Հիդրոօդերևութաբանության և մոնիթորինգի կենտրոն

«Հիդրոօդերևութաբանության և մոնիթորինգի կենտրոն» պետական ոչ առևտրային կազմակերպությունը շահույթ ստանալու նպատակ չհետապնդող, իրավաբանական անձի կարգավիճակ ունեցող կազմակերպություն է, որը գործում է Հայաստանի Հանրապետության Սահմանադրության, Հայաստանի Հանրապետության քաղաքացիական օրենսգրքի, «Պետական ոչ առևտրային կազմակերպությունների մասին» Հայաստանի Հանրապետության օրենքի և այլ օրենսդրական ու ենթաօրենսդրական իրավական ակտերի հիման վրա, ինչպես նաև իր կանոնադրությամբ:

Կազմակերպությունը ստեղծվել է Կառավարության 2020 թվականի հունվարի 30-ի N 81-Ն որոշմամբ՝ «Շրջակա միջավայրի մոնիթորինգի և տեղեկատվության կենտրոն» (պետական գրանցման համարը՝ 222.210.952674), «Անտառային մոնիթորինգի կենտրոն» (պետական գրանցման համարը՝ 273.210.04175) և «Հիդրոօդերևութաբանության և մթնոլորտային երևույթների վրա ակտիվ ներգործության ծառայություն» (պետականգրանցման համարը՝ 286.210.04768) պետական ոչ առևտրային կազմակերպությունների միաձուլման արդյունքում և հանդիսանում է դրանց իրավահաջորդը: Կազմակերպության հիմնադիրը Հայաստանի Հանրապետությունն է՝ ի դեմս Կառավարության։

Օդի ջերմաստիճանն ապրիլի 12-ից կնվազի 10-13 աստիճանով

Օդի ջերմաստիճանն ապրիլի 12-ից կնվազի 10-13 աստիճանով

Հանրապետության տարածքում ապրիլի 10-ի ցերեկը, 11-ին, 12-ի գիշերը, 14-ի ցերեկը, 15-ին սպասվում է առանց տեղումների եղանակ: Ապրիլի 12-ի ցերեկը, 13-ին, 14-ի գիշերն առանձին շրջաններում սպասվում են տեղումներ, 13-ին լեռնային շրջաններում՝ ձնախառն անձրևի տեսքով: Քամին՝ արևմտյան՝ 3-6 մ/վ, ապրիլի 11-13-ն առանձին շրջաններում սպասվում է քամու ուժգնացում՝ 18-23 մ/վ արագությամբ:Օդի ջերմաստիճանը 10-11-ի ցերեկն աստիճանաբար կբարձրանա 4-6, 12-13-ն աստիճանաբար կնվազի 10-13 աստիճանով: Երևան քաղաքում ապրիլի 10-ի ցերեկը, 11-ին, 12-ին, 13-ի գիշերը, 14-15-ը սպասվում է առանց տեղումների եղանակ: Ապրիլի 13-ի առավոտյան ժամերին և ցերեկը սպասվում է անձրև: Ապրիլի 11-13-ը սպասվում է քամու ուժգնացում՝ 16-20 մ/վ արագությամբ:

16:01 - 10 ապրիլի, 2022

Հանրապետության տարածքում առաջիկա օրերին տեղումները կշարունակվեն

Հանրապետության տարածքում առաջիկա օրերին տեղումները կշարունակվեն

Հանրապետության տարածքում՝ ապրիլի 9-ի ցերեկը, 12-ին առանձին շրջաններում, 13-ի առավոտյան և ցերեկը շրջանների զգալի մասում սպասվում է անձրև, առանձին հատվածներում՝ նաև ամպրոպ: Ապրիլի 10-11-ը, 13-ի գիշերը, 14-ին սպասվում է առանց տեղումների եղանակ: Քամին՝ արևմտյան՝ 3-6 մ/վրկ, ապրիլի 11-13-ն առանձին շրջաններում սպասվում է քամու ուժգնացում՝ 18-23 մ/վ արագությամբ: Օդի ջերմաստիճանն ապրիլի 9-11-ի ցերեկն աստիճանաբար կբարձրանա 4-6 աստիճանով: Երևան քաղաքում՝ ապրիլի 9-ի ցերեկը, 10-11-ը, 12-13-ի գիշերը, 14-ին սպասվում է առանց տեղումների եղանակ: Ապրիլի 12-13-ի ցերեկը սպասվում է անձրև: Ապրիլի 11-13-ը սպասվում է քամու ուժգնացում՝ 16-20 մ/վ արագությամբ:

