Կառավարության երրորդ մասնաշենքի աշխատակիցներին շենքից տարհանել են։ Ինչպես հայտնեցին Արտակարգ իրավիճակների նախարարությունից, քիչ առաջ ահազանգ է ստացվել, որ շենքի ներսում ռումբ կա տեղադրված։ Աշխատակիցներին մասնաշենքից տարհանել են, մինչ ահազանգի իսկությունը կպարզվի։ Այս պահին շենքի ներսում աշխատանքներ են տարվում։
Կառավարական մասնաշենքն անվտանգության ժապավենով առանձնացվել է, դեպքի վայր են ժամանել ԱԻՆ-ի մարտական հաշվարկ ու շտապօգնության ավտոմեքենա։ Այս շենքում են տեղակայված առողջապահության, աշխատանքի և սոցիալական հարցերի, գյուղատնտեսության նախարարությունները, քաղաքաշինության կոմիտեն և այլ պետական կառույցներ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)