Այս գիշեր Երևանի կենդանաբանական այգում իրականացված աշխատանքների արդյունքում տարածքում հայտնաբերվել և բռնվել են թվով 5 թափառող շներ։ Այս մասին փոխանցում են Երևանի Կենդանաբանական այգու մամուլի ծառայությունից:
Շները թմրեցվել են հատուկ հեռահար թմրեցման սարքի միջոցով, տեղադրվել վանդակների մեջ և պահվել Երևանի կենդանաբանական այգու կլինիկայի տարածքում, իսկ այսօր կեսօրին փոխանցվել են «Թափառող կենդանիների վնասազերծման կենտրոն» ՀՈԱԿ աշխատակիցներին, որտեղ արդեն կիրականացվեն հետագա գործողությունները։
Երևանի Կենդանաբանական այգու մամուլի ծառայությունից հայտնում են նաև, որ այս գիշեր որևէ կենդանու անկում չի գրանցվել:
comment.count (0)