Ինֆոթեգեր Մեր մասին
hy en ru
Նվիրաբերել

«Ճանապարհային դեպարտամենտ» հիմնադրամ

«Ճանապարհային դեպարտամենտ» հիմնադրամի գործունեության հիմնական առարկան և նպատակը Հայաստանի Հանրապետությունում ճանապարհաշինության ոլորտի ծրագրերի արդյունավետ իրականացման ապահովումն է:

Հիմնադրամի գործադիր տնօրենն է Ստեփան Մաչյանը։  

Նախկնում «Ճանապարհային դեպարտամենտը» պետական ոչ առևտրային կազմակերպություն էր (ՊՈԱԿ)։ ՀՀ կառավարության 6 օգոստոսի 2021թ. թիվ 1298-Ա որոշմամբ ՊՈԱԿ-ը վերակազմակերպվեց որպես «Ճանապարհային դեպարտամենտ» հիմնադրամ։

 

+37410 511391
Քաջարան-Ագարակ ճանապարհահատվածում ընթանում են շինարարական աշխատանքներ. պայթեցումների միջոցով բացվում են թունելի մուտքերը

Քաջարան-Ագարակ ճանապարհահատվածում ընթանում են շինարարական աշխատանքներ. պայթեցումների միջոցով բացվում են թունելի մուտքերը

Հյուսիս-հարավ ճանապարհի Քաջարան-Ագարակ 23 կմ ճանապարհահատվածում ընթանում են շինարարական աշխատանքներ։ Կապալառու կազմակերպությունը՝ իրանական Abad Rahan Pars International Group և Tunnel Sadd Ariana ՀՁ-ն‚ կատարում է պայթեցման‚ հողային աշխատանքներ։ Շինարարությունն ընթանում է 6 տեղամասում։ Մոտ մեկ ամսից նախատեսվում է սկսել թունելի հորատման աշխատանքները։ Այժմ պայթեցումների միջոցով բացվում են թունելի մուտքերը։ Այդ մասին հայտնում են «Ճանապարհային դեպարտամենտ» հիմնադրամից: 32 կմ ճանապարհահատվածում‚ մայրուղիների համար նախատեսված եվրոպական նորմերով‚ նախատեսվում է կառուցել 17 կամուրջ‚ 2 թունել (ընդհանուր շուրջ 900 մ երկարությամբ)‚ 5 տրանսպորտային հանգույց։ Շինաշխատանքների տեխնիկական հսկողությունը կատարում է խորվաթական Institute IGH, Joint-Stock Company for Research and Development in Civil Engineering ընկերությունը։ Քաջարան-Ագարակ հատվածի կառուցումը ֆինանսավորվում է Հայաստանի Հանրապետության և Եվրասիական զարգացման բանկի Կայունացման և զարգացման եվրասիական հիմնադրամի միջոցներով: Ծրագիրն իրականացնում է «Ճանապարհային դեպարտամենտ» հիմնադրամը։
11:52 - 17 հունիսի, 2024
Թեթև մարդատար մեքենաների երթևեկությունը Մ6 մայրուղու վրա վերականգնված է․ Գոռ Ավետիսյան

Թեթև մարդատար մեքենաների երթևեկությունը Մ6 մայրուղու վրա վերականգնված է․ Գոռ Ավետիսյան

Թեթև մարդատար մեքենաների երթևեկությունը Մ6 մայրուղու վրա վերականգնված է: Այս մասին հայտնել է «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը։ «Նաև որոշակի սահմանափակումներով անհրաժեշտություն է առաջանում բեռնատարների երթևեկություն իրականացնել: Չնայած այս ամենին՝ վարորդներին հորդորում ենք առավել զգոն լինել այդ հատվածում երթևեկում իրականացնելիս»,- նշել է նա:   
22:25 - 07 հունիսի, 2024
Հայաստանի տարածքում փակ ավտոճանապարհներ կան

