Ինֆոթեգեր Մեր մասին
hy en ru
Նվիրաբերել

Վրաստան

Վրաստանի Հանրապետություն ինքնիշխան պետություն Հարավկովկասյան տարածաշրջանում, որը միջանկյալ դիրք է զբաղեցնում Արևելյան Եվրոպայի և Հարավարևմտյան Ասիայի միջև։ Գտնվում է Առաջավոր Ասիայում՝ Մեծ Կովկասի լեռնային համակարգի արևմտյան և կենտրոնական հատվածներում:

Զբաղեցնում է 69 700 կմ քառ․ տարածք, իսկ բնակչությունը՝ ըստ 2019 թվականի մարդահամարի տվյալների, կազմում է 3 723 500 մարդ։ Բնակչության ճնշող մեծամասնությունը կազմում են վրացիները, գլխավոր ազգային փոքրամասնություններն են ադրբեջանցիներն ու հայերը։ Վրաստանը խորհրդարանական կառավարման համակարգով սահմանադրական, բազմակուսակցական հանրապետություն է։

Սննդամթերքով բեռնված մեքենաներին թույլատրել են հատել Վրաստանի սահմանը |jnews.ge|

Սննդամթերքով բեռնված մեքենաներին թույլատրել են հատել Վրաստանի սահմանը |jnews.ge|

jnews.ge: Ինչպես JNEWS-ին տեղեկացրին, հումանիտար սննդամթերքով բեռնված մեքենաներին թույլատրել են հատել վրաց-հայկական սահմանը: Այս պահի դրությամբ, սննդամթերքով բեռնված երկու մեքենա արդեն շարժվում է դեպի սահման՝ Նինոծմինդա-Բավրա մաքսային անցակետ: Վրաստանի իրավապահ մարմինների հետ արդեն մի քանի ժամ տարվող բանակցությունների արդյունքում՝ սննդամթերքով բեռնված մեքենաներն անարգել կհատեն վրաց-հայկական սահմանը, իսկ անվադողերով բեռնված մեքենաների թույլտվության համար երիտասարդները պետք է դիմեն համապատասխան գերատեսչություններին: Հարկ է նշել, որ հայ-վրացական սահմանին իրարանցում էր տիրում: Վրաստանի իրավապահներն արգելում էին Ջավախքի երիտասարդության նախաձեռնությամբ հավաքագրված հումանիտար օգնությունն ուղարկել Արցախ: JNEWS-ի տվյալներով, մոտավոր 3-ից 5000 մարդ է հավաքվել վրաց-հայկական սահմանային անցակետ տանող ճանապարհին:    
00:21 - 29 սեպտեմբերի, 2020
Վրաստանում ՀՀ դեսպանը հանդիպել է լրատվամիջոցներին

Վրաստանում ՀՀ դեսպանը հանդիպել է լրատվամիջոցներին

Վրաստանում ՀՀ դեսպան Ռուբեն Սադոյանն այսօր հարցազրույցներ է տվել վրացական առաջատար լրատվամիջոցներին (Ռուսթավի 2, Իմեդի, Վրաստանի հանրային հեռուստաընկերություն և այլն)։ Այս մասին տեղեկացնում են Վրաստանում ՀՀ դեսպանության ֆեյսբուքյան էջից: Հարցազրույցներում դեսպանը, մասնավորապես, անդրադարձել է Արցախի դեմ Ադրբեջանի սանձազերծած ռազմական ագրեսիային, Թուրքիայի ապակառուցողական գործողություններին, Ադրբեջանի կողմից վարձկանների օգտագործման փաստին, ինչպես նաև Ադրբեջանի կողմից խաղաղ բնակչության թիրախավորմանը։ Դեսպանը նաև դատապարտել է Վրաստանի խորհրդարանի ազգությամբ ադրբեջանցի պատգամավորների ռազմամոլական հայտարարությունները` նշելով, որ բազմազգ Վրաստանն այն երկիրը չէ, որի խորհրդարանի պատգամավորները կարող են նմանօրինակ հայտարարություններ իրենց թույլ տալ։  
18:04 - 28 սեպտեմբերի, 2020
Գուցե Վրաստանը միջնորդի դեր ստանձնի. Դոլիձեն Ղարաբաղի հարցով վարչապետին է դիմել |aliq.ge|

