Ինֆոթեգեր Մեր մասին
hy en ru
Նվիրաբերել

Վրաստան

Վրաստանի Հանրապետություն ինքնիշխան պետություն Հարավկովկասյան տարածաշրջանում, որը միջանկյալ դիրք է զբաղեցնում Արևելյան Եվրոպայի և Հարավարևմտյան Ասիայի միջև։ Գտնվում է Առաջավոր Ասիայում՝ Մեծ Կովկասի լեռնային համակարգի արևմտյան և կենտրոնական հատվածներում:

Զբաղեցնում է 69 700 կմ քառ․ տարածք, իսկ բնակչությունը՝ ըստ 2019 թվականի մարդահամարի տվյալների, կազմում է 3 723 500 մարդ։ Բնակչության ճնշող մեծամասնությունը կազմում են վրացիները, գլխավոր ազգային փոքրամասնություններն են ադրբեջանցիներն ու հայերը։ Վրաստանը խորհրդարանական կառավարման համակարգով սահմանադրական, բազմակուսակցական հանրապետություն է։

Պոմպեոն հանդիպել է Վրաստանի նախագահի հետ |aliq.ge|

Պոմպեոն հանդիպել է Վրաստանի նախագահի հետ |aliq.ge|

aliq.ge: ԱՄՆ պետքարտուղար Մայք Պոմպեոն հանդիպել է Վրաստանի նախագահ Աալոմե Զուրաբիշվիլիին, հանդիպումը կայացել է նախագահի նստավայրում: Հանդիպման ընթացքում ԱՄՆ պետքարտուղարն ԱՄՆ-ի անունից ևս մեկ անգամ հաստատել է Վրաստանի ինքնիշխանության ու տարածքային աբողջականության հանդեպ աջակցությունը: Հանդիպման մանրամասների մասին տեղեկությունը տարածել է Վրաստանում ԱՄՆ դեսպանությունը: Պոմպեոն նաև գլոբալ ահաբեկչության դեմ պայքարում երկրի ներուժի մասին է խոսել: «ԱՄՆ պետքարտուղարի համար հաճելի էր նախագահին հանդիպել Օրբելիանիի պալատում, որտեղ նախկինում տեղակայված էր ԱՄՆ դեսպանությունը»,- նշված է հայտարարության մեջ: Պոմպեոյի այցը Վրաստան ավարտվում է այսօր:
12:50 - 18 նոյեմբերի, 2020
Վրաստանում ԱՄՆ պետքարտուղարի այցին զուգահեռ ընդդիմությունը ցույց է անցկացնում |aliq.ge|

Վրաստանում ԱՄՆ պետքարտուղարի այցին զուգահեռ ընդդիմությունը ցույց է անցկացնում |aliq.ge|

aliq.ge: Թբիլիսիում ԱՄՆ պետքարտուղար Մայք Պոմպեոյի՝ Վրաստան այցին զուգահեռ ընդդիմությունը լուռ ցույց է անցկացնում: Ցուցարարները հավաքվել են Ռուսթավելիի մետրոյի հարակից տարածքում, որտեղից շարժվելու են դեպի Ֆիլհարմոնիկ դահլիճի տարածք: Այստեղ նրանց կմիանան «Լելո» կուսակցության անդամներն ու աջակիցները: Այնուհետև երթով կտեղափոխվեն դեպի խորհրդարանի տարածք: Ցույցի կազմակերպիչներից «Եվրոպական Վրաստան» կուսակցության առաջնորդներից Գիգի Ուգուլավան նշել է, որ ցույցի հիմնական նպատակն է ցույց տալ Պոմպեոյին, որ Վրաստանում ընտրությունները կեղծվել են: «Այսպիսով կգրավենք ԱՄՆ պետքարտուղարի աշխատակազմի ու միջազգային լրատվամիջոցների ուշադրությունը»,- հայտարարել է Ուգուլավան ու կոչ արել բոլոր նրանց, ովքեր գտնում են, որ ընտրությունները կեզծվել են, դուրս գալ փողոց:
11:28 - 18 նոյեմբերի, 2020
ԱԺ-ն վավերացրեց վարկային համաձայնագրի մասհանումների ժամկետը երկարաձգող նամակ-համաձայնագիրը |armenpress.am|

