ԱՀ Պաշտպանության բանակ

ՊԲ-ն հրապարակել է հայրենիքի պաշտպանության համար մղվող մարտերում նահատակված զինծառայողների անունները

13:51 - 18 նոյեմբերի, 2020

ՊԲ-ն հրապարակել է հայրենիքի պաշտպանության համար մղվող մարտերում նահատակված զինծառայողների անունները

18:15 - 17 նոյեմբերի, 2020

Այն, որ Ղուշչյուլլարի հատվածում ՊԲ 200 զինծառայող հայտնվել է շրջափակման մեջ, կատարյալ ապատեղեկատվություն է․ ՊԲ

Արցախա-ադրբեջանական հակամարտ զորքերի շփման գծի ողջ երկայնքով շարունակվում է լիարժեքորեն պահպանվել հրադադարի ռեժիմը:ՊԲ-ն անցել է իր բնականոն գործունեությանը՝ առաջադրված խնդիրների կատարման համար ներգրավվելով անհրաժեշտ ուժեր ու միջոցներ: Մշտական տեղակայման վայրերում իրականացվում են պլանային միջոցառումներ: Մարտական հերթափոխի փոխարինման ու զինծառայողների սոցիալ-կենցաղային ապահաովման գործընթացը մտնում է բնականոն հունի մեջ: Այս մասին հայտնում է ՊԲ-ն։ Սոցիալական ցանցերում տարածված տեղեկություններն այն մասին, թե իբր ադրբեջանական ուժերը գրոհ են ձեռնարկել Ուրյան բարձունքի ուղղությամբ, իսկ Ղուշչյուլլարի հատվածում ՊԲ 200 զինծառայող հայտնվել է շրջափակման մեջ, կատարյալ ապատեղեկատվություն է: Հրադադարի պահպանման ռեժիմը շարունակում է պահպանվել: Կոչ ենք անում հետևել բացառապես պաշտոնական լրահոսին:

13:18 - 17 նոյեմբերի, 2020

ՊԲ հրամանատար գեներալ-լեյտենանտ Միքայել Արզումանյանի կոչը հայրենակիցներին

ՊԲ հրամանատար գեներալ-լեյտենանտ Միքայել Արզումանյանի կոչը հայրենակիցներին․ «Սիրելի հայրենակիցներ։ Սեպտեմբերի 27-ից նոյեմբերի 9-ը մեր ժողովուրդը ստիպված եղավ դիմակայել Ադրբեջանի, Թուրքիայի, ահաբեկչական խմբավորումների և նրանց հովանավորների միացյալ ագրեսիային: 44 օր շարունակ չափազանց ծանր մարտերի ընթացքում հայ մարտիկը գործեց անօրինակ սխրանքներ, ինչը, ցավոք սրտի, բավական չեղավ, որպեսզի պատերազմն ավարտվի այնպես, ինչպես կցանկանայինք մենք: Կատարվածն ուներ օբյեկտիվ և սուբյեկտիվ բազմաթիվ պատճառներ, որոնք վերլուծվելու են, կատարվելու են անհրաժեշտ ազնիվ և կոշտ հետևություններ: Սակայն այսօր ունենք այն, ինչ ունենք, և մեր հետագա գործունեության համար մեկնարկային կետ պետք է համարենք ոչ թե մեր երազանքներն, այլ ձևավորված իրողությունները, իսկ երազանքները կարող են և պե՛տք է լինեն նպատակ, ինչին պիտի հասնենք միահամուռ լարված աշխատանքով: Այդ նպատակների իրագործման համար առավել քան երբևէ բոլորիս անհրաժեշտ է միասնականություն, պետական մտածողություն և անձնական պատասխանատվության զգացողություն: Բոլորիս անհրաժեշտ է տարածվող անհիմն շշուկներին, իրականության հետ որևէ կապ չունեցող առասպելներին, տարաբնույթ հերյուրանքներին վերջ տալու կամք և վճռականություն: Իրականությունն այն է, որ Արցախը կա և լինելու է: Արցախի անվտանգության հիմնական երաշխավորը՝ պաշտպանության բանակը, պատերազմից դուրս է եկել ծանր հարվածներ կրած, սակայն ավելի քան միասնական, կարգապահ և պատրաստ շարունակել կատարել հայրենիքը պաշտպանելու իր առաքելությունը: Բանակը պահպանել է իր կուռ կառուցվածքը, կառավարման համակարգը, միանձնյա ղեկավարման սկզբունքի վրա հիմնված զինվորական աստիճանակարգությունը, կենսականորեն կարևոր ենթակառուցվածքը, իսկ բոլոր փոփոխությունները, որոնք կատարվելու են առաջիկայում, նպատակաուղղված են լինելու ոչ թե բանակի կազմալուծմանը, այլ բանակի կատարելագործմանն ու մարտունակության աստիճանի որակապես աննախադեպ բարելավմանը: Անհիմն խոսակցություններն ազնիվ չեն առաջին հերթին այն զինվորների և սպաների նկատմամբ, ովքեր այս պահին էլ մարտական դիրքերում իրականացնում են իրենց ծառայությունը: Բանակի հրամանատարության, միավորումների և զորամասերի, տարբեր ստորաբաժանումների հրամանատարների, սպայակազմի, պայմանագրային և ժամկետային զինծառայողների տեսլականը մեկն է՝ ապահովել մեր երկրի պաշտպանությունը, ապահովել մեր ժողովրդի՝ իր հայրենիքում ապրելու իրավունքը: Այդ գերնպատակի իրագործմանն իրենց կյանքն են նվիրաբերել մեր բազմաթիվ զինակից եղբայրներն ու քույրերը, վստահ եմ, որ կարողանալու ենք արժանի լինել նրանց զոհողությանը»:

