19:49 - 07 հոկտեմբերի, 2022
Սփյուռքի գլխավոր հանձնակատարը և Ֆրանսիայի դեսպանը քննարկել են առաջիկայում կայանալիք Համաշխարհային հայկական գագաթնաժողովը
Սփյուռքի գլխավոր հանձնակատար Զարեհ Սինանյանն ընդունել է Հայաստանում Ֆրանսիայի արտակարգ և լիազոր դեսպան Անն Լյուոյին։
Ինչպես տեղեկացրին Սփյուռքի գլխավոր հանձնակատարի գրասենյակից, հանդիպման ընթացքում կողմերը խոսել են Հայաստանում տիրող իրավիճակի և զարգացումների մասին: Բացի այդ, քննարկվել է առաջիկայում կայանալիք Համաշխարհային հայկական գագաթնաժողովը, որը մեծ նշանակություն ունի Հայաստանի և սփյուռքի համար:
Ըստ աղբյուրի՝ դեսպանը կարևորել է իր և «իԳործ» ծրագրի ֆրանսախոս մասնակիցների հանդիպումը և նրանց հետ համագործակցության հույս հայտնել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)