14:58 - 09 ապրիլի, 2022

Հանրապետության գետերում սպասվում է ջրի ելքերի մեծացում, հնարավոր են ջրածածկումներ

Հանրապետության գետերում սպասվում է ջրի ելքերի մեծացում, հնարավոր են ջրածածկումներ

Պայմանավորված հանրապետության տարածքում ինտենսիվ մթնոլորտային տեղումներով՝ ապրիլի 7-9-ը հանրապետության գետերում սպասվում է ջրի ելքերի մեծացում, առանձին գետերում հնարավոր է ջրի անբարենպաստ ելքեր՝ մերձափնյա հատվածներում ջրածածկումներ։ Այս մասին հայտարարություն է տարածել Հիդրոօդերևութաբանության և մոնիթորինգի կենտրոնից։

13:43 - 07 ապրիլի, 2022

Oդի ջերմաստիճանն աստիճանաբար կբարձրանա 8-9 աստիճանով

Oդի ջերմաստիճանն աստիճանաբար կբարձրանա 8-9 աստիճանով

Երևանում և մարզերում մարտի 31-ի ցերեկը, ապրիլի 1-5-ը սպասվում է առանց տեղումների եղանակ։ ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնը տեղեկացնում է, որ օդի ջերմաստիճանը մարտի 31-ի ցերեկը, ապրիլի 1-3-ն աստիճանաբար կբարձրանա 8-9 աստիճանով: Ապրիլի 2-4-ը սպասվում է քամու ուժգնացում՝ 14-16մ/վ արագությամբ: Քամին՝ հարավ-արևմտյան 2-5մ/վ, ապրիլի 3-ին, 4-ին առանձին շրջաններում սպասվում է քամու ուժգնացում՝ 18-20մ/վ արագությամբ: Արցախում մարտի 31-ին և ապրիլի 1-ին սպասվում է առանց տեղումների եղանակ։

14:26 - 02 ապրիլի, 2022

Օդի ջերմաստիճանն աստիճանաբար կբարձրանա 7-10 աստիճանով

Օդի ջերմաստիճանն աստիճանաբար կբարձրանա 7-10 աստիճանով

Հանրապետության տարածքում մարտի 27-ի ցերեկը, 28-31-ը, ապրիլի 1-ին սպասվում է առանց տեղումների եղանակ: Քամին՝ արևմտյան՝ 2-5 մ/վ, մարտի 28-ին առանձին շրջաններում սպասվում է քամու ուժգնացում՝ 15-20 մ/վ արագությամբ: Օդի ջերմաստիճանը մարտի 29-31-ը և ապրիլի 1-ի ցերեկն աստիճանաբար կբարձրանա 7-10 աստիճանով: Երևան քաղաքում մարտի 27-ի ցերեկը, 28-31-ը, ապրիլի 1-ին սպասվում է առանց տեղումների եղանակ։ Մարտի 28-ին սպասվում է քամու ուժգնացում՝ 14-16 մ/վ արագությամբ:

18:01 - 27 մարտի, 2022

Հայաստանին տաք օդային հոսանքներ են մոտենում. օդի ջերմաստիճանը կբարձրանա 15-20 աստիճանով

Հայաստանին տաք օդային հոսանքներ են մոտենում. օդի ջերմաստիճանը կբարձրանա 15-20 աստիճանով

Հանրապետության տարածքում օդի ջերմաստիճանը շարունակում է կլիմայական նորմայից ցածր մնալ 6-8 աստիճանով։ Ցածր ջերմային ֆոնը կպահպանվի մինչև մարտի 28-ը ներառյալ։ Հիդրոօդերևութաբանության և մոնիթորինգի կենտրոնը տեղեկացնում է, որ անցած գիշեր Տաշիրի հատվածում նվազագույն ջերմաստիճանը հասել է -18, Ապարանում, Ծաղկահովոտւմ և Ճամբարակում՝ մինչև -14 աստիճանի։ Մարտի 29-ից սկսած՝ Հայաստանին արևադարձային լայնություններից մոտենում են տաք օդային հոսանքներ։ Դրանց ներթափանցումը կսկսվի մարտի 29-ից և կշարունակվի մինչև ապրիլի 3-ը ներառյալ։ Տաք օդային հոսանքների ներթափանցմամբ պայմանավորված՝ մարտի 29-ից ապրիլի 3-ն ընկած ժամանակահատվածում աստիճանաբար օդի ջերմաստիճանն այս օրերի հետ համեմատ հանրապետության ամբողջ տարածքում կբարձրանա 15-20 աստիճանով։

