքերի ռեսպիրատոր դիստրես համախտանիշով

ՀՀ ԱՆ խոսնակ Ալինա Նիկողոսյանը ֆեյսբուքյան իր էջում գրում է․ «Ապրիլի 8-ի դրությամբ հաստատվել է կորոնոավիրուսային հիվանդության 28 նոր դեպք: Հաստատված դեպքերի ընդհանուր թիվը այս պահին կազմում է` 921: Վիճակագրությունից դուրս էին մնացել հաստատված 12 դեպք,որոնք արձանագրվել են վերջին 40 օրվա ընթացքում, երբ վիճակագրությունը չէր վարվում էլեկտրոնային համակարգի միջոցով: Այս պահին համակարգը ավտոմատացված է և վիճակագրական տվյալները մարդկային գործոնով պայմանավորված չեն: Նախարարության սկզբունքը մնում է նույնը` լինել բաց և թափանցիկ, ինչի համար էլ ներկայացնում ենք հետևյալ պարզաբանումը: Ապրիլի 9-ի դրությամբ ունենք նաև մահվան նոր դեպք: 80-ամյա պացիենտն ունեցել է կորոնավիրուսային հիվանդություն, ծանր աստիճանի թոքաբորբ՝ բարդացած թոքերի ռեսպիրատոր դիստրես համախտանիշով։ Տղամարդն ունեցել է ուղեկցող խրոնիկ հիվանդություններ, այդ թվում՝զարկերակային հիպերտենզիա, կախեքսիա ,ծերունական սկլերոզ»։

11:11 - 09 ապրիլի, 2020

Ապրիլի 9-ին 11։00-ի դրությամբ ՀՀ-ում ունենք կորոնավիրուսի հաստատված 921 ընդհանուր դեպք, 1 նոր մահվան դեպք

ՀՀ առողջապահության նախարարությունը հայտանում է, որ ապրիլի 9-ին 11։00-ի դրությամբ ՀՀ-ում ունենք կորոնավիրուսի հաստատված 921 ընդհանուր դեպք, բուժվել է 138 պացիենտ։ Կատարվել է 4902 բացասական թեստ։ Այս պահին բուժում ստանում է 773-ը։ Ընդհանուր մինչ այս պահը ունենք գրանցված 10 մահ։ Ունենք մեկ նոր մահվան դեպք։

11:04 - 09 ապրիլի, 2020

COVID-19-ով հոսպիտալացվածների համար հարազատները չպետք է սնունդ տանեն․ դրսից ուտելիք ընդունել չի թույլատրվում |armtimes.com|

armtimes.com: Հայաստանի այն բժշկական հաստատություններում, որտեղ գտվում են COVID-19-ով հիվանդ պացիենտներ, սննդի մատակարարումը իրականացվում է ՀՀ առողջապահության նախարարության եւ տարբեր կազմակերպությունների միջոցով։ Այս մասին մեզ հետ զրույցում հայտնեցին ԱՆ լրատվական ծառայությունից։ Այն հարցին, թե այս օրերին կորոնավիրուսի նոր ենթատեսակով վարակված անձանց հարազատները կարո՞ղ են սնունդ փոխանցել հիվանդներին,պատասխանեցին, որ դրսից ուտելիք չի թույլատրվում։ Նշենք, որ Հայաստանում այժմ միայն COVID-19-ով հիվանդ պացիենտների բուժմամբ զբաղվում են 9 բժշկական հաստատություններ։

18:55 - 08 ապրիլի, 2020

Հայաստանի մանկական հոգեբուժական դիսպանսեր ծառայությունը կենտրոնացվել է Սուրբ Գրիգոր Լուսավորիչ ԲԿ-ի պոլիկլինիկայում

Սուրբ Գրիգոր Լուսավորիչ ԲԿ-ի պոլիկլինիկան դարձել է Հայաստանի Հանրապետության մինչև 18 տարեկան երեխաների հոգեբուժական ամբուլատոր-պոլիկլինիկական դիսպանսերային և խորհրդատվական բժշկական օգնության սպասարկման կենտրոն: Մինչ այդ Գրիգոր Լուսավորիչ ԲԿ-ի պոլիկլինիկան սպասարկում էր Երևանի բոլոր վարչական շրջանները: Այսուհետ տվյալ բուժօգնությունը կազմակերպվում և իրականացվում է պոլիկլինիկայում գործող մանկական հոգեբուժական Դիսպանսեր ծառայության կողմից՝ համագործակցելով տարածքային պոլիկլինիկաների տեղամասային մանկաբույժների հետ: Բացառություն են կազմում Շիրակի մարզում մինչև 18 տարեկան հաշվառված երեխաները, որոնց բուժսպասարկումը իրականացվում է «Գյումրու հոգեկան առողջության կենտրոն» ՓԲԸ դիսպանսեր ծառայության միջոցով:Տեղամասային մանկաբույժի կամ ընտանեկան բժշկի կողմից դիսպանսեր հսկողության անհրաժեշտություն ունեցող մինչև 18 տարեկան երեխաները ուղեգրվում են թղթային կամ էլեկտրոնային եղանակով համապատասխան դիսպանսեր ծառայություն՝ ախտորոշման ճշտման և հետագա դիսպանսեր հսկողությունը կազմակերպելու նպատակով` կցելով երեխայի առողջության վերաբերյալ քաղվածք:Այցերը Դիսպանսեր ծառայություն կարող է իրականացվել հեռախոսազանգի միջոցով կամ էլեկտրոնային նախնական հերթագրման սկզբունքով: Հասցե` Սուրբ Գրիգոր Լուսավորիչ ԲԿ ՓԲԸ պոլիկլինիկա, Գյուրջյան փող. շ. 8, հեռ. 011 63-88-37: Աշխատանքային ժամեր երկուշաբթիից ուրբաթ 09:00-18:00: Սուրբ Գրիգոր Լուսավորիչ ԲԿ

13:08 - 08 ապրիլի, 2020