Կորոնավիրուս

Նորություններ կորոնավիրուսի մասին, աշխարհ, 22․03․20 (թարմացվող)

22։59- Ես իմ բարոյական պարտքն եմ համարում հայտարարել, որ ինձ մոտ COVID-19 թեստը դրական է։ Իմ ընտանիքն ու ես կմնանք ինքնամեկուսացման մեջ այնքան ժամանակ, ինչքան անհրաժեշտ կլինի։ Այս պահի դրությամբ մենք մեզ լավ ենք զգում։ Ես բոլորին խնդրում եմ զգույշ լինել, հետևել խորհուրդներին, լվանալ ձեռքերը, պահպանել հեռավորությունը, անել ամեն հնարավորը՝ կանխելու վարակի հետագա տարածումը, և ամենակարևորը՝ մնացե՛ք տանը, եթե կարող եք։ [Պլասիդո Դոմինգո] 22։10- Գերմանիայի կանցլեր Անգելա Մերկելը մեկուսացվել է այն բանից հետո, երբ հայտնի է դարձել, որ ուրբաթ օրը նա շփում է ունեցել կորոնավիրուսով վարակված բժշկի հետ։ [Անգելա Մերկելի խոսնակ Շտեֆան Սայբերտ] |dw.com| 20։28- Տոկիոյի օլիմպիական խաղերի կազմակերպչական կոմիտեն սկսել է դիտարկել ամառային Օլիմպիական խաղերի անցկացման այլընտրանքային տարբերակներ՝ չնայած Ճապոնիայի կառավարության այն պնդումներին, որ Օլիմպիական խաղերի հետաձգման հարցը չի քննարկվում։ Տոկիոյի ամառային Օլիմպիական խաղերի կազմկոմիտեն գտնվում է սպորտային տարբեր ֆեդերացիաների ճնշման տակ, որոնք պահանջում են հետաձգել խաղերը։ Մասնավորապես, օլիմպիական խաղերի հետաձգման կոչ է անում ԱՄՆ թեթև աթլետիկայի ֆեդերացիան (USATF), որը համապատասխան նամակ է ուղարկել ԱՄՆ ազգային օլիմպիական կոմիտեին։ |hetq.am| 19։54- ՌԴ վեց շրջաններում մեկ օրվա ընթացքում կորոնավիրուսով վարակման 61 նոր դեպք է արձանագրվել: |factor.am| 18։47- Կորոնավիրուսի (COVID-19) տարածման կանխարգելման և վերահսկման նպատակով Վրաստանի Կառավարությունն ընդունել է նոր կանոնակարգ։ Մասնավորապես, Վրաստանի քաղաքացիները հայրենիք կարող են վերադառնալ միայն Բագրատաշեն-Սադախլո սահմանային վերահսկման անցակետով, որը բաց կլինի ժամը 10։00-18։00։ Բեռնատարների համար բաց են սահմանային բոլոր վերահսկման անցակետերը շուրջօրյա ռեժիմով։ [Հայաստանում Վրաստանի դեպանություն] 18:03- Մարտի 22-ի դրությամբ՝ եվրոպական երկրներում գրանցվել է կորոնավիրուսով վարակվելու 151 հազար 587 հաստատված դեպք, դրանից մահվան՝ 7 426 հաստատված դեպք։Ինչ վերաբերում է համաշխարհային տվյալներին, մարտի 21-ի ժամը 18։00-ի դրությամբ (միջին եվրոպական ժամանակ), աշխարհի 184 երկրում գրանցվել է կորոնավիրուսով վարակվելու 267 հազար 13 և դրանից մահվան 11 հազար 201 հաստատված դեպք։ |armenpress.am|18:00- Եվրոպայում կորոնավիրուսով ամենամեծ թվով վարակվածներն Իտալիայում են՝ 53․578, Իսպանիայում՝ 24․926 և Գերմանիայում՝ 21․463։17:40- Ուկրաինայում մարտի 22-ի դրությամբ՝ գրանցվել է կորոնավիրուսով վարակի 47 դեպք, ապաքինվել է 1 մարդ, մահացել՝ 3-ը։17:00- Մարտի 23-ից Ռուսաստանը սահմանափակում է ավիահաղորդակցությունը Թուրքիայի և Ճապոնիայի հետ։ Բացառություն կարվի միայն Մոսկվայից Տոկիո և Ստամբուլ ուղղությամբ կանոնավոր և ՌԴ քաղաքացիներին դուրս բերելու համար նախատեսված չարտերային չվերթների համար: ՌԴ-ն ավելի