12:50 - 25 մարտի, 2022

Հայաստանին մոտենում է հերթական հզոր ցիկլոնը, սպասվում է ձյուն, բուք

Հայաստանին մոտենում է հերթական հզոր ցիկլոնը, սպասվում է ձյուն, բուք

Հայաստանին մոտենում է հերթական հզոր ցիկլոնը։ Այս մասին տեղեկացնում է Հիդրոօդերևութաբանության և մոնիթորինգի կենտրոնը։ Մարտի 18-ի երեկոյան ժամերին, մարտի 19-ին, 20-ին ժամանակ առ ժամանակ հանրապետության ամբողջ տարածքում սպասվում է ձյուն, լեռնային գոտիներում՝ բուք, ցածր հորիզոնական տեսանելիություն։ Արագածոտնի լեռնային գոտիներում, Լոռիում, Տավուշում, Վայոց ձորի լեռնային շրջաններում, Սյունիքի լեռնային և նախալեռնային գոտիներում ձյունը կլինի ինտենսիվ։ Բացառություն կկազմեն Արարատյան դաշտի ցածրադիր հատվածները, որտեղ սպասվող տեղումները կլինեն թաց ձյան տեսքով։ Օդի ջերմաստիճանը մարտի 20-ի ցերեկը հանրապետության ամբողջ տարածքում կնվազի 5-6 աստիճանով։ Վարորդներին հորդորում ենք երթևեկել բացառապես ձմեռային անվադողերով։

12:53 - 18 մարտի, 2022

Օդի ջերմաստիճանը կնվազի. լեռնային առանձին շրջաններում սպասվում է բուք

Օդի ջերմաստիճանը կնվազի. լեռնային առանձին շրջաններում սպասվում է բուք

Հիդրոօդերևութաբանության և մոնիտորինգի կենտրոնը տեղեկացնում է, որ մարտի 13-ին, 15-ի գիշերը, 16-ին ժամանակ առ ժամանակ շրջանների զգալի մասում, 14-ին, 15-ի և 17-ի ցերեկը առանձին շրջաններում սպասվում են տեղումներ, առանձին հատվածներում՝ ինտենսիվ: Տեղումները լեռնային և նախալեռնային շրջաններում սպասվում են ձյան տեսքով: Լեռնային առանձին շրջաններում սպասվում է բուք, ցածր հորիզոնական տեսանելիություն։ Քամին՝ հյուսիս-արևմտյան՝ 3-7 մ/վ, մարտի 12-13-ն առանձին շրջաններում սպասվում է քամու ուժգնացում՝ 15-20 մ/վ արագությամբ: Օդի ջերմաստիճանը 12-15-ն աստիճանաբար կնվազի 4-6 աստիճանով։ Երևանում մարտի 13-ին, 15-ի գիշերը, 16-ին ժամանակ առ ժամանակ սպասվում են տեղումներ: Մարտի 14-ին, 15-ի և 17-ի ցերեկը քաղաքի առանձին հատվածներում սպասվում են թույլ և կարճատև տեղումներ: ՀՀ մարզերում՝ Երևանում՝

14:45 - 12 մարտի, 2022

Արարատյան դաշտի գյուղատնտեսներին հորդորում ենք բացօթյա գյուղատնտեսական աշխատանքներ չիրականացնել. հայտարարություն

Արարատյան դաշտի գյուղատնտեսներին հորդորում ենք բացօթյա գյուղատնտեսական աշխատանքներ չիրականացնել. հայտարարություն

Հաշվի առնելով մարտի 13-20-ին սպասվող օդի ջերմաստիճանի կտրուկ նվազումը, գիշերային ժամերին սպասվող բացասական ջերմաստիճանները, հատկապես Արարատյան դաշտի գյուղատնտեսներին հորդորում ենք բացօթյա գյուղատնտեսական աշխատանքներ չիրականացնել։ Այս մասին ասվում է Հիդրոօդերևութաբանության և մոնիթորինգի կենտրոնի տարածած հաղորդագրության մեջ։

12:40 - 12 մարտի, 2022

Հայաստանը ակտիվ ցիկլոնի գոտում է. այսօր ու վաղը առատ ձյուն կտեղա, սպասվում է բուք, ցածր տեսանելիություն

Հայաստանը ակտիվ ցիկլոնի գոտում է. այսօր ու վաղը առատ ձյուն կտեղա, սպասվում է բուք, ցածր տեսանելիություն