Հայաստանի տարածքում փակ ավտոճանապարհներ կան

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։ Արարատի մարզի Գետափնյա գյուղի մոտ գտնվող կամրջի՝ հետիոտնի համար նախատեսված հատվածում տեղի է ունեցել մասնակի փլուզում, ինչի հետևանքով կամրջով երթևեկությունը դադարեցվել է։ Ըստ Ճանապարհային դեպարտամենտ հիմնադրամի՝ փակ է Վանաձոր-Ալավերդի-Այրում-Բագրատաշեն ավտոճանապարհը։ Վարորդներին հորդորվում է դեպի Վրաստանի սահման ուղևորվելիս Մ-6-ը շրջանցել Մ-3 Մարգարա-Վանաձոր-Տաշիր-ՀՀ սահման և Մ-1 Երևան-Գյումրի-ՀՀ սահման միջպետական ավտոճանապարհներով։ Մ-4, Երևան-Սևան-Իջևան-ՀՀ սահման ավտոճանապարհի՝ Դիլիջանից մինչև Իջևան հատվածը երթևեկելի է։ Որոշ տեղամասերում, սակայն, երթևեկությունը միակողմանի է։ Խաշթառակ և Լուսահովիտ գյուղեր տանող կամուրջը երկկողմանի փակ է: Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։    
09:31 - 03 հունիսի, 2024
Միջպետական մայրուղու՝ Հաղպատից դեպի Ալավերդի հատվածն արդեն անցանելի է

Միջպետական մայրուղու՝ Հաղպատից դեպի Ալավերդի հատվածն արդեն անցանելի է

Մ6 միջպետական մայրուղու 58-րդ կիլոմետրի վնասված հատվածը՝ Հաղպատից դեպի Ալավերդի, արդեն անցանելի է: Այդ մասին հայտնում են «Ճանապարհային դեպարտամենտ» հիմնադրամից:  
20:20 - 30 մայիսի, 2024
Կապան-Մեղրի ճանապարհի քարաթափված հատվածը մաքրվել է

Կապան-Մեղրի ճանապարհի քարաթափված հատվածը մաքրվել է

Մ2- Հ63- Կապան-Ծավ-Մ2 / Մեղրիի հատված/ ճանապարհի կմ 59+250 քարաթափված հատվածի մաքրման աշխատանքներն ավարտվել են։ Ճանապարհը բաց է բոլոր տիպի տրանսպորտային միջոցների համար։ Այս մասին հայտնում են «Ճանապարհային դեպարտամենտ» հիմնադրամից։  
21:34 - 27 մայիսի, 2024
Ամրաշինական աշխատանքներ են կատարվել՝ կանխարգելելու Աղստև գետի ավերածությունները Դիլիջան-Իջևան ճանապարհին

Ամրաշինական աշխատանքներ են կատարվել՝ կանխարգելելու Աղստև գետի ավերածությունները Դիլիջան-Իջևան ճանապարհին

Ճանապարհը սպասարկող ընկերությունն ամրաշինական աշխատանքներ է կատարել՝ կանխարգելելու համար Աղստև գետի ավերածությունները Դիլիջան-Իջևան ճանապարհին։ Այդ մասին հայտնում են «Ճանապարհային դեպարտամենտ» հիմնադրամից:
13:59 - 27 մայիսի, 2024
Դիլիջանից մինչև Իջևան հատվածը երթևեկելի է

Դիլիջանից մինչև Իջևան հատվածը երթևեկելի է

Ժամը 09։30-ի դրությամբ, Մ-4, Երևան-Սևան-Իջևան-ՀՀ սահման ավտոճանապարհի Դիլիջանից մինչև Իջևան հատվածը երթևեկելի է։ Ճանապարհային դեպարտամենտից հայտնում են, որ որոշ տեղամասերում, սակայն, երթևեկությունը միակողմանի է։ «Հարգելի՛ վարորդներ, հորդորում ենք նշված հատվածներում լինել ուշադիր, խստագույնս պահպանել ճանապարհային երթևեկության կանոնները»։ Հիշեցնենք, որ մայիսի 26-ին հորդառատ անձրևներիից Լոռու եւ Տավուշի մարզերում, ինչպես նաև Դեբեդ, Աղստև, Տաշիր գետերի վարարման հետևանքով նշված բնակավայրերում առաջացել էին հեղեղումներ, փլուզվել կամուրջներ, փակվել ճանապարհներ՝ այդ թվում՝ Դիլիջան – Իջևան ճանապարհահատվածը։
09:52 - 27 մայիսի, 2024
Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ

Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ

Հյուսիս-հարավի Տրանշ-2-ի Ագարակի հնագիտական վայրը շրջանցող մոտ 8կմ երկարությամբ ճանապարհի կառուցման աշխատանքներով պայմանավորված՝ մայիսի 20-ին՝ ժամը 15։00-17։00-ի սահմաններում‚ Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ: «Ճանապարհային դեպարտամենտ» հիմնադրամից հայտնում են, որ տարածքը գտնվում է անվտանգության գոտուց դուրս‚ և ճանապարհը փակելու կարիք չկա։ 
09:32 - 20 մայիսի, 2024
Քննարկվել են Հայաստանի և Իրանի միջև՝ Արաքս գետի վրա երկրորդ կամրջի կառուցմանն առնչվող հարցեր