ԱԺ-ն վավերացրեց վարկային համաձայնագրի մասհանումների ժամկետը երկարաձգող նամակ-համաձայնագիրը |armenpress.am|

armenpress.am: ՀՀ ազգային ժողովը վավերացրեց «Կովկասյան էլեկտրահաղորդման ցանց I - Հայաստան-Վրաստան հաղորդիչ գիծ/ենթակայաններ» վարկային համաձայնագրի մասհանումների ժամկետի երկարաձգում եւ հետվճարման փոփոխված ժամանակացույց» նամակ-համաձայնագիրը: Այս համաձայնագրի մասհանումների ժամկետի երկարաձգում եւ հետվճարման փոփոխված ժամանակացույց» նամակ-համաձայնագիրը վավերացնելու մասին օրենքի նախագիծն ԱԺ նիստում ներկայացրեց ՀՀ տարածքային կառվարման և ենթակառուցվածքների փոխնախարար Հակոբ Վարդանյանը: «Այս վարկային համաձայնագրով նախատեսված էր կառուցել Հրազդանի տարածաշրջանից, մասնավորապես, Դդմաշենից մինչև Վրաստանի սահման էլեկտրահաղորդման գիծ, Դդմաշենում՝ ենթակայան և Այրումում՝ փոխակերպիչ կայան, որը հնարավորություն կտա Հայաստանի էներգոհամակարգին զուգահեռ աշխատանք ապահովել և՛ Իրանի, և՛ Վրաստանի, և՛ Ռուսաստանի հետ միաժամանակ»,- ասաց Վարդանյանը: Հայաստանի Հանրապետության և Վերականգնման վարկերի բանկի միջեւ 2020թ. հուլիսի 1-ին ստորագրված «Կովկասյան էլեկտրահաղորդման ցանց II - Հայաստան-Վրաստան հաղորդիչ գիծ/ենթակայաններ» վարկային համաձայնագրի մասհանումների ժամկետի երկարաձգում եւ հետվճարման փոփոխված ժամանակացույց» նամակ-համաձայնագրով նախատեսվում են Վարկային համաձայնագրի 3.2 հոդվածով սահմանված կարգով մասհանումներ, համաձայն որի՝ մասհանումների պահանջ ներկայացնելու վերջնաժամկետը կարող է երկարաձգվել մինչև 2025 թվականի դեկտեմբերի 31-ը: Անդրադառնալով հարցին, թե ինչու են մասհանումների կատարման ժամկետը երկարաձգում՝ նա ասաց, որ նախորդ կառաավարության կողմից ծրագիրը ժամանակավորապես կասեցվել էր, և չէր իրականացվում, որպեսզի գնահատվեին դրա տեխնիկատնտեսական արդյունավետությունը և այլ հնարավոր իրականացման մեթոդները: Նախագիծն ընդունվեց միաձայն` 71 «կողմ» ձայնով:
11:03 - 18 նոյեմբերի, 2020
ԱՄՆ պետքարտւղար Մայք Պոմպեոն ժամանել է Վրաստան |shantnews.am|