վաղ փակել է սահմանները Բելառուսի, Լեհաստանի և Նորվեգիայի հետ: Դադարեցել է ավիահաղորդակցությունը ԵՄ երկրների, Նորվեգիայի, ԱՄՆ-ի, Մեծ Բրիտանիայի, Հայաստանի, Շվեյցարիայի, Սերբիայի, Չինաստանի, Հարավային Կորեայի և Իրանի հետ: Մարտի 18-ից մինչև մայիսի 1-ն արգելվում է ՌԴ քաղաքացիություն չունեցող անձանց մուտքը երկիրը: |tert.am|16:40- Իտալական Յուվենտուսի կիսապաշտպան Պաուլո Դիբալան և Միլանի լեգենդ Պաոլո Մալդինին վարակվել են կորոնավիրուսով, նրանք իրենց լավ են զգում, տեղեկացնում է BBC-ն:15:50- Իրանում կորոնավիրուսով վարակման դեպքերը հասել են 21,6 հազարի։ Վերջին օրվա ընթացքում վարակման 1028 նոր դեպք է արձանագրվել, 129-ը մահացել են։ Մինչ այժմ մահացածների թիվը 1685 է, առողջացել է 7913 մարդ։ [Իրանի առողջապահության նախարարի խորհրդական Ալի Ռեզա Վախաբաձե] |factor.am|14:20- ԱՄԷ առողջապահության նախարարությունը հայտարարել է հանրային եւ մասնավոր լողափերի ու լողավազանների, նաեւ արգիների, կինոթատրոնների եւ մարզասրահների աշխատանքի ժամանակավոր դադարեցման մասին՝ սկսած մարտի 22-ից 2 շաբաթ ժամկետով։ Վերջին տվյալներով՝ երկրում կա կորոնավիրուսով վարակված 153 մարդ: |news.am|13:50- Մեծ Բրիտանիայի վարչապետ Բորիս Ջոնսոնը կոչ է արել բրիտանական հասարակությանը խուսափել Մայրության օրը ծնողներին այցելելուց։ Նա առաջարկել է «խուսափել ցանկացած ոչ պարտադիր ֆիզիկական շփումից» եւ փորձել պաշտպանել մտերիմներին՝ նրանց հետ խոսելով հեռախոսով կամ համացանցի միջոցով: |news.am|13:45- Թեհրանի նահանգապետ Մոխսենին հայտարարել է կորոնավիրուսով վարակվելու նոր դեպքերի աճի տեմպերի կրճատման մասին: Ըստ նրա՝ եթե մարտի 19-ի դրությամբ կորոնավիրուսով վարակվելու աճը կազմել է 7 տոկոս, ապա մարտի 20-ին այդ թիվը կրճատվել է՝ հասնելով 4,9 տոկոսի:13:40- Nissan Motor ճապոնական ավտոարտադրող կոնցեռնը դադարեցրել է արտադրությունը Բարսելոնայի իր գործարանում եւ կասեցրել շփումը 3 հազար աշխատակիցների հետ:13:30- 76 տարեկան հասակում կորոնավիրուսից մահացել է Ռեալ Մադրիդի նախկին նախագահ Լորենսո Սանսը։ Նա նախագահել է 1995 – 2000թթ, այդ ժամանակ ակումբը 2 անգամ կարողացել է դառնալ Չեմպիոնների լիգայի հաղթող։13:20- Վլադիմիր Պուտինի կարգադրությամբ ՌԴ պաշտպանության նախարար Սերգեյ Շոյգուն կարգադրել է ստեղծել օդային խումբ, որը մարտի 22-ից սկսած արագացված կարգով Իտալիա կտեղափոխի կորոնավիրուսի դեմ պայքարի շրջանակներում տրամադրվելիք օգնությունը։ Իտալական կողմի պատրաստ լինելուն պես, ՌԴ ռազմա–տրանսպորտային օդանավերը Իտալիա կտեղափոխեն ռուս ռազմական մանրէաբանների ու բժիշկների 8 մոբիլ խումբ, տրանսպորտի ու տարածքների օդային ախտահանման համար նախատեսված տրանսպորտային միջոցները, ինչպես նաև՝ բժշկական սարքավորումներ։ [ՌԴ ՊՆ]12:30- Հոկեյի աշխարհի տղամարդկանց 2020 թվականի առաջնությունը չի կայանա. այս մասին հայտնում է մարզաձևի միջազգային ֆեդերացիան: Այն պետք է մեկնարկեր շվեյցարական Լոզան քաղաքում մայիսի 8-24-ը։ Դեռևս հայտնի չէ՝ աշխարհի