Հայաստանը գտնվում է ակտիվ ցիկլոնի ազդեցության գոտում։ Մարտի 9-ին` կեսօրից հետո, մարտի 9-ի լույս 10-ի գիշերը և առավոտյան Շիրակում, Լոռիում, Տավուշի նախալեռներում, Արագածոտնի, Կոտայքի, Վայոց ձորի, Արարատի լեռնային գոտիներում, Գեղարքունիքում սպասվում են ձյան առատ տեղումներ: Առանձին հատվածներում սպասվում է բուք, ցածր հորիզոնական տեսանելիություն։ Վարորդներին հորդորում են նշված հատվածներ երթևեկել միայն ձմեռային անվադողերով։

11:17 - 09 մարտի, 2022

Հայաստանում սպասվում են տեղումներ, օդի ջերմաստիճանն էապես չի փոխվի

Հայաստանում սպասվում են տեղումներ, օդի ջերմաստիճանն էապես չի փոխվի

Հայաստանի տարածքում մարտի 6-ի և 8-ի ցերեկը առանձին շրջաններում հնարավոր են թույլ տեղումներ, 9-11-ը ժամանակ առ ժամանակ շրջանների զգալի մասում սպասվում են տեղումներ, լեռնային շրջաններում՝ ձյան տեսքով։ Մարտի 7-ին, 8-ի գիշերը սպասվում է առանց տեղումների եղանակ: Այս մասին տեղեկացրին ՀՀ արտակարգ իրավիճակների նախարարությունից՝ վկայակոչելով Շրջակա միջավայրի նախարարության Հիդրոօդերևութաբանության և մոնիտորինգի կենտրոնը։ «Քամին՝ հյուսիսային՝ 2-5 մ/վ, մարտի 8-10-ը առանձին շրջաններում սպասվում է քամու ուժգնացում՝ 18-23 մ/վ արագությամբ: Օդի ջերմաստիճանն էապես չի փոխվի։ Մարտի 6-ի և 8-ի երեկոյան ժամերին Երևան քաղաքի առանձին հատվածներում հնարավոր է թույլ անձրև, 9-11-ը՝ ժամանակ առ ժամանակ սպասվում է անձրև։ Մարտի 7-ին, 8-ի գիշերն սպասվում է առանց տեղումների եղանակ»,- ասվում է հաղորդագրության մեջ։

15:29 - 06 մարտի, 2022

Հայաստանն այժմ ակտիվ ցիկլոնի գոտում է, եղանակը ցրտելու է. տեղումներն այսօր կսաստկանան. Գագիկ Սուրենյան

Հայաստանն այժմ ակտիվ ցիկլոնի գոտում է, եղանակը ցրտելու է. տեղումներն այսօր կսաստկանան. Գագիկ Սուրենյան

Վերջին երկու օրերին Հայաստանը գտնվում է բավականին ակտիվ ցիկլոնի ազդեցության գոտում, հանրապետության ամբողջ տարածքում դիտվում են տեղումներ, լեռնային շրջաններում՝ ձյան, նախալեռնային և հովտային գոտում՝ անձրևի տեսքով։ Հանրապետության առանձին շրջաններում, մասնավորապես Ամասիայում, Ֆանտանում, Ապարանում, Ամբերդում, Արագած լեռան մերձգագաթային մասում երկու օրում դիտվել է ամսական նորմայի 40-60 տոկոսի չափ տեղում։ Ձյան ծածկի բարձրությունն այսօրվա դրությամբ Արագած լեռան մերձգագաթային մասում հասնում է 129սմ, Ամբերդում և Ջերմուկում՝ 56սմ, Ամասիայում և Հրազդանում՝ 35սմ։ Մարտի 3-ի ցերեկը և մարտի 4-ին մինչև կեսօր բոլոր շրջաններում տեղումները շարունակվելու են: Հատկապես ինտենսիվ տեղումներ, առանձին հատվածներում նաև ամպրոպներ են սպասվում այսօր՝ գիշերային ժամերին, այսօր ցերեկը սպասվում է նաև քամու ուժգնացում՝ 15-20մ/վ արագությամբ։Մարտի 4-ին կեսօրից հետո տեղումներն աստիճանաբար կդադարեն։ Արկտիկական ցուրտ օդային հոսանքների ներթափանցմամբ պայմանավորված՝ օդի ջերմաստիճանը մարտի 4-ին և 5-ին աստիճանաբար կնվազի 6-8 աստիճանով։