ԱՄՆ պետքարտւղար Մայք Պոմպեոն ժամանել է Վրաստան |shantnews.am|

shantnews.am: ԱՄՆ պետքարտուղար Մայք Պոմպեոն Թուրքիայից ժամանեց Վրաստան: Նա Վրաստան է ժամանել տեղակալի և տիկնոջ հետ: Օդանավակայանում ԱՄՆ պետքարտուղարին դիմավորեցին արտաքին գործերի նախարար Դավիթ Զալկալիանին, ԱՄՆ-ում Վրաստանի դեսպան Դավիթ Բաքրաձեն և Վրաստանում ԱՄՆ դեսպան Քելի Դեգնանը: Այցի շրջանակներում Մայք Պոմպեոն հանդիպումներ կունենա նոյեմբերի 18-ին: Նախատեսված են պետքարտուղարի հանդիպումները Վրաստանի վարչապետ Գիորգի Գախարիայի, Վրաստանի նախագահ Սալոմե Զուրաբիշվիլու և Վրաստանի արտգործնախարար Դավիթ Զալկալիանիի հետ: Մայք Պոմպեոն Թբիլիսիում հանդիպում կունենա նաև Համայն Վրաստանի կաթողիկոս-պատրիարք Իլյա Երկրորդի հետ: Քաղաքացիական հատվածի ներկայացուցիչների հետ հանդիպում նախատեսված չէ: Վրաստանում ԱՄՆ դեսպանը սխալ է համարել այն հանգամանքը, որ երկիր ժամանած ԱՄՆ բարձր պաշտոնյայի օրակարգում ընդդիմության հետ հանդիպում նախատեսված չէ, այն դեպքում, երբ խորհրդարանական ընտրությունների արդյունքները վիճարկվում են: Պոմպեյի կողմից նախատեսված չի նաև որևէ հայտարարություն: Տասը երկրներ շրջայցի ամփոփիչ հայտարարությունը ԱՄՆ պետպաշտոնյան կանի  հայրենիքում: Վաղը Մայք Պոմպեոն Վրաստանից կմեկնի Իսրայել:
21:16 - 17 նոյեմբերի, 2020
Ավելի քան 3000 նոր դեպք մեկ օրում. կորոնավիրուսի նոյեմբերի 15-ի տվյալները

Ավելի քան 3000 նոր դեպք մեկ օրում. կորոնավիրուսի նոյեմբերի 15-ի տվյալները

Նոյեմբերի 15-ի ժամը 11:00-ի դրությամբ, Վրաստանում արձանագրվել է կորոնավիրուսով վարակման 3 020 նոր դեպք: Ընդհանուր դեպքերի քանակը երկրում 79 678 է: Այս մասին գրում է կառավարության կողմից ստեղծված stopcov.ge կայքը:  Վրաստանում վերջին 24 ժամվա ընթացքում կորոնավիրուսից բուժվել է ևս 3 387 պացիենտ: Երկրում ընդհանուր հաշվով վարակը հաղթահարել է 62 061 մարդ: Վերջին 24 ժամվա ընթացքում երկրում վարակից մահացել է ևս 34 մարդ, ընդհանուր՝ 703:
11:54 - 15 նոյեմբերի, 2020
Վրաստանի ընդդիմությունը ցույցեր է անցկացնում՝ պահանջելով խորհրդարանի նոր ընտրություններ |1lurer.am|

Վրաստանի ընդդիմությունը ցույցեր է անցկացնում՝ պահանջելով խորհրդարանի նոր ընտրություններ |1lurer.am|

1lurer.am: Այսօր Թբիլիսիում կազմակերպվել են զանգվածային բողոքի ցույցեր, որի մասնակիցները պահանջել են խորհրդարանի նոր ընտրություններ անցկացնել՝ տեղեկացնում է Настоящее Время-ն: Բողոքի ակցիաներն անցկացվում են Վրաստանի խորհրդարանի շենքի մատույցներում, որտեղ  հավաքվել են հազարավոր մարդիկ: Քաղաքի կենտրոնում երթևեկությունը կաթվածահար է եղել: Բողոքի ակցիային մասնակցում են Վրաստանի ընդդիմադիր կուսակցությունների անդամներ ու համակիրներ, քաղաքացիական ակտիվիստներ: Թբիլիսիի ցույցերին միացել են նաև Վրաստանի շրջանների բնակիչները: Խորհրդարանի նոր ընտրություններից բացի` ակցիայի մասնակիցները պահանջում են նաև ԿԸՀ-ի ղեկավարի հրաժարականն ու բոլոր քաղբանտարկյալների ազատ արձակումը:
19:23 - 14 նոյեմբերի, 2020
Վրաստանում ընտրությունների երկրորդ փուլը կանցկացվի նոյեմբերի 21-ին |1tv.ge|

