ՀԱՊԿ

Հավաքական անվտանգության մասին Պայմանագիրը ստորագրվել է 1992թ. մայիսի 15-ին Հայաստանի, Ղազախստանի, Ղրղզստանի, Ռուսաստանի, Տաջիկստանի եւ Ուզբեկստանի ղեկավարների կողմից:

Հավաքական անվտանգության մասին Պայմանագրում առանձնահատուկ կարեւորություն ունի վերջինիս 4-րդ հոդվածը, համաձայն որի «եթե անդամ պետություններից որեւէ մեկը ենթարկվի ագրեսիայի որեւէ պետության կամ պետությունների խմբի կողմից, ապա անդամ պետությունների կողմից դա կհամարվի որպես ագրեսիա սույն Պայմանագրի բոլոր մասնակից պետությունների դեմ:

Մասնակից պետություններից որեւէ մեկի դեմ ագրեսիայի ակտի ի հայտ գալու պարագայում, մնացած մասնակից պետությունները կցուցաբերեն անհրաժեշտ օժանդակություն` ներառյալ ռազմական օգնությունը, նաեւ կցուցաբերեն օժանդակություն իրենց տրամադրության տակ գտնվող միջոցներով` հավաքական պաշտպանության իրավունքի իրագործման կարգին համապատասխան` համաձայն ՄԱԿ-ի կանոնադրության 51-րդ հոդվածի»:

Պայմանագրով նաեւ նախատեսված է խորհրդատվությունների մեխանիզմ` մասնակից պետության կամ մի քանի մասնակից պետությունների անվտանգությունը, տարածքային ամբողջականությունը եւ ինքնիշխանությունը վտանգող սպառնալիքի դեպքում, կամ միջազգային խաղաղությանը եւ անվտանգությանը սպառնալիքի պարագայում:

ՀԱՊԿ-ը հնարավոր է ստեղծի հավաքական անվտանգության սպառնալիքների հայտնաբերման կենտրոն |hetq.am|

hetq.am: Հավաքական անվտանգության պայմանագրի կազմակերպությունը դիտարկում է իրադրության մշտադիտարկման և հավաքական անվտանգության սպառնալիքների հայտնաբերման տեղեկատվական-վերլուծական կենտրոնի ստեղծման հնարավորությունը։ Այդ մասին գրում է «РИА-Новости»-ն՝ հղում անելով ՀԱՊԿ հավաքական անվտանգության խորհրդի հռչակագրին։ ՀԱՊԿ հավաքական անվտանգության խորհրդի նիստը կայացել է չորեքշաբթի՝ դեկտեմբերի 2-ին առցանց ֆորմատով, որը նախագահել է ՌԴ նախագահ Վլադիմիր Պուտինը։ Հռչակագրի տեքստը հրապարակվել է Կրեմլի պաշտոնական կայք էջում։ «Հավաքական անվտանգության սպառնալիքների ժամանակին հայտնաբերման և իրադրության մշտադիտարկման նպատակներով՝ անդամ պետությունները դիտարկում են ՀԱՊԿ տեղեկատվական-վերլուծական կենտրոնի ստեղծման հնարավորությունը»,- նշվում է հռչակագրի տեքստում։ Շարունակությունը՝ hetq.am-ում

11:05 - 03 դեկտեմբերի, 2020

ՀԱՊԿ-ը մտադիր է զարգացնել իր խաղաղապահ ներուժը. Ստանիսլավ Զաս |tert.am|

tert.am: Հավաքական անվտանգության պայմանագրի կազմակերպությունը (ՀԱՊԿ) մտադիր է զարգացնել իր խաղաղապահ ներուժը: Ինչպես փոխանցում է ТАСС գործակալությունը, այս մասին կազմակերպության Հավաքական անվտանգության խորհրդի նիստի ավարտին լրագրողներին հայտնել է ՀԱՊԿ գլխավոր քարտուղար Ստանիսլավ Զասը: «Այսօր մեր գործունեության համար մի շարք կարևոր փաստաթղթեր են ստորագրվել տարբեր ոլորտներում: Դրանք փաստաթղթեր են մեր խաղաղապահ ներուժի զարգացման և ՄԱԿ-ի խաղաղապահ գործունեությանը միանալուն ուղղված հետագա քայլերի մասին»,- ասել է Զասը: Նրա խոսքով՝ երկրների ղեկավարները պայմանավորվել են, որ ՀԱՊԿ խաղաղապահ ուժերը կմիանան ՄԱԿ-ի հովանու ներքո տեղի ունեցող գործողություններին:

20:14 - 02 դեկտեմբերի, 2020

ՀԱՊԿ երկրները կշարունակեն հավաքական ուժերը զինել ժամանակակից զենքերով |1lurer.am|

1lurer.am: ՀԱՊԿ անդամ երկրները մտադիր են շարունակել արագ արձագանքման հավաքական ուժերի զինումը ժամանակակից զենքերով՝ ինչպես հաղորդում է РИА Новости-ն, ասվում է ՀԱՊԿ անվտանգության խորհրդի հռչակագրում: «ՀԱՊԿ անդամ երկրները մտադիր են շարունակել արագ արձագանքման հավաքական ուժերի զինումը ժամանակակից զենքերով, ռազմական և հատուկ տեխնիկայով՝ նրանց մարտական բարձր պատրաստվածությունն ապահովելու, նոր մարտահրավերներին և սպառնալիքներին արդյունավետորեն դիմակայելու համար»,- ասվում է փաստաթղթում:

19:54 - 02 դեկտեմբերի, 2020

ՀԱՊԿ-ն ուժեղացնում է ահաբեկչության դեմ պայքարը |1lurer.am|

1lurer.am: Տեսակոնֆերանսի միջոցով անցկացված ՀԱՊԿ Հավաքական անվտանգության խորհրդի նիստի ժամանակ, որը վարում էր ՌԴ նախագահ Վլադիմիր Պուտինը, ընդունվել է փաստաթղթերի ցանկ, ինչպես նաև հայտարարություն՝ հաղորդում է РИА Новости-ն: «ՀԱՊԿ անդամ պետությունները, խստորեն դատապարտելով ահաբեկչությունն իր բոլոր ձևերով և դրսևորումներով, նպատակ ունեն շարունակել հավաքական ջանքեր գործադրել ահաբեկչության դեմ պայքարում ՄԱԿ-ի կենտրոնական համակարգող դերի ներքո` կազմակերպության Անվտանգության խորհրդի և Հակաահաբեկչական գլոբալ ռազմավարության համապատասխան բանաձևերի լիարժեք կատարմամբ»,- ասված է հռչակագրում:

19:26 - 02 դեկտեմբերի, 2020

ՀԱՊԿ-ի երկրները կշարունակեն համատեղ վարժանքների անցկացումը |armenpress.am|

armenpress.am: ՀԱՊԿ-ի անդամ պետությունները կշարունակեն կանոնավոր համատեղ վարժանքների անցկացումը: Այդ մասին ասվում Է Հավաքական անվտանգության մասին Հավաքական անվտանգության պայմանագրի կազմակերպության հռչակագրում: «Անդամ պետությունները կշարունակեն կանոնավոր համատեղ վարժանքների անցկացումը: Այդ համատեքստում նրանք բարձր են գնահատում ամեն տարի անցկացվող համատեղ վարժանքների արդյունավետությունը»,-ասվում Է փաստաթղթում:, հաղորդել Է ՌԻԱ Նովոստին:

18:15 - 02 դեկտեմբերի, 2020

Փաշինյանը ՀԱՊԿ երկրների ղեկավարների նիստում կարևորեց գերիների և զոհվածների մարմինների փոխանակման հարցի լուծումը |armenpress.am|