Գուցե Վրաստանը միջնորդի դեր ստանձնի. Դոլիձեն Ղարաբաղի հարցով վարչապետին է դիմել |aliq.ge|

aliq.ge: Դիդուբե-Չուղուրեթիից մեծամասնական ընտրակարգի անկախ թեկնածու, «Ժողովրդի համար» շարժման առաջնորդ Աննա Դոլիձեն կոչ է արել Վրաստանի վարչապետ Գիորգի Գախարիային անհապաղ Ազգային անվտանգության խորհուրդ գումարել՝ քննարկելու Վրաստանի դերը Ադրբեջանի և Հայաստանի միջև լարված հարաբերություններում: Ըստ Աննա Դոլիձեի՝  երկու ռազմավարական նշանակություն ունեցող հարևան երկրներում լարվածությունը էական ազդեցություն կունենա Վրաստանի և ամբողջ Կովկասի վրա, ուստի Վրաստանի կառավարությունը և երկրի գերագույն գլխավոր հրամանատար նախագահը պետք է շտապ  գործողությունների ծրագիր մշակեն: Դոլիձեի պնդմամբ՝ լարվածությունը երկու հարևան երկրների միջև կանդրադառնա նաև տարածաշրջանի առևտրատնտեսական իրավիճակի վրա, որն առանց այն էլ խոցելի է դարձել կորոնավիրուսի պատճառով։ «Միևնույն ժամանակ, միգուցե Վրաստանն միջնորդի դեր ստանձնի՝ այս իրավիճակը հնարավորինս շուտ կարգավորելու համար», — ասել է Անա Դոլիձեն:
10:09 - 28 սեպտեմբերի, 2020
Վրաստանում կորոնավիրուսով վարակվածների թիվը շարունակում է աճել |aliq.ge|

Վրաստանում կորոնավիրուսով վարակվածների թիվը շարունակում է աճել |aliq.ge|

aliq.ge: Սեպտեմբերի 26-ի ժամը 11:30-ի դրությամբ՝ Վրաստանում կորոնավիրուսով վարակի 296 նոր դեպք է գրանցվել. ընդհանուր դեպքերի քանակը երկրում 4 960 է: Այս մասին գրում է կառավարության կողմից ստեղծված stopcov.ge կայքը: Վրաստանում այսօր կորոնավիրուսից բուժվել է ևս 60 պացիենտ և ընդհանուր հաշվով՝ վարակը հաղթահարել է 1819 մարդ: Վարակից երկրում մահացել է 27 մարդ: Այս պահի դրությամբ՝ կարանտինային գոտում է գտնվում 5584 քաղաքացի, հատուկ ստացիոնար հսկողության տակ է 836 պացիենտ: Արտերկրից կորոնավիրուսով վարակված 41 քաղաքացի է տեղափոխվել Վրաստան բուժվելու նպատակով:
11:51 - 26 սեպտեմբերի, 2020
265 նոր դեպք. կորոնավիրուսը Վրաստանում |aliq.ge|

265 նոր դեպք. կորոնավիրուսը Վրաստանում |aliq.ge|

aliq.ge: Սեպտեմբերի 25-ի ժամը 10:30-ի դրությամբ՝ Վրաստանում կորոնավիրուսով վարակի 265 նոր դեպք է գրանցվել. ընդհանուր դեպքերի քանակը երկրում 4664 է: Այս մասին գրում է կառավարության կողմից ստեղծված stopcov.ge կայքը: Վրաստանում այսօր կորոնավիրուսից բուժվել է ևս 54 պացիենտ և ընդհանուր հաշվով՝ վարակը հաղթահարել է 1759 մարդ: Վարակից երկրում մահացել է 27 մարդ: Այս պահի դրությամբ՝ կարանտինային գոտում է գտնվում 5584 քաղաքացի, հատուկ ստացիոնար հսկողության տակ է 836 պացիենտ: Արտերկրից կորոնավիրուսով վարակված 41 քաղաքացի է տեղափոխվել Վրաստան բուժվելու նպատակով:
13:58 - 25 սեպտեմբերի, 2020
Վրաստանում շարունակում է աճել կորոնավիրուսով վարակվածների թիվը |aliq.ge|