Վրաստանում ընտրությունների երկրորդ փուլը կանցկացվի նոյեմբերի 21-ին |1tv.ge|

1tv.ge: Կենտրոնական ընտրական հանձնաժողովի հրամանագրի համաձայն, Վրաստանում մեծամասնական ընտրակարգով ընտրությունների երկրորդ փուլը տեղի կունենա նոյեմբերի 21-ին: Այդ մասին այսօր ԿԸՀ-ում կայացած նիստից հետո անցկացված ճեպազրույցում հայտարարել է ԿԸՀ նախագահի տեղակալ Գիորգի Շարաբիձեն: Վրաստանի ԿԸՀ-ի նախագահի տեղակալը գնահատել է նաև այսօրվա նիստը եւ ԿԸՀ-ի շենքի դիմաց  զարգացումները: «Շատ շնորհակալ եմ բարձր հետաքրքրության համար: Կարծում եմ, այսօր շատ հետաքրքիր և կարևոր նիստ տեղի ունեցավ ընտրական վարչակազմում, ընտրական վարչությունում, ԿԸՀ-ն ունկնդրել է բոլոր սուբյեկտներին, այդ թվում, հասարակական կազմակերպություններից մեկին՝ բողոքների վերաբերյալ և կայացվել է համապատասխան որոշում: Կցանկանայի շեշտել, որ այսօրվա նիստն անցավ օրենքի լիարժեք համապատասխանությամբ, չնայած ընտրական վարչության, դրա անդամների վրա ոչ միայն ճնշում գործադրելու փորձ կար, այլև որոշ չափով սպառնացող հայտարարություններ: Դա կտրականապես անընդունելի է, ընտրական վարչությունը, Կենտրոնական ընտրական հանձնաժողովն իրականացնում են օրենքով սահմանված լիազորությունները և այն կիրականացնեն օրենքով իրեն տրված լիազորությունների շրջանակներում: Եվս մեկ անգամ ուզում եմ հիշեցնել, որ ընտրական վարչակազմն իր նիստում նշանակել է երկրորդ փուլերը, և դրանք կանցկացվեն օրենքով սահմանված ժամկետում՝ այս տարվա նոյեմբերի 21-ին», – հայտարարել է Գիորգի Շարաբիձեն: Այս պահին առկա տվյալների համաձայն, մեծամասնական ընտրակարգով ընտրությունների երկրորդ փուլը կանցկացվի 17 ընտրատարածքներում: Այսօր ԿԸՀ-ի նիստին հանձնաժողովի անդամները քննարկել են օրակարգային ընդհանուր 22 հարց: Այդ թվում առաջին հարցը վերաբերում էր ընդդիմության և Վրաստանի երիտասարդ իրավաբանների միության բողոքներին՝ շրջանային հանձնաժողովների ամփոփ արձանագրությունների վերաբերյալ: ԿԸՀ-ն բողոքներից ոչ մեկը չի բավարարել: Ավելին՝ 1tv.ge-ում
09:23 - 14 նոյեմբերի, 2020
3 473 նոր դեպք. Կորոնավիրուսի նոր «ռեկորդներ» Վրաստանում |aliq.ge|

3 473 նոր դեպք. Կորոնավիրուսի նոր «ռեկորդներ» Վրաստանում |aliq.ge|

aliq.ge: Վերջին մեկ օրվա ընթացքում Վրաստանում հաստատվել է կորոնավիրուսով վարակի 3 473 նոր դեպք: Տվյալները հրապարակում է StopCov կառավարական հատուկ կայքը: Օրվա ցուցանիշը  353 դեպքով բարձր է նախօրեից: Երեկ առաջին անգամ երկրում  վարակվածների թիվն անցել է 3000-ի շեմը: Մեկ օրում ապաքինվել է 3 342 պացիենտ, ընդհանուր` 55 511: Մահերի թիվն ավելացել է 37-ով` հասնելով 636-ի: Փետրվարի 26-ից մինչ հիմա Վրաստանում վարակվածների թիվը 73 154 է:
13:18 - 13 նոյեմբերի, 2020
Կորոնավիրուսի տարածումը Վրաստանում ըստ շրջանների. նոյեմբերի 12 |aliq.ge|