15:05 - 15 նոյեմբերի, 2020

ՊԲ-ն հրապարակել է հայրենիքի պաշտպանության համար մղվող մարտերում նահատակված զինծառայողների անունները

12:37 - 15 նոյեմբերի, 2020

Եղնիկներում ՊԲ ստորաբաժանումները շարունակելու են իրականացնել մարտական հերթապահություն․ ՊԲ

Համացանցում ակտիվորեն շահարկվող լուրերն այն մասին, թե իբր «Եղնիկներ»-ի զորամասի մարտական հերթապահություն իրականացնող անձնակազմը պետք է լքի զբաղեցրած դիրքերը և որին իբր ընդդիմանում է հրամանատար Կարեն Ջալավյանը, իրականությանը չի համապատասխանում: Այս մասին հայտնում է Արցախի ՊԲ-ն։ Տվյալ տեղամասում ՊԲ ստորաբաժանումները շարունակում և շարունակելու են իրականացնել մարտական հերթապահություն:

15:13 - 13 նոյեմբերի, 2020

ՊԲ-ն հրապարակել է հայրենիքի պաշտպանության համար մղվող մարտերում նահատակված զինծառայողների անուններ

15:06 - 13 նոյեմբերի, 2020

ՊԲ-ն հրապարակել է հայրենիքի պաշտպանության համար մղվող մարտերում նահատակված զինծառայողների անունները

13:25 - 10 նոյեմբերի, 2020

Ճակատային գծի ամբողջ երկայնքով թշնամական ուժերը կիրառում են հրետանի՝ նախապատրաստելով գրոհ զարգացնել Մարտունի-Կարմիր շուկա ուղղություններով

Ճակատային գծի բոլոր հիմնական ուղղություններում հակառակորդը հասցնում է հրթիռահրետանային հարվածներ և զանգվածաբար կիրառում հարվածային անօդաչու թռչող սարքեր՝ թիրախավորելով նաև խաղաղ բնակավայրերը, քաղաքացիական ենթակառուցվածքները և անգամ քաղաքացիական մարդատար ավտոմքենաները: Այս մասին հայտնում են Պաշտպանության բանակի մամուլի ծառայությունից։ Ճակատային գծի ամբողջ երկայնքով թշնամական ուժերը կիրառում են հրետանի՝ նախապատրաստելով գրոհ զարգացնել Մարտունի-Կարմիր շուկա ուղղություններով:ՊԲ ստորաբաժանումները տիրապետում են օպերատիվ-մարտավարական իրավիճակին՝ համապատասխան քայլեր ձեռնարկելով իրադրության հետագա զարգացումը վերահսկողության տակ պահելու համար:

01:09 - 10 նոյեմբերի, 2020

ՊԲ ստորաբաժանումները վճռականորեն պաշտպանել եւ պաշտպանում են Շուշին․ ՊԲ ներկայացուցիչ Սուրեն Սարումյան