armenpress.am: ՀՀ վարչապետ Նիկոլ Փաշինյանը կարևորեց Լեռնային Ղարաբաղի հակամարտության հետևանքով գերեվարված անձանց և զոհվածների մարմինների փոխանակման հարցի լուծումը: Այս մասին Փաշինյանն ասաց Հավաքական անվտանգության պայմանագրի կազմակերպության Հավաքական անվտանգության խորհրդի առցանց նստաշրջանի ընթացքում: «Վերջին երկու ամիսները հայ ժողովրդի համար դարձան ագրեսիայի դիմակայման շրջան: Թուրքիայի և Մերձավոր Արևելքի երկրներից ահաբեկիչ վարձկանների կողմից սատարվող Ադրբեջանը պատերազմ սանձազերծեց հայ ժողովրդի դեմ: Ռուսաստանի Դաշնության միջնորդական ջանքերով հնարավոր եղավ կանգնեցնել պատերազմական գործողությունները ու պայմանավորվել իրավիճակի ապաէսկալացման պայմանների շուրջ: Արդեն ավելի քան 3 շաբաթ է, ինչ դադարեցված են ռազմական գործողությունները: Հակամարտության գոտում տեղակայված են ռուս խաղաղապահները: Սակայն, այսօրվա դրությամբ մենք դեռ ունենք մի շարք անհետաձգելի խնդիրներ: Առաջին հերթին դա ռազմագերիների, այլ պահվող անձանց, ինչպես նաև զոհվածների մարմինների փոխանակման և անհետ կորածների ճակատագրերի բացահայտումն է: Հայկական կողմը պատրաստ է ինտենսիվացնել իր գործողությունները` արագացնելու այդ գործընթացը և բարձրացնելու դրա արդյունավետությունը»,- ասաց Փաշինյանը: Վարչապետը նշեց, որ միաժամանակ անհրաժեշտ է բացառել բռնության գործադրման դեպքերը ռազմագերիների ու այլ պահվող անձանց նկատմամբ և նրանց արժանապատվության նսեմացումը: «Երկրորդ հերթին` դա ԼՂ ժողովրդի վերադարձն է իրենց տները, վերականգնելը բնականոն կյանքը Լեռնային Ղարաբաղում: Մարդիկ պետք է վստահ լինեն, որ գտնվում են անվտանգության մեջ և կարող են շարունակել ապրել իրենց հողում: Մի քանի տասնյակ հազար արցախցիներ արդեն վերադարձել են իրենց տները, և մենք ներդնում ենք բոլոր ջանքերը, որպեսզի օգնենք և աջակցենք մեր հայրենակիցներին: Անհրաժեշտ է քայլեր ձեռնարկել պաշտպանելու հայ ժողովրդի կրոնական և մշակութային կոթողները, որոնք գտնվում են ադրբեջանական զորքերի կողմից զբաղեցված տարածքներում»,- նշեց վարչապետը: Նիկոլ Փաշինյանը կարևորեց նաև տարածաշրջանում տնտեսական և տրանսպորտային կապերի ապաշրջափակումը: «Դրանք անհրաժեշտ են տարածաշրջանում երկարաժամկետ խաղաղության հաստատման համար: Լեռնային Ղարաբաղում տեղակայված ռուսական խաղաղապահ առաքելությունն այսօր հանդիսանում է տարածաշրջանում անվտանգության և խաղաղության երաշխավոր»,- ասաց Փաշինյանը՝ կարևորելով Ռուսաստանի Դաշնության նախագահ Վլադիմիր Պուտինի միջնորդական ջանքերը պատերազմի դադարեցման գործում:

15:22 - 02 դեկտեմբերի, 2020

Հայաստանի իշխանությունները ստիպված էին շատ դժվար որոշումներ կայացնել. ՌԴ նախագահ |shantnews.am|

shantnews.am: «Հայաստանի իշխանությունները ստիպված էին շատ դժվար որոշումներ կայացնել, բայց՝ ժողովրդի համար անհրաժեշտ»,- ՀԱՊԿ խորհրդի հեռավար նիստին ասել է ՌԴ նախագահ Վլադիմիր Պուտինը։ «Իրոք, Հայաստանը, հայ ժողովուրդը հիմա անցել է իր պատմության մեջ շատ դժվար ժամանակաշրջան: Եվ Հայաստանի ղեկավարությունը, ՀՀ կառավարության նախագահը, վարչապետը ստիպված էին շատ դժվար, բայց Հայաստանի ժողովրդի համար անհրաժեշտ որոշումներ կայացնել: Պետք է նշեմ, որ այդ որոշումները, իհարկե, ցավոտ են , բայց ևս մեկ անգամ շեշտեմ. դրանք անհրաժեշտ էին և մեծ անձնական խիզախություն էին պահանջում վարչապետից», – ասել է Պուտինը։ Նա շեշտել է, որ դա ակնհայտ է, և այսօրվա հանդիպմանը ներկա գտնվողներից յուրաքանչյուրը հասկանում է պատասխանատվության աստիճանը նման տեսակի որոշումներ կայացնելիս: «Նա (Հայաստանի վարչապետը) իր վրա վերցրեց այդ պատասխանատվությունը: Եվ մեր խնդիրն է այժմ աջակցել վարչապետին և իր թիմին՝ խաղաղ կյանք հաստատելու, բոլոր որոշումների իրականացմանը հասնելու և օգնելու մարդկանց, որոնք հայտնվել են ծանր իրավիճակում», – ասել է Ռուսաստանի Դաշնության Նախագահը:

14:48 - 02 դեկտեմբերի, 2020

Քննարկվում է ՀԱՊԿ անդամ երկրներում Սպուտնիկ V պատվաստանյութը համատեղ արտադրելու հնարավորությունը. Պուտին |armenpress.am|

armenpress.am: Ներկայումս քննարկվում է կորոնավիրուսի դեմ ռուսական «Սպուտնիկ V» պատվաստանյութը ՀԱՊԿ-ի անդամ երկրներ մատակարարելու և այդ երկրներում այն այն համատեղ արտադրելու հնարավորության հարցը: Այս մասին հայտարարել է ՌԴ նախագահ Վլադիմիր Պուտինը ՀԱՊԿ խորհրդի նիստում` տեսակոնֆերանսի ռեժիմով: «Ներկայումս քննարկվում է ռուսական «Սպուտնիկ V» պատվաստանյութը ՀԱՊԿ անդամ պետություններին մատակարարելու հարցը և ձեր երկրներում դրա հնարավոր համատեղ արտադրության հարցեր», - ասել է Պուտինը՝ դիմելով ՀԱՊԿ անդամ երկրների ղեկավարներին: Նա նշել է, որ դա վերաբերում է նաև ռուսական երկու այլ պատվաստանյութերին, այդ թվում ՝ «ЭпиВакКороны» պատվաստանյութին, որը նույնպես անցել է գրանցման գործընթացը:

14:36 - 02 դեկտեմբերի, 2020

Եռակողմ հայտարարությունը հետևողականորեն կյանքի է կոչվում. Պուտին |armenpress.am|

armenpress.am: Ռուսաստանի Դաշնության նախագահ Վլադիմիր Պուտինը կարևորեց Լեռնային Ղարաբաղի հակամարտությունից տուժած անձանց համակարգված օգնություն ցույց տալը: Այս մասին Պուտինն ասաց դեկտեմբերի 2-ին ՀԱՊԿ Հավաքական անվտանգության խորհրդի առցանց նստաշրջանի ընթացքում՝ նշելով, որ այժմ հետևողականորեն կյանքի է կոչվում Լեռնային Ղարաբաղի վերաբերյալ Ռուսաստանի, Հայաստանի և Ադրբեջանի ղեկավարների միջև ստորագրված եռակողմ հայտարարությունը: «Բոլորին քաջ հայտնի է, որ անհրաժեշտ եղան Ռուսաստանի ակտիվ միջնորդական ջանքերը, որպեսզի կանխվի արյունահեղությունը Լեռնային Ղարաբաղի հակամարտության գոտում՝ հասնելու կրակի ամբողջական դադարեցման ու սկսելու կայունացման գործընթացը: Միաժամանակ մենք հետևել ենք ԵԱՀԿ Մինսկի խմբի համանախագահության միջոցով հասած անկյունաքարային պայմանավորվածություններին: Այժմ եռակողմ հայտարարությունը` Ռուսաստանի, Հայաստանի ու Ադրբեջանի, հետևողականորեն կյանքի է կոչվում: Հակամարտության գծով և Լաչինի միջանցքում տեղակայված են ռուս խաղաղապահները»,- ասաց Պուտինը: Վլադիմիր Պուտինը կարևորեց Լեռնային Ղարաբաղի հակամարտության գոտում տուժած անձանց համակարգված օգնություն ցույց տալը: «Կարևոր է օգնություն ցույց տալ` լուծելու հումանիտար խնդիրները, որոնք կապված են փախստականների վերադարձի, ավերված ենթակառուցվածքների վերանորոգման, մշակութային և կրոնական կոթողների պաշտպանության հետ: Ռուսական կողմը, Երևանի և Բաքվի հետ համագործակցելով, արդեն զբաղվում է այս բոլոր հարցերով»,- նշեց ՌԴ նախագահը:

