18:23 - 20 դեկտեմբերի, 2023
Նախագահ Խաչատուրյանը Կոմֆորտ Էրոյին մանրամասներ է ներկայացրել «Խաղաղության խաչմերուկ» ծրագրի վերաբերյալ
Հանրապետության նախագահ Վահագն Խաչատուրյանն ընդունել է Միջազգային ճգնաժամային խմբի նախագահ Կոմֆորտ Էրոյի գլխավորած պատվիրակությանը:
Ողջունելով հյուրերին նախագահը նշել է, որ դեռևս 1990-ականներից արդյունավետ շփումներ է ունեցել խմբի հետ և բարձր է գնահատել Միջազգային ճգնաժամային խմբի գործունեությունն ու բազմաշերտ վերլուծությունները, որոնք կարևոր դեր ունեն քաղաքական որոշումների կայացման գործում:
Կոմֆորտ Էրոն շնորհակալություն հայտնելով ընդունելության համար նշել է, որ Հարավկովկասյան տարածաշրջանը և, մասնավորապես, ղարաբաղյան հակամարտությունը մշտապես եղել են խմբի ուշադրության կենտրոնում:
Հանդիպման ընթացքում քննարկվել են տարածաշրջանային ընդհանուր իրողություններն ու զարգացումները: Այս համատեքստում Հանրապետության նախագահը մանրամասներ է ներկայացրել Հայաստանի առաջ քաշած «Խաղաղության խաչմերուկ» ծրագրի վերաբերյալ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)