Քննարկվել են Հայաստանի և Իրանի միջև՝ Արաքս գետի վրա երկրորդ կամրջի կառուցմանն առնչվող հարցեր

«Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը, փոխտնօրեն Կարեն Բադալյանը‚ հիմնադրամի այլ ներկայացուցիչներ հանդիպել են Իրանի Իսլամական Հանրապետության (ԻԻՀ) Ճանապարհների և քաղաքաշինության նախարարության պաշտոնյաների հետ։ Այս մասին հայտնում են հիմնադրամից: Կողմերը քննարկել են Հայաստանի և Իրանի միջև՝ Արաքս գետի վրա երկրորդ կամրջի կառուցմանն առնչվող հարցեր։ Նշենք, որ Մեղրիի սահմանային անցակետի տարածքում ԻԻՀ-ի և ՀՀ-ի միջև առաջին կամրջային անցումն Արաքս գետի վրայով շահագործման է հանձնվել 1996 թ.։ Գործող կամրջի երկարությունը 192 մ է։ Նախքան կամրջի շահագործումը երկու երկրների միջև բեռների և ուղևորների փոխադրումն իրականացվել է լողացող կամրջի միջոցով։ Իրանի մասնագետների կողմից Մեղրիի սահմանային անցակետում ուղևորափոխադրումների և բեռնափոխադրումների ծավալների վերաբերյալ իրականացված վերջին հետազոտության համաձայն՝ 2023 թվականի չորրորդ եռամսյակում տրանսպորտային միջոցների ընդհանուր թիվը, նախորդ տարվա նույն ժամանակահատվածի համեմատ, զգալիորեն աճել է։ Հաշվի առնելով ՀՀ-ԻԻՀ սահմանը հատող մեքենաների թվի աճը, ինչպես նաև Ագարակ-Քաջարան ճանապարհահատվածի կառուցման և արդիականացման արդյունքում ուղևորափոխադրումների ու բեռնափոխադրումների կանխատեսվող աճի արագ տեմպերը՝ առաջացել է Հայաստանի և Իրանի միջև երկրորդ կամրջի կառուցման անհրաժեշտություն։ Հայաստանի և Իրանի ներկայացուցիչները հանդիպման ընթացքում քննարկել են կամրջի կառուցման ծրագիրը մշակելու նպատակով աշխատանքային խումբ ստեղծելու հարցը։ Հայկական կողմն ուղարկել է հայ մասնագետների առաջարկվող ցանկը՝ աշխատանքային խմբում ներգրավելու համար։ Ստեղծվելիք աշխատանքային խումբը կքննարկի և կմշակի կամրջի կառուցման կոնցեպտը։
10:38 - 14 մայիսի, 2024
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին

ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին

ՀՀ տարածքային կառավարման և ենթակառուցվածքների նախարար Գնել Սանոսյանն աշխատանքային այցով Արմավիրի մարզում էր։ ՏԿԵ նախարարը «Ճանապարհային դեպարտամենտի» ղեկավար Գոռ Ավետիսյանի, մարզպետ Դավիթ Խուդաթյանի, համայնքապետների ուղեկցությամբ հետևել է մարզում պետական բյուջեի միջոցներով, ինչպես նաև սուբվենցիոն ծրագրի շրջանակներում իրականացվող ճանապարհաշինական աշխատանքների ընթացքին։ Նախարար Սանոսյանի առաջին կանգառը Տ-3-44 /Մ-5/ – Ծիածան – Աղավնատուն – Լեռնամերձ ճանապարհն էր։ Ընդհանուր 7.3 կմ երկարությամբ ճանապարհը կապում է Արմավիրի մարզի Խոյ համայնքի Ծիածան-Աղավնատուն-Լեռնամերձ գյուղերը: Շինաշխատանքները մեկնարկել են 2024 թվականի գարնանը։ Ներկայումս իրականացվում են հողային պաստառի վերականգնման, եզրաքարերի կառուցման, մայթերի սալիկապատման, կամուրջների վերականգնման և ասֆալտապատման աշխատանքներ։ Ընդհանուր աշխատանքները նախատեսվում է ավարտել այս տարվա օգոստոսին: Ծրագրի պայմանագրային արժեքը կազմում է 775 080 000 ՀՀ դրամ։   Հաջորդ կանգառը Դողս-Աղավնատուն ճանապարհահատվածն էր, որտեղ այս պահին իրականացվում են ասֆալտապատման աշխատանքներ: Ծրագիրն իրականացվում է սուբվենցիոն ծրագրի շրջանակներում, որի ընդհանուր արժեքը կազմում է շուրջ 96 մլն դրամ։ Նախարարը ծանոթացել է կատարվող աշխատանքին, զրուցել շինարարների հետ, լսել բոլոր խնդիրները և տվել մի շարք հանձնարարականներ։
13:08 - 03 մայիսի, 2024
Վանաձոր-Ալավերդի-ՀՀ պետական սահման ճանապարհին ջրատարի խողովակ է վթարվել. վարորդներին հորդորում են լինել ուշադիր