Վրաստանում շարունակում է աճել կորոնավիրուսով վարակվածների թիվը |aliq.ge|

aliq.ge: Սեպտեմբերի 24-ի ժամը 11:00-ի դրությամբ՝ Վրաստանում կորոնավիրուսով վարակի 259 նոր դեպք է գրանցվել. ընդհանուր դեպքերի քանակը երկրում 4399 է: Այս մասին գրում է կառավարության կողմից ստեղծված stopcov.ge կայքը:  Հյուրանոցներում այս պահի դրությամբ բուժվում է կորոնավիրուսով վարակված 640 պացիենտ: Վրաստանում այսօր կորոնավիրուսից բուժվել է ևս 62 պացիենտ: Երկրում ընդհանուր հաշվով վարակը հաղթահարել է 1705 մարդ: Վարակից երկրում մահացել է 25 մարդ: Այս պահի դրությամբ՝ կարանտինային գոտում է գտնվում 5390 քաղաքացի, հատուկ ստացիոնար հսկողության տակ է 836 պացիենտ: Արտերկրից կորոնավիրուսով վարակված 41 քաղաքացի է տեղափոխվել Վրաստան բուժվելու նպատակով: Հիշեցնենք, որ Վրաստանում առաջին անգամ կորոնավիրուսով վարակի դեպք է հայտնաբերվել փետրվարի 26-ին:
12:04 - 24 սեպտեմբերի, 2020
Վրաստանում կորոնավիրուսից 24-րդ մահը գրանցվեց |aliq.ge|

Վրաստանում կորոնավիրուսից 24-րդ մահը գրանցվեց |aliq.ge|

aliq.ge: Վրաստանում այսօր` սեպտեմբերի 23-ին, կորոնավիրուսից 24-րդ մահը գրանցվեց: Այս մասին տվյալները հրապարակվել են stopcov.ge կայքում: Վերջին 24 ժամվա ընթացքում արձանագրվել է վարակման 227 դեպք: Ստացիոնար վերահսկողության ներքո շարունակում է մնալ 836 պացիենտ, կարանտինում է 5390 մարդ:
12:01 - 23 սեպտեմբերի, 2020
Վրաստանում երկրաշարժ է տեղի ունեցել |aliq.ge|

Վրաստանում երկրաշարժ է տեղի ունեցել |aliq.ge|

aliq.ge: Վրաստանում երկրաշարժ է տեղի ունեցել: Երկրագունդն ուսումնասիրող գիտնականների ինստիտուտի և սեյսմիկ մոնիթորինգի ազգային կենտրոնի տեղեկատվությամբ՝ ասօր, ժամը 12:35-ին, 3,3 մագնիտուդ ուժգնությամբ երկրաշարժ է արձանագրվել Լագոդեխիի տարածքում: Էպիկենտրոնը Լագոդեխի քաղաքի արևելյան կողմում է եղել, Ռաճիսուբանի գյուղի հարակից տարածքում:
13:58 - 22 սեպտեմբերի, 2020
+218. Կորոնավիրուսի նոր հակառեկորդ Վրաստանում |aliq.ge|

+218. Կորոնավիրուսի նոր հակառեկորդ Վրաստանում |aliq.ge|

aliq.ge: Վրաստանում սեպտեմբերի 22-ի դրությամբ, վերջին 24 ժամվա ընթացքում գրանցվել է կորոնավիրուսով վարակման 218 նոր դեպք: Ապաքինվել է 40 մարդ: Այսօր  երկու մահ է գրանցվել: Ընդհանուր առմամբ վարակվել է  3 913 մարդ, ապաքինվել`  1 574, գրանցվել է 22 մահ: Կարանտինում է 4 988 մարդ, ստացիոնար վերահսկողության ներքո` 836։
12:08 - 22 սեպտեմբերի, 2020
Ալիևը Վրաստանին շնորհակալություն է հայտնել իր տարածքով Հայաստան զենք տեղափոխելը թույլ չտալու համար |aliq.ge|

Ալիևը Վրաստանին շնորհակալություն է հայտնել իր տարածքով Հայաստան զենք տեղափոխելը թույլ չտալու համար |aliq.ge|