Կորոնավիրուսի տարածումը Վրաստանում ըստ շրջանների. նոյեմբերի 12 |aliq.ge|

aliq.ge: Նոյեմբերի 12-ի ժամը 11:00-ի դրությամբ, Վրաստանում արձանագրվել է կորոնավիրուսով վարակման 3 120 նոր դեպք: Ընդհանուր դեպքերի քանակը երկրում 69 681 է: Վրաստանում վերջին 24 ժամվա ընթացքում կորոնավիրուսից բուժվել է ևս 2 358 պացիենտ: Երկրում ընդհանուր հաշվով վարակը հաղթահարել է 52 169 մարդ: Վերջին 24 ժամվա ընթացքում երկրում վարակից մահացել է ևս 33 մարդ, ընդհանուր՝ 599: Կորոնավիրուսի տարածման պատկերը ըստ շրջանների՝ Թբիլիսի — 1033 Աջարիա — 502 Իմերեթի — 517 Քվեմո Քարթլի — 192 Շիդա Քարթլի — 126 Սամեգրելո-Զեմո Սվանեթի — 332 Կախեթի — 100 Գուրիա — 95 Մցխեթա Մթիանեթի — 107 Ռաճա-Լեչխումի և Քվեմո Սվանեթի — 21
12:03 - 12 նոյեմբերի, 2020
Վրաստանը թույլատրել է իր օդային տարածքով ռուս խաղաղապահների տեղափոխել |azatutyun.am|

Վրաստանը թույլատրել է իր օդային տարածքով ռուս խաղաղապահների տեղափոխել |azatutyun.am|

azatutyun.am: Վրաստանը Ադրբեջանի և Հայաստանի խնդրանքով թույլատրել է իր օդային տարածքն օգտագործել ռուսաստանցի խաղաղապահներին ղարաբաղյան հակամարտության գոտի տեղափոխելու նպատակով։ Այդ մասին այսօր լրագրողներին է հայտնել Վրաստանի վարչապետի՝ Ռուսաստանի հետ հարաբերությունների գծով հատուկ բանագնաց Զուրաբ Աբաշիձեն։ Նրա խոսքով՝ դա արվել է «բացառության կարգով և հաշվի առնելով ժամանակի սղությունը»։ «Վրաստանը նախկինում ևս պատրաստակամություն էր հայտնել միջազգային հանրության հետ միասին նպաստել Ղարաբաղում խաղաղ գործընթացի կյանքի կոչմանը», - հայտարարել է Աբաշիձեն։
16:43 - 11 նոյեմբերի, 2020
Մեկ օրում 45 մահ կորոնավիրուսից. Վրաստանի նոյեմբերի 11-ի տվյալները |aliq.ge|

Մեկ օրում 45 մահ կորոնավիրուսից. Վրաստանի նոյեմբերի 11-ի տվյալները |aliq.ge|

aliq.ge: Վրաստանում նոյեմբերի 11-ի դրությամբ, վերջին 24 ժամվա ընթացքում արձանագրվել է կորոնավիրուսով վարակման 2911 դեպք, ընդհանուր՝ 66 561: Արձանագրվել է 45 մահ, ընդհանուր՝ 566 դեպք: Միաժամանակ, դրական դինամիկա է արձանագրվել առողջացածների դեպքում՝ մեկ օրում 2 421  դեպք, ընդհանուր՝ 49 811: Վարակվածներից 1 056 դեպքը եղել է Թբիլիսիում, 476-ը՝ Աջարիայում, Սամցխե Ջավախքում ևս աճել են վարակման ցուցանիշները՝ մեկ օրում 92 վարակման դեպք: Կարանտինային գոտում է 2 656 մարդ, ինքնամեկուսացման մեջ՝ 39 721: Վրաստանում կա 632 ծանր պացիենտ, 4 878 պացիենտ բուժվում է կլինիկաներում, 8 099՝ տանը:
15:15 - 11 նոյեմբերի, 2020
Վրաստանի ԱԳՆ-ն աջակցում է հակամարտող կողմերի համաձայնությանը |aliq.ge|

