armtimes.com: Երեկվանից պաշտպանության նախարարության մուտքերը և ելքերը անետ կորած և զոհված զինծառայողների հարազատները շարունակում են փակ պահել: Հարազատները պնդում են՝ մինչև չստանան իրենց հուզող հարցերի պատասխանները, թե որտեղ են իրենց զավակաները, չեն հեռանալու:
ՊՆ աշխատակիցները չեն կարողանում դուրս գալ նախարարության շենքից: Շատերը ֆեյսբուքյան իրենց էջերում հայտնում են, որ ամբողջ գիշեր լուսացրել են իրենց աշխատասենյակների պատուհանների մոտ, մի շարք աշխատակիցներ էլ նշում են՝ տարբեր հարցերով դեռ երեկ դուրս են եկել ՊՆ շենքից և այլևս չեն կարողանում վերադառնալ իրենց աշխատանքին:
Նշենք, որ անհետ կորած եւ գերեվարված զինծառայողների հարազատները լրատվամիջոցներին չեն թույլատրում լուսաբանել, տեսանկարահանել ակցիան:
comment.count (0)