aliq.ge: Ադրբեջանի նախագահ Իլհամ Ալիևի հայտարարությամբ՝ Վրաստանը թույլ չի տվել իր տարածքով  զենք տեղափոխել Հայաստան, ինչի համար նա շնորհակալություն է հայտնել Վրաստանի իշխանություններին: «Բարձր եմ գնահատում Վրաստանի կառավարության գործողությունները: Ինչպես գիտեք, Վրաստանը թույլ չտվեց իր տարածքով զենք տեղափոխել Հայաստան: Դա է պատճառը, որ այժմ Հայաստան զենք է բերվում կասպյան պետությունների տարածքներով և օդային ճանապարհով: Վրաստանը հանդես է եկել որպես հուսալի գործընկեր, ինչի համար շնորհակալություն եմ հայտնում Վրաստանի կառավարությանը», — հայտարարել է Ալիևը: Ադրբեջանի նախագահի խոսքով՝ Վրաստանի և Ադրբեջանի միջև բազմաթիվ ծրագրեր են իրականացվում, և առաջիկայում նախատեսվում է Ադրբեջանի արտգործնախարարի պաշտոնական այցը Վրաստան: «Ադրբեջանը միշտ կանգնած է Վրաստանի կողքին: Այսօր վրաց ժողովուրդը գիտի, թե ով է իրենց ընկերը և ով՝ թշնամին», — հավելել է Ալիևը: Ավելի վաղ Վրաստանի Արտաքին գործերի նախարարությունը հերքել էր ադրբեջանական ԶԼՄ-ների տարածած հայտարաություններն առ այն, որ  «Ադրբեջանի դեմ ռազմական գործողություններ իրականացնելու նպատակով Հայաստանը Վրաստանի միջոցով զենք է ստացել Սերբիայից»: Արտգործնախարարությունը հայտարարել  էր, որ հոդվածը երկու ռազմավարական գործընկերների միջև արհեստականորեն խնդիրներ ստեղծելու նպատակ ունի: «Եվս մեկ անգամ ընդգծում ենք, որ Վրաստանն ու Ադրբեջանը կապված են ռազմավարական գործընկերությամբ և երկու ազգի երկարամյա բարեկամությամբ, որը զարգանում է և խորանում: Երկու երկրներն էլ կարևոր դեր ունեն տարածաշրջանում և միասին իրականացնում են բազում կարևոր տարածաշրջանային և միջազգային նախագծեր»,- հայտարարել էր նախարարությունը:
09:52 - 22 սեպտեմբերի, 2020
Կորոնավիրուսը Վրաստանում. սեպտեմբերի 21-ի տվյալները |aliq.ge|

Կորոնավիրուսը Վրաստանում. սեպտեմբերի 21-ի տվյալները |aliq.ge|

aliq.ge: Սեպտեմբերի 21-ի ժամը 10:30-ի դրությամբ՝ Վրաստանում կորոնավիրուսով վարակի 193 նոր դեպք է գրանցվել. ընդհանուր դեպքերի քանակը երկրում 3695 է: Այս մասին գրում է կառավարության կողմից ստեղծված stopcov.ge կայքը:  Վրաստանում այսօր կորոնավիրուսից բուժվել է ևս 40 պացիենտ: Երկրում ընդհանուր հաշվով վարակը հաղթահարել է 1534 մարդ: Վարակից երկրում մահացել է 20 մարդ: Այս պահի դրությամբ՝ կարանտինային գոտում է գտնվում 4988 քաղաքացի, հատուկ ստացիոնար հսկողության տակ է 836 պացիենտ: Արտերկրից կորոնավիրուսով վարակված 41 քաղաքացի է տեղափոխվել Վրաստան բուժվելու նպատակով: Հիշեցնենք, որ Վրաստանում առաջին անգամ կորոնավիրուսով վարակի դեպք է հայտնաբերվել փետրվարի 26-ին:
13:00 - 21 սեպտեմբերի, 2020
Վրաստանում արձանագրվել է կորոնավիրուսի 196 նոր դեպք |shantnews.am|

Վրաստանում արձանագրվել է կորոնավիրուսի 196 նոր դեպք |shantnews.am|

shantnews.am: Վրաստանում այսօր արձանագրվել է կորոնավիրուսով վարակման 196 նոր դեպք: Այս մասին հաղորդում է jnews.ge-ին՝վկայակոչելով Վրաստանի  կառավարության  stopcov.ge կայքը։ Այսպիսով, այս պահի դրությամբ Վրաստանում նոր կորոնավիրուսի դեպքերի ընդհանուր թիվը 3 502 է: Առողջացածներն  ավելացել են 13-ով և կազմել 1 494։ Կորոնավիրուսի հետևանքով մահացել է 19 մարդ։ Կարանտինի ռեժիմում է  5014 քաղաքացի, իսկ ստացիոնար բուժման մեջ է 836 մարդ: Բացի դրանից արտերկրից Վրաստան է տեղափոխվել 41 քաղաքացի, որոնք ևս բուժում են ստանում:
12:52 - 20 սեպտեմբերի, 2020
Ախալքալաքում ռազմական ուսումնական կենտրոն է բացվել |shantnews.am|