11:01 - 03 մարտի, 2022

Սպասվում է առանց տեղումների եղանակ

Սպասվում է առանց տեղումների եղանակ

Հանրապետության տարածքում փետրվարի 27-ի ցերեկը, 28-ին, մարտի 1-ին, 2-ի գիշերը սպասվում է առանց տեղումների եղանակ: Մարտի 2-ի կեսօրից հետո, 3-ին ժամանակ առ ժամանակ շրջանների զգալի մասում, 4-ին առանձին շրջաններում սպասվում են տեղումներ, առանձին հատվածներում հնարավոր է ամպրոպ:Քամին՝ հարավային՝ 2-5 մ/վ, մարտի 2-3-ն առանձին շրջաններում սպասվում է քամու ուժգնացում` 18-23 մ/վ արագությամբ:Օդի ջերմաստիճանն էապես չի փոխվի։ Երևան քաղաքում փետրվարի 27-ի ցերեկը, 28-ին, մարտի 1-ին, 2-ի գիշերը, 4-ին սպասվում է առանց տեղումների եղանակ։ Մարտի 2-ի երեկոյան ժամերին, 3-ին ժամանակ առ ժամանակ սպասվում է անձրև, հնարավոր է ամպրոպ։ Մարտի 2-3-ը սպասվում է քամու ուժգնացում՝ 12-15 մ/վ արագությամբ։

15:15 - 27 փետրվարի, 2022

Օդի ջերմաստիճանը կբարձրանա ևս 2-3 աստիճանով

Օդի ջերմաստիճանը կբարձրանա ևս 2-3 աստիճանով

Հանրապետության տարածքում փետրվարի 20-ի ցերեկը, 21-25-ը սպասվում է առանց տեղումների եղանակ: Քամին՝ հարավ-արևմտյան՝ 2-5 մ/վ: Օդի ջերմաստիճանը փետրվարի 20-ի ցերեկը կբարձրանա 2-3 աստիճանով։ Երևան քաղաքում փետրվարի 20-ի ցերեկը, 21-25-ը սպասվում է առանց տեղումների եղանակ:

15:22 - 20 փետրվարի, 2022

Հայաստանում օդի ջերմաստիճանը կնվազի

Հայաստանում օդի ջերմաստիճանը կնվազի

Հայաստանի Հանրապետությունում փետրվարի 5-ին և 6-ին օդի ջերմաստիճանը գիշերը կնվազի 8-10 աստիճանով, իսկ ցերեկը՝ 4-6: Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը: Փետրվարի 5-ի ցերեկն՝ առանձին շրջաններում, 10-ի ցերեկը՝ շրջանների զգալի մասում, սպասվում են տեղումներ: Փետրվարի 6-9-ին, 10-ի գիշերը սպասվում է առանց տեղումների եղանակ: Քամին՝ հյուսիսային 2-5մ/վրկ: Փետրվարի 5-ին, 8-10-ին առանձին շրջաններում սպասվում է քամու ուժգնացում 18-23մ/վրկ: Երևանում փետրվարի 5-ի ցերեկը, 6-9-ին սպասվում է առանց տեղումների եղանակ: Փետրվարի 10-ի ցերեկը սպասվում են տեղումներ: Փետրվարի 5-ի ցերեկը սպասվում է քամու ուժգնացում 15-18մ/վրկ։

15:07 - 05 փետրվարի, 2022

Առաջիկա օրերին սպասվում է առանց տեղումների եղանակ

Առաջիկա օրերին սպասվում է առանց տեղումների եղանակ

Հանրապետության տարածքում հունվարի 30-ի ցերեկը, 31-ին, փետրվարի 1-3-ը սպասվում է առանց տեղումների եղանակ: Փետրվարի 4-ին առանձին շրջաններում սպասվում են տեղումներ: Այս մասին հայտնում են հիդրոօդերևութաբանության և մոնիթորինգի կենտրոնից։ Քամին՝ արևմտյան 2-5 մ/վ, հունվարի 31-ին, փետրվարի 2-3-ը առանձին շրջաններում սպասվում է քամու ուժգնացում 17-20 մ/վ: Օդի ջերմաստիճանը հունվարի 31-ից աստիճանաբար կբարձրանա 3-6 աստիճանով: Երևան քաղաքում հունվարի 30-ի ցերեկը, 31-ին, փետրվարի 1-3-ը սպասվում է առանց տեղումների եղանակ: Փետրվարի 4-ին սպասվում են տեղումներ:

14:37 - 30 հունվարի, 2022