15:13 - 21 նոյեմբերի, 2019
Պետդուման վավերացրել է ԵՏՄ ներմուծվող ապրանքների հսկման մեխանիզմի մասին համաձայնագիրը |news.am|
new.am: Հինգշաբթի ՌԴ Պետդումայի նիստում վավերացվել է Եվրասիական տնտեսական միության մաքսային տարածք ներմուծված ապրանքների հսկման մեխանիզմի մասին համաձայնագիրը, որն ուղղված է ԵՏՄ տարածքում ապրանքների գորշ ներմուծմանը եւ ստվերային շրջանառությանը հակազդելուն, փոխանցում է ՏԱՍՍ-ը:
Փաստաթղթով նախատեսվում է հսկման ազգային համակարգերի տեղեկությունների փոխանակում՝ Եվրասիական տնտեսական հանձնաժողովի Խորհրդի հաստատած ցուցակից ապրանքների շրջանառության հսկողության ապահովման համար: Համաձայնագրով հաստատվում են նաեւ հսկման ազգային համակարգերին ներկայացվող պահանջները:
Ըստ պարզաբանող նյութերի՝ այսպիսով պայմաններ են ստեղծվում, որոնք արգելափակում են մաքսային եւ հարկային վճարումներից խուսափելու համակարգերի օգտագործումը: Սա նաեւ թույլ կտա հաստատել ապրանքների շրջանառության օրինականությունը դրանք ԵՏՄ անդամ մի պետությունից մյուսը փոխադրելու ժամանակ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)