Ախալքալաքում ռազմական ուսումնական կենտրոն է բացվել |shantnews.am|

shantnews.am: Սեպտեմբերի 19-ին,Ախալքալաքի նախկին թիվ 62 ռազմաբազայի տարածքում Վրաստանի պաշտպանության նախարարության կողմից կառուցված նախնական պատրաստվածության ռազմական ուսումնական կենտրոն է բացվել։ Կենտրոնի շինարարությունը մեկնարկել էր 2014 թվականին։ Այս մասին հաղորդում է Jnews.ge-ն։ Ախալքալաքի ռազմաբազան 200 տարվա պատմություն ունի։ Խորհրդային ռազմակայանը Ախալքալաքում փակվել է 2007-ին: Այն միշտ ունեցել է սոցիալ-տնտեսական ուղղվածություն, քանի որ տեղի բնակիչների մեծ մասը աշխատանք ու ներգրավվածություն են ունեցել ռազմաբազայում: Մարտական ​​պատրաստության նոր կենտրոնը կկարողանա միաժամանակ ընդունել 800 նորակոչիկ՝ պայմանագրային զինծառայողներ և պարտադիր զինվորական ծառայության զորակոչիկներ: Սկզբնական մարտական ​​պատրաստության դասընթացի տևողությունը 10 շաբաթ է:
11:27 - 20 սեպտեմբերի, 2020
187 նոր դեպք , 46 ապաքինված. կորոնավիրուսը Վրաստանում |aliq.ge|

187 նոր դեպք , 46 ապաքինված. կորոնավիրուսը Վրաստանում |aliq.ge|

aliq.ge: Վերջին օրվա ընթացքում Վրաստանում կորոնավիրուսի 187 նոր դեպք է գրանցվել` հայտնում է  StopCov-ը: COVID-19-ից ապաքինված քաղաքացիների թիվը վերջին մեկ օրում ավելացել է 46 –ով, սա ևս ռեկորդային ցուցանիշ է: Այսպիսով` առողջացածների ընդհանուր թիվը 1 481 է: Կարանտինում շարունակում է մնալ  5 014 քաղաքացի,  ստացիոնարում` 836: Ըստ Վրաստանի հիվանդությունների կանխարգելման և հանրային առողջապահության կենտրոնի տվյալների` սեպտեմբերի 17-ի դրությամբ` երկրում PCR թեստ է անցել 529,1 հազար մարդ: Արված թեստերի ընդհանուր քանակն անցել է 534 հազարից:
12:58 - 19 սեպտեմբերի, 2020
Վրաստանում ավարտվեցին ՆԱՏՕ-ի զորավարժությունները |azatutyun.am|

Վրաստանում ավարտվեցին ՆԱՏՕ-ի զորավարժությունները |azatutyun.am|

azatutyun.am: Այսօր Վրաստանում ավարտվեցին «Արժանի գործընկեր-2020» միջազգային զորավարժությունները։ Վազիանիի փորձադաշտում տեղի ունեցած փակման արարողությանը ներկա էին Վրաստանի նախագահը, խորհրդարանի խոսնակը, ԱՄՆ-ի դեսպանը։ «Ուժը գործընկերության մեջ է» կարգախոսով անցկացված ՆԱՏՕ-ի զորավարժությանը մասնակցեցին Վրաստանի, ԱՄՆ-ի, Բրիտանիայի, Լեհաստանի ու Ֆրանսիայի 2700 զինծառայողներ։ 2015 թվականից սկսած «Արժանի գործընկեր» զորվարժությունները Վրաստանում յուրաքանչյուր տարի անցկացվում են, չնայած կորոնավիրուսի համավարակին, այս տարի ևս դրանք տեղի ունեցան։
16:20 - 18 սեպտեմբերի, 2020
+182. Կորոնավիրուսը Վրաստանում |aliq.ge|

+182. Կորոնավիրուսը Վրաստանում |aliq.ge|

aliq.ge: Վերջին մեկ օրում Վրաստանում կորոնավիրուսի լաբորատոր հաստատված դեպքերի թիվն ավելացել է 182-ով: StopCov-ի տվյալներով` վարակվածների ընդհանուր թիվը  3 119 է: Վերջին մեկ օրում ապաքինվել ու դուրս է գրվել 13 մարդ, պանդեմիայի ողջ ընթացքում ապաքինվածների թիվը   1 435 է, մահվան ելքերով դեպքերը 19-ն են: Կարանտինում  6 633 մարդ է, 41 վարակված քաղաքացի հայրենիք է վերադարձել արտերկրից: Չնայած դեպքերի կտրուկ աճին՝ կառավարությունը չի շտապում խիստ սահմանափակումների գնալ, վարչապետն արդեն հայտարարել է, որ պանդեմիայի սկզբում կիրառված արգելքները  չեն կրկնելու, իշխող կուսակցությունը նշել է, որ երկիրը լիարժեք պատրաստ է  խորհրդարանական ընտրություններին։
11:48 - 18 սեպտեմբերի, 2020