Վրաստանի ԱԳՆ-ն աջակցում է հակամարտող կողմերի համաձայնությանը |aliq.ge|

aliq.ge: Վրաստանի Արտաքին գործերի նախարարության մամուլի ծառայությունը հայտարարություն է հրապարակել, որում ընդգծում է՝  «Վրաստանը հույս է հայտնում, որ Ադրբեջանի ու Հայաստանի միջև ձեռք բերված համաձայնությունը՝ կապված կրակի դադարեցման հետ, կնպաստի հակամարտության լուծման լիամասշտաբ գործընթացին»: «Վրաստանն աջակցում է երկու կողմի միջև երկխոսությանը: Միաժամանակ, մենք միջազգային հանրության հետ մեկտեղ խաղաղարար գործընթացի իրականացմանը նպաստելու պատրաստակամություն ենք հայտնում: Վստահ ենք, որ միջազգային հանրության ակտիվ ներուժը և բազմակողմանի միջազգային մեխանիզմների ուժի մեջ մտնելը արդյունք կտա երկարաժամկետ խաղաղության հիմք դնելու համար, ինչը նոր հնարավորություններ կստեղծի ողջ տարածաշրջանի համար»,- նշված է հայտարարության մեջ:
01:00 - 11 նոյեմբերի, 2020
ԱՄՆ պետքարտուղար Մայք Պոմպեոն նոյեմբերի 17-ին կժամանի Վրաստան |aliq.ge|

ԱՄՆ պետքարտուղար Մայք Պոմպեոն նոյեմբերի 17-ին կժամանի Վրաստան |aliq.ge|

aliq.ge: Վրաստանի ԱԳ նախարարության տեղեկատվությամբ՝ նոյեմբերի 17-18-ին Վրաստան կայցելի ԱՄՆ պետքարտուղար Մայք Պոմպեոն:  «Մենք ողջունում ենք ԱՄՆ պետքարտուղար Մայք Պոմպեոյի նոյեմբերի 17-18-ի այցը Վրաստան: Այցի ընթացքում պետքարտուղարը հանդիպումներ կունենա Վարչապետ Գիորգի Գախարիայի, Վրաստանի նախագահ Սալոմե Զուրաբիշվիլիի և ԱԳ նախարար Դավիթ Զալկալիանիի, ինչպես նաև կաթողիկոս-պատրիարք  Իլիա Երկրորդի հետ: Պետքարտուղարի՝ Վրաստան այցի շրջանակներում անցկացվելիք բարձրաստիճան հանդիպումների ընթացքում կքննարկվեն ԱՄՆ-Վրաստան ռազմավարական գործընկերության խարտիայի առաջնահերթությունները և պաշտպանության ու անվտանգության, ինչպես նաև առևտրի և տնտեսության, ժողովրդավարության, ժողովուրդների միջև շփումների և մշակույթի ոլորտներում մեր երկրների հետագա համագործակցության խորացման հեռանկարները: Այցի ընթացքում կողմերը կքննարկեն Վրաստանի և տարածաշրջանի անվտանգության միջավայրը, ինչպես նաև երկրների համագործակցությունը տարածաշրջանային և միջազգային անվտանգության ամրապնդման ուղղությամբ: Կողմերը կքննարկեն նաև Վրաստանում ընթացող ժողովրդավարական և տնտեսական բարեփոխումները»,- ասվում է Վրաստանի ԱԳՆ-ի հայտարարության մեջ:
00:01 - 11 նոյեմբերի, 2020
Կովկասում նոր դարաշրջան է սկսվում. Վրաստանի նախագահ |aliq.ge|