22:24 - 09 նոյեմբերի, 2020

Ջալալ Հարությունյանը ապաքինվում է, բացասական միտումներ չկան․ ԱՀ նախագահի խոսնակ |armtimes.com|

armtimes.com: Արցախի ՊԲ նախկին հրամանատար, գեներալ-լեյտենանտ Ջալալ Հարությունյանը ապաքինման փուլում է գտնվում։ Այս մասին հայտնեց ԱՀ նախագահի խոսնակ Վահրամ Պողոսյանը։ Պողոսյանը նշեց, որ Հարությունյանի առողջական վիճակում բացասական միտումներ չկան։ Ջալալ Հարությունյանի մարտական դիրքում ստացած վիրավորման մասին հայտնի էր դարձել հոկտեմբերի 27-ին, ինչով պայմանավորված էլ վերջինս ազատվեց զբաղեցրած պաշտոնից։ Հարությունյանին շնորհվել է «Արցախի հերոս»-ի կոչում։

15:11 - 09 նոյեմբերի, 2020

ՊԲ-ն հրապարակել է հայրենիքի պաշտպանության համար մղվող մարտերում նահատակված զինծառայողների անունները

ՊԲ-ն հայտնել է հայրենիքի պաշտպանության համար մղվող մարտերում նահատակված զինծառայողների անունները․ Գրիգորյան Կարեն Արբենի, ծնվ. 2001թ.Սահակյան Արմեն Արմանի, ծնվ. 2000թ.Պահեստազորային Դադամյան Արմեն Վալերիի, ծնվ. 1980թ.Պահեստազորային Ծատրյան Ալբերտ Արթուրի, ծնվ. 1991թ.Պահեստազորայի Գագրեյան Գոռ Ստյոպայի, ծնվ. 1996թ.Կամավորական Ավետիսյան Մարտուն Պապիշի, ծնվ. 1960թ.Գրիգորյան Արթուր Վոլոդյայի, ծնվ. 1977թ.Հովհաննիսյան Վարդան Գևորգի, ծնվ. 2001թ.Հովհաննիսյան Գառնիկ Կարենի, ծնվ. 2001թ.Գալստյան Տիգրան Գառնիկի, ծնվ. 2000թ.Սուքիասյան Ստյոպա Սարդարի, ծնվ. 2001թ.Կիրակոսյան Հայկ Արծվիկի, ծնվ. 1986թ.Կամավորական Բարսեղյան Ռոբերտ Վարազդատի, ծնվ. 1998թ.Եգանյան Գառնիկ Ֆելիքսի, ծնվ. 2001թ.Զաքարյան Գառնիկ Սիսակի, ծնվ. 1976թ.Գալստյան Վաղարշակ Սերյոժայի, ծնվ. 1989թ.Մանուկյան Արարատ Գագիկի, ծնվ. 1983թ.Վարդանյան Արտակ Հուսիկի, ծնվ. 1986թ.Կամավորական Խաչատրյան Կիմ Սիմոնի, ծնվ. 1995թ.Արշակյան Ռուբեն Սամվելի, ծնվ. 1983թ.Կարապետյան Հմայակ Գրիշայի, ծնվ. 1979թ.Չոբանյան Հարություն Սարգսի, ծնվ. 1993թ.Կամավորական Գրիգորյան Դավիթ Կամոյի, ծնվ. 1996թ.Գալստյան Արթուր Սուրենի, ծնվ. 1964թ.Ասատրյան Կարեն Գևորգի, ծնվ. 1980թ.Պահեստազորային Ադամյան Գենադի Գեորգիի, ծնվ. 1956թ.Հակոբյան Կարապետ Նշանի, ծնվ. 1997թ.Պողոսյան Արթուր Սիսակի, ծնվ. 1997թ.Բաբաջանյան Գևորգ Դավթի, ծնվ. 2001թ.Մինասյան Արմեն Սմբատի, ծնվ. 2001թ.Մելիքսեթյան Կարեն Արմենի, ծնվ. 2001թ.Կարապետյան Հրահատ Փայլակի, ծնվ. 1983թ.Բաբայան Աշոտ Մանասերի, ծնվ. 1983թ.Պահեստազորային Գաբրիելյան Գագիկ Ավետիսի, ծնվ. 1952թ.Պետիկյան Կարեն Վարդանի, ծնվ. 1998թ.Տիգրանյան Առաքել Տիգրանի, ծնվ. 2002թ.Սուքիասյան Հայկ Արտուշի, ծնվ. 1996թ.Սողոմոնյան Արտակ Սողոմոնի, ծնվ. 1990թ.Սուքիասյան Հարություն Արմենի, ծնվ. 1997թ.Մարգարյան Սերյոժա Հմայակի, ծնվ. 1991թ.Շահինյան Հակոբ Արտակի, ծնվ. 1987թ.Պահեստազորային Հարությունյան Գրիգոր Լևոնի, ծնվ. 1984թ.Փանդունց Սոս Մուշեղի, ծնվ. 2001թ.Պահեստազորային Հարությունյան Հովհաննես Ժիրայրի, ծնվ. 1991թ.