14:19 - 02 դեկտեմբերի, 2020

ՀԱՊԿ ԱԳ նախարարների խորհրդի հաջորդ նիստը կկայանա 2021-ին Դուշանբեում |tert.am|

tert.am: Հավաքական անվտանգության պայմանագրի կազմակերպության (ՀԱՊԿ) անդամ երկրների ԱԳ նախարարների խորհրդի հաջորդ նիստը կկայանա 2021 թվականի մայիսին Դուշանբեում:ТАСС գործակալության փոխանցմամբ՝ այս մասին լրագրողներին հայտնել է կազմակերպության մամուլի քարտուղար Վլադիմիր Զայնետդինովը:Երեքշաբթի տեսահամաժողովի ձևաչափով կայացած նիստում ՀԱՊԿ ԱԳ նախարարները քննարկել են անվտանգությանն ու կազմակերպության գործունեության արդյունավետության բարձրացմանն առնչվող հարցերը:«Հաստատվել են մի շարք փաստաթղթեր և քաղաքական հայտարարություններ, որոնք կներկայացվեն ՀԱՊԿ անդամ երկրների ղեկավարների դիտարկմանն ու հաստատմանը կազմակերպության Հավաքական անվտանգության խորհրդի՝ դեկտեմբերի 2-ին կայանալիք նիստում»,- ընդգծել է Զայնետդինովը:

23:19 - 01 դեկտեմբերի, 2020

Ադրբեջանն արհեստականորեն ձգձգում է հայ ռազմագերիների ու պատանդների փոխանակումը. Ալեն Սիմոնյանը՝ ՀԱՊԿ խորհրդարանական վեհաժողովի Խորհրդի համատեղ նիստին |1lurer.am|

1lurer.am: «Ադրբեջանն արհեստականորեն ձգձգում է հայ ռազմագերիների ու պատանդների փոխանակումը»,- ՀԱՊԿ խորհրդարանական վեհաժողովի Խորհրդի համատեղ նիստին շեշտել է Հայաստանի խորհրդարանի փոխնախագահը։ Տեսակոնֆերանսի ժամանակ Ալեն Սիմոնյանն ընդգծել է, որ նոյեմբերի 9-ի եռակողմ հայտարարության ստորագրումից հետո, որով հնարավոր եղավ կանխել արյունահեղությունը, պետք է սկսվեր հումանիտար բնույթի կարևոր խնդիրների լուծումը, սակայն մինչև այսօր ադրբեջանական կողմն ընդառաջ չի գնում Հայաստանի, Ռուսաստանի ու Ադրբեջանի ղեկավարների հայտարարությամբ ամրագրված 8-րդ կետի կատարմանը։ ԱԺ փոխնախագահը հույս է հայտնել, որ այս բարդ ժամանակահատվածում դաշնակիցներն այս հարցում աջակցություն կցուցաբերեն։ «Այդ հայտարարության 8-րդ կետը նախատեսում է՝ մեջբերում եմ «ռազմագերիների, պատանդների և պահվող այլ անձանց, նաև զոհվածների դիերի փոխանակում»։ Այդ պրոցեսը պետք է սկսվեր հայտարարության ստորագրումից անմիջապես հետո, մինչդեռ մենք խոր ցավով ստիպված ենք արձանագրել, որ Ադրբեջանն արհեստականորեն ձգձգում է գործընթացը։ Այսօր սա ամենացավոտ խնդիրն է, որը պահանջում է հրատապ լուծում՝ Ադրբեջանում պահվող հայ ռազմագերիների և մյուս անձանց շուտափույթ վերադարձը տուն, ինչը համապատասխանում է Ժնևյան կոնվենցիայի պահանջներին։ Այս կապակցությամբ կոչ եմ անում օգտագործել ձեր բարձր դիրքը և ձեր հեղինակությունը, որպեսզի ազդեք ադրբեջանական կողմի վրա և հորդորեք այսօր ևեթ սկսել ռազմագերիների հանձնման գործընթացն ու երաշխավորել նրանց՝ կոնվենցիայով ամրագրված իրավունքներն ու ազատությունները»,- ասել է Սիմոնյանը։

20:04 - 01 դեկտեմբերի, 2020