առաջնությունը կանցկացվի այս տարի, թե ոչ:12:20- Վրաստանի նախագահի որոշումը երկրում արտակարգ դրություն մտցնելու մասին չի սահմանափակում կրոնական ազատությունը, որի մասն է կրոնական ծիսակարգերին մասնակցությունը։ Այդ մասին հայտարարել է Վրաստանի խորհրդարանի ներկայացուցիչ Արչիլ Թալաքվաձեն՝ պատասխանելով լրագրողների հարցին, թե ինչ գործողություններ կիրականացնի ոստիկանությունը, եթե ուղղափառ եկեղեցիներում հավաքվի ավելի քան 10 մարդ: Նա նշել է, որ նախագահի որոշման մեջ ասվում է հավաքները սահմանափակելու մասին, սակայն չի սահմանվում ինչ-որ հստակ թիվ՝ 10, 15 կամ 20 մարդ։ |news.am|11:10- Մարտի 22-ի պաշտոնական տեղեկատվության համաձայն, Վրաստանում կորոնավիրուսով վարակված է 54 մարդ, այդ թվում առողջացած է համարվում արդեն 3 մարդ: Վրաստանում կարանտինային գոտում է գտնվում 2956 անձ, իսկ ստացիոնար հսկողության տակ է 291 պացիենտ: |aliq.ge|10:50- Թուրքիայի իշխանությունները կորոնավիրուսի պատճառով 65-ից բարձր տարիք ունեցող անձանց արգելել են փողոց դուրս գալ, հայտնում է ՌԻԱ Նովոստին՝ հղում կատարելով երկրի ՆԳՆ-ին։10:40- Իտալիայում նոր տեսակի կորոնավիրուսով պայմանավորված հիվանդութունից մահացածների թիվը մեկ օրում կազմել է մոտ 800 մարդ, մահացության դեպքերի ընդհանուր թիվը հասել է 4825-ի։ Երկրի ողջ տարածքում վարակվածների թիվը կազմում է 42 681 մարդ, որը 4871-ով ավելին է նախորդ օրվանից: Ապաքինվածների թիվը գերազանցել է 6000-ը: Այս մասին հայտնել է երկրի Քաղպաշտպանության վարչության ղեկավար Անջելո Բորելին: Նորություններ կորոնավիրուսի մասին, աշխարհ, 23․03․20 Նորություններ կորոնավիրուսի մասին, աշխարհ, 21.03.20 (թարմացվող) Նորություններ կորոնավիրուսի մասին, Հայաստան, 21.03.20 (թարմացվող)

23:01 - 22 մարտի, 2020

Կորոնավիրուսի շուրջ զարգացումներ, Հայաստան, 22.03.20 (թարմացվող)

21։25- Այս պահի դրությամբ ունենք կորոնավիրուսով վարակի 194 դեպք։ [Նիկոլ Փաշինյան] 20։08- ԱԺ «Իմ քայլը» խմբակցության պատգամավոր Սիսակ Գաբրիելյանը վստահեցնում է, որ ուրբաթ օրը ԱԺ-ում քննարկված, արտակարգ դրության օրերին տեղեկատվության տարածումը սահմանափակող կարգը խախտողներին պատասխանատվության ենթարկելու նախագիծը ԶԼՄ-ներին չի վերաբերում։ Նախագիծը վերաբերում է բլոգերներին, ֆեյսբուքյան էջերին, ԶԼՄ գործունեություն ծավալող, բայց ԶԼՄ չհանդիսացողներին և մի շարք այլ խմբերի։ |hetq.am| 19։49- «ՍԱՍ Գրուպ»-ի աշխատակիցներից մեկը ասաց, որ ընկերության տնօրենը իրեն եւ իր կոլեգաներին կանչել է գրասենյակ եւ ասել, որ դիմում գրեն ու իրենց հաշվին արձակուրդ վերցնեն՝ սպառնալով հակառակ պարագայում ազատել աշխատանքից: ՍԱՍ Գրուպ»-ի ղեկավարությունից մեկնաբանություն ստանալ չհաջողվեց: Աշխատանքի եւ սոցիալական հարցերի նախարարի մամուլի խոսնակ Սոնա Մարտիրոսյանը մեր զրույցում տեղեկացրեց, որ նախարարությունը իրոք մշակում է օրենսդրական փոփոխություն, որ վերաբերում է արտակարգ դրության իրավիճակում աշխատանքային հարաբերությունների կարգավորմանը: |armtimes.com| 19։14- Հարգելի՛ դպրոցականներ, այսուհետ մեր էջում յուրաքանչյուր շաբաթ կկիսվենք «շախմատ» առարկայի օնլայն դասերով, որը հնարավորություն կտա հետ չմնալ դպրոցական ծրագրից։ Յուրաքանչյուր տեսահոլովակ ներառում է 2 դաս։ Դասընթացները վարում է Հայկ Ազիզբեկյանը։ [Հայաստանի շախմատի ակադեմիա] 18։47- Կորոնավիրուսի (COVID-19) տարածման կանխարգելման և վերահսկման նպատակով Վրաստանի Կառավարությունն ընդունել է նոր կանոնակարգ։ Մասնավորապես, Վրաստանի քաղաքացիները հայրենիք կարող են վերադառնալ միայն Բագրատաշեն-Սադախլո սահմանային վերահսկման անցակետով, որը բաց կլինի ժամը 10։00-18։00։ Բեռնատարների համար բաց են սահմանային բոլոր վերահսկման անցակետերը շուրջօրյա ռեժիմով։ [Հայաստանում Վրաստանի դեպանություն] 18։24- Նոր տիպի կորոնավիրուսային վարակի տարածումն Արցախում կանխելուն ուղղված միջոցառումների շրջանակներում, նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի կողմից ԱՀ քաղաքաշինության նախարարությանը հանձնարարվել էր ՀՀ-ԱՀ հսկիչ անցակետերում իրականացնել կահավորման և բուժանձնակազմի համար հարմարությունների ստեղծման աշխատանքներ: ⚠️ Արցախի հսկիչ սահմանային անցակետերում իրականացվել են հետևյալ աշխատանքները. ↪️«Խարխափուտ» հսկիչ կետում տեղադրվել է 1 վագոն-տնակ և 1 կունգ (9մ երկարությամբ՝ բոլոր հարմարություններով):↪️«Աղավնո» հսկիչ կետում տեղադրվել է 1 վագոն-տնակ՝ բուժանձնակազմի և այլ պատասխանատու անձանց գիշերակացի համար, միաժամանակ՝ կահավորվել է սպասասրահը՝ վարակակիրների մեկուսացման համար:↪️«Կովսական» անցակետում տեղադրվել է 1 վագոն-տնակ:«Խնձորեսկ» հսկիչ կետում տեղադրվել է 2 վագոն-տնակ և կահավորվել: [ԱՀ քաղաքաշինության նախարարություն] 18։11- Ի կատարումն ԱՀ կառավարության ս.թ. մարտի 19-ի որոշման,նոր կորոնավիրուսի կանխարգելման և տարածման դեմ պայքարի միջոցառումները շարունակելու նպատակով ԱՀ ԿԳՍ նախարար Նարինե Աղաբալյանի հրամանով մինչև ս.թ ապրիլի 14-ը ուսումնական հաստատություններում դադարեցված է ուսումնական գործընթացը։ Այս պահին քայլեր են ձեռնարկվում ուսուցման այլընտրանքային ձևերի և մեխանիզմների գործարկման ուղղությամբ: 💻 Առայժմ դասերն իրականացվում են ըստ հնարավորությունների, ուսուցիչներն օգտագործում են հեռավար ուսուցման տարբեր հարթակներ, մասնավորապես՝ Zoom.us, Google Classroom, «Քան» ակադեմիայի հարթակները ,Viber, Skype, WhatsUpp հավելվածները։ 🤝 ԿԳՍ նախարարությունը համագործակցում է հայաստանյան գործընկերների հետ, մշտական կապի մեջ է կրթության փորձագետների հետ.օրակարգում է տեղեկատվական միասնական հարթակ ստեղծելու հարցը։ 📚 Նախարարությունն ուսուցիչներին օգնելու համար այժմ փաթեթներ է մշակում՝ ըստ առարկաների և դասարանների: [Արցախի տեղեկատվական շտաբ] 17:35- Գիտեք, որ գործարկվել է https://heravar.armedu.am/ կայքը, որտեղ հավաքված են բոլոր այն հարթակները, որով կարող է իրականացվել հեռավար ուսուցում։ Մեզ տեղեկություններ են հասնում, որ այս օրերին հեռավար կրթության