Մարդու իրավունքների պաշտպան Անահիտ Մանասյանի հանձնարարությամբ Պաշտպանի ներկայացուցիչները մեկնել են Ոստիկանության բաժիններ՝ հավաքի վայրից բերման ենթարկված անձանց տեսակցելու և նրանց իրավունքների ապահովման վիճակին տեղում ծանոթանալու նպատակով:

Ավելի վաղ տեղեկացրել էինք՝ ոստիկանություն տարված քաղաքացիների թիվնը 17։30-ի դրությամբ 42 է։ Այս մասին «Ինֆոքոմ»-ի հարցին ի պատասխան՝ Ոստիկանության լրատվական բաժնից։

Ոստիկանության գնդապետ Պետրոսյանը Բագրատ Սրբազանի հարցին ի պատասխան տեղեկացրեց․ «Դեմիրճյան-Պռոշյան երթեւեկելի հատվածում է եղել, ոստիկանությունը նախապես հայտարարություն է արել, որ դուրս գան այդ հատվածից, դուրս չեն եկել, որից հետո տվյալ պահանջը չկատարելու համար, այո, որոշ քաղաքացիներ բերման են ենթարկվել։ Պահանջը ներկայացվել է, պահանջը պետք է կատարվի»,- ասաց նա՝ հավելելով, որ Պռոշյանից դեպի Բաղրամյան հատվածով քաղաքացիները կարող են գալ։ 

 Պատգամավոր Արթուր Սարգսյանը, սակայն, պնդեց՝ ինքն այդ կողմից է եղել, եւ ոստիկանները այդտեղ եւս պատ էին կազմել։ Հարցին՝ հնարավոր չէ՞ մի վայրկյան բացել, թողնել, որ քաղաքացիները միանան իրենց, գնդապետը պատասխանեց․ ««Ոստիկանության մասին» օրենքի համաձայն՝ այդ հատվածում ապահովում ենք տվյալ շենքի՝ կեցավայրի ազատ մուտքն ու ելքը»։