10:28 - 09 նոյեմբերի, 2020

Շուշի-Քարին տակ հատվածում թշնամական հայտնաբերված խմբավորումները, կորցնելով մեծ քանակությամբ ուժեր, նահանջել են

ԱՀ ՊԲ-ից հայտնում են, որ նոյեմբերի 8-ին և լույս 9-ի գիշերը ՊԲ ստորաբաժանումները պաշտպանողական մարտեր են վարել ճակատային գծի հարավ-արևելյան, հարավային և հարավ-արևմտյան ուղղություններում: Շուշի-Քարին տակ հատվածում ինտենսիվ մարտեր են ընթացել թշնամական հայտնաբերված խմբավորումների դեմ, որի արդյունքում վերջինս, կորցնելով մեծ քանակությամբ ուժեր, նահանջել է: Յուրային զորքերը զբաղեցրել են առավել նպաստավոր բնագծեր: Նշված ժամանակահատվածում ճակատային գծի տարբեր ուղղություններում ոչնչացվել է թշնամական ուժերին պատկանող 1 տանկ, 4 միավոր ավտոտեխնիկա և 8 անօդաչու թռչող սարք: Հարավ-արևմտյան հատվածում ընթացող գործողությունների արդյունքում բանակային ստորաբաժանումները առգրավել են նաև թշնամական 1 տանկ և հրետանային միջոցներ: Մարտական գործողությունների վարման ամբողջ ընթացքում հակառակորդը շարունակել է ավիացիոն և հրթիռահրետանային հարվածներ հասցնել Արցախի Հանրապետության խաղաղ բնակավայրերին: Առավոտյան ճակատային գծի բոլոր հիմնական ուղղություններով թշնամական ուժերի հարձակման փորձերը վերսկսվել են: Օպերատիվ-մարտավարական իրադրությունը գտնվում է ՊԲ ստորաբաժանումների վերահսկողության ներքո:

10:17 - 09 նոյեմբերի, 2020

Խոցվել են թշնամական ուժերի անձնակազմ տեղափոխող 2 միավոր ավտոտեխնիկա և 4 ԱԹՍ․ ՊԲ

Նոյեմբերի 6-ին և լույս 7-ի գիշերը ճակատային գծի բոլոր հիմնական ուղղություններում մարտական գործողությունները շարունակվել են: Առավել համառ ու ինտենսիվ մարտեր են ընթացել Շուշի-Քարին տակ հատվածում: Այս մասին հայտնում է ԱՀ Պաշտպանության բանակը։ «Բանակային ստորաբաժանումները հաջողությամբ կասեցրել են թշնամական ուժերի հարձակման բազմակի փորձերը՝ ոչնչացնելով մեծ քանակությամբ մարդկային ուժ: Նշված ժամանակահատվածում առանձնահատուկ արդյունավետությամբ աչքի են ընկել հատկապես ՊԲ հրետանային ստորաբաժանումները: Օպերատիվ-մարտավարական իրադրությունը ճակատային գծի բոլոր ուղղություններում մնացել է անփոփոխ: Անփոփոխ է մնացել նաև մարտական գործողություններին զուգահեռ հանրապետության խաղաղ բնակավայրերը հրթիռահրետանային կրակով թիրախավորելու՝ թշնամական ուժերի մարտավարությունը: Հարավ-արևելյան և հարավային ուղղություններում յուրային ուժերի կողմից խոցվել է նաև թշնամական ուժերի անձնակազմ տեղափոխող 2 միավոր ավտոտեխնիկա և 4 ԱԹՍ: Թշնամական ուժերի կողմից հարձակման փորձերը հիմնական ուղղություններում շարունակվում են: ՊԲ ստորաբաժանումները անհրաժեշտ միջոցառումներ են իրականացնում դրանք կասեցնելու, հակառակորդի խմբավորումների հայտնաբերման և կրակային խոցման ուղղությամբ»,- նշված է հաղորդագրության մեջ։