հետ կապված անտատներ, կազմակերպություններ վճարովի ծառայություններ են առաջարկում, կցանկանայինք՝ դուք հետևեիք իմ նշած կայքում եղած հղումներին։ Եթե կլինեն գործընկերներ, որոնք կառաջարկեն նոր հարթակներ, խնդրում ենք դիմել մեզ։ Ըստ էության, սա արձակուրդ չէ, կապ պահպանեք դպրոցի հետ, որպեսզի դասապրոցեսը շարունակվի։ Գիտեք նաև, որ Հանրային հեռուստատեսության հետ համագործակցությամբ ունենք հեռուստադասեր, 8:30-9:30 և 11:30-12:40 դասեր են լինելու Հանրայինի եթերում։ Բացի այդ, կան ձայնագրված դասեր, որոնք կհրապարակվեն մեր ֆեյսբուքյան էջում, կա նաև մեր պաշտոնական յութուբյան էջը, որտեղ կկուտակվեն բոլոր դասերը։ Առողջական խնդիրներից խուսափելու համար Հանրայինի եթերում լինելու են ֆիզկուլտուրայի ընդմիջումներ։ [Արայիկ Հարությունյան]16:40- Կորոնավիրուսային հիվանդության հայտնաբերման նպատակով մինչ այս պահը կատարվել է 1246 լաբորատոր հետազոտություն (թեստավորում)։ [ԱՆ խոսնակ Ալինա Նիկողոսյան]16:05- Այս պահին 190 պացիենտներից 14-ը թոքաբորբ ունեն, նրանցից 6-ն ունի ինտենսիվ թերապիայի կարիք, քանի որ ունեն հարակից ուղեկցող հիվանդություններ։ Նրանք ինկուբացված չեն, վիճակը ծանր չէ, սակայն պահանջվում է մշտական հսկողություն, ինչն արվում է։ Մյուս քաղաքացիները հատուկ բուժում չեն ստանում, միայն՝ ջերմիջեցնողներ։ Մի քանի օրից կլրանա մեր բազմաթիվ քաղաքացիների վարակվելու 14-րդ օրը, թեստեր կանենք ու առողջություն մաղթելով՝ կուղեկցենք նրանց իրենց բնակավայրեր։ [Արսեն Թորոսյան]15:40-Հանրագումարով հաստատված 190 դեպքից 157-ը փոխկապակցված են երկու առաջնակի դեպքերի օջախների հետ: Ինչպես հայտնել էի երեկ` 27 պացիենտների հետ սերտ շփում ունեցած կոնտակտավորները գտնվում են կարանտինում, իսկ շփումների մյուս շրջանակը գտնվում է ինքնամեկուսացման մեջ: Մնացած 6 պացիենտի սերտ կոնտակավորները ևս պարզված են: [ԱՆ խոսնակ Ալինա Նիկողոսյան]15:00- ՀՀ աշխատանքի և սոցիալական հարցերի նախարարության հետ համագործակցությամբ` «Հայկական կարմիր խաչ» կազմակերպությունը սննդի և հիգիենիկ պարագաների մեկամսյա և եռամսյա փաթեթներ կտրամադրի աջակցության կարիք ունեցող 1400 քաղաքացիների: Շահառուները հիմնականում միայնակ տարեցներ և հաշմանդամություն ունեցող անձինք են, այդ թվում՝ սիրիահայ փախստականներ և հանրակացարաններում բնակվող անձինք։14:20- Վերին Լարսի անցակետում օրեր շարունակ գտնված շուրջ 140 ՀՀ քաղաքացիներն այսօր գիշերը Հայաստան անցնելիս սահմանին անցել են ջերմաչափում ու անհրաժեշտ արտաքին զննում։ Բոլոր քաղաքացիների առողջական վիճակը սահմանված կարգով դիտարկվել է. կասկածելի ախտանշաններ որևէ մեկի մոտ չի գրանցվել։ Հոսպիտալացում չի եղել։ Նրանց համար լրացվել են հասցեական քարտեր։ Դրանք կտրամադրվեն ՀՀ վերադարձած անձանց բնակության կամ գրանցման վայրի պոլիկլինիկաներին` այս անձանց առողջական հետագա վիճակը հսկողության տակ պահելու համար։ [ՀՀ Առողջապահական և աշխատանքի տեսչական մարմին]13:30- Աշխատանքի և սոցիալական հարցերի նախարարությունը