11:37 - 12 փետրվարի, 2024
Կենտրոն վարչական շրջանում լայնակի բոլոր լարանցումները կիջեցվեն գետնի տակ Ամիրյան փողոցի օրինակով |news.am|
news.am: Երևանի Թումանյան և Վարդանանց փողոցներում լարերը գետնի տակ անցկացնելու պրոցեսը շարունակվում է: Այդ մասին զեկուցվեց Երևանի քաղաքապետարանի գործակարգավարական խորհրդակցությանը:
Քաղաքապետի խորհրդական Կամո Արեյանը նկատեց, որ պետք է նաև զուգահեռ աշխատանք իրականացնել Կենտրոն վարչական շրջանում՝ Ամիրյան փողոցի օրինակով լայնակի բոլոր լարանցումները գետնի տակ իջեցնելու նպատակով:
Երևանի քաղաքապետ Տիգրան Ավինյանը հաստատեց. «Բոլորի հետ պետք է խոսել, երբ որ մենք լարերը անցկացնում ենք գետնի տակ, մասնավոր բոլոր լարերն էլ իմանան (մասնավոր լարերի տերերը - խմբ.), որ նույնպես պետք է այդ պրոցեսի մասնակից լինեն: Այսինքն՝ չենք կարող այնտեղ աշխատանք անել, ու ինչ-որ մի բան կախված մնա»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)