Բուենոս Այրեսի քաղաքապետարանը հավանություն է տվել Հայոց ցեղասպանությանը նվիրված թանգարանի կառուցմանը, գրում է asbarez.com-ը։
Թանգարանը կկառուցվի Հայոց ցեղասպանության հիշատակի հիմնադրամի կողմից՝ մայրաքաղաքի Պալերմո արվարձանում հայկական համայնքի կենտրոնին մոտ Գուրրուչագա փողոցում։
Քաղաքապետարանը հիմնադրամին թանգարանի կառուցման համար 30 տարի է հատկացրել, որը կարող է երկարաձգվել։
Թանգարանի շրջանակում կստեղծվի նաև Արգենտինայում հայկական հետքի արխիվ, ինչպես նաև ցեղասպանության գրադարան և արխիվ։
Արգենտինան Հայոց ցեղասպանությունը ճանաչած առաջին երկրների շարքում է։ 1987թ․-ին երկրի նախագահ Ռաուլ Ալֆոնսինը Օսմանյան Թուրքիայի կողմից 1915-1923թթ․ իրականացված 1,5 մլն հայերի կոտորածը ցեղասպանություն է որակել։
2007թ․-ին Արգենտինայում ապրիլի 24-ը, ի հիշատակ Հայոց ցեսապանության, մարդկանց միջև հանդուրժողականության և հարգանքի օր է հռչակվել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)