պարզաբանել է արտակարգ դրության պայմաններում աշխատողների իրավունքները: Նշվում է, որ վերջին օրերին գործատուների մի մասը առաջնորդվում է Աշխատանքային օրենսգրքի 186-րդ հոդվածի 1-ին մասի կարգավորմամբ և վճարում է իր աշխատողներին, մի մասն էլ՝ նույն հոդվածի 6-րդ մասով՝ ընդհանրապես չվճարելով, մինչդեռ ակնհայտ է, որ ստեղծված իրավիճակում անհրաժեշտ է ցուցաբերել մեկ միասնական մոտեցում՝ ապագայում հնարավոր աշխատանքային վեճերից խուսափելու և խնդիրները դատական կարգով չլուծելու համար:13:15- Հաշվի առնելով արդարադատության նախարարի առաջին տեղակալ Ռաֆիկ Գրիգորյանի՝ արտասահմանից վերադառնալու հանգամանքը և շփումների շրջանակը՝ պարոն Գրիգորյանը թեստ է հանձնել. արդյունքը բացասական է, կորոնավիրուս չի հայտնաբերվել: [Արդարադատության նախարարության խոսնակ Լուսինե Մարտիրոսյան]12:00- Արտակարգ իրավիճակների նախարարի հրամանով՝ կառուցվածքային և տարածքային ստորաբաժանումներն իրականացնում են ախտահանման աշխատանքեր՝ հնարավոր վտանգներից խուսափելու համար: Այդ աշխատանքներին ներգրավված են ՀՀ տարածքում գործող բոլոր հրշեջ-փրկարարական խմբերի մարտական հաշվարկները. ախտահանվում են բոլոր հրշեջ-փրկարարական ջոկատների տարածքները և տեխնիկան: [ԱԻՆ]11:40- Նվիրատվությունների պահեստավորման նպատակով Երեւանում եւ մարզերում առանձնացվել են հատուկ կետեր։11:00- Վերջին շրջանում արտերկրի որոշ հասարակական շրջանակներ կազմակերպում են դրամահավաքի զանազան միջոցառումներ՝ նշելով, որ ողջ հասույթը մտադիր են ծախսել բանակի բժշկական կարիքների համար, ինչն անթույլատրելի է: Հորդորում և պահանջում ենք զերծ մնալ նմանատիպ միջոցառումներ կազմակերպելուց և բանակի անունը շահարկելուց: Հավաստիացնում ենք՝ Զինված ուժերն ապահովված են անհրաժեշտ քանակի նյութերով ու պարագաներով և հավելյալ օգնության կամ աջակցության կարիք չունեն: Խնդրում ենք ձեռնպահ մնալ ՊՆ անունից կամ նախարարության համար ներկայացվող որևէ դրամահավաքության մասնակցությունից: [Հայկական միասնական տեղեկատվական կենտրոն]10:20- Առողջապահության ազգային Ինստիտուտ/ National Institute of Health, Armenia-ի, NCDC, Armenia / Հիվանդությունների վերահսկման և կանխարգելման Ազգային Կենտրոնի և մասնագիտական ասոցիացիաների հետ մեկտեղ սկսում ենք տեսադասախոսությունների շարք նոր կորոնավիրուսային հիվանդության վերաբերյալ բուժաշխատողների համար, որպեսզի բարձրացնենք առողջապահական համակարգի պատրաստվածության աստիճանը։ [Արսեն Թորոսյան]10:00- Հայաստանում մարտի 22-ի ժամը 10:00-ի դրությամբ կորոնավիրուսի հաստատված դեպքերի թիվը հասել է 190-ի, գրանցվել է վարակի ևս 30 դեպք։ [ԱՆ Հիվանդությունների վերահսկման և կանխարգելման ազգային կենտրոն]Կորոնավիրուսի շուրջ զարգացումներ, Հայաստան, 23.03.20 Նորություններ կորոնավիրուսի մասին, աշխարհ, 22․03․20 (թարմացվող) Նորություններ կորոնավիրուսի մասին, աշխարհ, 21.03.20 (թարմացվող) Նորություններ կորոնավիրուսի մասին, Հայաստան, 21.03.20 (թարմացվող)

22:59 - 22 մարտի, 2020