Վանաձոր-Ալավերդի-ՀՀ պետական սահման ճանապարհին ջրատարի խողովակ է վթարվել. վարորդներին հորդորում են լինել ուշադիր

Մ-6‚ Վանաձոր-Ալավերդի-ՀՀ պետական սահման միջպետական ճանապարհի 23-րդ կմ-ում տեղի է ունեցել ջրատար խողովակի վթար։ Այս մասին հայտնում են «Ճանապարհային դեպարտամենտ» հիմնադրամից: «Ճանապարհը սպասարկող կազմակերպությունը տեղեկացրել է ջրատարը տնօրինող կազմակերպությանը վթարի մասին։ Սպասարկող կազմակերպությունը տվյալ հատվածում կիրականացնի սահմանազատում‚ համապատասխան ճանապարհային նշաններով և այլ միջոցառումներով կապահովի անվտանգ երթևեկությունը մինչև վթարի վերացումը։ Վարորդներին հորդորում ենք տվյալ հատվածում երթևեկելիս լինել ուշադիր»,- հայտնում են դեպարտամենտից։
09:51 - 16 ապրիլի, 2024
Տաթև-Լծեն ավտոճանապարհին ձյան տեղումներ են

Տաթև-Լծեն ավտոճանապարհին ձյան տեղումներ են

Տաթև-Լծեն ավտոճանապարհին ձյան տեղումներ են։ «Վարորդներին հորդորում ենք լինել ուշադիր։ Տեղեկացնում ենք, որ թեև ճանապարհների ընթացիկ ձմեռային պահպանման ժամանակաշրջանն ավարտվել է, սակայն ճանապարհները սպասարկող կազմակերպությունները հանրապետության լեռնային այն շրջաններում, որտեղ գրանցվում են ձյան տեղումներ, կատարում են ձյան մաքրման և ճանապարհների մշակման աշխատանքներ»,-նշված է «Ճանապարհային դեպարտամենտի» հաղորդագրության մեջ։  
22:37 - 11 ապրիլի, 2024
Գնել Սանոսյանը դիտարկել է միջպետական ավտոճանապարհի Սպիտակ-Վանաձոր հատվածի ճանապարհաշինական աշխատանքների ընթացքը

Գնել Սանոսյանը դիտարկել է միջպետական ավտոճանապարհի Սպիտակ-Վանաձոր հատվածի ճանապարհաշինական աշխատանքների ընթացքը

ՀՀ ՏԿԵ նախարար Գնել Սանոսյանը այսօր «Ճանապարհային դեպարտամենտ» հիմնադրամի տնօրեն Գոռ Ավետիսյանի, Լոռու մարզպետ Արամ Ղազարյանի և համայնքապետների ուղեկցությամբ դիտարկել է Մ-3, Թուրքիայի սահման-Մարգարա-Վանաձոր-Տաշիր-Վրաստանի սահման միջպետական նշանակության ավտոճանապարհի Սպիտակ-Վանաձոր հատվածում իրականացվող ճանապարհաշինական աշխատանքների ընթացքը։ Նշված հատվածի հիմնանորոգման աշխատանքներն իրականացվում են ՀՀ պետական բյուջեի պետական նշանակության ավտոճանապարհների հիմնանորոգման ծրագրի շրջանակներում։ Պայմանագրային արժեքը կազմում է 3 153 360 000 ՀՀ դրամ։ Ներկայումս իրականացվում են հողային պաստառի, արհեստական կառուցվածքների կառուցման և եզրաքարերի հիմքի կառուցման և տեղադրման աշխատանքներ։ Ընդհանուր աշխատանքները նախատեսվում են ավարտել այս տարվա նոյեմբերին:
14:29 - 08 ապրիլի, 2024
Սարավանի լեռնանցքում, Գորիսի և Թումանյանի տարածաշրջաններում տեղ-տեղ մերկասառույց է, Վարդենյաց լեռնանցքը և Թթուջուր-Նավուր ճանապարհը փակ են

