08:36 - 03 ապրիլի, 2019
ՏԻՄ ընտրություններից հետո Մուշում արգելվել է ցույցեր կազմակերպել |ermenihaber.am|
ermenihaber.am։ Թուրքիայի քրդաբնակ Մուշ նահանգում 15 օրով արգելվել է կազմակերպել հանրահավաքներ, ցույցեր, երթեր, ինչպես նաև կազմակերպել մամուլի ասուլիսներ։
Ըստ նահանգապետարանի՝ նման որոշում է կայացվել անվտանգության նկատառումներից ելնելով և «սադրիչ» գործողություններից խուսափելու համար։ Այս մասին հաղորդում է Sendika.com.tr-ը։
Նշենք, որ Մուշ նահանգում Թուրքիայի քրդամետ «Ժողովուրդների դեմոկրատական» կուսակցությունը (ԺԴԿ-ԱԶԿ) մարտի 31-ին տեղի կայացած ՏԻՄ ընտրություններում պարտություն էր կրել՝ զիջելով իշխող «Արդարություն և զարգացում» կուսակցությանը (ԱԶԿ-AKP)։
Մուշի քաղաքապետի պաշտոնի համար իր թեկնածությունն առաջադրած քրդամետ կուսակցության անդամ Սըրը Սաքըքը հայտնել է, որ իրենք բողոքարկելու են ընտրության արդյունքները։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)