11:35 - 12 մարտի, 2020
Էրիկ Գրիգորյանը մասնակցել է շրջակա միջավայրի ոլորտում բարեփոխումներին վերաբերող քննարկման
Շրջակա միջավայրի նախարար Էրիկ Գրիգորյանը մասնակցել է շրջակա միջավայրի ոլորտում իրականացված բարեփոխումներին վերաբերող կլոր-սեղան քննարկմանը:
Միջոցառման նպատակն էր շահագրգիռ գործընկերներին ներկայացնել շրջակա միջավայրի նախարարության կողմից նախաձեռնված և ներկայումս ընթացող բարեփոխումների շարքը՝ օրենսդրական կարգավորումների, կայուն անտառկառավարման և կենսաբազմազանության ու բնության հատուկ պահպանվող տարածքների պահպանության ոլորտում։ Բարեփոխումների հիմքն ու նախապայմանը 2019 թվականի նոյեմբերի 11-ին Հայաստանի Հանրապետության և Վերականգնման վարկերի բանկի միջև ստորագրված «Քաղաքականության վրա հիմնված վարկ-Շրջակա միջավայրի պահպանություն» վարկային համաձայնագիրն էր։
Քննարկմանը մասնակցում էին շրջակա միջավայրի նախարարության մասնագիտական ստորաբաժանումների և համակարգի կառույցների ղեկավարներ, շահագրգիռ գերատեսչությունների, մարզպետարանների, միջազգային զարգացման գործակալությունների և ոչ կառավարական կազմակերպությունների ներկայացուցիչներ։
Հանդիպման ընթացքում ոլորտի մասնագետները ներկայացրել են շրջակա միջավայրին առնչվող օրենսդրական և ինստիտուցիոնալ բարեփոխումները, կենսաբազմազանության պահպանության, հատուկ պահպանվող տարածքների կառավարման, անտառների կայուն զարգացման, մասնավորապես՝ ապօրինի անտառահատման կանխարգելման և անտառօգտագործման, անտառապատման ու անտառվերականգնման արդյունավետության բարձրացման միջոցառումները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)