Սարավանի լեռնանցքում, Գորիսի և Թումանյանի տարածաշրջաններում տեղ-տեղ մերկասառույց է, Վարդենյաց լեռնանցքը և Թթուջուր-Նավուր ճանապարհը փակ են

Մարտի 27-ին՝ ժամը 09։00-ի դրությամբ, Վարդենյաց լեռնանցքը և Թթուջուր-Նավուր ավտոճանապարհը փակ են բոլոր տեսակի տրանսպորտային միջոցների համար։ Այս մասին հայտնում են «Ճանապարհային դեպարտամենտ» հիմնադրամից։ Սարավանի լեռնանցքում, Գորիսի և Թումանյանի տարածաշրջաններում տեղ-տեղ մերկասառույց է։ Միջպետական և հանրապետական նշանակության մյուս ավտոճանապարհները բաց են: Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
09:44 - 27 մարտի, 2024
Քարաթափման մաքրման աշխատանքներով պայմանավորված՝ ժամը 20։00-ից Ջերմուկ տանող ճանապարհահատվածը փակ է լինելու

Քարաթափման մաքրման աշխատանքներով պայմանավորված՝ ժամը 20։00-ից Ջերմուկ տանող ճանապարհահատվածը փակ է լինելու

Մարտի 25-ին՝ ժամը 17։00-ի դրությամբ, Վարդենյաց լեռնանցքը փակ է կցորդով տրանսպորտային միջոցների համար, իսկ մյուս տեսակի տրանսպորտային միջոցների համար՝ դժվարանցանելի։ Այդ մասին հայտնում են «Ճանապարհային դեպարտամենտ» հիմնադրամից:   Մ-2-Գնդեվազ-Ջերմուկ ճանապարհի 2-րդ կմ-ում կատարվելու են քարաթափման մաքրման աշխատանքներ։ Մաքրման աշխատանքներով պայմանավորված և անվտանգությունից ելնելով՝ ժամը 20։00-ից վերոնշյալ ճանապարհահատվածը փակ է լինելու երթևեկության համար։   Միջպետական և հանրապետական նշանակության բոլոր ավտոճանապարհները բաց են:
17:59 - 25 մարտի, 2024
Ճանապարհային դեպարտամենտի գործադիր տնօրենը դիտարկել է Մ-3 միջպետական ճանապարհի՝ Աշտարակով անցնող հիմնանորոգվող հատվածը

Ճանապարհային դեպարտամենտի գործադիր տնօրենը դիտարկել է Մ-3 միջպետական ճանապարհի՝ Աշտարակով անցնող հիմնանորոգվող հատվածը

«Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը և Աշտարակ համայնքի ղեկավար Թովմաս Շահվերդյանը երեկ այցելել են Մ-3 միջպետական ճանապարհի՝ Աշտարակով անցնող հիմնանորոգվող հատված։ Շինարարությունն ու տեխնիկական հսկողությունն իրականացնող կազմակերպությունների ներկայացուցիչները ներկայացրել են ընթացիկ աշխատանքները։ Այս պահին կատարվում են հողային աշխատանքներ‚ տեղադրվում են ջրթող խողովակները‚ կառուցվում են մայթերը և այլն։ Շինարարին և տեխհսկողին հանձնարարվել է աշխատանքի կազմակերպման ընթացքում ուշադիր լինել և խստագույնս հետևել‚ որպեսզի բնակիչները սեփական նախաձեռնությամբ ջրահեռացման համակարգերում ու տեղադրվող վաքերում անցքեր չբացեն։ Դիտարկումներ են արվել մայթերի կառուցման, սալերի որակի վերաբերյալ: Նորոգվող մոտ 4կմ ճանապարհն անցնում է Աշտարակ քաղաքի ամենաբանուկ փողոցներով։ Ճանապարհային դեպարտամենտի ղեկավարը շինարարներին խնդրել է աշխատանքները ինտենսիվ կազմակերպել, որպեսզի շինարարությունը հնարավորինս շուտ ավարտին հասցվի՝ բնակիչներին քիչ անհարմարություններ պատճառելու համար։ Գոռ Ավետիսյանը հորդորել է հատուկ ուշադրության կենտրոնում պահել ջրահեռացման համակագերի կառուցումը, որպեսզի հետագայում դրանք խնդիրներ չառաջացնեն կատարված աշխատանքների համար։ «Պետութունը բավական մեծ ներդրում է անում այս ճանապարհի հիմնանորոգման համար, պետք է ձեռնարկել բոլոր միջոցները‚ որպեսզի որակյալ արդյունք ստանանք‚ և ճանապարհը երկար ծառայի»‚- ասել է Ավետիսյանը։
10:19 - 23 մարտի, 2024