10:31 - 07 նոյեմբերի, 2020

Այսօր հետախույզի օրն է․ հետախույզներն ու հատուկ նշանակության ջոկատայինները իրականացրել ու շարունակում են կատարել մեծ բարդության հատուկ գործողություններ․ ՊԲ

Այսօր՝ նոյեմբերի 5-ին, զինված ուժերի տոնացույցի համաձայն, ՊԲ-ի հետախույզներն ու հատուկ նշանակության ջոկատայինները ավանդաբար նշում են իրենց մասնագիտական տոնը: Այս մասին հայտարարություն է տարածել Պաշտպանության բանակը։ «Ինչպես ադրբեջանա-արցախյան 1-ին պատերազմի և ապրիլյան դիմակայության օրերին, այնպես էլ սեպտեմբերի 27-ին վերսկսված և առայսօր շարունակվող պատերազմական գործողությունների ընթացքում, բանակի հետախույզներն ու հատուկ նշանակության ջոկատայինները անմնացորդ նվիրումով, անձնազոհաբար ու որ ամենակարևորն է՝ պատրաստության գերազանց մակարադակով, ճակատային գծի՝ անխտիր բոլոր ուղղություններում իրականացրել ու շարունակում են կատարել մեծ բարդության հատուկ գործողություններ՝ հսկայական մարդկային ու ռազմատեխնիկական կորուստներ պատճառելով թշնամական ուժերին: ՊԲ-ի կողմից իրականացված ու հանրության դատին ներկայացված բազմաթիվ հաջողված գործողությունների հետևում հենց հետախուզական ու հատուկ նշանակության ստորաբաժանումների զինծառայողներն են՝ պահեստազորից համալրված իրենց ավագ զինակիցների հետ միասին: Տասնյակ հետախույզներ ու հատուկ նշանակության ջոկատայիններ, որոնց անունները և կատարած գործողությունները ենթակա չեն հրապարակման, ներկայացված են պետական բարձր պարգևների: Ցավոք, պատերազմական գործողությունների ընթացքում զորատեսակի մի շարք ներկայացուցիչներ արիաբար մարտնչելով անմահացել են, սակայն նրանց ընկերները շարունակում են ամեն օր հերոսական նոր դրվագներ կերտելով բարձր պահել հետախույզի անունն ու պատիվը և իրենց անուրանալի նպաստը բերել թշնամական ուժերի վերջնական ջախջախման գործին»:

19:09 - 05 նոյեմբերի, 2020

Բերձորից հարավ-արևելք թշամական ուժերը նախաձեռնել են հարձակում, ՊԲ ստորաբաժանումները խոցել են, 3 տանկ կասեցրել հարձակումը

Այսօր՝ ժամը 10:30-ի սահմաններում, Բերձոր քաղաքից հարավ-արևելք ընկած ճակատային գծի հատվածում թշնամական ուժերը զրահատեխնիկայի ներգրավմամբ նախաձեռնել են հերթական հարձակումը: Այս մասին հայտնում են Պաշտպանության բանակից։ «ՊԲ ստորաբաժանումները, անցնելով պաշտպանության, հստակորեն իրականացրել են առաջադրված մարտական խնդիրները և խոցելով հակառակորդի 3 տանկ կասեցրել վերջինիս հարձակումը: Ժամը 12:55-ի սահմաններում թշնամին նույն ուղղությամբ ձեռնարկել է հերթական հարձակումը և, կորցնելով ևս 2 տանկ ու 2 հետևակի մարտական մեքենա, դարձյալ հետ է շպրտվել ելման դիրքեր: Ճակատային գծի տվյալ հատվածում ներկա պահին մարտերը շարունակվում են: ՊԲ-ն վերահսկում է օպերատիվ-մարտավարական իրադրությունը»,- ասված է ՊԲ հաղորդագրության մեջ։

14:06 - 04 նոյեմբերի, 2020