Կովկասում նոր դարաշրջան է սկսվում. Վրաստանի նախագահ |aliq.ge|

aliq.ge: Կովկասում նոր դարաշրջան է սկսվում, շնորհավորում եմ մեր բարեկամներ հայերին ու ադրբեջանցիներին ողբերգական պատերազմի ավարտի կապակցությամբ. Այս մասին թվիթերյան իր էջում հայտարարություն է տարածել Վրաստանի նախագահ Սալոմե Զուրաբիշվիլին: Այսպես նա արձագանքել է Լեռնային Ղարաբաղում ադրբեջանա-հայկական հակամարտության մասին համաձայնագրի ստորագրմանը: «Շնորհակալություն եմ հատնում ֆասիլիտատորներին: Ցավակցում եմ զոհվածների ընտանիքներին: Խաղաղությունն ու կայունությունն այլընտրանք չունեն: Միասին համագործակցության նոր փուլ ենք մտնում»,- գրում է Վրաստանի նախագահը:
16:11 - 10 նոյեմբերի, 2020
Թբիլիսիում շարունակում են բողոքի ցույցերը |aliq.ge|

Թբիլիսիում շարունակում են բողոքի ցույցերը |aliq.ge|

aliq.ge: Թբիլիսիում մեկ օրում՝ նոյեմբերի 9-ին, միանգամից երկու ցույց է անցկացվում: Ժամը 18:00-ից խորհրդրանի շենքի դիմաց հավաքված ընդդիմության աջակիցները ևս մեկ անգամ իրենց պահանջներն են ներկայացրել իշխանությանը՝ նշանակել խորհրդարանական ընտրությունների օր ու պաշտոնաթող անել ԿԸՀ նախագահ Թամար Ժվանիային: Նախօրեին ցուցարարներին ԿԸՀ շենքի դիմաց ցրելու, ջրցան մեքենաներ ու գազ կիրառելու, ինչպես նաև ֆիզիկական բախումների ֆոնին այսօր ցուցարարները խոստացել են նոր մասշտաբային ցույց անցկացնել նոյեմբերի 14-ին: «Սա ոչ թե ընդդիմության, այլ ողջ ազգի պայքարն է»,- հայտարարում են ընդդիմադիրները: Մյուս ցույցը, որ սկսել է երեկոյան ժամը 22:00-ին, անցկացվում է ի նշան կորոնավիրուսի հետ կապված սահմանափակումներին չենթարկվելուն:
23:32 - 09 նոյեմբերի, 2020
Նոյեմբերի 8-ի ակցիային վիրավորվել է 27, ձերբակալվել 19 անձ. ՆԳ փոխնախարար |aliq.ge|

Նոյեմբերի 8-ի ակցիային վիրավորվել է 27, ձերբակալվել 19 անձ. ՆԳ փոխնախարար |aliq.ge|

aliq.ge: Վրաստանի ՆԳ նախարարի տեղակալ Կախա Սաբանաձեի հայտարարությամբ՝ երեկ Թբիլիսիում անցկացրած բողոքի ակցիան դուրս է եկել ազատ արտահայտման և խաղաղ հավաքների՝ օրենքով սահմանված շրջանակներից և  վերածվել է բռնության: Փոխնախարարի խոսքով՝ ակցիայի ընթացքում առողջական տարբեր վնասվածներ են ստացել շուրջ 14 իրավապահ, լրատվականների 3 ներկայացուցիչ և շուրջ 10 ակցիայի մասնակից: «Ոստիկանությունը նոյեմբերի 8-ին, բողոքի ակցիայի ընթացքում հանրային կարգը խախտելու և ոստիաններին չենթարկվելու համար վարչական կարգով ձերբակալել է 19 անձի»,- հայտարարել է Սաբանաձեն: Հիշեցնենք՝ երեկ Թբիլիսիում տեղի ունեցավ ընդդիմության մեծամասշտաբ բողոքի ակցիան: Ցուցարարները խորհրդարանի շենքից քայլերթով տեղափոխվեցին Վրաստանի ԿԸՀ-ի գլխավոր գրասենյակ, որտեղ և մի քանի անգամ տեղի ունեցավ բախում ցուցարարների և իրավապահների միջև: ՆԳ նախարարությունը մի քանի անգամ ջրցան մեքենաներ կիրառեց ցուցարարներին ցրելու համար:
14:09 - 09 նոյեմբերի, 2020